烏龍燒 (已結業)

我其中一樣最鍾意嘅食物就係串燒，細細個買串燒嘅時候，都有幻想過將來開一間串燒店呢當然大個咗，見到香港舖租咁貴，就知呢個願望無可能達成。但係，喺旺角白布街既呢間烏龍燒，小女子終於一嘗做串燒店老闆娘嘅滋味，不過係自己燒比自己食呢。未講食物，先講環境。坦白講，張枱都幾細，以相中既二人枱為例，撇除啲立立雜雜嘅嘢，例如個爐同埋自己食野隻碟之外，大約放到四碟嘢食，所以大家叫嘢食嘅時候都可以分開幾round叫。每個爐上面都有個抽氣我燒左個零兩個鐘之後，個身都唔會好大陣串燒味每個爐旁邊本身設有孜然粉、七味粉、蜜糖同埋沙嗲汁，仲有一兜豉油。餐牌上仲有幾款調味粉可以選擇，兩個人可以免費選一款，再加嘅話就每款＄5。服務方面，雖然呢間串燒店係自助燒烤既形式，但係唔代表店員淨係落單上菜就算，店員有定期過嚟幫我地睇吓火，又或者幫我睇下啲食物燒成點，非常體貼同細心冇咗佢地，我今晚嘅串燒店老闆娘體驗都唔會咁成功呢！沙律醬燒蟹棒 $33/4條蟹棒本身鮮甜，沙律醬就提升咗蟹棒嘅鮮味。呢款上碟嘅時候已經食得，燒得剛剛好，唔會乾爭爭燒三式雞中翼 $29蒜蓉味、黑椒味同蜜汁雞翼各一隻，29蚊既價錢略貴。三款雞翼都醃得唔夠入味，

夜晚收工嘅時候已經九點幾，見有啲夜就約埋幾個朋友去旺角食串燒呢間烏龍燒嘅位置都好好搵，而且佢附近仲有好幾間開到好嘢嘅鋪頭，一去到門口就聞到好香嘅燒烤味店員安排我哋坐低之後我哋就即刻睇下食啲咩好，每一張枱上面都有一個自己嘅烤爐，自己燒又好玩又好味然後我哋去咗一啲唔同嘅嘢食必食嘅一定係韭菜，店員幫我地將啲韭菜燒得好香之後我哋仲帶咗一啲丸、大蘑菇同埋一啲台灣腸黎燒仲有不得不介紹佢哋嘅生蠔，一set有三件蠔，再加埋啲蒜一齊燒勁香勁惹味仲有我哋帶咗雞翼，而呢個雞翼一set有三隻味，分別有蒜蓉、黑椒同埋蜜糖，自己可以慢慢燒，將雞翼燒到金黃脆口仲有仲有不得不介紹呢個菜甫玉子燒，店員會先教咗我哋應該點樣燒，如果我哋唔識佢哋都會好熱心咁樣黎幫我地呢個玉子燒蛋香味濃，而且加埋啲菜甫粒食，爽口得黎又夠香最後食燒烤點能夠冇嘢飲呢，我哋就帶咗一個杞子龍眼肉茶，同埋一個沙冰，飲落去即時都好解渴，不過就細杯啲呢一間烏龍燒係開放式冇冷氣嘅，夏天食可能會出一啲汗，如果冬天黎食就一流下次要約埋一大班朋友一齊黎自己燒嘢食，好玩得黎又好味

Among ones we had, sea snails, octopus tentacles, beef and lamb skewers and sweet potatoes were especially yummy! Service is good and you can get a decent outside BBQ ambience from this restaurants. Willing to come again.

星期六晚睇完午夜場已經半夜兩點，要找地方坐低傾計醫肚不容易。搵到呢間自己落手燒嘅串燒店，Openrice資料顯示星期六關門時間為0400。亦再致電到餐廳查詢，明確回覆last order２點半，但客人可以繼續燒，食到4點。好可惜，last order後幾位職員不停響你後面眼望望，唉聲嘆氣期間仲有幾句怨言「仲未收得工呀」「我都想走囉」。又要埋嚟幫你燒，其實我地係未食完前期嘅串燒，全部堆哂去燒，燒得太快根本未食得切。而最後order嘅柚子雪葩嚟到之後就望實你一啖一啖咁食，準備一食完佢就要收起你Ｄ餐具… 食都食得好有壓力。食物方面其實係唔錯，黑松露墨魚滑好彈牙；安格斯牛柳肉質唔錯幾入味；整體都幾乾淨，中規中矩；柚子雪葩幾特別，柚子味清甜而雪葩帶酸，互相衝擊～重申一次，環境冇問題，食物亦可以，唯一係店員嘅態度有問題：除咗冇心裝載，更想你唔好要求佢地換個爐嘅gas／加單增加佢地工作量，而最主要係唔好再阻住佢地收鋪。如果營業時間有變，電話對話中就請唔好指明可以食到4點。同時，強烈建議更改在openrice顯示的營業時間，免得其他客人白行一趟及失望而回。

第一次食串燒，來到白布街這間烏龍燒，雖然地方不大，但感覺舒服，Menu似武林秘笈好得意，店員服務態度親切友善，他們見我唔識燒也會前來幫忙，謝謝呢！有點手殘-烏龍咁燒左一晩🐦🔘窩蛋菜莆玉子燒又幾得意，要有step by step ，先煎香玉子再倒入蛋漿同菜莆，根據喜好可以加調味粉，食落蛋香味重，菜莆爽口🔘黑松露墨魚滑，燒大片魚滑需要時間，半熟透再剪細件，魚滑夠彈係滑類基本條件，入囗啖啖墨魚，加入黑松露獨特香味，口感非常吸引🔘海鹽牛肩胛，眼看牛肩胛已經好靚，輕輕一焼已經很香，咬落非常 jucy🔘燒雞脾菇最好塗上香料及醬油，淡淡的味道口感爽脆🔘燒原隻生蠔，大隻新鮮，熟透加入蒜茸調味，有點遮蓋蠔的味道

烏龍燒 10/4朋友介紹呢度可以自己燒又可以叫佢地燒既一品料理覺得幾得意就約埋另外d friend一齊試下佢啦 !!先叫幾樣野自己燒下先有餐蛋 芝心丸 雞肉同埋雞翼 講真樣樣都唔係咩貴野不過可以自己燒感覺好過癮最平凡果樣餐蛋串反而係最好食因為佢個爐會燒到餐肉個皮好香好脆配埋熱熱既蛋真係人間美味平野都可以咁好食哈哈另外自己燒左帶子本身我都驚會唔熟肚痛點知好快熟好易燒同埋我都無肚痛應該ok ! 我覺得佢可以更多蒜 所以連雜菇d蒜都搬埋黎一齊食 真係唔錯啵又餐廳燒既有鰻魚同埋金菇牛肉卷鰻魚其實無乜特別唔值得係度食 但金菇卷好好食 佢有個汁比你點 同個卷好夾架 d金菇燒完都好多汁呀唔錯啵又!!

自問都算一個MK妹 但竟然唔知呢條街一帶都開左好幾間串燒店本來又以為串燒店間間都差不多又畀我地發現呢間可以自己燒自己玩！就毫不猶豫試試佢啦因為想坐入面涼D所以等左一陣位不過等位時順便揀埋野食就岩岩好啦～食物方面除左普通菜、肉同海鮮之外有幾款比較特別的竹筒飯不過我地都打算當宵夜食就冇叫到飯前菜來個海哲 好出色 因為夠晒辣呀 岩晒我口味而且佢比較扁同薄身 更加爽口彈牙必食韭菜！係我地好驚燒焦之際⋯⋯好彩店員及時出手相助好熟手咁三兩下就燒好了又甜又多汁 加埋小小醬油吊味 好正～ 嗌多串都唔過份有幾款貢丸、芝士獅子狗、魚腐、台灣腸，都係穩陣之選燒個陣可以自己揀落咩粉，香菇粉都幾特別 香香der 值得一試！仲有好Juicy的大啡菇同沙茶醬金菇大啡菇好多汁 勁濃郁 因為新鮮所以加小小調味料已經好好味沙茶醬金菇夠晒腍同埋入味 沙茶醬都好惹味 唔同平時食到個種味推薦呢個超級甜的菜甫玉子燒燒法都好特別 先將一塊塊蛋燒至兩邊金黃加入菜甫係中間燒一陣 再倒入其餘的蛋漿係意想不到咁好食 個蛋質感有實有滑 而且仲有菜甫的口感同埋真係好甜 超級好味！！仲有飽肚之選－燒雞翼一碟有三種口味 黑椒、蒜蓉、蜜糖我就覺得三

白布街有好多野食，打邊爐串燒西餐。。。呢間就特別啲，自己串燒自己燒每一枱都有一本烏龍寶鑑，入面有教你點燒得好，唔洗燒到黑蚊蚊左邊係杞子龍眼菊花蜜，右邊係冬瓜檸檬沙冰~燒野食飲返杯菊花蜜潤下喉沙茶醬金菇同燒菇金菇成個煲仔擺上去燒，個蓋上面有個窿仔，出煙就可以開蓋攪下直至金菇食得，沙茶醬味好濃，金菇索哂啲味好正！燒菇好多汁好甜菜莆玉子燒，首先成塊鐵板擺上去燒，煎到蛋兩邊金黃就落菜莆再煎下，最後倒蛋漿燒多陣就食得！玉子燒好甜，再加埋菜莆又有多一個口感！蒜蓉生蠔同三色雞翼蒜蓉擺上生蠔慢慢燒，蒜味加海水味，重口味之選！三色雞翼有黑椒蒜蓉蜜糖味，不過我好蜜糖所以自己燒個陣再加左好多蜜糖又係腸呀！！台灣腸呀！！唔洗講，一個字！正辣海蜇份量一啲都唔小，海哲切到細細條，不過真係好辣，要一邊食一邊飲野芝士獅子狗每次食吉邊都會食芝士竹輪，呢到既都唔差，一咬就有芝士流出黎好好味！呢到店面唔大，所以店員都好好會幫你燒，如果唔識燒搞唔掂可以叫店員幫你燒呀！佢地個個都好好，好有禮貌又有講有笑，絕對加分呀！

同fd行完旺角緊係去搵食，佢話想食燒野，原本諗住食韓燒，但又嫌太悶，open rice左下見到呢間烏龍燒幾特別，就過左黎食lu~間鋪上面搭緊棚，行到附近果陣都搵唔到間野係邊，轉左幾個圈先見到。每張枱都會有個BBQ鐵網爐， 大家可以提高自己既燒烤技巧，當然可以請教店員協助。黑松露墨魚滑，燒魚滑看似好容易痴底，但其實比其他海鮮都唔難～方法就係，將成塊墨魚滑放係爐上面燒，燒熟左之後再翻去另一面，咁就唔怕痴底，燒好之後就可以切開。味道方面，淡淡松露香味，再加上墨魚滑既鮮香味，口感軟滑彈牙，內裡有啲墨魚粒增加口感，推薦一食！燒一口懷舊港式魷魚仔 ，呢個唔洗自己燒，係傳統乾燒魷魚干。不過呢款魷魚干唔係人人岩食，食落去覺得味道偏鹹，難以咀嚼。同朋友各自嗌左一個竹筒飯黎燒，只需要直接放上鐵爐，每邊各燒7分鐘，而店員都會提供一個計時器比我地。咸蛋冬菇臘腸竹筒飯，估唔到竹筒看似細細，但食落去份量頗多，其實兩個女仔一個竹筒飯已經夠，呢個竹筒飯充滿鹹香味，咸蛋黃既配搭令飯粒帶點沙沙既口感，而竹筒飯既口感偏乾，但卻非常香口！杞子龍眼菊花蜜，食燒野就唔少得一杯解渴飲品，菊花蜜較入味，而杞子龍眼淡淡的，不過飲上去相

小胖男友係openrice睇到呢間烏龍燒有得自己點自己燒 仲有我地最愛既牛同海鮮食 就帶左小妹去火辣辣下雖然爐仔細細 但火力十足 仲有幾款免費醬汁可以自己DIY 只要食材新鮮 要燒得好食絕對無難度串燒價錢唔算好貴 有部份串燒仲打孖上有兩串 情侶一人一串分享就岩晒怕食爐端燒熱氣? 唔駛怕 可以點返個腐竹糖水沙冰清熱解暑 海鹽牛肩胛 雪花紋理清晰脂肪同肉既分布佈比例平均 牛味濃之餘仲入口即溶三色雞中翼有黑椒,蜜汁同蒜蓉三款 小妹試左黑椒雞翼 幾惹味原隻扇貝39蚊兩隻 好新鮮仲好大隻 仲有蒜蓉另上任你自己落 咁抵 唔食又點對得住自己?!八爪魚鬚串輕輕抹上醬油 俾耐性燒耐小小 燒到脆卜卜 又香又好味 除左燒肉,燒海鮮呢d基本野 竟然仲有煲仔烏冬可以燒職員教路 先將個湯底煲滾左 再放入烏冬 最後放上牛肉 大功告成湯底好特別 奶白色 帶微微藥材香味牛肩胛除左燒 要黎淥同樣好味

好好味 見到咁多人食韓燒我哋就去旺角試下烏龍燒呢個烏龍燒一啲都唔烏龍 唔會貓夫而且仲好認真㖭你教我兩招都好近旺角地鐵站未夠七點就大排長龍.大熱天時就叫咗支手工啤酒醒醒神隻手工啤酒小麥味濃郁金香竹筒燒紫糯米飯, 竹葉青香 混合 糯米配合 上椰汁甜甜地分外好味原條鰻魚青煎相， 香香地配上鰻魚汁非常惹味。大大窩窩仔蠔， 一鍋有6大粒蠔。粒粒好都好重 蠔味， 大大粒好飽滿翠玉瓜清甜爽口美味係新鮮貨色大大粒草菇清甜好味仲有我最愛嘅燒菠蘿， 燒鮮菠蘿大大件菠蘿甜美

我較喜歡旺角東港鐵站附近既黑白布街，冇咁迫人又多選擇。 行左10分鐘就發現一間燒烤都幾有新鮮感，於是入去試試。座位真唔多，地方淺窄，細細地10枱都有既，但抽油煙系統都ok , 間舖幾整潔既。我7點半到所以唔洗等就有位(到8點左右，就開始有人外面等位啦，星期四晚都有人等位，即間野算多人識同受歡迎喎 )。坐個仿皮圓凳可以開蓋放自己行李，都幾得意。D食物都幾有創意，竹筒糯米飯，有咸甜選擇; 本身已有蜜糖, 沙爹醬,7味粉,孜然粉調味，自己可免費自選一種粉，之後加每種味5元。  我地叫左 "黑白糯米紫薯椰漿竹筒飯"。店員會用計時器計住夠鐘幫我開，服務勁好，記得差唔多時間幫我反反再燒，夠鐘就幫我拿去打開佢。 熱煱焗葱蠔，個賣相的確不錯，staff都有幫我地留意，熱左出一陣煙就主動幫我地睇下check煲蠔，幾貼心。係d蠔熟左細隻d，味道一般，48元算係咁啦 鐵板汁煎鰻魚，係幾得意既，gimmick 野，俾塊鐵板仔你燒一陣，自己淋汁食。燒紫淮山3片，菠蘿，大啡菇，脆肉瓜，靖魚塊，魚腐，墨丸，貢丸等大路野，份量少，相對算貴!      我friend試左手工啤酒都ok，我就like清熱中式飲，所以叫左

每張台都有煙桶抽氣扇，可以抽走燒烤既油煙。川式麻辣牛骨髓估唔到燒野食都有煲仔燒，真係好特別。放係爐上燒，到差唔多燒好就請店員幫你開煲，就食到香辣既牛骨髓啦！吸收左辣味既牛骨髓味道辣中帶甜，個辣味唔會好霸道，反而係好令人上癮，甜味就來自牛骨髓本身既甜。窩蛋菜甫玉子燒連同鐵盤放係爐上面，稍微煎下玉子同菜甫後，加入蛋液再煎，造成窩蛋既效果。玉子味道香甜，菜甫咸咸地又好脆，窩蛋將佢地融合，幾好食。黑松露墨魚滑店員見我地雞手鴨腳咁唔識燒，就好親切咁幫我地燒。燒到一面硬左之後先反轉，再塗上豉油，繼續燒直到兩面都香脆。墨魚滑表面燒到脆脆地，但墨魚肉依然好彈牙，除左有黑松露既味道外，仲有燒烤既香味，好好食。叫左一壺竹庶茅根紅蘿蔔馬碲水清下熱，味道清甜，凍凍地，好正。

今日係旺角食左個靚燒烤。餐廳幾舒服，可以自己慢慢燒，呢個先係想食既目的。自己拿捏想燒成點。叫左個牛舌。成條牛舌，好大塊。要慢慢燒，自己加層醬油，燒到差唔多放七味粉。燒得啱啱好。牛舌鬆軟多汁，口感彈牙。七味粉令牛舌有真香同微辣既味道，好味。海鹽牛肩肉，唔洗點放醬汁，放海鹽成個牛肉已經好甜，加埋牛肉新鮮，食落真係好滑好有口感。海螺串燒完特別爽口，加左少少七味粉，熱辣辣，好惹味。見到竹筒飯咁得意，叫左黎試。原來要燒十四分鐘，燒完個飯有陣竹既清香，原來咁樣食飯係咁香，鹹蛋飯特別惹味。好有創意。慢慢食慢慢品嘗，好滿足的晚餐。

座落於鬧市中的串燒店少之又少，今次慕名而來，於星期五晚上，來個happy friday dinner。 評分：****食物質素：*食物種類：****服務：****環境：**** 已經好耐冇食過串燒了，一口氣點哂我最鍾意食既野，慢慢燒。 我地點左燒3色雞中翼同黑椒味，隻隻拎好出色  烤雞腿肉串雞腿肉十分幼嫩且多汁，一咬落去已經咇汁  牛脷大大塊牛味好重，燒到乾身一大啖咬，入口即溶~  原隻扇貝扇貝大粒又新鮮，加上袐制醬料，好想encore  蒜蓉牛油焗雜菌至愛既牛油蒜菌，熱辣辣仲好香口。唯獨是牛油可能重手多啲，味道少偏鹹。  燒清香翠肉瓜翠肉瓜燒極都唔會老，仲keep到好juicy 燒香蕉押底甜品燒香蕉！俾你自選榛子醬或朱古力醬，甜度適中，一試難忘  最抵讚要數調味料鬧市中的串燒店 除左一般辣粉孜然粉，佢仲送多左隻香菇粉俾我地！超正啊！雖然無孜然粉咁滋味，但菇味十分重，愛菇之人首選！飲品方面叫左兩款菊花枸杞 滋潤又好飲 水蜜桃冰沙 微甜 冰凍透心涼   總括而言，食物品質十分高，邊傾計邊燒串燒既好地方。