烏蠅館 (九龍中心大廈)

营业中

休息中

尖沙咀附近又想食烤魚，同事推介一間叫烏蠅館的餐廳，淨係聽個名都唔知係食乜。原來係主打烤魚和冒菜。朋友叫的蝶豆花特飲，睇落去好吸睛！三個人叫一份烤魚，因為唔想食太辣，就叫咗泡椒，花椒麻辣又有少少酸香，辣味刺激，但係又可以無麻辣咁激動。雪花肥牛食落都幾滑，而且肥瘦平衡得好好啊！啱哂食肉獸！墨魚滑、蝦滑，都是中規中矩，沒有驚喜位。但如果二選一我會叫墨魚滑，因為有粒粒墨魚！牛丸呢碟牛丸不叫會後悔！食落入面有淡淡牛脂肪，一咬開有juicy感覺。夾雜少少牛筋整件事好有咬口，一客有十粒每個人唔使爭！想叫多碟啊！土豆粉平時食酸菜都食得多，原來都幾襯烤魚。熟透至半透明狀就食得，食落煙韌又吸湯，大家讚不絕口！最尾叫番支可樂，就完美了！

之前已經有朋友推薦我黎食冒菜，因為我地之前讀書時期已經好鍾意食～今次嚟到，比佢烤魚吸引咗，今次就食咗🐟烤魚先😋✨🐟清江魚 - 招牌香辣-小辣 $348呢個係店員推介，果然肉質鮮嫩👍🏼 小辣對我嚟講已經係max ❗️ 但食譚仔小辣嘅朋友嚟講就係小兒科😂 是日配料有芋絲、雲耳和金菇，三款都係吸汁嘅配料，所以煮到後面佢哋味道會好濃，建議叫店員加湯❗️✨🍡紅糖糍粑 $26即叫即炸，外面好脆，入面軟糯👍🏼但要小心焫親，佢紅糖比較流質會好熱～紅糖不會過甜🌟🌼茉莉花茶（熱） $18入面有好多茶葉，好清香、解渴！🌼桂花烏龍茶（熱） $18入面亦都有好多茶葉，微微桂花香味，生津止渴～環境：3.9/5環境光猛，尚算企理。牆上面有特色裝飾～服務：4/5店員見到我哋烤魚有啲黐底會主動加湯👍🏼食物：4.1/5烤魚十分濃味，重口味人士一定好鍾意❤️烤魚和紅糖糍粑都推介🌟Revisit: Yes

見到佢門面都幾特別 加上啲舊式霓虹燈招牌裏面雖然都好多位 但枱與枱之間都比較近冒菜就好似食車仔麵咁 係紙上揀自己想要嘅餸 再加佢地嘅特色湯底 菌湯幾重菇味 表面好似有啲菇粒碎餸應該都係灼完就放入去 都係靠個湯出味份量一般 可能會唔夠飽黑糖糍粑 最特別係黑糖係入面所以食嗰時要小心熱同爆汁

今晚收工去尖沙咀行完街，行行下忽然肚餓就去左呢間餐廳食飯。見到都好多選擇，有湯麵，撈麵，火鍋同烤魚。剛巧見到附近有人點烤魚好似好吸引，但因為我本身唔太食得辣，所以就選了蒜香烤魚。而魚的種類有3種，問左店員，佢話海鱸魚和清江魚相對較少骨，而兩者分別在海鱸魚口感比較爽滑，清江魚則比較結實，我和朋友都習慣吃口感結實點的魚，所以就選了清江魚。蒜香烤清江魚（$348）店員送上來時是連蓋上，即場烤的，大約等6-8分鐘開蓋，立刻聞到非常強的蒜香味，未吃已經流哂口水。夾起來的確好結實，而且少骨，非常方便易入口。蒜香味好強，非常入味，真係好正。佢仲有金菇，芋絲索哂d味都好正。飲品：藍天白雲（鮮奶+荔枝+蝶豆花茶）$34荔枝味幾香，都唔錯。

我既美食相簿仲有幾間餐廳食完未出食評，係咩力量令我Lunch叫完烏蠅館外賣，即刻為佢打尖寫食評？睇完你就知係唔係因為愛我地見到有咁多好評，食物相都幾吸引，Lunch就拍板叫外賣。不得不驚嘆廚師刀工如此之出神入化平民食材 - 金菇被大劈幾塊，原本纖瘦之身形更添幾分柔弱；出淤泥而不染既蓮藕，體型雖短但難不倒經驗十足既廚師，透薄程度達至跌落地下，癡住鞋底都唔覺有異物頂腳；韌勁十足既牛筋係大廚刀鋒下，霸氣盡失，想同手指尾一鬥長短，手指尾都覺得侮辱左佢；肥牛更突破傳統，迎合時代潮流，KEEP FIT成功，化身"瘦牛"。一碗六餸份量僅佔外賣盒1/3高度，加埋湯底，陽光鐘可以由外賣盒另外一邊透出光芒，刺痛雙眼。同事八餸也不惶多讓，陽光鋪面，享受午餐之餘還伴送一份溫暖，實在讓人感動。

之前附近返工食過幾次外賣，味道可以於是放假來堂食，食完付款時有位冬菇頭紫色頭髮的店員態度串，問她係咪可以轉數快唔彩你，詢問幾多錢時愛搭不理手指指張單好似唔識講野。這位店員令我以後不會來了，來食嘢不是欠左你！

有乜嘢開心過可以收工同朋友幾個人去食餐飯傾吓計？今次一行三人來到尖沙咀附近的烏蠅館，就咁聽個名應該唔知食乜，但係入到去就有好多唔同選擇嘅烤魚。入到去先同店員落單叫烤魚，因為準備需時，之後就可以用QR code落單配料，好方便。啤一啤是基本！飲杯！我哋三個人叫咗一個烤魚，再叫啲烤魚配料，本身烤魚已經包咗新款當日時令蔬菜，每日都不同。今次有雲耳、金菇和雞脾菇。呢一啲配料都係吸湯汁的好幫手。烤魚點了清江魚，魚肉食落鮮甜又彈牙。除咗清江魚之外，仲有出面比較常見嘅鱸魚。叫泡椒都好刺激，一入口酸酸辣辣感覺破蛹而出，不過都唔會過分搶鏡。魚肉一開兩邊，都好夠食！雪花肥牛質素都好好，雪花分布均勻，食落去肉質鮮嫩！皇帝菜小店上菜速度都好快，不過記得食烤魚都唔好着冷衫衫，因為比較容易吸味。除咗烤魚同火鍋，小店中提供冒菜，就算一個人食都可以津津有味。

心血來潮想食烤魚🐟 行過尖沙咀呢條街都見呢間餐廳好多人排隊,決定同朋友去試一試 中午打嚟book晚上幸運的竟然有位🤣 大家千萬不要學我，想食嘅野記得要提早book位😂我地叫咗傳統麻辣烤魚，魚種類就揀咗海爐魚~冇咁多骨啱我😆 魚肉質鮮嫩，湯酸香鮮美，微辣不膩 本身叫烤魚已經有三款配菜 ，聽講係每日都唔同嘅叫咗份小食，魷魚鬚外層脆卜卜，入面好Q彈真正嘅外酥內嫩 推薦食呢個，停唔到口😆 最後加多份豚肉，份量十足，物有所值🐽

第一次食烏蠅館，要揀6個餸真係好飽😂但係乜都有啲又好開心喎～唔想咁熱氣但又想過下口癮，結果揀左bb辣都ok+$10桂花蜜蜂，順便解解辣～蒜蓉同芫茜好香，食食下就食晒～食到一半，突然有人擺低啲野原來侍應哥哥見我用杯飲品頂住電話煲劇專登拎過黎：你擺個電話上去睇，咁就唔洗用杯頂住，唔會阻住你飲野啦～哇😳😳😳 係咪太sweet呀😳😳😳下次再幫襯🤭🤭🤭

烏蠅館 @zono.diary冒菜 B餐 💲5️⃣8️⃣配菜: 芋絲, 風琴豆腐串, 金菇菜, 鮮淮山, 黑豚肉, 鴨血, 豬大腸, 芝士丸, 火鍋寬粉湯: 麻辣湯, 小辣寬粉同個麻辣湯非常夾 好煙韌 啲配料都好唔錯 特別係個豆腐串 吸晒啲湯底 好入味 唯一係個豚肉有少少嚡 但整體嚟講都好食🤤蒜泥白肉💲3️⃣2️⃣佢有大量蒜頭同埋辣椒喺面 食落有啲鹹 但味道都不錯 而且佢份量超級多 食極都仲有🫠紅糖糍粑💲2️⃣6️⃣同外面嘅有啲分別 佢既紅糖係包左係入面 食落有流心效果😍 外脆內軟 不過小心焫親個嘴黑糖雪燕鮮奶 💲2️⃣0️⃣(跟餐價)黑糖味好濃 唔會太甜 而雪燕既份量亦好多 啖啖都有😋絕對有驚喜<><><><> <><> <><> <><> <><>味道：👍🏻👍🏻👍🏻👍🏻環境：👍🏻👍🏻👍🏻👍🏻推介：👍🏻👍🏻👍🏻👍🏻<><> <><> <><

🍽️ 早兩日打電話book枱，店員會send WhatsApp餐單比你睇，可以預先留定火鍋或者留烤魚。我哋選擇左食烤魚🤭🐟 因為訂枱嘅時候已經留咗條烤魚，所以一入座後店員就話會幫我哋上烤魚，咁我哋就可以自行掃QR code去選其他火鍋料或者小食飲品。烤魚味道好好，真係好有四川烏蠅館嘅地道風味。🍲火鍋料方面，我哋揀咗必點嘅薯粉，餃子，午餐肉，豆卜，同埋雙拼丸。 另外小食就點左酥肉🐷🐷🐷 火鍋料真係比較普通，但烤魚係好食既！

·生根·風琴豆腐串·蓮藕片·油麥菜·雞中翼·蟹柳·蕃薯粉· 配麻辣湯 $55好味指數：8/10麻辣湯底有得選擇🌶🌶🌶辣度，仲可以配合返自己口味選擇調味料，好似🧄蒜蓉，芫荽，蔥等等。食呢啲湯底🍲一定選擇最掛湯嘅餸料，好似山根，油麥菜🥬，風琴豆腐串呢啲咁，完全係吸收晒湯底嘅精華。🤣我選擇咗中辣，唔算好辣，薯粉煙靭，蓮藕片亦都好爽脆，蟹柳🦀雞翼🐥正常味道。·桂花蜂蜜（配雪燕+$5) 單點$18 跟餐$10 好味指數：10/10次次嚟都會叫呢個，因為飲落去好清甜，食完一啖辣嘢飲落去又有解辣作用，仲有淡淡🌼桂花味，加埋雪燕食增加口感，真係好好味。·生根·紫菜· 油麥菜·腩肉·蟹柳·海膽丸·火鍋寬粉· 配四川酸湯 $55好味指數：9/10另一半都一樣，又係選擇咗最吸湯嘅餸。🐷腩肉都幾好食，肥瘦適中，仲有紫菜索晒啲湯。呢碗係火鍋寬粉，食落有咬口，同個酸湯都幾夾，酸度😖辣度🥵可以自己選擇，食落去好醒神開胃。·茉莉蜂蜜（配雪燕+$5) 單點$18 跟餐$10 好味指數：10/10茉莉花💐味更加香，一樣好清甜，其實加$5有雪燕真係好抵，好過食珍珠，寒天果啲，聽落更加矜貴同有益😝。

嚟到尖沙咀就梗係搵啲特別嘅嘢嚟食啦行行下搵到一間叫烏蠅館嘅辣嘢食，聽到個名覺得好特別所以就入咗嚟啦我哋叫咗兩個冒菜A餐(六個餸)第一個叫了鴨血、肥牛、油麥菜、豆皮結、牛筋、海膽丸，加個寬粉，小編唔係好食得辣所以叫咗BB辣另外一個A餐風琴豆腐串、雞髀菇、娃娃菜、鮮淮山、午餐肉和牛筋，都係嗌咗寬粉，挑戰食大辣食完之後嘅感覺就係寬粉比較韌，咬到攰；鴨血同雞髀菇有啲怪味；肥牛又淥得太耐；豆腐結、風琴豆腐串又無豆香味；個辣唔夠香又唔麻雖然一碗只係$55，但都唔值得哩個價。好彩，叫咗一個小食：紅糖糍粑，呢個有驚喜，因為個皮好QQ，炸得啱啱好，個紅糖甜度適中，咬落去有微䁔流心的感覺我地仲叫咗兩杯嘢飲：檸檬蝶豆花同桂花蜂蜜。檸檬蝶豆花偏酸，好開胃，飲落好似飲緊檸檬茶咁。桂花蜂蜜就偏甜，桂花好香，啖啖都飲到桂花，好滋潤

一間餐廳比起無服務更差的餐廳有去過尖沙咀烏蠅館嘅人都知佢餐廳入面上幾級有條吧枱，當時我同朋友兩個人入去，佢帶咗我哋入去，叫我哋坐吧枱，當時果度有3張櫈（貼到實一實勉強叫放咗3張櫈啦），咁都無咩嘢我哋坐低落order食嘢。當時我旁邊是一個女仔（有膠板間住），個女仔隔離就唔知係一個人定兩個人（都有塊膠板間）。到我啱啱放低筷子，我朋友差兩啖飲完杯嘢嘅時候，有位男侍應（貌似著經理衫）走埋我旁邊，同我講：「呢道要’吞一吞’要坐兩個人。」果下我以為佢會收咗我枱上個盤再等我郁畀佢，點知佢一手將塊膠板推到去我正前面，連個餐盤都郁埋。我就話佢：「佢咁樣會唔會係頂住我個人？」然後佢一句唔好意思都無，仲話：「唔係呀，你應該要坐出一個位㗎」其實你眼見我都食完啲嘢，你要我坐出一個位係咪應該我坐底時講呢？呢啲行為唔係踢枱咁簡單了，似乎佢哋都唔想有回頭客。我果下即刻成個人企起身同佢講：「要郁都應該係我郁咗你先郁塊板，唔係無啦啦就推塊板隊住我塊面㗎！」然後我就執埋袋叫我朋友一齊走了。其實，我直至沈日，我都係烏蠅館fans，然後，幾好食都好，唔會再幫襯了。亦唔會再介紹任何朋友幫襯了。

烏蠅館 (九龍中心大廈)尖沙咀亞士厘道29-39號九龍中心大廈地下G29號舖冒菜餐麻辣燙配菜款式肥牛 豬大腸 蓮藕片 牛筋 魚皮餃 墨丸 萵筍 蟹柳寬粉做麵底 湯唔夠呀 被寬粉吸哂 所以寬粉都係痴住哂 叫左辣度係中辣 都夠辣 好好食 餸都唔算少架唔係一兩舊就算撈好之後陣陣大蒜味 成個湯係好油好似去左四川咁 成個麵都好惹味川式蘿蔔牛肉紅油水餃可能外賣關係 水餃痴埋哂一齊唔算好香 唔夠辣同麻 餡料都略少麻辣豬耳有好多辣椒籽係底 唔係譚仔果隻有麻辣口味寶林川式麻辣雜醬撈麵無好特別 入口D麵好痴牙撈麵無咁好食 有D乾呀入面都好多醬料既 都好香同麻老成鄉酸奶好好食 有D花生同提子每一啖都有口咬 好有四川味道既酸奶味