為食屋

营业中

休息中

好難食的牛肉同燒賣，無諗過係咁處理：喺個白色背心膠袋拎牛肉同燒賣出黎，放入微波爐叮熟就當蒸，還要連膠盒叮？？我睇到打個突...俾完錢先知。佢係位置有利在近巴士站，我先第一次幫襯，絕無下次。牛肉尤其難食，咬落去係一灘粉狀🥶食完一粒，我當時空肚好餓都食唔落剩番兩粒，局住要丟落垃圾桶。見到其他留言食客係讚，仲要話有情味，我經歷係完全相反😅其實我本身係點炸燒賣，個阿姐答：要蒸啦，炸要開爐言下之意，佢連開爐都懶其實佢話只需五分鐘。我見反正可早啲去搭車，是但要咗蒸（點知係微波）。究竟係因為我禮拜六下午幫襯唔好彩由其他員工頂更，定其他人好彩？！#劣食推介

咁啱去開荔枝角嗰邊做嘢，本身幫襯開喺長沙灣MCL隔離嗰間台灣嘢執咗笠，決定行前少少買盒飯做lunch。上晝11點半左右去到，行過去叫咗個雙拼扒飯，大大盒黑椒雞扒飯配兩隻煎蛋都只係$36，仲要連埋一杯嘢飲埋位打開盒飯，兩隻太陽蛋同埋雞扒之間仲有一啲菜做點綴，呢個價錢冇得輸黑椒汁味道濃郁，配埋兩隻煎蛋流出嚟嗰啲蛋汁，撈飯一流；配埋恰到好處嘅煎雞扒，簡直係絕配實在係廣大打工仔既糧尾恩物餐廳名稱：為食屋餐廳地址：荔枝角長沙灣道742號

聽朋友推介這裡”好正好好食”，所以特登來朝聖不過今日係星期六，而且我來到已過12點，所以腸粉、牛肉球等等都已經賣完了不緊要，就來試試這裏馳名的芒果豆腐花吧它是芒果沙冰+新鮮芒果肉+椰漿+豆腐花的飲品，難怪朋友讚不絕口，真係好好飲！豆腐花好滑，芒果沙冰加椰漿襯托下更滑口，加上頗多大大粒的新鮮芒果肉，係炎夏來說非常消暑。雖然現在許留山已倒閉，但有為食屋的芒果豆花，令芒果控又有新希望

佢d陳皮魚旦同燒賣係重點推薦仲有芒花都非常出色食到係新鮮芒果打出嚟唔似其他係用一支支既色素果醬同埋沙律都係新鮮每日整減肥或者想食健康啲朋友我覺得都幾適合不過最令我想食過再返轉頭既原因係佢地入面既伙記都好好人每朝早餐佢地都有用心記住每一個熟客飲咩食咩唔似而家d茶餐廳 落單落慢少少都比人黑口黑面淨係哩份人情味係香港已經好難再搵到都難怪佢生存到二十年咁耐價錢都公道 唔係劏遊客果d係純粹做本地人生意 值得大家去支持下

佢d陳皮魚旦同燒賣係重點推薦仲有芒花都非常出色食到係新鮮芒果打出嚟唔似其他係用一支支既色素果醬同埋入面既伙記都好好人每朝早餐佢地都有用心記住每一個熟客飲咩食咩唔似而家d茶餐廳 落單落慢少少都比人黑口黑面淨係哩份人情味係香港已經好難再搵到都難怪佢生存到二十年咁耐價錢都公道 唔係劏遊客果d係純粹做本地人生意 值得大家去支持下