為食仔卜卜蜆私房菜 (已結業)

本來去食之前見到有人比負評都有啲擔心不過book左位就緊係去試下花甲煲 好大煲好抵食員工仲會幫你倒左啲蜆殼雖然數唔切實際有幾多隻 但保守估計都有90隻🤤無乜沙 食落好鮮💕仲嗌左雜菜，四寶丸同粟米 四寶丸極力推介☺☺湯底都重蒜味同辣味 好吸引😙我個人都食過澳門個間卜卜蜆 其實兩間都好好味而澳門個間蒜味會重啲 少蜆少少重點係呢間唔洗過海都已經滿足到我呢個蜆迷我地3個女仔每人再嗌多杯野飲菠蘿冰沙38蚊好大杯埋單都只係465 除反開大概155一個人 建議蜆迷去試下

喺見到呢間為食仔嘅卜卜蜆做緊優惠 望落又唔錯 決定叫埋一個朋友一齊試下尼個9點半前先有嘅$48 18禁卜卜蜆雞煲，有大約十幾件雞件，D蜆都夠食。因為朋友細食加上當日收工已經8點幾，坐得低都9點3，大家都唔想食咁多肉。坐低之後，當然要調醬汁。雖然每位收$12但其實選擇唔多，只有最基本嘅豉油、醋、乾蒜、蔥花、辣椒。一坐低唔見餐牌有寫有呢個優惠，要專登問嘅，辣度係冇得揀嘅，其實唔係好辣。但係，食食下D staff先同我地講，享用尼個優惠嘅要每人叫返一樣火鍋配菜。大家都明生意難做，但應該一早講明，而唔係食食下先同我地講。配菜有好多選擇，但頭先都有講我地果晚唔想食咁多肉，所以都係揀左豆腐同萵筍。當差唔多食曬個雞煲嘅時候，D staff都好快幫我地加返水，豆腐同萵筍都幾入味。初頭未食果時望落以為會唔夠飽，但食曬成個煲D配料例如洋蔥同青椒果D，其實都夠飽。但佢尼度整係收現金，EPS visa 八達通果D全部都冇，對於一家大細黎食嘅話就會有D唔方便。好彩我地叫得唔多嘢，埋單都係百幾蚊窮食。溫馨提示：佢尼度係冇紙巾提供嘅，唔記得帶紙巾嘅話就盛惠$5一包。

今次係一班人慶祝生日，我地一行7人要揀一間適合一班人傾計吹水嘅地方，朋友話想食卜卜蜆，咁我地就揀左哩間開左無耐嘅餐廳試下，咁岩佢有個$98一煲蜆嘅優惠，仲要頭半個鐘可以任加蜆，真係好抵呀，當然每次都要食哂一煲佢先會加喇。我地分別叫左招牌卜卜蜆同胡椒雞湯卜卜蜆，招牌個款食落就有少少辣同蒜味，而胡椒雞湯食落就唔覺辣有好香嘅胡椒味嘅，我覺得兩個食落就各有特色啦。我地兩煲分別都加左4次蜆，而啲蜆雖然唔算大但全部都好新鮮又無沙，真係唔錯！之後老闆仲推介我地叫即開海鮮盤，我地就叫左4人份量可以大家share，由於即開殻所以都等左10分鐘先上枱啊，另外值得推介嘅係黃金響鈴，食落真係好香脆，直情可以直接食，而另外牛頸脊都係必食嘅，佢係新鮮廚房即切出黎架，食落好新鮮好有穀飼牛嘅味道，而其他食材都幾好全部都好新鮮又唔會有雪味，所以下次我都會再光顧先得！

約左D舊同學聚舊, 有人提議出旺角打邊爐, 跟大隊黎到為食仔, 除左出名既卜卜蜆, 仲有其他鍋.人多要左東蔭公蜆肉鍋, 好大鍋, 蜆肉特別滑溜, 慢火慢慢滾起都唔會韌, 好鮮甜.湯底味道都好夠, 加埋D蔥調下味.隔離枱碟牛肉好正, 我地又叫左碟牛頸脊, 脂肪分怖得平均, 油脂豐富, 好JUICY, 牛味濃郁.手打四寶丸, 有墨丸, 蝦丸, 鯪魚丸, 牛丸, 夠晒爽口, 響口腔彈下彈下, 每款丸用料認真, 食到原有既味道, 唔會款款同一個味.呢度既餃類亦好多選擇, 要款黑松露鮮蝦餃, 包得夠實, 餡料無咁易散出黎, 皮夠薄.蝦餃好彈牙, 黑松露味又香又濃, 而且感覺無咁飽濟.除左主要鍋底出色, 其他火鍋料都好用心製作.

經facebook 訂檯，餐廳好快回覆確認！當日仲會有 提示！讚！本人超食得辣所以揀左東蔭公蜆煲！個湯底好夠味，等左6分鐘左右蜆開始一隻一隻打開！一埋蜆有大有細！雖然係東蔭公味湯，但配蜆一齊食都夠味道！建議先食蜆後點火鍋配料我們只有2人所以食左一煲蜆，之後點左手切牛頸脊，響鈴，手打蝦丸，響鈴食物新鮮好味，飲品不錯,店內空氣流通，冷氣充足,吃的時候不會感到熱,值得一讚不會一邊食一邊流汗！最愛喝他們的茶,十分夠茶味,解膩一流

同朋友好耐無見, 趁假期又約埋D朋友一齊再食過, 不過餐廳幾多人, 要等左一陣先有位.今次都係要左卜卜蜆, 鍋底唔貴而且蜆既份量又多, 食晒卜卜蜆就開始打邊爐.近住中秋最興奶黃, 要左碟黃金雞軟骨, 加左少少奶黃, 所以睇落都係黃黃地既, 不過食落就唔會太重味, 奶黃味道清D, 唔會太甜.仲有黑松露鮮蝦餃, 皮夠薄但無穿, 蝦膠食落好爽口, 而且黑松露味仲幾濃香.手切牛頸脊打邊爐既精髓, 厚薄適中, 入口特別彈牙, 而且軟腍有咬口, 肉既鮮味一啖啖浸出黎, 令人回味.新鮮魚卜好大個, 好滑唔腥, 食落好爽口, 索埋D湯食更加好味.

依排好興十下十下既卜卜蜆今次終於可以一試餐廳位於銅鑼灣，銅鑼灣廣場對面；好易搵環境👌🏻一出lift就會見到餐廳🍴，一台台相連台如果兩位去食既話，就預左一定要搭台有電視📺送卜卜蜆。爐屬於gas爐架煲，好懷念今次叫左： 18禁卜卜蜆煲（小辣）湯底唔算好濃, 微辣，食到蜆既鮮味我地兩個女仔叫左3round 蜆，記住要參唔多/食哂先可以加蜆$98煲都幾底食18禁係因為愈食會愈辣，細路仔要‘睇住啊’個人中意啜出黎食，飲到湯汁鮮味好多味落湯，粒粒都好大粒架黃金炸魚皮依個side dish好好味，必叫即叫即炸，仲有蛋黃係炸皮上面送酒正啊紫菜炸響鈴紫菜包住響鈴，幾特別稻庭烏冬好煙un, 冇烏冬酸味萵筍爽脆冇渣魚皮餃，炸枝竹👌🏻Hoegarden rosee 杯都雪冰左架，好貼心黃金雞軟骨屬必叫真係好好味

響附近收工, 同同事食埋飯, 佢地話呢間食卜卜蜆出名, 時間仲早walk in唔洗等太耐.蜆肉幾多,湯底幾夠味,幾好食一心都想打邊爐, 所以快手整碟手切牛頸脊, 脂肪紋里分怖好平均, 食落非常彈牙嫩滑, 一D都無韌, 手切功夫不錯. 而且肉味好濃, 牛味十足.魚滑肉質都幾粗身, 食落飽滿肥美, 鮮甜.黑松露墨魚丸都幾特別, 味道清清地但好香, 咁食無咁易漏, 手打丸爽口彈牙.芝士蝦丸芝士味唔算太濃, 易入口唔漏, 除左芝士味仲食到少少既蝦丸味, 同樣爽口彈牙.蟹棒而唔係蟹柳, 條條都手指咁粗, 鮮甜軟嫩.整體食物都足料新鮮, 丸類款式夠特別.

約朋友食飯,打邊爐真係最無得輸既選擇。今次，就選擇左銅鑼灣既一間新餐廳為食仔私房菜，試下佢D特色火鍋先！東蔭公火鍋咁囂張？一於試試你！湯底味唔算重，但係味道好鮮甜,，但味道都夠香濃。價錢唔貴勁抵！而蜆又夠哂惹味，比蒜蓉爆過後好香，肉質夠甜，而且份量真心勁多，一個人食到40隻左右多人食~好熱鬧呀！本地新鮮牛頸脊,質素普遍都唔錯,叫左一台都係野，哈~開動啦！而丸類我地叫左黑松露手打丸，整體都好新鮮同埋足料，咬落去有咬口而且好有鮮味，推介一定要食‼️個湯食到最好得番少少湯底時，我地忍唔住飲埋,飲哂D湯汁，好正呀！

訂了枱「為食仔卜卜蜆私房菜」，到了竟然輕鬆說蜆賣晒叫我們可以到旺角分店食感覺服務態度差。打正旗號食「蜆」，但並沒有足夠蜆提供！！!何謂「卜卜蜆私房菜」呀！真好笑！！！！

朋友提意去食卜卜蜆，聽個名好特別。一行五人黎到為食仔，坐底待應就比個調味料架：都係大路蒜蓉，豉油，蔥，辣椒... 而我地就兩個煲點晒依度地方都幾大,食飯果陣仲會播住音樂,都幾開心,一班人食好過引最先黎既係卜卜蜆煲，就咁睇最少應該起碼有兩斤蜆以上。剩係我都已經食左最少廿隻，蜆味甜甜地，湯底有少少辣食晒就點左紫菜響鈴，丸類，豆腐同烏冬。一定要食烏冬，吸左湯既精華再食好正。丸類全部手打,好爽口,好好食.咁就完成美味既晚餐，下次再黎食過

響銅鑼灣收工, 呢頭大把野食, 行來行去睇, 記得呢間為食仔響網上睇過D片幾得, 一於入去試下先.主打卜卜蜆, 但我驚蜆唔夠飽, 所以都係叫多小小野食呢款胡椒蜆煲, 湯味夠香,胡椒唔算太重, 易入口.蜆肉都多而且唔會太乾, 幾滑, 而且索晒D湯味.食完蜆煲加湯打邊爐, 要左碟手切牛, 雪花非常平均, 紋里分明, 厚薄剛好入口特別彈牙, 食落juicy, 而且肉味又香又濃.仲有拼盤丸, 有蟹子丸, 墨丸, 黑松露丸等等, 因為手打非常彈牙爽口, 餃子仲有陣陣香氣, 幾款都好好味.新鮮鵝腸至愛, 鵝腸唔算太肥, 乾淨. 夠大片, 淥完唔會縮到細細粒搵唔番, 食落仲好爽口.份量夠飽肚, 而且新鮮, 下次黎會再食卜卜蜆.

之前未食過卜卜蜆鍋咁啱經過見到$98一煲就去試下上到去得幾枱客四種湯底：有原味、胡椒、18禁辣味同冬陰功我地揀左冬陰功湯底十分鐘左右就上左煲蜆分量好多，目測有超過一斤蜆嘅大細適中但有10%左右都有沙🤢有啲仲要大粒到拮親個嘴之後叫多左兩轉蜆（頭30分鐘免費加蜆）分量比第一次少但都起碼有半斤食晒就叫左雞肉、牛肩脊、豬肉、金菇、娃娃菜同手打四寶丸飲品就叫左檸樂同菠蘿沙冰四寶丸明明應該有牛、豬、蝦同墨魚丸但佢就俾得三款（4牛、2蝦、2墨魚）冇唔緊要，但起碼講聲先吖😀由於佢一直都冇上飲品所以前前後後都追左兩次之後再追佢就話：得啦我知啦！廚房整緊架喇！🙄再講落去佢就問我地要咩我地又重覆一次俾佢聽佢先話：冇沙冰喎部機壞左我話：下你而家先講？佢仲要話：係呀🤷🏻‍♀️🤷🏻‍♀️🤷🏻‍♀️好啦咁就轉左七喜女待應話：七喜有罐裝同鹹檸七問佢價錢佢就話一樣咁就揀鹹檸七啦點知個男待應衝出黎話唔同價錢真係叫到黑人問號另外有時叫加水/加蜆都要叫一兩次先黎埋單睇返發現有啲鬼竄錢：醬料錢$12茶錢$6服務已經唔好，野食又冇特別呢間野都係no next time

黎為食仔點可以唔食卜卜蜆煲($168)😎蜆上面放左大量生蒜、辣椒同埋蔥調味，所以食左好幾粒蜆都好辣😹(我仲要太興奮吞埋舊辣椒🙄)之後揀d無乜調味料係上面嘅蜆(費事再辣死自己🌝)，味道就清清地☺️由於店方採用新鮮沙白蜆，所以食落有鮮味😋，質素不俗👍🏻👍🏻👍🏻食曬D蜆之後就開始打邊爐,依度打邊爐配料都唔錯呀紫菜響鈴又脆又香,滾一滾就食得金菇都幾好咬口,食得太多蜆一定要食D清化下最後一定要食菜,味道鮮甜,腸胃都好D

首先是被$98卜卜蜆吸引而來吃，因為已經興食一段時間，但總是因爲一餐飯而不斷挑肉而感到麻煩（有數百粒蜆）。湯底就麻麻，只有胡椒底沒其他真材配料。最後只吃了一個湯底加兩道小菜，小菜不俗，夠火🔥候。👿有一點隱藏收費較為不滿意：有$12/每位醬油錢、$8茶錢！