影片
以上资料只供参考，请与餐厅确认详情
我在晚上19:50点餐，20:30都出唔到个堂食，外卖不停咁做，直至我去问，先知我张单唔知放左系边，仲要等，解释系话好多单，我唔觉系理由，星期三都咁，星期六唔洗食啦
继续阅读
📍观塘｜点茶馆心血来潮想饮茶食点心，如果去茶楼呢就要俾茶钱又要俾+1 ，好唔抵呀！观塘APM新开嘅点茶馆就帮到你帮到你！🤣🤣点茶馆除咗有卖蒸饭，仲有埋唔同嘅点心，例如虾饺、烧卖、腐皮卷、叉烧包等等，全部都系用蒸笼上架，就同喺酒楼食冇分别！全部点心都非常之美味，热辣辣又香喷喷，虾饺皮薄馅靓好好味！必叫之选就系鲜虾炸腐皮卷！又脆又薄嘅腐皮卷包住鲜虾同埋唔同嘅蔬果，虽然系炸嘅，但系一啲都唔会令人觉得油腻！点埋沙律酱令人回味无穷！叉烧包亦都好鬼死甜😍😍我最钟意！蒸饭我哋拣咗虫草花蒸鸡饭，荷叶包住嘅蒸饭真系非常之有风味，好特别，每粒饭都有荷叶嘅香气虽然等得比较耐，但系应该系即叫即整几好啊😌@go.neverland
继续阅读
apm换咗新foodcourt之后都冇食过，都系第一次食呢间点心，喺foodcourt都有点心食到，好似几好，所以就试吓。叫咗个套餐，首先6款饭拣一款，拣咗窝蛋牛肉饼饭。再配有一款点心，都系有几款可以拣。自己将只温泉蛋打落去，蛋黄捞牛肉饼个肉饼本身已经超淋，可能因为包咗荷叶蒸？加咗蛋黄之后好似食糊仔咁，肉饼零口感，啲牛肉甚至好似粟咗，有啲怪味，都冇食晒了。烧卖正常普通，都系偏淋，烧卖嘅猪肉有啲肥肉有筋。另外配一杯茶。
继续阅读
位于观塘APM Food Court嘅点心，细工出细货，即叫即蒸，上枱时食物热辣辣，炸物保持酥脆！✨自选荷叶蒸饭套餐 $68价钱相当吸引，份量慷慨，套餐会包括荷叶蒸饭同一份自选点心。我拣咗虫草花云耳鸡件饭，米饭有淡淡荷叶香气。而枣皇糕口感Q阵，枣味香浓，好适合作为饭后甜品😛✨流沙奶皇包一搣开，流心奶黄就大爆发😳 真系好夸张～流沙奶黄馅咸咸甜甜，配埋个包啱啱好！✨笼仔马拉糕口感松软，一定要趁热食！✨炸云吞坊间越嚟越少见嘅炸云吞😍 脆卜卜，唔油腻，冇多余嘅油分，香口惹味嘅小食！
继续阅读
去开apm，发现系美食广场有一间点心专门店佢地即叫即蒸的，仲有套餐比你拣，套餐系包左荷叶蒸饭+点心+精选茗茶。堂食就有个笼装起啲野食，几岩影相打卡😚我地拣左北海道温泉蛋马蹄牛肉饭+牛肉球+香菇烧卖(3粒)，另外加个笼仔马拉糕同埋流沙奶黄包(2个)北海道温泉蛋马蹄牛肉饭温泉蛋系自己加落去架，都好滑牛肉份量好满足，仲好多汁添，好似食紧牛肉球咁啲饭粒粒分明，带有好香既荷叶味😳牛肉球好大粒，又多汁，口感弹牙，有阵阵陈皮既香味出黎😳香菇烧卖(3粒)猪肉味几出，有少少冬菇味，同埋都食到冬菇粒😝笼仔马拉糕质感好松软，仲有少少香味😌流沙奶黄包(2个)流心奶黄极浓极香，唔会过甜，入面既馅好多😍精选茗茶佢地话系白茶，饮落好清新😗下次再试下其他点心先😏
继续阅读