点寿司 (T Town North)

营业中

休息中

呢間壽司店好似開咗好耐，但我之前冇食過。今日行開呢邊，就試一試，感覺同另一間連鎖壽司店格局差唔多。我同朋友叫咗兩個下午茶，一個係花甲湯烏冬，另外一個係鰻魚丼，都幾好食唔錯。

我和女朋友一齊嚟到食嘢，剛好夠60分鐘侍應就過嚟提醒我哋已經夠鐘，但係附近仍有不少空位，講真你哋又收加一，但又唔見你地服務好，夠鐘就吹促食客離開，我哋有俾錢消費，食完就急急腳要走！，附近仲有好多空位！ 食到一肚氣，野食ok,但服務不太好仲要收加一搵笨

點壽司點壽司🍣成為我最近幾個月午市食堂，平日午市好多人，有好多學生會黎食野。要提早攞位先有機會食到。星期六日同平日套餐不同，平日套餐會多啲野食🤣🤣🤤🤤吞拿魚蓉角切丼五貫定食 💰62吞拿魚蓉同吞拿魚粒各半鋪面，吞拿魚蓉油脂豐富，入口即融撈埋吞拿魚粒、蔥花同壽司飯食，有多重口感，正😋😋！平日食既話，仲會有五件壽司🍣。都係普通嘅壽司包括蟹柳、北寄貝、三文魚同玉子。套餐仲包咗一碗麵豉湯，麵豉湯入邊有三文魚肉，唔係淨係用粉沖，有小小誠意感。忌廉抹茶 $22忌廉都算厚，飲到底都仲有忌廉撈抹茶，食完嘢飲當係飯後甜品咁。每食滿$100仲有得抽獎🙈不過我自己就冇中過，聽講中咗有機會會有優惠券。整體嚟講，刺身質素OK，星期一至五食套餐，送埋壽司同麵豉湯，個份量會好飽。

吃貨心柔日誌 👧🏻 親子餐廳推介 🍣 🍣 $10壽司 😱 🚅 新幹線送餐 🚅 CP值超高👍🏻第一次食「点寿司MT Sushi」😬成為父母，選擇餐廳方面都一定要啱小朋友食😌「点寿司MT Sushi」餐牌上面有好多款熟食。小朋友都可以食得好豐富！👍🏻還有小朋友好期待嘅新幹線送餐🚅最平嘅壽司$10已經有交易😱心柔都食咗唔少壽司😝開心又滿足！因為order食物比較多，不逐一講解了😬已經拍照及標上價錢，大家可以細閱！個人推介Oreo朱古力沙冰🍫好好飲😍食物方面，我最鍾意帆立貝茶碗蒸😋這間壽司店一定有下次光顧😌👍🏻📍点寿司MT Sushi 天水圍天華路33號T Town North 2樓NG201及202號舖

正所謂「不時不食」，今日去到天水圍，就梗係要去壽司舖打吓卡啦！然之後你講咩呀？講到壽司舖，就非壽司]莫屬😋～ 壽司多元化，肉質爽脆鮮甜🐚，無論刺身定熟食都一樣咁好味‼️所以今次我們去到，都想嘆齊多款貝類，渡過最爽最甜夏天☀️✨赤貝壽司，就係又脆又甜，無論食幾多盒都唔會膩🤤✨帶子壽司，鮮甜帶子又爽脆✨三文魚壽司，仲有重磅嘅肥美三文魚腩🤩仲係味蕾超滿足.ᐟ .ᐟ✨招牌花之戀🌸作結，絕對係今年盛夏最完美嘅味道🧡

服務態度差到呢 趕住去投胎咁 收嘢收咁快 都未食完連對筷子都收埋 撞到人連句sorry都冇聲 入嚟嗰陣撞一次 收碟嗰陣撞一次 真係唔知啲啊姨搞乜 想問下我究竟係咪我阻住咗佢哋收工

曾經，呢間壽司係我嘅午餐必選。雖然有d貴，份量又不足（個人食量比較大），但因為味道對得住個價錢，午市定食性價比十足。今日再食，發現啲刺身嘅質素差咗好多，接近唔新鮮嘅地步。而且服務員質素極惡劣，因為佢食滿一定嘅金額係有得玩抽獎嘅，平時都已經很難中，今日竟然幸運地中獎。但等咗好耐都冇獎品，平時係紙包嘢飲，咁就詢問店員啦？點知佢話你味有三個湯囉，但係老細我係三個餐梗係有三個湯啦，跟住就冇理我哋喎！然後我哋搵過另外一個人問，佢就覆我哋今日獎品係芝士蛋糕，跟住我話芝士蛋糕呢？然後就黑面話我幫你催下，搞到好似我錯咁，心情極度惡劣！下次都係食壽司郎算！

係放假既時候，出街食飯係挑戰呀。今日五一，好多人係商場呀。所以我地都延遲食午餐。大約兩點十幾分，想食既餐廳都係排晒隊。所以我地就轉陣吧。去点寿司食吧。款式同普通壽司都差不多，但好得意地，叫滿一定金額就有小遊戲玩。玩咗兩次都輸，唔知點算先會贏，又唔知贏左有咩禮物呢？食飽賣單後，走出門口，先知原來有下午茶特價壽司架。希望下次記得2點半後先入座啦。慳成幾十蚊架。壽司味道不過不失，值得一讚既係炙燒牛肉，燒過既牛肉有油香。

我3人個攞C18號飛。C16號飛3人被安排坐4人位。叫C17號飛3人，但冇人應，之後叫B飛2人，然後安排坐4人位。之後我就問店員了解情況，佢就話下張到C18。一陣就見到有4人檯空左，店員再次叫C17，叫左幾次冇人回應，佢就走開左去左執檯。我搵店員問點解唔繼續叫C18，佢就話：你得3個人，要坐3人檯，依家咪執緊俾你囉！C16同C17就可以3個人坐4人位，B飛2人都可以坐4人位，只有C18唔可以，只可以等到有3人位。希望你可以不忘初衷，繼續黑面同提供咁高優既服務，相信好快你就唔需要為安排入座而煩躁。

黎到大西北搵朋友大家都想慳錢又想食壽司下午茶時段平d就試下叫左好多碟都係人均百幾質素都ok，而且款式都算多經過又唔想排隊等位都可以試下環境都闊落坐得幾舒服兩個人都坐大枱可以瘋狂點餐一次過慢慢食

嗰日一家去食壽司，食食吓斟熱水嗰個位，有隻中型曱甴行咗出嚟，喺枱面行嚟行去，然後我就叫服務，一直都冇人影，可能佢哋已經知道有昆蟲呢個問題，廢事過尼睬我，隔離個食客仲話，呢度成日都有曱甴，好平常㗎咋，唔使咁驚，真係一餐好差體驗嘅晚餐。

另一間壽司店成日等勁耐，今次唔等啦就黎試下位於3樓既壽司店～呢間就冇壽司係到迴轉既，係ipad落單後就會直接送到面前，種類同價錢黎講同另一間差唔多，不過炸野/熟食就睇落呢到多啲👍🏻明太子薯條，薯條香脆又香口👍🏻送到上黎熱辣辣唔會淋晒唔好食，配埋鹹鹹地既明太子都好夾👍🏻份量都算多！不過壽司黎講呢間真係差啲，啲飯勁鬆，一夾就散晒，或者係一沾豉油就散晒，壽司黎講啲飯鬆散真係唔合格😢 唔知係師傅問題定係啲機問題，希望餐廳會正視下呢個問題，如果唔係應該會得失好多壽司控～

要快要開心，就要唔等位，有無限水添飲，新到貴景，當然摸住找，行住找。。。點的點字，見到奇怪；為了快，就試一試。真心自助取杯匙筷茶醬汁，係好方便。只可惜沒有紙巾，扣了分。點選了有湯，有卷物，有烏冬，有刺身食材，就可以樣樣都試。三文魚味噌湯：高質，有三文魚肉，湯夠熱好喝；鰻魚反卷：反卷是加洲卷料外加了一片鰻魚，正常，唯一失色沒有俾鰻魚汁，所以扣了分；腐皮烏冬：又係又熱又好味，仲有獅子狗魚蛋，係驚喜；三色刺身：都鮮生，好味。整體中上，可以再試。

今日晚上和老公吃晚餐，第一次去呢間食，排隊等五張飛，前面嗰個男人Miss咗張飛，門口女經理已經好惡劣嘅態度，同佢講話佢過左要再等。 之後就帶左我地入去餘下一張的卡位，但突然又叫食到中途的三個客調去我坐低個張，我好愕然，點解要帶咗我入去再轉枱之後要我哋喺度等？？，但明明有一張3人枱即將執完。 我坐二人枱冇所謂，但係唔係應該搞掂晒先帶我入去，而唔係我坐低再又執枱又掉位，跟住嗰三個客人已經話唔需要。之後佢用極差嘅態度同眼神話咁你坐喇而家。 其實食物中規中矩，五喺差。其他樓面員工嘅服務態度都好好。我唔明白點解呢個所謂既經理連一個樓面既服務態度都不如？佢點解可以做到呢個位？我都系做服務業，只系覺得請呢啲人 真系浪費左自己餐廳

點壽司迷你蔥花吞拿魚蓉三文魚丼 $56呢個每次都一定會叫❕好多吞拿魚蓉，又夠多蔥，最鍾意就係佢材料多，但係好少飯，岩哂女仔食。松葉蟹肉四鮮丼 $76呢個76蚊真係超級抵❕淨係蟹膏都勁多❕蟹肉就係好碎嘅，好多三文魚子，不過係個貝柱就麻麻地，唔係好好食，我都係鍾意食吞拿魚嗰個。香蔥吞拿魚蓉反卷 $46呢個第一次食好有驚喜，呢間餐廳叫吞拿魚蓉嘅菜式都係好好食，因為夠多，好過食其他反卷。日式叉燒烏冬 $62兩大條叉燒好長好厚肉，不過就好乾身，無味，抵食但一般般炸雞軟骨$38呢個唔似日式只係西式連鎖店嗰種雞粒