炸雞兄弟 (已結業)

今天終於不用分A Team B team 返工，有同事毛毛陪我去柴灣做野。 今天去左嗰工廠大廈收貨，收貨搬貨都到晚上6點幾，毛毛話咁耐無一齊食飯，不如係附近找間野一齊食囉。正想堂食時，電話彈出“何栢良：懷疑有飲食群組....” 咁即使話...., Oh,無得堂食啦！毛毛話買外賣囉！我地見到隔離舖門口有個大大logo 有3隻可愛雞寫“Chicken Brother”，上 open rice check下，原來食韓國炸雞，專做外賣。好耐無食韓國炸雞，毛毛話不如就係度買，之後買幾枝啤酒上佢屋企食、啤啤佢，仲順便探埋阿嫂。好提議！一推門入去就見到玻璃廚房，可以隱約見到廚師在展示廚藝，見到有許多送遞員攞外賣送。因我地是walk-in, 所以就取左1份單張看，原來外賣自取有9折，嘩！11點後仲有77折。款式選擇多， 最後我地揀左2-3人份量的半半炸雞（要韓式甜辣炸雞同蜂蜜牛油炸雞）$148、 蔘雞湯（全隻）$96、北美炸薯條$38、芝士熱狗棒$42同烤雞肉卷$69即點即煮，等約20分鐘就有，份量不少，睇兩大包。包裝都有心思，湯用保鮮紙包裹防漏，最初我地睇沿途會倒瀉。韓式甜辣炸雞（下面）：甜甜地帶點

預先知道自己今天出差將於柴灣收工，一早就搜尋附近的美食。偶然看到這間專門做外賣韓式炸雞的小店，便決定買多幾盒回家與家人一起分享，順便可以試多幾隻味道。不知那位小哥是店長還是職員，幾有禮貌地介紹菜式的。蜂蜜牛油炸雞(L) - $148韓式炸雞就是要吃那種即叫即炸的新鮮感，與美式炸雞不同，特別地酥脆和熱騰騰。帶骨的雞件更加嫩滑，咬開肉汁不斷流出，非常水潤而不乾柴。蜂蜜牛油甜絲絲帶點咸的惹味均勻地塗滿，底部還有頗多醬汁。整體份量也頗多，一份已適合兩三人食用。雪山芝士炸雞(S) - $118整盒滿佈乳白色的芝士粉，多得幾近掩蓋雞件如積雪般，散發陣陣芝士香，質地細滑柔軟，味道較淡帶微甜。韓式兄弟炸雞(L) - $128原汁原味的雞味已經好惹味，可以再沾上其他炸雞多餘的醬汁，如雪山芝士和蜂蜜牛油味等，善用醬汁。

今日幫人搬屋，做到好攰，唔想下廚。知道柴灣最近新開左間叫「炸雞兄弟」嘅韓式炸雞深宵外賣店，今晚就一於躲懶唔煮飯。店子營業時間由晚上 6 點至凌晨 1 點，買滿 $400 或外賣自取可享 9 折，而晚上 11  點後宵夜時段更可享 77 折。店舖雖然淨係做外賣，不過食物嘅款式都幾多，除了主打嘅炸雞之外，仲有韓式湯、沙律、韓式料理、小食、烤肉卷、炸雞啤酒套餐及飲品等供應。點左炸魷魚圈、兩款炸雞同年糕魚糕湯。先吃炸魷魚圈，大大盒，分量不少，外層的炸漿雖然不算很酥脆，不過魷魚肉好厚，肉質軟熟鮮香，一點也不韌，調味亦恰好。店裡的炸雞一共有 5 款，包括韓式兄弟、韓式甜辣、蜂蜜牛油，雪山芝士同火辣熔岩。揀左韓式兄弟(即係原味) 同 蜂蜜牛油。雞件即叫即炸，雖然唔係當場食，但拎到返屋企仍然新鮮熱辣，兩款都點左 2-3 人分量，一客大約有十幾件左右，分量十足。兩款炸雞都做得很出色，原味炸雞大大件又有肉，而且最難得就係炸後沒有過份油膩的感覺，皮脆肉滑又 Juicy，沒有半分雪味，不沾醬料也很好吃。而蜂蜜牛油嗰款嘅雞皮就好薄，幾乎沒有脂肪，咬下還有肉汁，不會乾巴巴，加上味道香甜，帶蜜糖和牛油香氣，容易引起

weekend想喺屋企食下炸雞飲下啤酒自製happy hour， 就喺呢間位於柴灣工廠大廈專食炸雞的Chicken Brothers 點了一些炸雞小食外賣， 回家慢慢吃。 一人炸雞啤酒套餐($99)有炸雞有飯有啤酒， 炸雞有7、8件， 又大件又香口，雞肉都滑溜， 送啤酒一流。除了炸雞還有其他小食和韓式食品， 炸魷魚圈($52)份量超級多，比起出街HH，抵很多，怕熱氣？飲鬼佬涼茶下火，正仲有土耳其烤肉卷，點了烤羊肉卷($76)，size 又是驚人的超級長，大大件， 很多羊肉很多菜，不過有啲散， 吃的時候要小心。吃了這麼多炸嘢，還點了參雞湯滋補一下， 這個不錯，雞是全隻，也有很多糯米。烤羊肉沙律($83)，上面鋪滿很多羊肉， 都ok

東區呢邊好少見到有韓式外賣店，而且仲要買滿$300就免運費，兩三個人食都已經唔使俾運費，睇落幾抵食！仲有唔同嘅套餐，就算一個人食都唔使驚，因為佢哋有一個一人套餐，炸雞啤酒套餐自己喺屋企煲劇簡直一流！嘢食款式都幾多，仲有唔同嘅派對小食添！見到佢哋推薦呢個韓式炸甜薯條，唔使$50咁多份量，重點係食落去一啲都唔油，我估佢哋應該係用焗爐去焗嘅，咁樣健康好多！重點係甜薯條食落去，外脆內軟，鹹鹹地又甜甜地咁，非常之開胃，平時係出面好少食到啲呢啲甜薯條！屋企開party就梗係要嗌炸雞啦，不過因為我自己鍾意食辣，屋企人又唔鍾意，所以就嗌左佢哋嘅半半炸雞，半半炸雞嘅味道係可以自己揀嘅，非常之貼心！呢一個就係韓式甜辣炸雞，半份嘅炸雞已經有成七八舊咁多，重點係佢係肉多骨細個種，完全係啖啖肉！甜辣炸雞唔算好辣，比起韓式嗰種比較偏向香港人口味多啲，但係食完之後又唔會好頸渴！另外一半炸雞我就嗌左蜂蜜牛油炸雞，意外地好食，牛油個味唔係好重，同蜂蜜嘅味係一比一嘅比例，完全想一啖接一啖嘅感覺因為我哋屋企好多人，所以食肉獸嘅我哋就梗係要嗌埋呢一個無骨豬手！但係我肯定呢個份量三四個人食都夠！真係超級多而且佢啲骨膠原，正到爆

Chicken Bro - 炸雞兄弟今日帶大家工廈搵食之旅，除左觀塘區，其實柴灣也是一個工廈的集中地，當中也有很多隱世的美食，這間炸雞兄弟主打各式各樣的外賣炸雞，更特別是營業時間很長，宵夜時間也可以食到熱騰騰的炸雞。炸雞份量有1-2人份和2-3人份量，除了炸雞，還有韓式湯、烤肉卷和小食選擇。韓式兄弟炸雞元祖口味的香脆炸雞，熱辣辣冒着煙的，香脆炸粉的雞皮包着多汁的雞肉，很喜歡炸粉是薄薄的不會太厚，雞肉也不乾身。韓式甜辣炸雞韓式地道的炸雞，炸雞塗上甜辣醬，還有花生碎，辣辣的相當惹味。蜂蜜牛油炸雞牛油香十足的炸雞，當中還有甜甜的蜂蜜，偏向甜食的炸雞。北美炸薯條、芝士熱狗棒炸雞當然要配薯條作小食，份量超級多的粗薯條，已經有鹽和黑椒基本調味;還有特色韓國小食，拉絲的芝士熱狗棒。這間外賣店剛剛起步，相信會越做越好，越來越純熟。

見柴灣近排開左間開到咁夜既外賣韓式炸雞 前排朋友生日既時候就叫左黎試叫左個甜辣炸雞同芝士味炸雞, 年糕魚糕湯, 芝士薯條, 同埋烤羊卷先講下炸雞 芝士粉勁足 打開真係有雪山既感覺 等左半個鐘黎到都夠脆 而甜辣味因為有醬既關係 食落就冇咁脆 但係味道都合格芝士薯條都係普通薯條 但係同樣地芝士粉都係好似多到唔洗錢咁羊肉卷食落都幾似出面食果啲中東kebab 好味最抵讚係個年糕魚糕湯 d魚糕同年糕份量塞到成碗都係 我諗一個人自己都未必清得晒一碗總括黎講 質素係柴灣黎講不錯 係幾新穎 但係夜晚食真係好邪惡

由於柴灣除咗連鎖炸雞店之外都冇其他專係食炸雞嘅舖頭，呢間舖頭不停派傳單，所以我哋夜晚肚餓就叫左試吓，買滿$300柴灣係免運費，我哋就揀咗啲廚師推介嘅嘢食，我哋叫咗炸雞，韓國烤肉同蕃薯條，首先啲炸雞係未熟嘅，入邊係冇味，食落去就知係烚完再拎去炸，完全冇味，啲韓國烤肉完全唔係烤肉係烚肉，啲烤肉都係拎去烚...d肥膏仲多過啲肉,晒錢，好難食仲要等左足足一個鐘，我估送外賣果個都係行路....其實有冇心做飲食，客人一定食得出