影片
有日lunch唔知食咩好，上左黎亿利大厦揾食，比我遇到呢度卖我最爱既韩式饭团，决定帮衬左饭团餐配3件炸串。我点左韩式午餐肉饭团，食得出用既真系韩国某牌子既午餐肉，而且用料多，有蛋， 萝卜等等。味道都唔错，价钱合理，值得再帮衬。
继续阅读
因为我喺附近做嘢啦 咁当日比较忙 所以就打算买外卖姐咁一落楼既刻就见到呢间新开嘅炸帝韩卷 佢哋主力都系买韩式饭卷同小食 我一开始就觉得饭卷份量应该都唔会太多就嗌左个做午餐 点知接近系一个午餐大饭嘅份量虽然佢嘅款好普通佢馅料都系用肠仔啊午餐肉 但系呢间真系值得一试嘅 同埋记得要捞埋佢个韩式辣酱去食佢个饭卷咁呢个我只系买咗$58连埋嘢饮 其实系附近食饭都相当算系平嘅选择 但系佢好似剩系得外卖咁所以我都系匆匆买完就走咗。
继续阅读
今日约左朋友系荔枝角食午餐，友人带我到呢间餐厅试吓，佢话平时系冇位坐，其实而家个市咁差，连午餐都唔洗等位。呢间餐厅很特别，主打韩国炸物，亦有捞面，选择不多，但亦都有好多野想试，我地点左2个午市套餐，包罐装饮品，虽然是罐装饮品，但也有热的，很窝心。韩卷套餐- 韩卷加炸物，份量都ok，如果男仔食就会唔够饱，味道都可以。捞乌冬套餐 - 乌冬加炸物，捞乌冬的味道很特别，不像韩国style，有一点麻辣味道，好好味，值得一试，炸物之中，鱼蛋和蟹柳最好食，其他也不错，不会太淋，热辣辣的。
继续阅读
喺荔枝角LUNCH无咩好食，同事话开左间炸物，咁唔洗谂就去试下。呢间主打炸物同韩式饭卷，我地点左乌冬同炸物。咖哩捞乌冬会送温泉蛋，整开只蛋同Ｄ乌冬捞埋黎食，超级滑，但系咖哩好淡，可以浓少少同辣少少。炸物５本有豚肉，蟹棒，莲藕，紫薯同埋鲜冬菇，老板仲送左粒鱼蛋。炸物系新鲜炸，用个篮装住，卖相几好睇。炸粉好薄，食落好脆，唔会觉得油腻。炸豚肉略嫌无味，如果可以转炸鸡会比较好。配炸物点少得野饮，买SET会送埋，野饮选择好多，除左可乐，Ｃ＋果汽水Ｄ之外，仲有Ｄ韩国野饮，例如牛蒡荼，柠７等。老板好细心，LUNCH时间咁忙都会问下Ｄ客Ｄ野啱唔啱食。＄６８一个LUNCH SET算系咁la～
继续阅读
见到下面d menu又有韩国卷同炸物，谂住可以同同事叫几样share试下，点知就有个极之令人气愤的体验！自称老板嘅人见你消费唔高，就会用尽方法加收你钱！十分离谱！我哋三个人食唔到三条韩卷，又废事叫得太少，所以我哋决定叫两条韩卷同一份大串炸。送餐时我哋话因为想share食，食物放系中间就可以了。个自称系老板嘅男人一听到我哋话share就黑晒面，话: 下你哋要一人一个餐架㖞，无得share! 你哋点都要叫多样野！咁我就觉得好奇怪，明明我地都叫左三样野，点解仲要叫？问佢边到有写住话有最低消费，佢话: 无写，不过我而家话你知有！咁我哋就再问佢而家差几钱？佢竟然话一系我哋叫多个韩卷，一系加杯嘢饮 。。。但我想讲，韩卷$55, 嘢饮就只系$8请问一下个收费准则系咩？ 完全系佢钟意点就点！(如果你有写而我无睇清楚，我一定会叫返，因为我都知可能有啲一大班入嚟真系叫得一条韩卷，但系我哋其实都叫左三样嘢食，而且当成间铺嘅餐牌都无任何字眼话要一人叫一个餐或有最低消费，我就觉得好唔合理)之后佢一对筷子都无俾我哋，我就去左拎两对，佢一手抢返，我当下真系吓窒左！佢同我哋讲话，一个餐得一对，要多对加$2!!我拎成个盘俾佢睇，系一对都无！佢先扔返对俾我哋！一间铺，租金贵我明，你想客人消费多啲可以理解。但就一定唔系咁样你钟意话点就点！一对筷子都可以无端端话$2，你做生意咁唔老实又点会有客？最后，食完好大浸油烟味，成件衫都有。至于食物，连韩卷都可以好油。。。
继续阅读