影片
港岛区人原本入跑马地食老麦云吞面，点知马场改道入唔到跑马地，逼住去咗香港仔隧道，咁就喺香港仔揾嘢食。刚刚好见到田湾附近有一间鱼蛋粉面店 — 炳记。我叫咗一碗牛腩河；屋企人叫咗紫菜四宝面，两碟油菜，我另外再叫咗净紫菜四宝。牛腩河上汤好味，河粉系用幼河粉，牛腩入味，唔算天花板级松化，但以$35一碗价钱，可以收货。紫菜四宝，绝对推介，鱼皮饺唔会食到一口油，鱼扎亦都十分好味，牛丸有牛味。最后想讲一句，呢间舖头个老板应该同我一样有强迫症。个男洗手间系我喺香港茶餐厅级数嘅地方从来未见过咁干净（讲紧系五星级酒店洗手间嘅干净）；每张枱嘅枱面都系实验室级数嘅干净。每次去到日本嘅餐厅用完佢哋嘅洗手间，都会好感叹点解香港人永远做唔好洗手间嘅卫生。今日炳记嘅老板就用行动证明咗我嘅谂法系错嘅，只要有心就会做得好！
继续阅读
#搞串个pantry之前讲过，每一个地区，几乎大家屋企🏙️楼下都会有一间港式粉面店🍜。今次就系#香港仔 🛥️嘅街头见到间唔显眼嘅粉面店，就入咗去试下啦💕。舖头4、5张枱，装修普通，都坐得舒服😄。今次系嗌咗牛脷河粉($38)、牛筋河粉($33)。非常特别见到平时喺粉面舖少见嘅牛脷👅，所以就试下。牛脷河粉🌟🌟🌟有3大块牛脷🐮，每一块厚度适中。汤底加咗腩汁，河粉就软硬适中份量都几多🤩，食落口有咬口😬，唔会溶溶烂烂咁。牛脷口感一般，唔太爽脆，不过就好重牛味。牛筋河粉🌟🌟🌟🌟有大约4、5嚿牛筋，每一嚿望上去都晶莹剔透🔮，汤底同样加咗腩汁😜。牛筋食落口软腍之外，都有啲弹牙，而且有浓浓嘅腩汁味道🤤，唔会淡而无味。两碗河粉嘅味道都正正常常，口感都唔差。如果系住附近嘅街坊🕺🏻，想食粉面嘅话，食呢一间都几好😚，而且仲有牛脷，都几特别💕。
继续阅读
好推荐佢既小食, 鸡红+萝卜+猪皮, 佢既鸡红好滑, 好食过咩乜乜乜鸭血,其他面食都几好, 油菜都好食, 平日我只接触大集团既面食,呢d小店对我黎讲, 实在太好食啦
继续阅读
讲到炳记，好多人都话佢啲牛腩好食。我就反而推介其他嘢。最主要系想推介佢嘅卫生！帮衬时间，刚好系疫情。枱枱櫈櫈，全部都好干净。中午时间食饭，又唔会话好多人，好逼夹。由于老板娘坐镇，成间舖头都管理得井井有条。一般面店，一般情况，最怕就系𠮶张抹枱布。好多阿姐，揸住张千年抹枱布，仲要喺你食紧面嘅时间，同你抹枱，真系好呕心。臭到想即刻起身。老老实实，炳记就唔系咁！！每一张枱，顶尽三个人。好多情况都系一至两个人。出嚟食面，我第一次见到，啲阿姐系用纸巾抹枱！可想而知，就算佢帮你抹，你都真系感受得到𠮶种干净！👍🏻👍🏻👍🏻👍🏻👍🏻当我等面食嘅时间，亦见到，呢度啲阿姐好努力咁样，用干净嘅毛巾抹玻璃。全店，一啲味道都冇！佢哋嘅干净程度，好俾屋企！讲一讲嘢食。。。想推介云吞！真系新鲜㗎！虾有虾味，肉有猪味！啲汤亦都好香甜！成碗饮晒。仲要提一提嘅系，炳记出名嘅唔净只系牛腩，而系份量！如果你叫嘅系一碟捞伊面，食完真系饱足24小时！
继续阅读
今日我去咗炳记面家都食牛腩河粉（家底）再加碟炸鱼皮同一支雪碧，不过不失！牛腩都算几入味同林，但系河粉执你就同平时啲面档好似有少少唔同，有口感！鱼皮好脆同份量都几多！
继续阅读