炳記茶檔

营业中

休息中

天陰陣雨, 本非賞花好日子, 但香港花展已是最後兩天, 如果錯過便要明年請早. 出發前先去大坑醫肚, 聽聞炳記茶檔水準不錯, 一於試試.浣沙街一帶對我等攝影發燒友來說, 當然不會陌生, 炳記位於後巷中, 要找到也不算難.星期六午市也算多人, 剛好有一張檯有位可以坐下, 幸運. 望望牆上的餐牌, 相當簡單, 其實就只是公仔麵, 多士及三文治幾款, 內容當然可以自由配搭. 我要了一個豬扒紅腸麵和凍奶茶. 效率不錯, 不足五分鐘麵就送到, 大大碗賣相不錯, 紅腸是煎過的, 有5-6塊, 豬扒並非整塊上而是已經切成小塊, 兩者味道並非甚麼神來之筆, 但檯上擺放了麻油, 加幾滴進去, 再加點辣油, 整碗麵就變得香又辣, 很對我口味, 三扒兩撥便吃完. 見有人等位, 便立刻起程前往維園, 半個小時又解決了一餐.

豬扒咁出名一定要試啦.薑餅人差點獨吞整碗豬扒餐肉丁, 豬扒鬆軟有肉質, 似燒烤醬的汁豐富.奶醬多厚切鬆軟, good!奶茶唔算很香.

肥B係呢頭返工,星期六到我收工,就走去食丁丁麵,之前都有食開,肥B食得多D,我就幾個月食一次咁,今次我叫豬扒出前一丁,豬扒都係咁入味同好淋,出前一丁個湯,肥B話佢應該落D,唔同自己屋企煮隻,但食得出真係出前一丁,肥B叫餐肉雞翼米,餐肉普通貨式,雞翼係鼓油雞翼,都係好入味同D雞翼都好新鮮,所以耐不耐就會想返去食.

今日因公事到天后一趟,剛好午飯時間,所以就到這裡吃個輕怡午餐,我還以為這裡有腸粉,原來是別家才有,最後叫了奶醬多和熱奶茶。奶醬多是厚多士,烘得非常香脆,好味道。熱奶茶則茶味十足,好有茶香,我還是頭一次飲到咁香茶味的奶茶呢!題外話,從未見過大牌檔用上二十多元的日本日清麻油,好有誠意，下次要試一試可以叫多菜的豬扒米。

早前看到食評已想來一試，但星期日唔開，星期六又收五點，早前終於找到時間來一試。知道這裡出色豬扒，當然要一試，我們叫了一碗豬扒丁、豬扒米、鴛鴦和茶走。豬扒丁- 出前一丁煮得久了一點，比較上偏腍，還是喜歡硬一點的，日清麻油和辣椒魚露，就幾出色，又香又夠辣，而且可以除自已喜歡，落幾多都得，在其它食店來說，真係幾少見；豬扒切得細細件，剛好一口一件，幾細心，很入味也唔算太韌，真係幾好。鴛鴦- 咖啡味偏重，茶味又太淡，普普通通。茶走- 味道唔會太甜，茶味也很出，雖然未夠香濃，但已很出色，比鴛鴦好飲得多。價錢唔貴，味道也幾好，可惜地點對我們來說，唔多方便；食完之後也幾口喝，唔知係唔係魚露的影響。地點比想象中乾淨，在舊式茶檔來說，已經很出色的了。

繁複的大坑...多條十字街交著, 茶檔就是位於滿佈車房地舖的橫巷中, 好不容易才找到.老闆很忙, 但仍不停sell 自己豬扒是最出名的. 雖然很怕人hard-sell, 但既然到, 就不妨一試.這兒賣的除奶茶多士之外, 就是公仔麵.豬扒麵$20...其他雙拼麵$17豬扒好多醬汁,d醬好味, 豬扒厚身而且幾淋, 的確唔錯.一碗麵有菜, 豬扒份量ok, 幾抵呀.凍奶茶要分開叫, $10. 但味道略淡, 沒有一般茶檔水準.

星期六收工4點幾第一次到炳記試試，嘩！好多人呀。豬扒出前一丁麵都好味，豬扒入味不果就凍少少，杯凍奶茶都夠滑，多士夠大同中環勝香園有得輝，當日重見到遊戲王李燦森同女朋友一齊食野。

放半晝假, 樂得清閒, 見眾多食友都說這裏的豬扒麵是不錯的, 所以便來一試. 試食了:豬扒蛋麵: 豬扒很諗, 煎得亦香, 可惜有點雪藏味, 有點失望, 麵和湯亦無特別. 唯一可取的是桌上有瓶日清麻油可任加.茶走: 普普通通的, 茶味不足, 但亦算香滑.環境有點像勝香園, 已很少見, 所以仍會再來. 順帶一提, 來這裏不難, 是從天后地鐵站B出口過馬路向銅鑼灣道直行, 見到有個地方很多車房, 轉下轉下便可找到.

晨早流流要入大坑搞點私務,一心本著吃順興的腸粉,反轉整條安庶比街也找不到,難道已經告老歸田?在同一條街上,同樣有間茶水檔叫炳記,早上時段,人頭擁擁,餐單只有麵食,同麵包多士.十足十耀東街蘇記格局.是日早上胃口麻麻,區區一碗豬扒麵也能應付.微涼早上,坐在路邊喝一口冰凍奶茶,也挺舒服的.奶茶過甜,但也算香滑.豬扒麵用出前一丁底,最著眼的當然係塊豬扒,豬扒也很鬆化.全碗麵最值錢果樣,點都無可能失手吧.否則執笠去也.胃口麻麻,吃罷豬扒,都係心思思,再過去康記來個米皇,才死心塌地.

今日放自己一day假，係接女友放工前，專登走入嚟揾嘢食。對我嚟呢度真係一個完全陌生嘅地方，之後發覺原來有好多好嘢食，我諗以後仲要嚟多幾次嘞...原本想去順興食腸粉，但佢門口寫住"裝修期間，休息數天"，好失望。於是轉而嚟食豬扒麵...好在天氣唔算太熱，仲頂得順。叫咗招牌豬扒麵加奶茶。麵未上之前老闆就將一樽made in japan嘅麻油放响枱面，咁捨得用料嘅牌檔都算係少見。麵端來，先飲一口湯，好强嘅出前一丁麻油味，印象分大加，好香，但係奇怪係個麵底只係用普通大光麵，真費解；豬扒醃得相當夠味，用嘅亦係新鮮貨，份量亦夠多，相當唔錯...奶茶就普普通通la..值得嚟試吓嘅...

大排檔形式，發牌關係，隨時冇得做，勸大家有得食好食。現搾fit人棠哥，屬第二代，好似係幫老豆打理。瘦身型帶眼鏡，著背心。笑容多禮貌好，上午家姐做水吧，下午棠哥親自落手。煮麵好似又係分兩更。奶茶正，茶比其他茶餐廳或大排檔香。花奶落得唔多，茶亦唔涸喉，可能茶葉自己調得好0卦。豬扒麵最聞名，其實全名叫加勒比海豬扒麵，同加勒比海有乜關係？棠哥話個名純粹講意景，其醬汁顏色令人想起加勒比海風光，哦！原來係咁…不過味道確一流，豬扒蛋治亦正。豬扒麵最好分開上。全部街邊位，星期六午最多人，場面壯觀，夏天預左好辛苦，落雨亦預左濕身，冬天預左大風。

呢度唔太難搵，係天后地鐵站C出口向住銅鑼灣道行就見倒，見其他人既食評多數都食豬扒麵，我都整返個，再加杯凍檸茶，碗麵應該係出前一丁黎，雖然我個人唔係話偏愛出前一丁，但佢煮得真係相當有水準，平時食開我媽煮果d已經覺得好好食，但佢呢度煮得仲好，豬扒係切開細件咁上，睇個賣相都知好夠味，淋又唔會太淋，幾有咬口。不過杯凍檸茶水準就只可以算緊緊合格，整體雖然算係滿足既一餐，不過埋單$30以呢d茶檔黎講算係比較貴。

記得幾年雜誌介紹過，當時還專程去試下，可惜星期日休息，之後去了順興今次適逢OR搞BBQ前o黎呢度食個lunch，選擇唔多，只有即食公仔麵類、多士、三明治等。豬扒米粉-豬扒係切件上，肉地好鬆化、醃得又夠入味，而米粉食得出係即食個隻。花生醬多-都算係厚多士，仲可以留邊，鹹牛肉三文治-都係幾厚，最開心都係有得留邊，不過落單時叫佢走油，佢唔記得，D牛油有陣怪怪味，幾難食。反而對杯奶茶有少少失望，唔夠香濃，味道較淡。

都唔會有幾多大排檔會供應日清的100%胡麻油給客人吃出前一丁吧？在這裡你會找到，還有自家製的辣椒魚露，所以在大坑有兩間排檔，我多數來這裡。星期五，幫朋友拿他的「二奶」去大坑配色，其間就去找吃的。在大坑區附近，大部份就只有茶記及一間薄餅店，當然來這裡。兩點幾，飯市已過，都有唔少人幫襯。在後巷找個位坐下，己立即叫了豬扒蛋麵及鴦走少甜，不過因為人客多，都要等了一等至有得食。在這裡吃麵，個人喜好，先倒去半碗湯，加入麻油及辣椒魚露撈一撈，麻油香而小青椒及小紅椒又夠辣，相當不錯；豬扒已切成幾件，用醬醃過再煎，當然比一般的炸豬扒用心好多，但論味道，當然是上環科記好一點。還有兩條生菜伴吃，以排檔而言，已是超額完成。寫單的伙記有點烏龍，但態度是十分之好。埋單29蚊，不便宜，但絕對吃得過。當然問我最出色的茶檔在那裡，我幾時都說是九記對面~勝香園。

唔好睇炳記係鐵皮茶檔仔，佢0既出品分分鐘好過好多大型茶餐廳，尤其係咖啡奶茶，勁滑∼可能太多人，Ｄ檯開到左右兩條街滿晒，經安排坐0左張新開0既檯。今日揀0左火腿餐蛋麵、凍啡；細佬都係叫同一個麵、凍茶。再加鮮油多∼鮮油多﹣佢唔係一般成舊牛油夾0係包裡面果隻，而係搽滿塊多士就算，老闆解釋咁樣健康Ｄ喎∼多士係即叫即烘∼香脆！火腿餐蛋麵﹣一食∼就知又係即叫即煎／煮，餐肉就算浸0左落湯，仍然有層脆脆0地0既面。不得不提！檯面有支麻油，睇0黎係專for食麵落0既，無論香味同質地都極似出錢一丁專用果隻麻油，落少少成碗麵唔同晒∼∼凍茶凍啡﹣兩個字：香滑。