炙和味日本料理 (屯門時代廣場北翼) (已結業)

今日走入呢間日式餐廳，眼前一亮👀，咁多款色彩繽紛嘅食物一次過滿足到我嘅視覺同味覺！三文魚片滑得滑得嚟，一啖咬落去，鮮甜嘅魚汁即刻喺口腔裡面爆炸，完全hook住我呢！紫薯波嘅口感綿密，甜度啱啱好，真係食得出主廚嘅心思。至於芝士年糕，外皮炸得金黃香脆，入口即溶，啱晒愛芝士嘅你。榴槤波？一啖落肚，飽滿榴槤香滿溢四週，真係系統警告咁濃郁啊！鰻魚燒啲味道正到不行，魚肉嘅香滑同汁嘅入味完美結合，燒得啱啱好，唔會太乾。雪糕部分，哈根達斯同Mövenpick任君選擇，夠本夠正！至於呢碗珍珠奶茶，夠登對夠香滑，係餐後嘅完美收尾。要講呢家店嘅唯一缺點？就係我個胃裝唔晒我想食嘅所有嘢咋😂！下次再黺啦，一定會返嚟再戰！🍵🍙🍣…查看更多

放假既屯門牛真係想留係屯門吾出去，但又好想食放題，就上openrice 搵食，係屯門市中心，交通方便，我選擇左下午去，超快入座，吾洗排隊可以直接食，食物選擇種類多，食物上枱速度快，刺身新鮮，係屯門牛不外出之選…查看更多

朋友想sushi，其他地方要等，所以試試呢間！一入門口已經好大魚腥味，食物，飲品，甜品種類選擇唔多，但足夠一家人或幾個朋友食飽！情侶就唔建議，因為無咩特別！剌身望落已經唔新鮮，炸物好厚粉！服務態度唔需要講，因為普遍都唔會有態度！返屋企中途，同老公已經屙咗2次，所以「可一，不可再」！價錢$278加一平均$30x！…查看更多

之前一直都會同老公黎宜到一個月食一次，覺得佢哋比大公司嘅放題有心機，價錢又差唔多，佢哋嘅熟食幾好食，佢哋嘅刺身亦都比一般放題嘅厚身，加上佢哋可以嗌特飲，包括珍珠奶茶，所以覺得性價比比較高，最後仲有Movenpick嘅雪糕送🤭🤭…查看更多

之前食過三四次放題，今年第一次嚟，食午市時段，$258一位，可以食三粒鐘。一坐低就即刻掃 QR code 落單，第一張單 1202 入，除咗杯野飲好快到咗，野食一直冇嚟，1226嚟咗清酒煮蜆，見廚房好得閒在傾計，1232 再催佢，其他野食 1237 終於到，應該係漏單了吧？🙄第二張單 1208 入，但啲刺身數目俾唔啱數，最離譜係油甘魚點5件只俾2件🙃 中拖羅有根而且冇味，比較失望...清酒煮蜆好淡好淡，地獄炒蜆唔辣的，不過好濃味，都好過清酒果個冇味既😅 烏冬幾彈牙，蘆筍都好味，係啲牛柳冇牛味啫😅 炸物燒物都正常發揮，不過燒蝦就好霉😔坐坐吓有人搭檯，之後我哋個檯號就出咗問題，落完啲野唔識嚟，跟住侍應俾咗另一個檯號的 QR code 我再掃，話剛才落果啲記錄冇哂，叫我重新落過單。但之後又聽到廚房同返侍應講，話我哋啲野食點解一模一樣落兩次單？🤷🏿⁉️今次體驗真係差過之前好多，我諗我以後唔敢再食依間了.... 最後一提，甜品方面係可以每人叫一件 H 牌雪糕或雪條，食完會開心返少少嘅😂…查看更多

4月16日晚7:30入座，先叫刺身，羊架，牛仔骨。刺身出餐時間算正常，亦算新鮮。食完刺身約7:50分羊架及牛仔骨亦未上，都算繼續等！然後8點繼續再點食物，燒物：「牛舌，扇貝，菠蘿……8:25仍未有，問職員(黑色背心女職員)，佢嘅回應係燒物係要等，我話咁係咪補返時間比我哋？佢就答，咁都要比時間師傅燒㗎，得一個爐，要整咁多樣！我O咀囉，等成半個鐘都無一樣上枱，咁叫唔比時間？相反，做唔切點解又接咁多訂座？都算，等到8:40扇貝到喇，肉梅嘅。炸物算正常，菠蘿係熱但唔覺有燒過，牛仔骨偏un，我都唔再投訴了！因為唔會有下次。我6個人，已經無人想再叫任何嘢食，連雪糕都唔食，8:57離枱走人……$308加一比咁嘅質素真係🤦‍♀️🤦‍♀️…查看更多

食物素質極差,叫左d野食等勁耐先到.差d都唔記得左自己叫左咩野食從未食過一間咁差既放題.叫個手卷d紫菜林到好似濕左既報紙咁.叫個燒菠蘿唔知點解會有腥味.....…查看更多

屯門性價比高的放題 - 炙和味$268 加一服務費刺身新鮮、沙律、枝豆、天婦羅（蝦、南瓜、蕃薯、軟殼蟹）、芝麻雞翼、炸雞、壽喜燒、爐端燒（牛舌、燒菠蘿、雞軟骨、海蝦、青魚）、炸年糕、炸榴槤、炸香芋、甜品（Häagen-Dazs)…查看更多

突然想食放題，屯門牛要食放題——炙和味係一個好好既選擇，開業後前後都光顧了四五次，先前質素在屯門黎講算ok，食夜晚放題，限時120分鐘。但係琴晚去完，係令到我black list左。首先刺身食物上面有中拖羅（聽落同睇相都覺得高級）但食落去白色既部分絕非油脂，而係似橡膠既筋。所謂阿根廷蝦有的梅，而且腥味很重。三文魚算最正常，帶子一般般。北寄貝普通，整體來講「唔新鮮」。第一轉叫刺身，第二轉叫熟食本身都抱住刺身唔掂，熟食都ok掛，雞翼、羊架本身都係醃製過既 正常接受還可以。另外牛舌之前係厚身既，今次超薄切 雪藏味好重 明顯感受到未解完凍就直接去燒。飲品選擇是可以，不過食物選擇也不多。唯一要讚既就係員工既服務態度都有禮貌。之前吃還是挺好吃的，這次極失望，閒日晚市$298再加一，人頭$328，坦白講呢個價位呢個質素食完一定會後悔。…查看更多

呢一間放題，食咗超過10次，因為真係好抵食同埋好好食。😍😍👍👍👍終於忍唔住要寫一篇食評讚吓佢，不過有一樣嘢講咗出嚟可能會嚇親大家。😂就係佢嘅衛生程度，曾經見過有一隻黑色嘅老鼠喺餐廳內嘅天花板鐵通上行嚟行去，嚇死我同細妹。不過可能飲食地方呢樣都係少不免，其實其他餐廳都有，只係你哋睇唔到😁講返嘢食先，佢有林林總總唔同嘅亞洲日本嘢食，有刺身、壽司、燒物，炒飯麵、串燒乜嘢都有，就係未有生蠔同埋蟹腳。😌但係人均大約三百幾蚊，飲食，酒水任飲都差唔多啦，如果鍾意飲酒或者比較大食嘅人就會非常之抵。食量唔多，但係唔可以食多啲刺身嘅話都抵番嘅👍👍☺️…查看更多

今晚我們很難得全家人相聚，我們整家人一起去到屯門市廣場北翼地下的炙和味日本⛩️料理食日式放题，店鋪不大，约6O多個座位，所以必須打電話去預約訂座，約八位或以上，必須留訂金$500。我們週五晚上7:30去進膳，每位$308，另需加一。當晚7:10去到時,已座無虚席。除櫥窗邊卡位外，其他座位都比較迫 ，通道較窄，但食物質素好，可用網上點菜。食物頗新鮮，用心製作，加上屯門區食日式⛩️放題不多，近近地又想食放題，這間是不二之選。😃…查看更多

次次都係中午食炙和味嘅定食，每次都一定嗌602號餐，有9件壽司，又有烏冬，仲包埋野飲，80幾蚊有交易，好滿足。佢嗰個吞拿魚他他脆餅幾好味，又吾係度度有得食，所以幾特別。另外仲有炙燒左口魚同埋三文魚，好香口，吾錯。其他壽司都正正常常，塊紫菜上到嚟都係脆嘅。另外佢個烏冬呢一個係甜豉油湯底，亦都可以轉做豬骨湯底，湯底就冇咩特別，但係個烏冬都幾好食嘅。80幾蚊食呢一個餐真係性價比好高。所以一有機會都會過嚟幫襯。…查看更多

人愈大 重質不重量已經好少食放題吃到飽因為吃少少就飽🤣早幾日同幾位朋友約食飯，當中有男士，費事諗食咩又驚男士唔夠飽，於是揀左位於屯門時化廣場既炙和味日本料理😛平日晚上入座用餐2小時💰298加一先講講食物，久違食放題，諗住任食質素都唔會好😅但食物質素竟然唔錯✏️刺身我地點左油甘魚、中拖羅、甜蝦、北寄貝，全部食落都中規中矩😗甜蝦都夠大隻，所以我都幾鍾意蜆肉有兩款，一款清酒煮蜆，而另一款係地獄炒蜆😋前者無乜清酒味，但後者有麻辣味又幾香口食落好過癮！✏️芝士燒扇貝 呢款好好食，芝士同牛油味都好香，上枱時仲熱辣辣好惹味👍🏻之後我哋仲encore！炸物同天婦羅🍤有好多款！天婦羅炸粉比較厚，同埋餐廳比漏左天婦羅汁比我地😅我地本身以為佢唔提供，食到尾見到格離枱有先知原來有，只係漏左比我地😢炸物方面，我地幾鍾意紫心蕃薯波波，芝麻雞翼，榴連忘返😛壽司就唔多介紹，都屬於唔差🍺飲品方面，佢有啤酒，汽水，茶，特飲等 我個人絕對唔建議嗌特飲😂因為叫左幾杯，雖然飲品好靚好colourful，但味道都係好甜唔多好飲🍨最後賣單仲送一人一杯 movenpick雪糕 有雲呢拿，朱古力同士多啤梨揀👍🏻有驚喜 因為多數出面比較少地方送movenpick🤣所以食得好開心💡整體而言，呢餐飯性價比都唔錯，$3xx就可以食到好飽食物質素又唔差，食物上枱速度都快🥰用手機落單一陣就好快有得食！不過餐廳環境比較細，4個人既枱都唔大，佢每碟食物個碟都好大😂基本上都擺唔哂咁多樣野職員服務都OK,因為我地坐正風口位下面,我地開聲都肯幫我地較較個冷氣👍🏻👍🏻 …查看更多

同朋友慶祝生日，選擇種類多，食物上枱速度快，唔會因為多次落單而放慢上菜速度，抵贊金菇肥牛卷串肥牛厚度剛好，唔會太薄，金菇吸收曬肥牛香味新鮮帆立貝爽口大隻肥美魚生刺身新鮮大片，而且好厚好肥美，絕不吝惜牛舌好軟淋淋，一D都唔鞋口，仲好大塊好厚身雞全翼燒得好香，好大隻(剩係掛住食，唔記得影相）羊架扒唔會過羶清酒煮蜆 蜆肉新鮮肥美好大隻，清酒味濃郁，沾上清酒湯食味道一流，份量仲好多炸紫薯波，炸榴槤波，超好味，不停番點飲品選擇多…查看更多

大蝦有大條的蝦線，而且有腥味很重。也沒有甜蝦了三文魚也是小小塊但是口感有點韌上的速度有點慢，短期內不會再去了，之前吃還是挺好吃的，這次有點失望，希望再接再厲加油吧！…查看更多