炙・宴 (時代廣場)

营业中

休息中

通常對香港嘅日本餐廳有少少保留，但呢間估唔到好有驚喜。俾「沖繩」兩個字吸引咗入嚟：沖繩四季柑汁：破戒飲凍嘢，但完全冇後悔，因為呢杯嘢真係好好飲，唔會太甜，有氣，加上柑嘅味道好清新, 非常解渴。再次飲到沖縄シークワーサー真係好感動。❤️ 希望即使完咗沖縄呢個期間限定fair 都會keep呢個飲品喺menu! 南蠻炸雞：呢個就係驚喜 🤤🤤 外皮炸得好脆好似有一塊好厚嘅薯片包住，一見到佢有咁多sauce 仲以為佢落太多，點知同炸雞同埋洋蔥椰菜絲超夾。好耐冇食咁好食嘅炸雞。豬肉餃子：餃子皮好薄，煎得唔錯，點埋個汁好開胃。沖繩飯團：想食少少碳水化合物就叫咗個飯團，但我只係食到比較鹹嘅豉油加紫菜嘅味道。好彩佢係熱，如果唔係仲難食。被南蠻炸雞吸引，兩星期後去咗買外賣「南蠻炸雞飯」，味道一樣好但當然個皮已經林咗，所以下次都係堂食🤤。要讚嘅係，店員俾我用自備餐盒！唔該晒！

講到去日本旅行，好多人都鐘意去日本本島既地方但我就對沖繩有一份額外的感覺，就算第一次去日本，都揀左去沖繩遊玩等咗咁耐終於通關，終於有得去旅行可以返鄉下仲未到長假期又想未出發先興奮，預先感受一下旅行氣氛，就去食返個沖繩祭大餐滿足下自己先食物方面:沖繩豬軟骨湯麵套餐包括沖繩豬軟骨湯麵、沖繩四季柑汁、沖繩雜炊飯團，仲可以 +$15 升級到套餐有味噌湯及迷你沙律沖繩豬軟骨湯麵 : 豬軟骨用黑糖燉煮，入口軟嫩，肉味同骨膠原都咁豐富，麵條就用左沖繩麵，口感爽滑彈牙，配埋清甜既柴魚片湯，清爽又滋味沖繩雜炊飯團 : 雜炊飯團加入羊棲菜同豬肉炊煮而成，口感煙韌，簡單好味又健康沖繩四季柑汁 : 四季柑汁帶友果酸同澀後回甘既味道，消暑解滯，天時暑熱飲返杯就一流沖繩水雲醋物 : 沖繩名物之一，水雲加入蘋果醋，白色的山芋蓉，酸甜醒胃，營養價值高沖繩豬肉煎餃 : 餃子外皮煎得香脆、餡料用上沖繩阿古豬肉，非常惹味厚炸沖繩島豆腐 : 島豆腐豆香濃郁，外皮炸得香脆，內裡保持滑溜，再沾少少海鹽，健康又美味特選宮崎和牛飯 : 牛肉味濃有口感，加上少少脂肪入口即化，燒汁香口微甜不膩、本菇入味，撈埋丼飯一齊食無得頂宮崎和牛•A

今日lunch time就試下炙·宴Aburi-EN 嘅宮崎和牛⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🇯🇵宮崎和牛出名牛肉同牛脂比例完美，口感柔軟，入口即溶～🍱特選宮崎和牛飯🍲宮崎和牛鍋·豬骨清湯🥤菠蘿梳打🥤香檸碟豆花梳打

Time Square 6樓開咗呢間專食炙豬肉同牛肉嘅餐廳。我俾佢門口嗰4隻慢燒豬仔吸引咗，所以去試吓🐷我哋叫咗一個「豚肉丼」，一個「火炙豬腩肉辣味增豬骨湯拉麵」，一個「厚炸沖繩豆腐」同「炸北海道魷魚」。食嗰時我同先生都覺得唔錯喎，樣樣都幾好食，價錢又唔貴。點知行咗一陣街之後，我哋兩個都非常口渴！我一食到味精就會口渴，今次仲要我先生都即刻去買嘢飲🧃呢間餐廳都應該落咗好多味精😓如果唔怕味精嘅話，可以去試吓。我哋就唔敢再去囉。

呢間店係唔同地方都開左分店主打燒和牛，今次終於去試下。叫左一個特選宮崎和牛飯配set 另加15蚊有面鼓湯同沙律🥗。認真種講，都有和牛嘅油脂感，但無和牛果種入口即化，有部分仲係唔易咬，但唔係平時平價牛嘅果種”un”, 但食完好明白個和牛係未到班，不過公平啲講，有7塊牛配飯，收你170蚊，你想要高級和牛都唔reasonable….好食果啲你淨係比170蚊食到2片可能得嘅😂反而呢個宮崎和牛配特上豚鍋幾有驚喜。個和牛有入口即化感覺，好食過特選宮崎和牛飯，但油脂感無第一個咁強，整體黎講好食啲，但一定要比錢加多兩塊牛，唔係就無好少牛食，又或者可以簡淨牛唔好配豚，另個豚唔算特別好食，會有啲鞋，不推介。叫淨牛好啲🙃我應該食一次就夠，不會encore 了😆值得一讚店員一眼關七，我手殘，食食下掉左隻筷子落地，佢一即刻幫我換🫶🏻可能當日唔係坐滿客吧🫢不過有啲餐廳就算小人，啲店員都可以扮睇唔到嘅🤫

收工同屋企人食飯～好耐前都已經比佢啲豬仔燈籠吸引禁岩今日行過見冇乜人因為都差吾多8點幾九點食左個和牛丼加月見豚肉腩丼再加多左個餃子整體上都吾錯，賣相都系普普通通😋但系個和牛丼大約有6,7塊，至少有三塊都比較（un）吐反出黎..好快就有位帶👓眼鏡既侍應哥哥黎問咩事得知原因過後仲即刻話同廚師反映 過左一陣就已經補反幾塊和牛比我地 亦都再問多次有冇問題：先吾好話因為個和牛丼只系149蚊，但整個過程五分鐘都冇，留意到客人情況跟住去了解問題再處理所需。已經比好多餐廳好好多最後仲嗌左個柚子雪葩，本身想嗌香桃味不過冇 😭😭下次再去試😋😋😋💕

經過TIMES SQUARE 六樓，眼角望到一排大豬燈籠，下面仲有火燒佢地哈哈哈，忍唔住入去食。啲product shot 好靚，款款都好澎湃好好味咁好難揀。 最後我揀左特選和牛飯，啲和牛嘅油脂分布好好呀，啖啖甘香，食落甜甜地，完來個燒汁係用香蕉等水果整成，好正！飯亦都食得出係日本靚米。朋友叫左豬腩肉丼，都好吸引，啲肉大塊到滿瀉咁。店員亦都有禮幫忙，晚飯時間唔多人喎，唔使等位，一定會再去架。

今日去銅鑼灣周圍行下～同朋友講開上網搵下有咩食～係間位於時代廣場既食和牛既餐廳～和牛丫🥹想去旅行了😫😫😫😫收拾心情再睇食評～睇過其他人介紹賣相·食物亦唔錯😃一於要去試下啦～～—————————————————☻非專業食評·純個人口味☻正！一定會再去·環境～服務～食物品質可以話係好滿意👏小編超推介大家去試下～食住和牛想日本🤓食飽仲可以係商場行下買下野🤪好～今日係咁多～下次再同大家介紹過😉

一段時間前的lunch time到訪，當時市面較冷清😢店舖主打炙燒丼飯，由豚肉、和牛、雞肉、鰻魚等搭配出不同選擇，另外亦有鍋物、刺身丼等日式料理🍱🔆特上鰻魚·照燒雞肉雙併飯$𝟙𝟙𝟠 不得不說雞肉很好吃!肉的部分嫩滑，而雞皮竟然做到超香脆😍另外亦好喜歡加左菇菇做配料🍄營養同味道都更豐富😋鰻魚幾厚肉肥美，但唔知點解有少少蒸鯇魚味😂仲連下面嘅飯都有，可能係醬汁使用問題，平時食日式鰻魚唔會食到呢隻味，個人麻麻地🐰Lunch套餐有包沙律還有味噌湯。疫情期間餐廳有做緊外賣優惠，會比較抵食😬分店都幾多，屋企、公司附近可能都有的😉

話說之前去時代廣場做嘢依家講到一間好吸睛既豬仔燈籠諗起新城市嗰度都有呢間嘢都突然間幾想食燒肉丼就入去店內環境頗大設計都有特色明亮既燈光加上下午唔算多人坐得真係幾舒服٩(´ε｀ ٩و～～～～～～～～～～～～～～～～～～～～♡ 宮崎和牛X鰻魚雙拼丼 $169 (8.5/10)雖然價錢有d貴但係畢竟是和牛呢食落真係與眾不同d用上一見鐘情米真係食落都特別感動😹配上鰻魚真係非常邪惡的組合🥹！油香散佈喺丼飯上讓人欲罷不能🫣一啖一啖鰻魚再送飯真係一流而且上面有少少煮稔的菇都係好好味的٩(˃̶͈̀௰˂̶͈́)و偶然豪一次都係唔錯的～套餐附上麵豉湯同沙律都不錯的♡ 沖繩豬肉腸 $48 (9/10)呢個沖繩豬肉腸有意想不到嘅驚喜食落非常之香脆可口熱辣辣既腸仔豬肉味十足點埋沙律醬就更加美味☺️☺️～～～～～～～～～～～～～～～～～～～～● ● 總結 ● ●氣氛情調溫馨舒服作為一間喺銅鑼灣嘅食店價錢都可接受服務態度都不錯而且嘢食都有特色～用上日本製的食品感覺會安心呢

本人今天中午到這家餐廳買外賣，進店時，問服務員：「請問今天的特價餐是什麼？」服務員態度晦氣地回答，「炸雞飯」我再問，「請問價錢是什麼？」回答是：價錢在外邊的餐牌。」註：當時完全沒有人龍，我是唯一的顧客。😡😡😡

日本炙燒丼飯專門店，以北海道十勝名物「豚丼」作賣點，嚴選鮮嫩豚肉、日本第一宮崎和牛等食材配上特製燒肉醬汁與日本米飯的完美組合，加上多款小食與日本啤酒，令大家食出日本的味道餐廳裝修和式風格，座位舒適，再加上大大隻的豬仔燈籠做裝飾，非常吸睛食物方面:特選宮崎和牛飯 :，牛肉味濃有口感，加上少少脂肪入口即化，非常美味特上日本豚肉飯 :  外皮燒得香脆，豚肉配上醬汁惹味炸北海道八爪魚 : 八爪魚炸得香脆，爽口彈牙火炙牛舌 : 少少黑椒味，牛舌爽口彈牙白桃雪葩 : 用上半個非常冰凍的白桃做外層，內裡係白桃味雪葩，清甜又透心涼

位於鬧市銅鑼灣嘅地標 ~ 時代廣場入面... 我覺得呢間日式食店價位唔算好高... 但係質量非常唔錯! 所以... 都幫襯咗呢間唔少次!店內呈簡潔日本風... 乾淨企理... 座位與座位之間都幾濶落... 仲有幾張卡位!以下係今次order嘅👇【特選宮崎和牛飯】肉質嫩滑... 生熟程度適中!【豚肉拼照燒雞飯】豚肉唔嚡... 照燒雞燒得香口肉嫩!【火炙牛舌】牛舌燒得恰到好處... 一d都唔會韌... 係好正嘅小食!整體上... 各方面質素唔錯... 性價比高!👍

「豚丼」係炙・宴賣點門口有幾隻豬燈籠做裝飾但我鐘意呢度o既和牛多d 特選宮崎和牛飯 特上日本豚肉飯 炸北海道八爪魚 火炙牛舌 整體食物質素都唔錯食物份量如果多d就更好 

炙・宴是間炙燒丼飯專門店，主打性價比高的日式丼，這次來到當然要試一下他們的炙燒丼飯，先來一碗宮崎和牛丼 (HKD149)，宮崎和牛經炙燒後外層帶焦香感，肉質柔軟，吃下有半溶的質感，加上燒汁和米飯一起吃，美味！炙燒北海道帶子海鮮丼 (HKD138) 的三魚肉切得很薄，新鮮度一般之餘味道也有點淡，有點失望呢。另外點了和牛炸薯餅 (HKD28) 和芥辣八爪魚 (HKD38) 這兩款小食，兩款味道也不錯但沒有驚喜，個人建議來這吃炙燒丼飯就好了。