炙・宴 (時代廣場)

营业中

休息中

已經是再訪這家，ABURI-EN 是日本炙燒丼飯專門店，每間分店都有招牌記認巨型豬豬燈籠，好靚好有特色嫁～.餐廳招牌丼飯參考了北海道十勝豚丼再改良，亦有供應日本名牛「宮崎牛」，最近推出了更優惠的二重丼及御賞祭。.幸せの二重丼顧名思義一個定食餐有兩款主食，丼飯/烏冬，另有包括味噌湯、沙律、沖繩豬肉煎餃、甜品及飲品，勁豐富！好適合食量大的朋友。.四個套餐可供選擇，今次點了著名的宮崎和牛🥰 輕輕炙燒過仍保留了入口溶化的口感，超滿足！另配搭昆布湯烏冬，烏冬細滑清清地。.另外炙の御賞祭則選了豚肉 · 鰻魚雙拼飯，3 大片豚肉仍然很有肉汁，略帶甘香，蒲燒鰻魚都非常肥美～.另外還有各款小吃水準都不錯，如爆汁的餃子、炸得乾爽的豬肉芋蓉餅以及加配照燒雞翼，都令整個午餐更加豐富。最後當日的甜品有黃豆蕨餅，哇～都好軟綿綿，不錯不錯！.若以價錢論，這質素絕對是中等以上，CP值頗高的喔～.➤ 豚肉 · 鰻魚雙拼飯 $118➤ 宮崎和牛丼配熱烏冬 $158

炙. 宴是一家日本炙燒丼飯專門店，當中的北海道十勝地區豚肉丼和宮崎和牛丼飯更是人氣之選。餐廳除了主打丼飯之外，還有十分多的選擇，例如日式拉麵、一人火鍋、一品料理等，更不時推出一些特別推介套餐，迎合不同的喜好。日本產和牛鐵板 （$108）這是「炙の御賞祭」三款套餐的其中一款，日本產和牛鐵板，嫩滑的和牛配合爽甜的洋蔥和秘製醬汁，加上一碗熱騰騰的日本米飯，是一個簡單得來卻令人大滿足的料理。套餐均配上味噌湯、甜品及飲品。角切魚生丼配冷烏冬（$138）這是「幸せの二重丼」四款套餐的其中一款，我們選擇了角切魚生丼配冷烏冬。冷烏冬配合冰涼的烏冬汁更顯其彈性，魚生丼有三文魚、吞拿魚、帶子、三文魚子、玉子、青瓜等，這個二重丼的組合是夏天炎熱天氣的消暑之選。套餐更附上味噌湯、沙律、沖繩豬肉煎餃兩件、甜品及飲品。酥炸宮崎青眼魚（$48）經過酥炸的青炸魚，外脆內軟，魚皮和魚骨也可以食埋，簡單擠少少檸檬汁已吃到魚的鮮味。沖繩風炸豬肉芋蓉餅（$22）如果你喜歡吃芋頭，這個芋蓉餅你一定喜歡。薄薄酥脆的餅皮包著豬肉碎和綿滑的芋蓉，樸實的材料卻不失其美味。Interior Menu

餐廳喺時代廣場新開左一排，喺其他商場都有分店試過質素唔錯，但已經有一段時間冇食。餐廳主打燒豚肉丼．喺其他分店食過豚肉多汁，而且又好香嘅炙燒味。當日喺呢間分店食嘅豚肉比較乾身而且肉質偏硬，所以有少少失望。另外加咗日式炸雞，炸雞份量多，而且炸到乾身同肉汁仲保留喺雞肉裏邊，相對比起豚肉，呢個炸雞肉更加優勝。最後再加多個甜品，係比較少見嘅日式黑糖吉士泡芙。呢個泡芙嘅口感比較似中式笑口棗嘅口感，吉士醬細滑唔太甜味，算係合格。但同想像中嘅甜品有啲出入。

周圍雲集嘅食店，我就揀咗間氣氛輕鬆、正宗日料嘅食堂。一入去環境企理，憑直覺揀咗份宮崎和牛拼特上日本豚肉鍋，湯底嘅鮮味真係唔錯，和牛肉滑而嫩，牛香四溢，真係話你知，豚肉更加係鮮嫩多汁，吃落有種咬破雲霄嘅感覺。再點咗沖繩豚肉餃子，據聞係餐廳嘅秘製小食，啖啖肉味，皮薄餡足，真係夠晒飽肚感。配上烏冬，吞嚥間烏冬嘅Q彈口感同湯底嘅濃郁滋味，完美匹配，食落多幾碗都冇問題嘅！酥炸宮崎青眼魚，外皮酥脆至極，魚肉嘅鮮甜隨風飄散嚟，實在係太正！蕃茄牛油果椰菜沙律清新提味，雖然牛油果有啲烏乎，但整體仲係夠晒開胃。飲品方面，瑞泉黑糖梅酒香甜微酸，一飲而盡，暖笠笠，絕對是解膩嘅好選擇。哩個食堂係一個暖笠笠又放鬆嘅好地方，食得開心嘅，同朋友坐低傾計，笑到停唔到口。🥢🍲😋

睇完戲快閃食過飯， 佢有蠟筆小新做主題嘅兒童餐幾得意， 拉麵比較孤寒得嗰兩片薄薄肉片， 魚生飯就好啲都叫做夠厚， 不過點解日本米可以咁濕， 一係就未 攪拌勻循 散 水蒸氣 ，一係就唔係日本米， 我都想知點解， 佢個number one燒肉飯真係好香唔錯， 麵豉湯冇乜特別都係飲完返屋企好口渴嗰隻， 沙律 細細碟正常嘅，因為我哋只係加15蚊就有個湯同沙律仔， 炸雞都叫做好食嘅， 另外叫咗蠟筆小新 兒童餐， 佢喺啲食物上面做唔到啲乜嘢， 不過佢插咗塊卡仔同埋個筷子套係蠟筆小新都幾得意， 另外仲有蠟筆小新嘅精品售賣。

The seared Miyazaki wagyu beef slices were so delicious Fatty and rich in flavour The broth was exceptionally rich and buttery Ramen was thin and paired well with the beef, shredded leek and broth. Also tried the grilled scalloped in garlic butter, really good as well. Finish the meal off with a glass of frizzy Okinawan shikuwasa soda! Refreshing!

炙・宴 呢間餐廳名為炙即係燒烤 🔥主打燒肉丼飯餐廳裝修係木系設計燈光柔和而且座位之間好闊落感覺悠閒舒適餐廳有多款丼飯以豚肉🐷同和牛🐮為主打但個人來講，鍾意食豚肉多啲所以就淨係點咗佢既豚肉丼 😬ABURI-EN豚肉丼 $78 🍚豚肉肉質軟熟，厚薄適中而且香氣十足亦都食到肉既油脂香好食！肉既份量非常多，好夠飽肚，啱曬係食肉獸嘅人 😁燒汁亦幾滋味、帶微甜不膩整體而言，餐廳食物性價比算高係可以再 encore 嘅餐廳

本來諗住去打邊爐,但係天氣實在太熱,唯有落去商場食肆用膳,諗起呢間舖頭無幫襯過一排,屋企人又想去,決定去呢間,時代廣場我都成日會去行,都發覺呢間舖已經無以前咁多人,以前未到六點已經成村人攞籌排隊,就算我七點幾到仍然好多吉枱,點好食物上餐,先黎兩個小食,沖繩苦瓜炒豚肉&酥炸宮崎青眼魚,首先沖繩苦瓜炒豚肉,完全唔掂……首先碟野上枱已經只是微熱,唔覺佢有炒過,似翻熱多d,而且佢墊住苦瓜豚肉d豆腐只係烚熟而已,完全無味,而且仲收人$78,完全唔值,大扣分,反而酥炸宮崎青眼魚真係好好食,送酒一流,之後黎既沖繩四季柑汁(有氣)都ok,到重點啦,我既櫻花蝦沖繩疏香豚拉面(加大),櫻花蝦加疏香豚湯底好香,疏香豚肉都好食,最敗筆係佢個麵底…一d都好似拉麵,反而覺得似竹昇麵,所以食落好奇怪,我寧願轉番正常拉麵或烏冬仲好……之後屋企人叫既鰻魚雞肉雙拼飯我都有試食,d雞肉又老又韌,真係真老過我老母,就算鰻魚都勉強算僅僅合格,經過呢一餐亮點只係個小食,呢間野人流減少唔係無原因……

昨天再次到訪，試新嘢，超推介特選宮崎和牛飯，入口即溶的牛肉🥹價錢如果平少少我會好快再回頭。其他嘢食同服務態度都好好👍🏻但梅酒方面，上次揀黑糖，酸甜度出色過今次的梅美人!柑汁都幾有趣，唔會過甜，少少似柚子～

Happy Friday放工做完Facial撞到好朋友，唔知食乜好。本身佢推介嘅地方仲要等十幾張枱，就喺旁邊有呢間唔知點解冇乜客人，但係食物質素唔錯，坐得好舒服嘅地方。裏面有大量座位，完全唔使等位，除非想要卡位。以下所有食物同飲品都推介共有：宮崎和牛拼特上日本豚肉鍋(壽喜燒湯) - 係佢哋最推介嘅鍋 $179好似可以揀清湯同豬骨湯，不過壽喜燒應該係最好味，甜甜地又唔會太濃；另外加咗三件沖繩豚肉餃子都係調落去煮的仲有其他不同配料可以加落去，例如野菜🥦當然，唔少得烏冬加餃子同埋白飯轉烏冬共$38另外圖中仲有酥炸宮崎青眼魚，好味，多春魚啲朋友$48蕃茄牛油果椰菜沙律比我想像中好食，但牛油果有好多黑色，同埋份量可以再多少少。$72另外嗌咗瑞泉黑糖梅酒x2 - $38@ , 非常合理總之買單嘅時候，兩人$454大家可以衡量一下因為我主要係同朋友傾得好開心😹😹可能影響咗判斷

有冇人同我一樣都係飯桶？😆😆最近JFOODO 舉行緊「日本米饗宴🍚」活動，同本地40多家餐廳合作推出用日本米製作的美味菜式～～我今次就去左呢間日本丼飯專門店🇯🇵，試試正宗的日本米❤️❤️🍱蒜味洋蔥宮崎和牛丼(配溫泉蛋) $138✨賣相吸引！丼飯面層鋪滿和牛🐮同洋蔥🧅，中間仲有隻溫泉蛋🥚～～宮崎和牛口感鮮嫩柔軟，啖啖油脂香😋😋日本米粒粒飽滿，好煙韌！食食下就清哂成碗飯👍🏻👍🏻🐮火炙牛舌 $68✨牛舌偏薄身，肉質爽彈～～經火炙後油脂味好重，仲好juicy添🤤🤤🥔和牛炸薯餅 $28✨薯餅即叫即炸，炸得好香脆🔥🔥裡面包住薯蓉同牛肉碎，口感好豐富！！🍹熱情果芒果梳打 $38✨味道酸酸甜甜，重果香～～梳打氣泡感十足，飲完好refreshing🌿🌿

最近就有一個日本米饗宴活動 @japanese_rice_hk ，JFOODO就同40幾間香港餐廳合作，推出各種用日本米製作嘅優質菜肴，由個體店到fine dining至連鎖店，各種餐廳都提供唔同日本米特式菜式；今次就去咗日本炙燒丼飯專門店——炙·宴 ABURI-EN @aburien_hk ，以北海道十勝著名鄉土料理及改良「豚丼」作為賣點，仲有日本首屈一指嘅黑毛和牛「宮崎牛亅及雞肉等優質食材；炙·宴更自行研發秘製醬汁，配合日本種植稻米，令丼飯嘅色、香、味更昇華👍🏻.🥩 蒜味洋蔥宮崎和牛丼（配溫泉蛋） $138: 宮崎和牛脂肪比例均勻，口感鮮嫩柔軟，油而不膩，伴入甜洋蔥同溫泉蛋，再配上秘傳醬汁料理方法同優質日本米，日本米軟硬適中，米粒飽滿，每一啖都係幸福嘅味道～.🐟 ABURI-EN豚肉·鰻魚雙併飯 $148: 以醬汁炙燒嘅豚肉大大片，豚肉味濃郁，油脂滲入日本米飯𥚃，一啲都唔韌；鰻魚肥美厚肉，加上香炒鴻喜菇，伴飯一流；丼飯我所用嘅日本米彈牙煙韌，散發獨特米香～.🤍 厚炸沖繩島豆腐 $42: 炸得外脆內軟，內𥚃好juicy，散發濃濃豆香，可沾上海鹽一齊食～.🥔 和牛炸薯餅 $28: 炸至

香港➰銅鑼灣睇戲前是但搵左間日式餐廳食 見佢周圍都有分店 但一直都未試過 唔洗等位就入左去試下😆但結論呢間令我幾失望 🥲叫左一個和牛同豚肉雙拼飯，點知和牛過韌 無咩牛味 size都偏細😮‍💨豚肉就不過不失另外碗拉麵都係麻麻地 份量偏少 男仔可能會唔夠食🙋🏻‍♀️🙋🏼‍♀️睇下我地今日點左咩食🍽️＊﹉◇﹊◆﹉＊﹊◇﹊◆﹉＊＊﹉◆﹊◇◇﹉＊▶️ 宮崎和牛・ABURI-EN豚肉雙併飯 💸$169▶️ 火炙豬腩肉豬骨湯拉麵 💸$88＊﹉◇﹊◆﹉＊﹊◇﹊◆﹉＊＊﹉◆﹊◇◇﹉＊————————————————————————JMY.FOOD大家可以去比個like同follow埋我地嫁🥰————————————————————————J MY FOOD指數♥️🌤 環境:3/5🤵🏻 服務: 3.5/5🍼 味道: 2.5/5👣 推薦: 🙆🏻‍♀️/5

Oishi pork slice Japanese preserved cherry shrimp ramen with deep fry chicken boneless in Southern Japanese styleAfter I get vaccination nearby , I feel confuse and cold.Therefore I want to eat my favorite hot ramen ,Unfortunately ,there are no specify ramen restaurant in this shopping mall.Only  Japanese cuisine restaurant,I feel very tire and my mind not so clear after get vaccination.Then I saw this mainly Pork and big rice bowl restaurant , just enter.Surprise, its menu also have ramen, chic

今日準時下班吃晚餐。心儀的餐廳已經滿座，便隨意逛一下。這餐廳沒有太擁擠，感覺安靜，加上不用排長龍，立即入座。宮崎和牛，Aburi. En 豚肉双併飯$169這雙併飯賣相吸引，雖然和牛沒有預期的大大片，只係小薄片，宮崎和牛的肉質和味道還不錯，肉味濃又帶油香。豚肉看似吸引，表面帶焦，但肉質有少少乾身，唔太juicy, 但配上白飯，十分飽足。加$50套餐：南蠻炸雞，零系可樂這炸雞有五件，炸得十分香脆，而且－點也不乾，加埋沙律醬，幾滋味。再呷一口可樂，十分冰涼，爽呀。宮崎和牛、鰻魚$179這和牛飯有四片和牛，這和牛滿有肉味，略帶脂香，雖然唔係最肥厚腍身的那一種，但味道幾ok. 鰻魚十分肥美，份量十足，鰻魚肉燒得幾香，又沒有細骨，鰻汁的甜味令人食指大動，不錯吧。吃鰻魚飯有少少膩口，值得加$15轉套餐，那沙律十分清爽清新；而面豉湯是正常水平，唔係太鹹，配鰻魚飯十分對板。