炑八韓烤 (黃金廣場) (已結業)

早前係下午茶時段就叫咗一個海鮮豆腐石頭湯鍋飯，而下午茶餐亦都附送湯、飲品、同埋前菜，超級抵食！！😍😍😍😍更有得加配唔同類型嘅小食，而我係嗰日就加錢叫多咗份忌廉蟹餅，雖然只係用$8嘅價錢就可以加添蟹餅，但蟹餅嘅質素一啲都唔差，都好好味㗎👍🏻👍🏻👍🏻其實呢一個下午茶餐再加小食嘅配搭，真係份量多到食唔晒，食完一個下午茶餐真係飽到連晚餐都唔使食😂😂😂而且餐廳嘅座位亦有卡位，座位亦能夠坐得好舒服可以慢慢同朋友喺度傾計呀

一向喜歡食炑八的下午茶，因為係九龍人，所以多數幫襯太子或旺角的炑八。今日去銅鑼灣，又忍唔住幫襯下。發覺推出咗新嘅下午茶餐。同以往嘅相比，比多$10就多咗一款小食。新嘅下午茶餐， $48就包四選一嘅主食、四選一嘅小食、前菜（可無限添加）、韓式清湯和二選一嘅飲品，認真豐富，仲唔使加一。主食和小食我揀咗迷你烤牛肉流心蛋飯和炸大大雞髀，飲品就揀咗荔枝冰茶。飯的牛肉同流心蛋都好味，美中不足之處就是飯不太熱，小食隻雞髀即叫即炸，等候時間較長，不過都值得等，因為皮脆肉嫩，又十分大隻，冰茶不太甜，味道適中，至於無限添加的前菜，就啱晒我呢個泡菜控，食夠泡菜，又可以轉叫芽菜。呢個下午茶餐好飽肚，下午2:30就開始供應，如果晏食早餐，真係可以當午餐嚟食。

SOGO 感謝周年慶進行得如火如荼，趁今日假期，一於拉埋老公嚟銅鑼灣血拼。收穫豐富，又係時候去搵地方開餐。記得早幾日係 facebook 見到「炑八韓烤」推出咗幾款全新《暖洋洋的下午茶套餐》，見價錢好經濟，$48 已經有交易，而且仲要免加一，反正黃金廣場有分店，一於趁機過去試下。估唔到有咁多人嚟食下午茶，門外已經有條小小嘅人龍，幸好很快便被安排入座。先研究一下餐牌，今次新出的暖洋洋下午茶套餐，共有四款可供選擇，劃一價為 $48，包前菜、韓式清湯、主食同小食各一款，奉送柚子冰茶或荔枝冰茶一杯，而且主食同小食仲可以自由配搭。主食包括有炑八拌麵、迷你烤牛肉流心蛋飯、辣炒芝士年糕和蛋包飯；而小食則有安東雞脾、炸大大雞脾、無骨炸雞和芝士雪人餃子。除咗《暖洋洋下午茶套餐》外，原來餐廳仲有其他 Tea Set 供應，如雞扒蛋包飯、鐵板泡菜豬肉粉絲、安東雞煲等等，選擇非常豐富，而且定價亦一樣好經濟，十分抵食，唔怪得坐無虛席。點完餐後，服務員會先送上前菜和韓式清湯。前菜可以無限任添；配上海帶的韓式湯，入口清淡得來卻帶有很香嘅甜味。主食揀咗炑八拌麵配炸大大雞脾 ($48)，麵條配有流心蛋同肉醬，戳破流心蛋

細細聲話你知 黑洞第一次食炑八🙊今次係食$48下午茶套餐包晒前菜 清湯 主食 小食 飲品😵話說原來炑八真係傳聞中咁好食👉🏻👈🏻安東雞脾個味類似甜豉油雞 值得欣賞夠大隻啖啖肉👅懶人可以揀無骨炸雞面薯條伴碟個甜辣醬搶晒fo勁惹味⚠️主菜炑八拌麵有半熟蛋加沙律醬撈勻晒你話會有幾邪惡先🙂至於辣炒芝士年糕其實吾辣既不過芝士味幾足 💕有幾條粉紅色仲勁似腸仔既年糕係芝士夾心🤣飲品有柚子冰茶/荔枝冰茶符合商品說明條例 堅係冰🌚建議問叫少冰會好小小🙈

炑八韓烤位于銅鑼灣最旺的黃金廣場上面，位置方便 一坐底員工就囖爐邊泡菜蛋同粟米芝士倒係爐邊。但泡菜煎蛋煎左好耐都唔熟，粟米芝士煎的耐左都焦左。前菜有泡菜，沙拉同酸蘿蔔，用來開胃 食物質素還可以，可惜調味麻麻2個人叫左：1 碟豬頸肉，1 碟韓牛，6只芝士生蠔，1 碟同香草雞點的分量太多，可以少一樣肉芝士生蠔即使燒了都有D 醒，其他肉都好硬同難咬，味道不太好食到一半發現抽油煙機係壞，所以成閒餐廳都係油煙味。

><午餐都食韓燒 突然間覺得好奢侈最好嗌2個餐 啱啱好夠3個人開心share1個人食會撐飽肚 燒肉餐會包埋前菜4小碟: 泡菜 白菜仔 大豆芽 小魚仔 無限Refill爐邊蛋 仲有生菜籃 白飯 清湯 飲品黑毛豬餐($98)包括梅花肉 五花腩肉 豬頸肉 護心肉除咗護心肉係推薦幾好味同有醃過剩底嗰三種都冇醃 有騷味梅花肉好嚡 五花腩同豬頸肉太肥膩 用生菜包住 都無補於事 入唔到口><><><><><><><><><><><><><><><><><><炑八韓烤銅鑼灣軒尼詩道502號黃金廣場6樓

一黎到10月即係就黎到萬聖節，今次連韓式既燒烤店都搞搞震整整新意思，推出黑暗韓烤夜，食個黑媽媽既套餐。入到去已經簡單咁放左一啲萬聖節既裝飾，好似掛上左一啲南瓜標誌，同埋有一隻蜘蛛公仔放係門口。餐廳好貼心咁為每個人都提供左圍裙同埋手機袋。食韓國野當然唔少得前菜，有個沙律放上桃清一清，仲有泡菜豆芽等等韓式既前菜，當然唔少得就係要菜同埋蒜包肉食喇。一坐底店員就放入芝士栗米同埋泡菜蛋燒俾我地食。一黎就係主角既《血淋淋韓牛肉眼 》($168)《血淋淋韓牛牛前胸》($158)，食得韓燒點可以無牛肉，仲要係提供韓牛，紅卜卜夠哂血淋淋，店員親自幫你燒，仲配上香草墊低，食落牛味濃肉脂豐富仲有陣陣香草味。另一款萬聖節既食品《脆怪餃子》($52)，用上左竹炭製成餃子皮，咬落多汁濟洲黑毛豬肉，可以點埋菠羅酸甜汁。第二款《黑巫師芝士泡菜煎餅》($108)都係用左竹炭做餅漿主要材料，煎成黑黑既餅皮，餡料係雙重芝士芝味濃，食落有甜甜咸咸既味道。兩杯野飲《古怪鳥龍茶》($38)係熱情果味，入面好搞笑咁有蛇仔軟糖配合主題，《魔鬼奶昔》($46)萬聖節緊要配朱古力，面頭插上搞鬼標韱，奶昔夠滑燒完牛肉飲啖凍冰冰奶昔。店名：

黎呢間因爲我中意食爐邊既芝士栗米！仲可以任加，加上包肉既菜有好幾款，中意試新野既，可以黎呢度一試。今次叫左個鬼怪炸醬麵迎接萬聖節，但我同友人都覺得無乜特別，同平時食既炸醬麵無論味道同賣相都只屬一般。燒肉方面，我係腩肉既死宗，仲要叫厚切果種！正！另一種就叫左厚切梅頭肉，因為無咁肥，燒好要即刻食，如果放埋一邊一陣，已經好乾，所以怕肥先好叫，仲要慢慢燒，唔好一次過燒晒呀！炑八比我印象都係比較自助（難叫人）不過我個人就對呢方面不太介意，只要餐廳都唔好介意我自己加蛋漿就得總括而言，除左覺得送既沙律菜有啲浪費（因為無醬汁一樣，Dry左) 之外，整體食得好愉快

今日去左銅鑼灣炑八韓烤，我地點左個2人set, 裏面有沙律，燒大假2隻，牛肋骨肉，牛笑臉肉，炑八五花腩，秘制雞肉，另包綠茶紅豆甜品，前菜同圍爐泡菜煎蛋及芝士係任食既聽到都覺得豐富，放到成枱都係野食😄燒大蝦好大隻，好鮮甜，呢個值得一吃😋😋😋牛肋骨肉煎完點燒汁超好吃炑八五花腩這個麻麻，這個好肥咁🙊秘制雞肉都ok, 燒完好香，唔知佢用左咩奄料，雞肉都好嫩泡菜同芝士蛋都好好食，係咁追加😂😂😂甜品唔記得影相，係類似綠茶紅豆泡冰咁，由於食到太飽，甜品食左小小已冇食，但味道係ok的~豐富晚餐，服務態度，食物質素，環境整體都ok, 正評

去完韓國返黎又有一排冇食韓燒，心思思問朋友有咩推介，朋友話不如去試下炑八韓烤。咁去到時望落門面環境都唔錯，點知帶左埋位後至少三個字先有侍應得閒過黎落單，仲係問到都唔想答咁款....😢😢😢前菜配菜都叫可以，不過肉類就...真係麻麻真心覺得咁樣價錢決定可以有更好的選擇！😢

我和朋友10月4日9:00pm去銅鑼灣炑八用餐。醬油蟹非常好吃，建議先打電話預留醬油蝦，非常多蟹膏然後配合蟹膏飯真的值得一試，店舖清潔尚可，配菜也感覺新鮮。原本用餐都非常開心愉快，到結帳時有位女士收銀極為冇禮貌，曲頭髮高高的，不知道是因為她只是處理收銀的部門還是怎樣，他行來結帳時，我問他，唔該可唔可以俾個膠袋我，問了3次他都沒有回應我。之後我再說三次唔該，她才回覆我一句，我聽到啦要個膠袋嗎！我心想，聽到都無回覆？這就是你的服務嗎？調返轉頭想一想，當你問我誰人是簽卡的卡主，我們沒有回應你你也會不好受吧？ 整體來說，其實味道很好其他員工服務態度也很好，但是結尾的時候就是因為這位女士收銀，令我覺得有一竹篙打沉一條船的感覺。希望貴公司留意一下，客人用餐的心情和員工態度都會有關連的。

成日想食韓燒 但又冇咁多預算 唔想次次食200up嘅 就食炑八嘅韓燒 質素+價錢合理 又可以頂到有食韓燒嘅引。一坐底會俾泡菜 類似海藻咁嘅野我同朋友 下午的燒烤餐b餐+d餐嗌完會俾生菜（俾你了包住啲肉食）+爐邊蛋+有加泡菜嘅爐邊蛋個人覺得d餐好食啲因為b餐中嘅肉 一啲太厚 一啲太薄 厚個啲食落有啲un 薄嘅燒完又乾 D餐嘅肉就唔會出現呢啲情況 所以比較推介大家食d餐 唔好食b餐我同朋友 一個野飲叫左凍奶茶+熱柚子蜜兩杯味道都幾好 特別係奶茶 個人好中意佢杯凍奶茶 沖得夠甜 因為我中意甜啲嘅奶茶 好想再飲到嘅奶茶呀！！！

<<舒適的韓國燒烤餐廳>>同男友大大放工食飯，想食韓燒就去咗炑八韓燒。有去過旺角同尖沙咀分店，滿意度頗高！最滿意餐廳會有無限前菜，爐邊蛋和芝士栗米refill 所以叫一兩碟肉亦都會非常飽，因為食前菜同爐邊蛋亦會食飽前菜的種類至少有4款😋😋我們叫左3款菜1️⃣一碟特級鹽烤豬頸肉$120(必叫)好有驚喜，慢慢燒完後，不用包生菜，直接點少少豉油，食落好有口感，而且肉汁會流出嚟👍🏻2️⃣一碟炑八特選五花肉$148沒什麼特別，性價比低。因為本身薄切，不適合包菜食，會吃不到肉味，直接食會比較有口感3️⃣海鮮煎蔥餅$88煎得好脆，薄底，所以好中意食。好足料$391.6(兩位加一）

我最鍾意食肉，所以午餐點可以冇肉食呢？午餐時間唔長，無辦法食韓燒放題。食個簡簡單單嘅午餐我都可以好滿足㗎。午餐價錢都幾抵食又50幾蚊到$90都有，奉送前菜同餐湯。前菜有泡菜同芽菜，辣辣地幾開胃。點做囉一份燒五花肉飯$60 ，肉下面全部都係飯，仲有一碗湯飲。 五花肉已經幫你燒好，見到五花肉係燈光下閃閃發光，已經流晒口水。五花肉醃得好夠味，入口肥瘦適中，薄薄一片，不會太韌，又不會覺得好肥膩，好正啊！最後成碟清曬～

因為我想食醬油蟹, 而友人又想食韓式燒肉所以就決定去食炑八啦! 要人齊先好入, 因為有限時兩小時!一行四人坐底就叫左2 隻醬油蟹先~再叫牛肉, 五花腩, 石頭飯, 海鮮煎蔥餅, 豆腐泡菜海鮮湯, 同生米酒一壺醬油蟹, 蟹蓋d 膏撈埋飯食一流!!