炎天丼 (已結業)

水準依舊好初開時食過，隔左幾個月再黎，人潮好似無咁誇張，食物新鮮，份量夠，味道好，職員服務態度好海膽天丼～有兩件紫菜墊起既海膽，加南瓜、蓮藕、菜芯、茄子、溫泉蛋各一海老天丼份量相若，但只有一隻蝦，嫌唔夠可以另行加錢加餸

真心推介大家！中午１點多去到，店內還有空位，不用排隊個人十分嘴刁，聽同事說這間炎天丼「好好食」，所以特地過來一嚐！我覺得他們家的炸粉十分好吃，平常不喜歡吃蔬菜的我，都把他們的蔬菜天婦羅吃個清光雖然店面比較少，裝修又不是特別華麗，但味道真的很不錯！

六月初已有朋友介紹這間小店，之後也有看到雜誌介紹，首先能吸引我的就是價錢。天丼只得三款，分別為海老天丼 ($55)，野菜天丼 ($55) 和海膽天丼 ($78)，免加一。因為知道店子11:30開門營業，位子不多，怕遲了去無位坐，所以很準時地11:30到達，當時剛開舖，也已經有6-7位顧客進入店內。我一個人坐吧台，可以看到炸天婦羅的過程。我叫了一碗海老天丼，因為知道食物即叫即炸需時，所以一直看着店員炸天婦羅。等待了20分鐘，我的食物到了。每款天丼都配蔬菜沙律和味噌湯。天丼內有流心蛋，令我最感動係炸過嘅蛋外面熱辣辣，裡面仲係流心，而且蛋味好香。天婦羅炸得幾好，唔會太厚粉，又唔會過火候。啲飯要慢慢咀嚼，感受它的甘味。味噌湯我覺得沒有特別，如果清甜點會好點，因為可以中和天丼的鹹味。蔬菜沙律以椰菜絲為主，我個人認為好過生菜 (個人口味而言)吃這一餐要付出時間和耐性慢慢品嚐。值得的。

朋友介紹去依間舖頭食天婦羅飯，今日同父母一齊去試，佢地都好滿意!個麵豉湯味道剛剛好，唔太鹹! (最怕飲啲超鹹既麵豉湯!)個沙律用左芝麻醬做汁，蔬菜食落好新鮮，食落"索索"聲!個飯唔係普通白飯，係預先撈左汁架，食落好開胃; 啲天婦羅食得出即叫即炸，食落卜卜脆; 天婦羅中有一個流心蛋，真流心，送飯一流!

小妹第一次寫食評，真係好想讚下佢地真係好有heart嘅一間鋪。雖然鋪仔細細，但食物質素高當日叫左限量流心蛋海老天丼（$55 /set）， 落order後店員先為我介紹枱上自家制嘅天丼汁同wasabi 飯素。而天丼都係即叫即炸，所以要等多一陣。 set包括有麵豉湯，沙律同海老天丼。天丼入面有（蝦，南瓜，蓮藕，茄子，流心蛋，菜，各一），份量十足，$55真係超值。口感方面， 係香港好耐冇食過咁juice嘅天婦羅，真係外脆內juice, 脆漿薄身，但唔會油到淋，唔會食到好滯流心蛋炸完都係流心。 加埋天丼汁同wasabi飯素， 味道更加突出。食完d餸，但忍唔住叫多兩嚿野菜（另外加野菜每件$3）haha

好耐冇試過咁想推薦一間餐廳! 呢排天丼忽然係香港興起上來，有日本過江龍下町天丼秋光 ，同時又有本土小店🤔但係好多所謂日本過江龍嚟到香港之後又係另一回事了，之前嘅一蘭如是，最近嘅大勝軒丸一如是，名氣與質素似乎不成正比反而本土小店多有驚喜，大埔呢間可謂佼佼者-首先$55呢個價，已經相當貼地貴少少嘅有海膽天丼，都係$78海老天丼嘅話，有炸蝦一隻，以及蔬菜四款: 茄子、蓮藕、菜心苗、蕃薯🍤蝦，得一隻，係唔夠喉的炸漿透薄帶脆，蝦肉爽身彈牙，亦冇油抑味覺得可以大隻啲，但呢個價呢個質素我已經收貨了🍠蕃薯、蓮藕夠爽脆，茄子仍能保持濕潤唔會炸到過乾，菜心苗嫩綠多汁又無渣，同樣地上粉不多，炸漿比例剛好，火侯亦控制恰宜🍚米飯❗️十分特別，聽講係要用兩小時煮成。食落帶黏糯，但又唔係過綿帶稀爛煮得過龍個種，粒粒濕潤飽滿，同較為乾身熱氣嘅油揚之物互相補足，成個飯食落唔會乾爭爭講真，食完個飯我真係喜出望外，仲要包埋麵豉湯同沙律，飽哂🍳仲有個炸流心蛋，今朝放左個video, 入面嘅蛋黃好creamy, 撈埋飯食一流-聽聞廚師係日本天丼店做過，估唔到學得有板有眼真心，特登入來食都抵，好過係出面排到乜乜乜我就搭20A小巴到

見到新開食店,食評個個都話好食, 即刻好想黎試下!!餐廳位置交通方便亦易搵, 不過座位唔多, 今日8點幾黎到就要等等位~佢賣既丼其實得3款, 一眼睇晒~ 我地揀左海老天丼同埋海膽天丼!點完餐後店員向我地介紹左佢地既醬料,可以按自己口味撈飯食!佢既丼係用日本珍珠米架, 食落真係唔同d! 煙韌又有點黏每個丼基本上都有野菜天婦羅,同流心蛋天婦羅~ 無錯! 係流心蛋天婦羅!蛋黃可以撈飯, 食落又滑,又脆, 好特別!! 海膽係用紫菜兜住再輕輕炸左, keep到海膽既香滑架!其餘每款天婦羅都炸得好香脆,炸粉係好薄好薄架!! 非常讚呀一個set 係會有麵豉湯同沙律(而家先發現無俾到沙律我地wor...),佢個麵豉湯都做得好好, 除左一般餐廳既豆腐,仲有腐皮同菇, 飲落口感豐富好多! 絕對係有用心製作!呢個價錢, 食到咁既質素, 真係物有所值呀, 絕對要試呀!!

比較少餐廳以天婦羅為主打！而呢間餐廳好有驚喜全店得三款丼飯你選擇海膽/海老+野菜/野菜而且小店標明用日本米做飯底D飯真係幾香同軟綿綿👍🏻👍🏻天婦羅炸得香而不油膩👅炸粉而亦唔會好厚海膽有兩舊店員仲好細心介紹食法要把放在中間既溏心蛋整開再撈勻d 飯定食仲包味噌湯同沙律另一款海老天婦羅丼飯而且每日仲只會做140碗亦不收加一👍🏻👍🏻👍🏻而且小店好細心，亦製作認真，務求做到盡善盡美希望客人耐心等候想去食既朋友留意番由於鋪頭坐位較少，設有bar枱，適合2至4位朋友去搵食 留意每天做140碗，唔知係味真既呢🙈🙈🙈賣哂可能要摸門釘

喜歡吃日式天婦羅，但是要找一間水準高而價錢又合理的則相當困難. 早前於大埔谷見到不少谷友推介榮暉花園 (明星海鮮酒家側)的一間新開天婦羅小店，說定價便宜，水準亦高，就趁這天要回大埔辦事，特別前來一試!來到店子時還未到中午12:30，但店內已人頭湧湧，幸好還有最後一張4人枱，我們可以即時入座，不用在店外曬著太陽等位，已算幸運. 環顧四周，店內面積實在相當細小，只能容納十多位客人!!開放式的廚房配以數個吧枱位，如果碰巧坐在那邊，就可以邊看着廚師烹調的手藝並享用美食，也是一種樂趣. (不過油煙就比較多) 至於店內也有兩張4人餐枱以及2人餐枱，也適合情侶或是家庭客人到來用餐呢!店子只供應三款套餐，分別為海老天丼 ($55)、海膽天丼 ($78)及野菜天丼 ($50)，每款天丼都同樣奉上沙律& 麵豉湯各一客，而且免收加一，單看定價已覺相當實惠.我們同樣點上了海老天丼 ($55)，見到牆上貼上了一則通告，說食物是即叫即製的，所需約十多分鐘，那麼我們就先坐坐好了. 檸檬水每張餐枱也放上了一大壼檸檬水，可以自由享用. 味道酸甜的檸檬水有開胃、解膩的作用，店家也頗貼心. 由於天丼沒有配上餐飲，想喝凍飲的

同老公係大埔想試新野，比我見到呢間專食天婦羅嘅餐廳，就叫老公不如試下呢間啦！點知老公話對香港天婦羅無好感，因為大多都炸得好老又或者粉漿好厚。最後老公都係陪我去食！坐低一睇個 Menu 得3個定食，價錢好平 6x- 7x。叫左一份海膽天婦羅定食，一份海老定食。開放式嘅廚房，見到職員將新鮮嘅食材放入炸爐，睇見都肚餓！不久，兩份定食就已經送到面前，擺相精美，有流心蛋，菜，番薯，紫菜，茄子及海膽或海老！老公好快的咬落一口，好薄嘅粉漿，不油，炸得剛好，食材好新鮮。他一路讚好食，一路好快咁食，不到10分鐘已經食晒，而且更話會再食！而我嘅感想同老公亦相同必定會再食😋

早兩日聽聞大埔最近新開了一間天婦羅丼專門店，由於俺十分喜愛吃日本菜，再加上於香港亦難得一見有主打天婦羅丼的專門店，於是便特地抽空拜訪。這間小店位於食肆林立的太和食肆街附近，從大埔中心或太和火車站步行需時約10分鐘，幸好是日天氣不是太熱，尋找美食的路程尚可接受。小店的招牌顯眼，十分容易尋找，門外更有一個於香港普通日式小店不常見、專門訂制、十分精緻的食物模型，可見老闆對小店的用心。餐牌上暫時只有三種選擇：1. 海老天婦羅丼($55); 2. 海膽天婦羅丼($78); 3. 野菜天婦羅丼(約$50); 追加的野菜天婦羅(每種只需$3)或海老天婦羅($7); 以及少量飲品如汽水($8)及日本果汁等。雖然選擇不多，但價格卻不算昂貴。其實俺看到餐牌時覺得十分奇怪，海膽竟然能夠作為天婦羅？！於是身為勇士的俺們點了海膽天婦羅丼及海老天婦羅丼，隨餐奉送一小碗沙津及味噌湯。海膽天婦羅十分鮮甜味美，而野菜天婦羅的組合亦十分罕見，包括蓮藕及芥蘭菜，身為天婦羅卻不會令人覺得油膩，於香港的日式食肆來說實在十分難得。海老天婦羅丼也是價廉物美。至於丼內的白飯，店員有主動介紹可添加老闆特製的日式醬油，以及日式芥辣飯素。