火鳥日式放題 (已結業)

因為團購至會認識呢間野, 買團購劵時已上黎睇下食評先, 雖則新開, 亦有好評, 所以就買兩張試下.而家係旺角, 真係有好多日式放題, 雖然都知佢地唔係咩野貴價貨, 質素亦唔好要求咁高, 唔太差就好了, so far, 食過好幾間都ok, 有d團購仲above expectation tim, 所以都冇諗到呢間會踩地雷.先講裝修, 冇咩特別, 不過不失, 餐廳內衛生ok, 但lift口同廁所既衛生就麻麻地喇一入到去, 梗係點野啦, 我地食5:30pm個場, 得個幾枱客, 但點既刺身比熟食還要耐, 人地其他放題既, 一早已預備好晒, 一點轉頭就到..................點解你地要咁耐既??? 一個策略??? 等我地食熟食食飽, 冇胃口食你d刺身??? 到刺身上枱時候, display得已經唔多開胃, 仲要d刺身係得個樣, 冇味既同水泣泣既...........冇味既刺身我都係第一次試到, 水泣泣既刺身我都係第一次食到, 根本唔知食咩, 而d三文魚係淋pat pat既, 可以夾得爛 仲有其他咩白玉豚, 類似貝類既刺身都係冇味同有水既...................:

在旺角, 有很多放題, 但質素真是麻麻地..於是今天同朋友即興食放題, 揀了火鳥, 因為新開, 但怕多人,點知上到去, 即取位即有位令人有d 擔心, 點解唔full 呢.....種類多, 但不是應有盡有...........坐路邊,其實有d 迫,但可接受,4人枱好細, 我地4個坐得不太舒服..不過望住師傅整刺身!!刺身是冰震,但竟然不是凍, 即時覺得不夠新鮮, 刺身種類不太多,無海膽及帶子, 無咩特別, 蝦比較不新鮮, 我只敢食了一隻, 刺身厚切,但沒有重叫了衝動!!!三文魚唔夠肥美..鰻魚壽司,不是平時食的一種, 是海鰻,比較乾身, 火灸三文魚,來到沒有燒過的味道, 差!粟米沒有過甜,好味!!小食類可以重叫, 算大份, 蟹子沙律醬很多, 味道fresh!!焗芝士蠔, 真是幾美味, 雖然蠔不是大隻,但焗芝士味道不錯, 好金香!!炸雞亦香口, 牛油帶子幾油, 不過亦是惹味!!!一份已飽濟!!牛肉粒就幾淋, 連洋蔥一齊炒, 好香, 不過最可惜是太少份量,外貌不吸引!!好似俾食過的無咩汁的金菇牛肉卷, 加上來的感覺像臭臭..哈哈...所以朋友吃完說不用重叫!!無特別..油浸茄子, 太多油,

有個好有趣的現象, 如果想搵間食日式放題, 尢其旺角區, 單睇食評實在難以選擇, 因為笑喊臉實在太過平均.今次揀"火鳥"純粹見開張不久.環境唔錯, 我們早訂位, 有靠窗卡位.刺身 - 總括來講算新鮮, 希靈魚, 三文魚&甜蝦好食. 漏單預料到, 但希靈魚都要點三次先有.壽司 - 味道OK, 無特別.炸物 - 雞軟骨OK, 但豆腐不知何解外皮冰冷, 可以放棄.串燒 - 反而唔錯, 雞肉, 冬菇, 牛脷, 菠蘿串都好食.鐵板燒 - 都好食, 尢其牛柳粒, 帶子, 炒菇同牛脷另外仲有點其他, 但一般, 可以不理.最後每位有一杯朱古力慕思作甜品.總括來講, 話好好食又唔算, 但放題來講質素絕對過得去.

喜歡得閒搵團購美食，當然搵到平嘢之後，都會喺開飯網睇吓食評至扑鎚．一直都好奇怪係幾好嘅食肆都會有啲負面嘅食評，而且大多數都係一面倒的負面．為咗呢樣嘢，我都獻上我嘅第一次食評．．．雖然團購話係五折，但實際上只係比原價平大概二十元，雖然係咁，我哋都覺得今次放題係物有所值，甚至係物超所值！我哋一行七人訂嘅係九點半至十一點半時段，嚟嘅時候因為前一時段嘅人客未走，所以等咗一陣，大概係十分鐘左右啦．一坐低，當然第一件事就係點嘢食．之前已經諗好咗要點啲乜嘢，一次過點咗好多刺身，燒物，串燒同飲品．本來點菜單入面寫明要大概十五分鐘，點知唔使十分鐘啲嘢就陸續咁嚟．先上飲品，我哋都未分配好飲品，一大盆刺身已經送到，肥美嘅三文魚睇到已經好開心，好想食．仲有其他我哋以前未試過嘅白豕肉，白鳥貝同榮螺片．數量方面雖然無細心數過，但係一眼睇落去係有多無少．雖然部份刺身並唔係一流嘅級數，但係我哋都一致認為，單係呢幾盆刺身已經值回票價．其他的燒物，串燒同火煱等都好有水準，上得亦快．只係需要一提的是原來點菜單入面寫的〔份〕，有時係等同〔件〕，有時則是按人頭計．例如係點了兩份金菇牛肉卷，只來了兩件．點了三份牛油帶子，來了一盤

食過幾間放題，都幾好的有日睇飲食男女，見到間店做二位每位平＄10，諗住去試試，結果出事了一上到去，點壽司剌身先，刺身黎吾足，點第二次也黎吾足壽司就點十件不同的但只黎二件，刺身三文鱼不錯，夠鮮甜，壽司普通，來二件再追也沒來熟食就也來得慢，芝士白汁焗蠔就一件都沒來，要我們再落紙再追才來，可是，焗蠔的味很腥，芝士太焦了，白汁也太淡沒味這裡鯖魚也沒有，喜歡吃鯖魚的我有點失望整睌也吃得不太高興，又漏單又追單，吃飯也吃得像求人似的

今次係我第一次寫食評，而且係未食完己經嬲到要即刻寫食評1.野食超級唔新鮮(三文魚完全無味)2·成日漏單(額外比錢叫生蠔，都要三催四請先到)淨係上面兩點已經好不滿，我都好明白食放題係甘，不過我無諗過差到甘!佢地最差既係服務質素!連茶餐廳呢D甘busy operation既態度都好過呢到！同佢地講野係無回應既，你永遠都唔会知佢地聽唔聽到上菜既時候，係我塊面前面遞比第二枱客！但其實佢係可以係我後面上菜！亮點係佢整到我都無同我講唔好意思囉!我真係好想問下佢地知唔知自己做緊邊行!應有既服務態度係無嫁囉

今日往旺角火鳥食放題，慶祝好友牛一，餐廳坐得好舒適，d卡位好闊而且可看到旺角街景，爽! 而食物整體不錯，d芝士火炙壽司，七味雞翼、炒菜、炒牛肉好好味，而翅身，日式pizza、照燒丸子、鰻魚壽司、天婦羅蝦和火鍋好好味(原來韓式牛肉是辣的! 個火鍋好似吉野家的日式火鍋)， d間餐廳好正，如有壽星仔女列席會播生日歌，之後餐廳d燈光整到disco一樣，好閃爍，最正係有生日蛋糕連煙花燭光，好effective，氣氖不錯，整體餐廳表現小弟好滿意(我們坐超過2 hours都無職員「催」，唯一改善是餐廳侍應較少，同埋落有幾次單才有多春魚食和無雪糕(甜品只得日式紅荳糕!) ，小弟下次有機會會再黎。

呢日朋友生日，3個一一齊去食放題見呢間未試過就去試下，事先有BOOK家枱之前上呢度見人地D食評都話OK好食，諗住唔會有事嘩，我真係未食過一間咁唔掂既放題，三文魚魚生係冇味既我係一個三文魚狂，但真係第一次試到未味既三文魚之前去食放題我係狂點狂掃落肚，至少食50塊以上呢間我一開波就點左60塊，但佢只黎左1X塊左右（反而係件好事）我食左一舊，Ｅ～～冇味既？清下個口一次塞２塊。。都係冇味。。。。。。。。跟住算，諗住唔食三文魚叫多D其他野食下D咩牛肉，牛肉粒，金菇牛肉卷，好多野都一試左真係冇咩邊樣野係好食，正確D 黎講係要用難食黎形容。。最正常既係火炙三文魚壽司軟殼蟹卷，鐵板牛肉粒都還算可以，但都唔覺好好食早知黎呢間野食去元氣食仲好。。激死我難食到噴火，最恐怖係D金菇牛肉卷我懷疑佢係洗都冇洗過D金菇連埋D泥一齊拎落去煮。。嘔心爆

好久冇寫食評，昨晚同老公去左火鳥食放題，又映左D相，就寫下啦!我訂左5點9，去到唔洗等位，可能我地食最早段入到去得幾抬客D坐位比較窄，我哋第一時間點左刺身先，我點每款10件佢都唻足曬，重係厚切嗰隻重好新鮮，由其是我至愛ge甜蝦都有>正<推介燒蠔熱辣辣好好味，溥燒牛肉，火炙壽司，黑椒牛仔粒>正<但串燒太乾，天婦羅唔脆，唔掂!至於甜品係冇ge，埋完單會每人送一客甜品都幾好味，整體唻講D嘢都唔差，服務態度重好好，更可況我哋重有好多嘢末試，下次會再來!

話說琴日因為有朋友生日 想係旺角食放題 咁岩又搵到依間新開的放題 所以就心郁郁想同朋友去試下我地因為預先book定位 所以一夠鐘上到去就有得入座.一坐底咩都唔理 梗係叫一大碟刺身先啦!而我最滿意既亦都係刺身 新開既放題係材料方面真係比其他舊放題好尤其係我最愛既三文魚同甜蝦 十分新鮮,,而且三文魚又厚又甜 咁既價錢食到依d三文魚 真係好滿足!!!而且我地得兩個人 寫左兩張單刺身單每張50,60件三文魚本身諗住佢唔會出足所以特登寫多d份量 但係竟然都出足!! 抵讚 好彩我地最尾都食得晒冇浪費食物姐!可能係平日既關係 人唔算好多 所以出單都好快 幾乎冇漏單!!另外不得不提既係鐵板燒 果度既鐵碟帶子好香既牛油 而且牛肉薄燒同牛柳粒唔似出面果d燒到硬晒 仲係好軟好好味 最重要既係唔會好油! 所以我都recall左2次!而另一招牌菜 焗芝士蠔熱辣辣咁上台,,好香既芝士味而且燒到金金黃黃咁 真係睇見都流口水!! 最後一人食左幾隻,雖然想再食但因為太飽食唔落.而d天婦羅又唔會好粉而且夠熱 都唔錯!!可惜既係冇試到佢地既鍋物 佢d鍋物比出面好既就係可以自己order

原本唔係想嚟呢間，但朋友話想試新嘢，無所謂啦！食物質素勁差，估唔到我咁無要求都覺得難食，見到人地推介雞亦同帶子，也是我最愛，但雞亦普通，帶子難食到難以形容，全晚只有凱撒沙律好味，我地每人食左5碟以以上。服務質素，其實係冇服務可言，全場只得一個肥仔哥哥服務最好，又肯跟進。另外，早知每人只有一小件甜品，但漏左比我地，追左成半粒鐘先有，勁唔開心。總括來說，不值得試。

剛剛10:30去完點了三文魚,亦貝,北寄貝,希靈魚,甜蝦,鮑魚片...食落口冇一樣係有味道的,我食梗多間放題,冇一間食物質數會差過哩間.跟住叫敕汁煮花螺係甜的再叫串燒,全部串燒超乾,仲要冇味.再叫帶子係梅的.再叫蠔係臭的,再叫羊胺都係臭的.哩間野真係幾嚇人.丿我真係冇試過一間放題冇一樣野會令我唔會re-order.唯獨哩間令我完全佩服.一定唔會再去.......

長假最後一日想要去食放題，不過一人行去食放題總覺得怪怪的不過還是電話book了火鳥，準備一試大約6點多call入去，已告知沒位，要等到8點，那我都OK，畢竟節假日一定full的6點30抱著一試的心情先上去，一樣情況，就confirm定了8點，我就行行下去佐信和買figure同新出的game之後電話又打黎問是否介意和人share檯，我當然話OK，就上去入座，尼點安排得唔錯，夠靈活，侍應都很有禮貌甘就入座食放題la，個位系ok，唔會好迫，四下望下整個場都坐滿人，不禁慶倖如果自己非一個人應該要實等到8點后===放題方面===也許是長假最後一日，我又同人share檯（我系37號，同一對情侶share，佢地系36），跟住一路唔知被漏佐幾多單....侍應上菜又好迷茫甘，明明系我order的，36號臺女仔好大聲問系咪36號丫你睇清楚，個侍應馬上就話系呀系呀36號我地都左等右等，等唔到自己果D order的食物，從頭至尾，order了至少16張單+，見到只有大約10個碟（仲有兩張單系汽水，2個沙律），完全唔見我心愛既牛肉鐵板薄片和牛舌，仲有好多我都唔記得了，只得干坐系度飲汽水order了兩轉刺身，又未

本人住北角,爸爸住元朗,唯有找個中間點和他食餐飽嘅,上綢search了好多間,終於試試這間,幸運的食物真是好,服務態度也很好~~爸爸一路食刺身及壽司,不停說"正"呀,Tuna, Salmon, 好新鮮又厚又甜,飽片及海膽口感也很好,真抵食.難得的是我向waiter反應串燒太咸他說我幫你換咗佢!!還有牛肉鍋及雜菜鍋絕不欺場(最怕好似食剩及乞兒兜果種).火燄芝蠔正,七點入座至九點已有兩枱人慶祝生日(場面配合)這晚,不論22到60都吃待很滿意很滿足~~

本身想食吉慶的, 但BOOK左枱都仲要等好耐, 所以轉移陣地到火鳥。裝修 - 一般服務 - 除個別侍應態度麻煩, 整體很好! 有禮貌!食物:刺身 - OK, 新鮮, 寫幾多黎幾多, 唔似一般食肆慳住出刺身.. 我地一行6人2小時內食左最少5-6盤刺身呀....食到反肚 壽司 - 好味鍋物 - 不過不失燒物 - OK好味熟食 - 麻麻地, 辣酒花螺同一毫子差不多大, 焗蠔隻蠔又係迷你品種, 青口可以, 粟米原來係粟米粒, 帶子可以