影片
招牌菜
依间放题啲野食都唔错，尤其系串烧同炸物，重点推介火鸡肾串同炸蚝～另外刺身(图上)同面豉汤都好味，三文鱼切得比一般放题店厚，成块放入口感觉好充实，不过个甜虾就唔系咁钟意，又有头又有尾，食起黎麻烦仲有煎羊扒同牛肉都超好味，一定要食！！只系我唔明点解身为一间日式放题，可以连寿司手卷都做唔好，寿司饭太松散，紫菜唔脆，好失败，不过反卷都ok另外唔建议铁板带子(右下)，蒜味好浓，无带子味，负评题外话: 有个waiter好好人，而且个样ok，系温柔哥哥呀
继续阅读
呢篇系我第二篇食评 写食评有好多好处记低自己食过咩野、比人睇下有咩野好介绍，最重要系将好嘅食店发扬光大 一入火鸟就即刻有位，个感觉非常好，因为太饿唔等得哈哈即刻就写纸 例牌点刺身先有晒我好钟意嘅刺身 都几大份唔“孤寒”，亦都够鲜跟著点左好几样熟食，太好味嘅关系无全部影晒，食左先讲仲有香辣鸡翼、焗蚝 不过无相抵赞嘅系d熟食全部都热辣辣！！即叫煮好即出！食过好几间放题都系放凉左少少先出餐！趁热食先好嫁嘛！跟著再叫左转刺身同熟食，同埋几件寿司就收左山食埋个雪糕就闪人 雪糕都好味整体而言都好满意 呢间野掂啊！下次会再黎食！！！题外话：其中有一块系咁 见到忍唔住笑左wwww
继续阅读
今日同朋友四个去食放题系openrice 见到呢间应该唔差 就去试下先讲食物既质素刺身紧系必食啦 叫几多黎足咁多真系正! 有厚切三文鱼 八爪鱼 荣螺片 甜虾 呢几样一定要一叫再叫熟食就有鸡翼 牛油带子 牛肉薄烧炸物仲有薯格 带子 蟹钳 粒炸虾丸入面仲有芝士tim都食左一轮野 当然唔好比佢停 继续叫 有个肥既短头发挛毛既女人好大声咁同我地讲食唔哂野系犯法!!!!!!!! 仲话要收50%付加费 隔离枱都望哂过黎!! 听到真系笑出黎啰 点先 而家又唔系唔食!!态度极有问题好恶劣!!!! 今时今日咁既服务态度点得嫁，如果佢态度好啲我都会听，但咁恶想点先食过其他放题都唔会咁 咁样不如唔好叫做放题啦 之后佢系咁望住我地食野啰!! 食过饭都好似比人监视住
继续阅读
大约6点钟入,入到去坐低,可能因为早同系闲日唔洗等位唔洗问紧系即刻order野食先野食好快就到左啦先来既紧系刺身啦刺身三文鱼:够厚有我钟意食既甜虾同赤贝 呢2样都系劲鲜甜同好爽寿司寿司点既唔多,因为希望留肚食其他野火炙寿司: 正!!! 烧到好香, d饭酸d就好啦天妇罗呢度既天妇罗做得不错,油份并唔算多,食落去系脆口既,相比起其他吃过既,放入口已经有阵阵既油「益」味,呢个好得多啊特别南瓜天妇罗 清甜又够香口炸物炸虾丸:呢样既特别之处系入面好芝士 热到辣亲条利 好好食呀薯格:好味 好耐冇食过呢样野 所以叫完再叫烧物焗蚝:相对细小的,芝士味都算系浓郁鸡翼:都算大只 有小小辣串烧都唔错菠萝串系厚切嫁, 鲜甜果肉咬入带出左好丰富肉汁,好滚动食放题少不了的就是雪糕,呢度差唔多有10款雪糕,有雀巢细细杯的同埋有dreyer’s毕既我就钟意毕啦 因为屋企好少有咁大桶自己毕I love ice cream!!
继续阅读
之前留意左好多团购放题，唔系远就系贵，所以好耐冇食放题喇，火鸟都留意左一排，相比其他餐厅唔算贵，地点在旺角都方便，最紧要食评系笑面多过喊面，所以会想试下呢间，准时5:30到达，已经可以入去食啦，被安排坐一张单独0既2人枱，"宁宁舍舍"坐埋一边好突出，不过倾计方便d都几好，即刻开始点食物，有好多张纸可以点，真系花多眼乱，如其他人士所讲，场内灯光真系有d暗，写纸开头都睇唔真，不过适应落黎又睇到啦~交单后食物好快黎，而且keep住一直出菜，张枱细，所以好快就冇位，侍应会好主动咁帮忙左砌右砌腾空位置出黎放食物，除左传菜0既侍应会帮你外，我地食食下执位佢地见到都会帮手，同埋收碟速度好快，值得一赞，讲返食物先，刺身我只点左三文鱼，荣螺及鲍片，全部都够冻够鲜，香辣鸡中翼好味道，真系够辣呀，芝士焗生蚝都好味，其他天妇罗，串烧，炒杂菜，沙爹炒鱿鱼须都ok，雪糕是日有云尼拿，芒果，合桃，绿茶x2，仲有雀巢雪糕，限时2小时，不过够钟都冇赶我地走，可以坐多一阵，总括黎讲味道及服务都几好，会有下一次~是日晚餐：$118+39服务费+10假日费
继续阅读