火間土 (已結業)

整體來說就是一間吃環境的餐廳，以這個價錢來說能看到海景是可以考慮的。而且枱與枱之間足夠寛 ，坐得很舒服。約朋友食飯，聊天是很不錯的。嘢食沒有非常好吃，就是正常程度，這個價錢就也不要求什麼了

Lunch 就腳北京道一號上8樓平時有食隔離間韓國野金膳今次轉一轉陣食日本野.最鐘意食魚類一見銀雪魚系列就試一試佢.落單時間好忙侍應得兩三個但都見佢地保持禮貌亦會盡快黎幫你落單.個餐跟埋熱飲上菜速度亦尚算幾快.上到黎一set 過有1. 炒洋蔥豚肉2. 凍豆腐（唔記得影😹）3. 凍醃製蓮藕4. 銀雪魚本人5. 白飯6. 麵豉湯個餐都幾豐富.而每樣食物覺得都做恰到好處豆腐滑蓮藕惹味炒豚肉好食.銀雪魚 魚肉夠滑 魚皮我唔食 但有脆邊感我基本都唔點醬已經食哂.飯方面唔係日本珍珠米不過不失.基本符合百幾蚊嘅質素亦有唔同類型食物夠豐富可以回頭

好耐之前食過 個陣覺得所有野都好好食 好高質 比人感覺好high class 今晚再食 真係差到想喊！佢環境係唔錯 但以哩個價錢 真心唔值 兩個人食左千幾蚊 唔飽之餘 啲刺身唔新鮮 圖文完全不相符 係我係其他鋪頭500幾蚊食到嘅質素🔥🔥🔥成餐飯都食得好唔化算 唔會再有下次了 失望

服務 極之極之惡劣， 送餐到檯面上，直接呼叫 點餐號碼 946 947 943 客人 一定要記住自己叫食物嘅號碼 ？放低食物， 因 客人 不了解餐後導致少混亂， 竟然在客人面前投訴, 責罵客人"亂指“ ？ 我去咗茶餐廳 ？ 你哋啲態度 連客人都 不 尊重人哋點尊重 你 ？ 這是什麼態度？ 永不再光顧。

早前透過朋友介紹嚟到呢間位於尖沙咀北京道1號嘅日式餐廳「火間土」。我哋之前用電話book位，仲特別同餐廳request坐窗口位。由於當日係閒日嘅午餐時段，餐廳入面唔算太多人。餐廳安排咗我哋兩個人入去一個小包廂，私隱度非常之高👍🏻餐廳食物方面非常抵食，對於lunch set來講份量足夠。我同朋友都差啲食唔晒😂食物質素來講就正正常常，魚生都幾新鮮，唔會話有陣腥味。反而個茶碗蒸比到驚喜我哋，入面有唔單止有冬菇、鳴門卷，仲有帶子粒同蝦。天婦羅方面，佢哋嘅炸粉就相對比較厚。跟餐附上嘅汁煮牛肉煮得好入味，用嚟撈飯簡直係一流😆總括來講，呢度勝在選擇夠多，不論係定食定係壽司，性價比嚟講非常之高，值得一試😋

之前聽朋友講過呢一間質素唔錯，所以假期專登去試吓，去到安排咗窗口位俾我哋，可以對住維多利亞港食日本菜，係一個好好嘅享受，不果如果冇咁曬就好啦😂因為我哋本身都食咗一個豐富嘅早餐，所以都唔算好肚餓，可惜試咗唔係好多嘢食鍾意食海膽嘅我一心諗住叫海膽食，但係原來當日無海膽賣🙁🙁我哋叫咗一客鵝肝扒壽司，非常好食，值得推介👍🏻👍🏻鵝肝質地軟綿綿，非常香口，醬汁調味亦非常惹味😍另外我哋叫咗燒牛肉定食，半生熟嘅牛肉，配上生雞蛋，用嚟拌飯一流😀叫咗燒帶子及燒三文魚餃，味道都唔錯😃

今日打電話訂位，得番獨立房間，可以訂正合我心意。可以同女朋友二人世界。即刻訂咗一間獨立房間，最低消費$800元，$800可以嗌到好多嘢食一定夠飽我哋嗌左壽司拼盤，刺身，螢光墨魚，牛肉烏冬，燒三文魚同埋清酒。值得一讚嘅係佢嘅刺身，$450相入面咁排得好靚有煙噴出黎影相一流同埋刺身好新鮮拖羅好多油，入口即溶。牛肉烏冬天台都好友牛肉味佢應該係用上安格斯牛，螢光墨魚一咬入去就好似有啲嘢係個口到爆出黎一樣個感覺好正。反而個壽司拼盤就正常冇乜特別嘢可以講 。如果去拍拖二人世界呢個係一個值得推介嘅地方望住美景食美食。

去到左一間幾好食既日本野環境氣氛一流前菜：炸蝦天婦羅沙律$105炸蝦🍤再加上芒果汁食落去又唔會乾再加過壽司🍣拼盤$258壽司拼盤中規中矩三文魚芒果卷$88而薄餅係幾特出櫻花蝦薄餅$85食落香脆可口食完一舊即刻想食第二舊最普通既野先係最考功夫😊最後鵝肝牛扒飯+咖哩海鮮意大利粉鵝肝牛扒飯$128牛扒七成熟再加鵝肝再加上類似燒汁味放落頭鍋慢煮食落口感一流咖哩海鮮意大利粉：全晚稍為遜色嘅地方咖喱味有啲重食落去落意大利粉黐埋晒如果好鍾意食咖喱嘅人你哋應該好鍾意呢個菜📍 火間土 (尖沙咀)尖沙咀北京道1號8樓802室

今次選擇咗位於北京道1號嘅火間土為朋友慶祝生日！！(˶‾᷄ ⁻̫ ‾᷅˵)入到店舖內見到有很多個獨立包箱，夠晒私隱！🎂相信就算一大班朋友高聲談天都無問題！🥳唔怕會嘈到其他人！👍🏻不過建議如果要去食飯就最好訂位！因為窗口位同埋包廂嘅最低消費都唔一樣der><!! 😎———✨新鮮海老天婦羅芒果醬沙律🌟🌟🌟🌟天婦羅食得出係啱啱炸起嘅！再加上芒果醬，感覺好開胃！超清新！做前菜簡直唔會輸！！👍🏻———✨九州新鮮生蠔🦪🦪🌟🌟🌟🌟🌟呢隻生蠔驚喜度十足，唔似普通嘅美國生蠔或者係澳洲生蠔咁重海水味同埋creamy !! 👍🏻👍🏻呢隻生蠔係好新鮮好甜美，完全冇咩海水味，但係又有生蠔嘅甜味！值得一試嘅item!!🎉🎉———✨鮮魚鮨🌟🌟🌟識落有少少甜味再加沙律醬都幾開胃，但係整體感覺識落有少少比較普通冇咩特別(´･_･`)😚😚———✨薄餅風燒雞蛋🌟🌟🌟純粹係一個中規中矩嘅大阪燒🌝———✨雜錦串燒🌟🌟🌟🌟🌟新鮮整出嚟嘅串燒(˶‾᷄ ⁻̫ ‾᷅˵)再加上七味粉！呢個配搭好難難食😚———✨軟殼蟹沙律卷🌟🌟🌟🌟軟殼蟹食落應該係新鮮炸起嘅，趣卜卜！外表顏色亦10分鮮艷，感覺好開胃🥳🥳———✨日式雜錦鍋🌟🌟就係普通嘅

係尖沙咀竟然揾到呢間具有靚景嘅抵價日式餐廳，真係好驚喜呢🤩因為已提前預約窗口位置，大大嘅玻璃可以一覽文化中心以及海景!菜式方面都有炒多選擇，由壽司、串燒、主食、炸物以及特式飲料通通有。睇菜單決定食咩都睇左一段時間😝《軟殼蟹沙律卷》💰$125壽司卷總共有8件，入眠嘅軟殼蟹好脆身，上面仲有蟹籽以及沙律醬，賣相吸引好味道《美味壽司盛 特上》💰$258共有12款壽司，壽司具鮮味，另外仲有個《天上set》《桃味燒酒》💰$48蜜桃味道嘅燒酒，仲加入左梳打，好有日本居酒屋嘅味道呀🍹另外餐廳都設有包廂位置，就可以靜靜地品嚐美食啦。但就設有最低消費，大家都可以考慮下呢~環境：⭐⭐⭐⭐⭐味道：⭐⭐⭐⭐打卡：⭐⭐⭐⭐服務：⭐⭐⭐回頭率：⭐⭐⭐⭐

尖沙咀想食個good lunch真係唔易，一嚟好多人，二來地區價錢較高！呢度就係我好好嘅落腳點，一來我打去book咗Window Seat，個景係大玻璃，出面對住文化中心同埋海景💙二來係佢嘢食質素都幾好， $100頭就有個lunch set，我叫呢個定食，有刺身，有天婦羅，有牛肉同埋飯 (美中不足嘅係佢嘅飯唔係用珍珠米) 最好味嘅係佢嘅帶子，上面係火焰沙律醬☺️同行友人叫咗壽司定食都非常唔錯👍🏼 走之前見到佢有private Room，係日式榻榻米嘅，應該要有最低消費，先可以book到入面房

性價比頗高既尖沙咀日本餐廳 仲可以望到維港夜景🌃🤩-🌟: 7.5/10📍火間土 Kamado Japanese Restaurant 尖沙咀8樓802北京道1號-Tokyo Sukiyaki Hotpot $98Grilled Beef Rice Set $105-終於去到plan左好耐既火間土😆 係尖沙咀食日本野本身就唔算平 尤其係望到海景既餐廳俾人感覺上好貴😖但打開餐牌發現同出面其他連鎖日本餐廳價錢差唔多 食物都算係中上 嗰燒牛肉飯頗有水準 加上位置都好方便 （⚠️留意返如果要window seat既話有最低消費 我地無坐到窗邊但都望到嗰海景🤣）平日lunch去仲好似會再平d 如果經過尖沙咀都可以一試👍🏻

平安夜既午餐係食日本野Book左1230窗口位見到小小海景叫左lunch set海膽、帶子、三文魚定食壽司、天婦羅、刺身、豬肉定食餐飲都係奶茶咖啡檸茶可樂叫左熱檸茶同可樂上食物速度好快食物質素正常以呢個價錢算唔錯👍🏼

平價抵食之選 + 飽覽尖沙咀夜景環境諗起之前有路經北京道見到呢間一直都好想試咁就直接walk-in去試下啦因為我地無book位所以開始安排左坐係出面但後來剛好有客人離開, 所以可以轉到包廂 但有最低消費 但可以有更多私人空間, 私隱度較高, 最適合情侶去拍拖 or一大班朋友去食食物質素就中規中矩啦。刺身正正常常，都好食 食物定價都尚算合理，屬高性價比之選。

幾個女仔約左一齊食飯，諗住搵個坐得舒服嘅餐廳傾計食飯，所以就試下黎依度～打電話壽訂坐時，已被告知4個人最少要消費$1000，都算合理。我訂完位先睇OpenRice 的食評，點知好多人都話服務一般😱 令我有d擔心..但去到嘅時候，門口接待嘅叔叔好有禮貌，大概係睇左食評反應有改善（？！）佢帶左我地去張有夜景嘅檯，好驚喜！另一個叔叔仲好貼心咁話我地知檯號，話比遲到嘅朋友，咁就唔會黎到唔識行入黎～等齊人，我地嗌左幾樣野&4杯野飲，樣樣食物質素都okay，海膽新鮮，串燒調味好好，魚鮫最好食，熱辣辣～ 野食黎齊，另一個叔叔仲幫我地影相 📸️最後嗌埋甜品🙈抹茶丸子，都唔錯，係紅豆有少少太甜。成餐飯中規中矩，食物okay, 環境好，價錢唔係太貴，各位叔叔嘅服務都好好，所以我都忍唔住打返篇食評上黎😂 我絕對唔係打手🥸 但覺得比多個機會佢地都好呀😊