火車頭越南餐室 (浣紗街)

营业中

休息中

去天后大坑買野買完野就搵野食。想食粉面俾我見到火車頭越南餐廳，火車頭個名好熟面口好似曾經係一d成日排長龍既餐廳黎。我lunch time時間後去所以唔洗排隊可以直入😃叫左佢地既招牌牛河，有5樣牛餸係入面：生牛肉片，牛腩片，牛丸，牛柏葉，牛筋。哇!! 上菜個時，個碗係巨，成個人頭咁大，從來都未見個咁巨既湯面碗係香港😆。河粉份量都多，生牛都ok但有d根所以唔太咬到(我牙齒較弱😅），整體味道不過不失。

早前與友人到大坑閒逛 沒想到每間餐廳都爆滿🤣 隨意看到這家餐廳 看門口和interior都是雍容華貴的樣子 沒想到原來是價錢親民的泰國菜 剛好碰上下午茶的時段沒什麼客人 便決定試試了-🌟-▪️大蝦柚子沙律 （配青檸蘇打）▪️炸豬排叻沙麵 （配龍眼冰）-🌟-食物質素就是普通還好 值得一提的是餐廳裝修真的挺漂亮 我們還幸運地坐到包廂位置 背後的書架和頭上的燈也蠻好拍的～ 還有和老闆娘閒聊說起剛好是友人的生日 她竟給我們招待特色糕點☺️ 看網絡上的評論說服務態度簿友善我們倒不這樣覺得 但是食物味道方面就是普通 以下午茶的價錢也是OK 如果晚市就未必了～

微暖的生牛肉湯河粉，未能把牛肉灼熟。 向老年的男經理反映，他帶著鄙視的眼神，斜著嘴角反問我你點的是生牛肉河粉，如果湯是熱的話，那牛肉就不是生。 我唯有叫埋單 ， 佢帶著輕視的態度 ，立即為我送上帳單。( 埋單後 )—位較為年輕的主管 過嚟問我意見， 最後再送上一碗比較熱的。 之後那位主管就入到廚房跟厨師及 該為 老年男經理吵架， 相信一直以嚟都有很多個客反應同一個問題只係廚師不接受， 而年老的男經理亦頗為串咀， 你有接受主管的指示｡ 唔緊要啦~我都冇可能會再去㗎喇

夜晚行過，茶餐廳又唔系太想食，好多其他野又收左。呢間野好似系度好耐，未試過。於是貪快叫左個牛肉撈檬外賣，79蚊碗，感覺已經覺得有d貴。個碗好大，但系打開先知道牛肉同檬粉既份量勁少，加埋都無半碗，一個一般食量既女仔都應該唔飽。收79絕對唔抵。外賣包一盒好細既醋/ 酸汁，想要d辣醬，問左個waitress攞，佢講廣東話既，不過佢比左個好奇怪既回應我，好似聽唔明咁，跟住唔知想點。好在個入邊個男既即刻幫手。比左少少。碗檬粉味道比較淡，好在攞左辣醬。全碗野最好食既系d酸蘿蔔。嘛嘛地，我過未必會再去lu。

香港食越南菜，一講"火車頭" 個個都會認得這間越南餐廳，可以講香港最出名越南菜始祖，雖然現在已經很多越南餐館，但我還是鍾情這間老字號店位於大坑第一店，雖然開了很多年，但內裡仍然保持很乾淨當然要點招牌菜： 火車頭招牌湯河生牛肉肉汁夠嫩，牛丸夠彈牙，除左足料配菜外，湯底亦十分重要，香濃牛骨湯，令我飲清洒全碗湯牛油果軟穀蟹紙米卷牛油果軟殼蟹配紙米卷，口感清新，令人不會太油膩感覺馬拉盞通菜大大碟，芡汁帶點咸香味，正椰青，清甜涼爽還有沙嗲雞肉串，雞肉嫩滑多年來，每道菜都仍舊保持水準，不枉我鍾情這間老字號店

一人午餐。再去蓮花宮。揀呢度午個餐寫到明。一個午餐配一個snackssignature 牛河有大同細版 （OL） 幾好但呀姐我偏偏揀鮮茄我後後悔見到冇食友揀。個個一面倒都係火車頭。咁我當要try try 其他全相lonely的去腸蝦。爽的豆卜一對蟹卷咪玩__呀姐。邊度來蟹呀！大定close up睇下蟹肉係蟹柳呀？咁就有幾執我問職員。請問蟹肉係邊係咪係碗底佢回覆： 之前我哋係用蟹肉。但有客人話睇唔到。所以我地改用蟹卷同蟹柳我： 蟹肉= 蟹卷同蟹柳呀？佢： 係呀咁收皮啦本人。我諗緊係咪要問海關$22 牛油雞翼。係不錯。夠熱。脆口。帶小量牛油熱奶茶。不熱的枱係佈置得幾靚可能encore火車頭

火車頭越南餐室-係銅鑼灣行街行到累累地想同朋友靜靜地傾吓偈，於是行遠少少嚟到大坑的越南餐廳。呢度貼近民居，人流比銅鑼灣鬧市相對少，比較適合慢活的我！火車頭招牌河粉，配料有唔同的牛肉類非常豐富，有牛丸，牛筋，牛腩，牛栢葉和蘿蔔！上枱後先喝上一口湯，湯頭牛味非常濃香，一口河粉一口湯，不錯的味道！而芽菜、辣椒粒和青檸以另一小碗奉上，可按個人喜好隨意加入。香茅豬扒撈檬，豬扒份量非常多滿滿地遮了大半碗檬粉，豬扒咬落好juicy，而且絕對唔「鞋口」，加了酸汁的檬粉非常開胃！悠閒又寧靜的一個晚上，enjoy！

📍 火車頭越南餐室 大坑💰 人均200 本來想來大坑找餐廳吃飯，結果間間都full了，看到這間沒有什麼人，餓得不行就趕緊進來了，發現這間餐廳是個連鎖餐廳，火車頭不過不失，兩個人要了一隻雞，不過不要被嚇到，這隻雞沒有什麼肉，其實份量很少。咖喱軟殼蟹還是挺好的，用法包蘸著吃好吃過火車頭！ 並不需要特別為了這間餐廳而來，不過不失的口感，其實沒什麼記憶點

牛肉有質素，新鮮沙律菜同屋企人10月1號出外用餐，今次就試吓北角區嘅火車頭越南色餐廳。門面唔係特別好華麗亦都唔係賣越式嘅裝修，就咁睇以為係茶餐廳。門口位嘅枱櫈唔多，原來係可以再行入啲就有多啲嘅枱櫈。一睇餐牌就覺得好奇怪，大量文字極少圖片，餐嘅內容好多都係重複。對於選擇性困難嘅人來講應該係一個挑戰，而且室內嘅黑板都寫滿左大量文字嘅餐單，所以我哋揀咗好耐都未揀到😂😂😂不過好欣賞佢羊架都係跟返平時嘅餐單order。👍👍 食物種類係非常之豐富同埋有唔同國家嘅特色，例如有日式鰻魚葡國嘅牛腩同埋越式濛粉。 岩晒人多但又想食唔種類既朋友組合。最正系真正既沙律菜，我最怕配埋d普通生菜青瓜粟米。 當然沙律菜既量就唔會太多。最緊要系主菜足料，夠份量。 講真，比$60，$70食到高質既牛肉同沙津菜就真系好抵食。 經過北角區既朋友就要試下啦☺️☺️相信我好快會返黎再試食其他菜式☺️再同大家報告

在銅鑼灣下班食個飯 周圍都是人最後步行去了大坑從銅鑼灣走過來 寧靜舒適的社區最好係不需要等位食飯=酸辣無骨鳳爪=先叫了個開胃的前菜鳳爪大隻又爽脆 酸酸辣辣的有好多入味嘅配菜 青瓜蘿蔔洋葱絲多都好係沙律咁 正=牛油果軟殼蟹米紙卷=透薄的米紙 酥脆的軟殼蟹米粉生菜 再配上牛油果醬 好夾我覺得其實不用蘸海鮮醬都好美味=鮮腐竹豆漿浸菜=有幾款唔同的菜同瓜用腐竹豆漿去浸菜 感覺菜口感都特別滑同埋菜一入口有陣豆香 豆漿又可以當湯飲清清地但好好味 感覺健康=火車頭招牌湯河=越南粉湯底最重要 湯底牛味幾濃 唔錯 應該落咗好多唔同材料去熬粉的分量其實不少咩配料都想試要叫招牌有牛丸 牛腩 牛筋 牛栢業 蘿蔔=椰子雪咖啡=原來係沙冰 最開心係因為佢唔太甜椰味好香 仲有椰絲 有口感

位於大坑嘅火車頭越南餐室, 好多年前跟同事車去食過一次午餐, 記得當時跟同事叫的一碗火車頭河, 碗河粉上枱時確實被嚇了一跳, 大碗到呢~心諗, 下次一定要晚飯時間黎食, 唔使趕頭趕命咁食, 要慢慢嚐味! 所以印象好深。今次乘機約朋友再訪, 可能時間尚早, 人客好似冇以往咁多, 就睇睇餐牌, 尋尋美食火車頭湯河是必點的, 香濃嘅牛湯味, 一大碗湯河鋪滿了:牛腩、牛筋、牛柏頁、生牛肉加埋D蔥、牙菜、香葉、洋蔥、蘿蔔，除左視覺大滿足, 口感亦一流, 啱哂我這個牛魔王嘅要求✌🏻叫多一個越式拼盤, 各式其式嘅拼盤係我嘅至愛😍, 因為樣樣食物都有:蒸粉包, 一定一定要趁熱食,粉包才軟滑, 涵料清, 爽甜, 點埋酸甜汁, 層次更豐富😋炸春卷, 好香口, 又不肥膩,所以忘記了用生菜包住食添。沙爹雞肉串, 雞肉一D都唔嚡; 扎肉有好多片, 而且仲係厚切架。我最鍾意佢嘅青木瓜牛肉沙律, 個汁好好味, 木瓜又爽口, 仲有D牛肉條, 這簡直係一碟前菜首選👍🏻👍🏻坐下傾下又再食下, 所以叫多一客蔗蝦, 明明係兩條, 何解有四條, 啊~原來係一開為二, 蝦膠彈牙, 稍欠一點蔗嘅清甜味。

其實我好鐘意食越南野, 特別係生熟牛河,所以朋友介紹我去大坑食, 話包我鐘意多謝朋友先! 我梗係跟埋佢去食好野啦!其實大坑都幾方便, 天后站落左車行五分鐘到其實就去到生熟牛河+牛柏葉-$95食生熟牛河第一啖就要試下佢個湯頭, 超正宗的說! 好好飲, 我估計味精唔重, 因為飲完都唔口喝, 河粉好嫩滑, 牛肉好好味, 牛柏葉好好口感, 朋友真係冇介紹錯!火車頭招牌湯河-$98D個係友人最愛, 佢話貪佢咩都有, 有牛肉, 牛丸, 牛柏葉, 牛根, 蘿蔔, 佢話想試多幾款野就叫D個馬拉盞炒通菜-$68炒得好好鑊氣, 通菜都係揀D嫩比客人, 食落微辣, 好開胃, 好正沙嗲牛三串-$69牛肉係好好咬, 唔會過靱, 個味道超正, 加埋個沙嗲醬, 更能吊起成個味道, 我覺得小食黎講D個必叫龍眼冰-$34超多龍眼肉, 個甜度岩岩好, 夠消暑總結朋友介紹得好好, 我都好鐘意食D間既火車頭河, 加上成個裝修都好越南, 越南既感覺全部湧心中

要說起大坑既越南菜，一定會記起「火車頭越南餐室」，餐廳樓底極高，以火車車卡裝飾佈置，用柔和燈光襯托著懷舊的越南風格。假期晚餐時段人流頗多，等了一陣子才有位置，兩人飯量不大，點了一客飯及小食已經足夠有餘。🚩小食併盤 ＄148｜越南炸春卷x2｜沙嗲雞肉串x2｜蒸粉包x2｜扎肉x4｜青木瓜乾牛肉沙律✣ 越南炸春卷，新鮮炸起，卜卜趣👍✣ 估唔到小食併盤擺盤都幾靚，中間用左小蒸籠放蒸粉包，岩岩好，蒸粉包一啖一件！✣ 沙嗲雞肉串，沙嗲醬非常惹味，而且仲好大串，啖啖肉👍✣ 扎肉有四片，件件都煎香左先上碟！✣ 青木瓜乾牛肉沙律，一粒乾牛肉都見唔到，反而有啲香葉，唔係太鍾意陣味。🚩 街頭碎米飯 ＄88✣ 嗌果陣比個名吸引住，碎米飯其實係白飯，香矛豬扒好大件，岩岩炸起仲好熱辣辣，仲有件肉餅（？）都幾特別，特別好食，配埋個靚靚太陽蛋，成碟飯即刻變得好吸引！

黃昏時份在區內想起這清雅的越式餐店還是一樣的佈置好安南感太座近日熱氣決定來一頓清淡的越菜🤗🤗青木瓜乾牛肉沙律酸汁醒胃木瓜清爽好有嚼感,乾牛肉切絲令清淡沙律多了肉味又好有咬口😋😋大蝦柚子沙律大蝦隻隻大如骨碟蝦肉脆口蝦味鮮,沙律中加柚子碎粒增加果味令感覺更清新😋😋越式蒸粉包拼扎肉绝配扎肉爽口味鮮, 粉包全不油膩 , 餡料清淡😋😋👏👏火車頭招牌湯河無失場, 大大碗粉面上放滿牛丸, 牛肉, 牛筋, 牛栢業及蘿蔔, 各有不同咬感, 牛骨湯底味道濃沃😋😋👍👍太座飯後再試椰子紅豆冰以其解喝清熱至極😋😋👍👍

好似包場一樣，叫食物也要嗌多幾次，食物味道並不是想像中好食，叫了招牌OL火車頭河，像一碗普通的雜燴河，牛栢業超袖珍，牛丸只有一粒，不是驚喜之作。而配小食的粉包，一口咬下便是酸味，不會再叫的，不值推介再惠顧。