火箭餐廳

营业中

休息中

雖然主題樂園嘅嘢食一定唔會平 但貪方便嘅我一定揀火箭餐廳作為我嘅首選 因為通常唔太需要等位 食物又有質素 炸雞永遠熱辣辣 超！級！脆！坐隔離都真係會聽到有幾脆😂雖然油炸 但佢唔會油到成張底紙都油笠笠 咬到入面啲肉質仲好juicy好嫩滑 仲有啲薯條都唔會有油膱味 唔會淋晒 反正佢條條都好粗身 仲脆口 To my surprise 非常優秀！朋友叫咗個漢堡包 望落都厚身嘅 但反正就無太特別嘅感覺 呢個價錢既話 的確出面更多更好嘅選擇呢個小食拼盤反而幾得意 竟然有中式嘅蘿蔔絲酥餅 最正嘅係佢個雞翼真係好好食😋同樣有啲脆皮 肉質好嫩 同調味嘅芝士半溶狀態好正！好開胃好想encore!有啲搞笑嘅係 因為太多雞碎有機會跌落去 去襯都總有雀仔🦤喺附近盤旋等嘢食🙈

明日世界嘅火箭餐廳相對幾就腳，主要係食快餐，外面連鎖店未賣炸雞個陣，好難搵到好味嘅炸雞，所以第一次係呢度食到皮脆肉嫩嘅炸雞個陣覺得好驚艷，幾乎變咗我必食嘅迪士尼食堂。夜晚想食少少野，心掛掛食返炸雞籃套餐，兩件雞都keep到一如既往嘅皮脆肉嫩，做得比外面嘅炸雞有過之而無不及。可惜唔知係咪就閂門又冇咩人，薯條同雞都好似放咗陣咁，冇咁熱辣辣嘅感覺，少少退步了。另外叫咗炸芝士條，都似乎放凍咗，本身諗住就算冇拉絲，起碼都有少少流心，不過期望越大失望越大。如果價錢唔貴都仲可以當小食，可惜都唔平。加錢轉咗柚子梳打，非常普通嘅柚子蜜加梳打嘅味道，唔值得特登加廿蚊轉，飲返跟餐嘅汽水會開心啲。不過整體而言炸雞籃套餐都幾好食，穩打穩陣咁。

我地一入到迪士尼即刻衝咗去”明日世界”🎢，午餐一齊食「火箭餐廳 Starliner Diner」🍽。可能天氣比較熱🥵，加上午餐時間，餐廳室內座位爆滿，室外仲有空位，不過我地需要涼一涼，幾經辛苦先可以係室內搵到位。🤥排隊點餐排咗10分鐘左右，想點個”宇宙朱古力球” 扑下玩下，係一個扑扑蛋糕嚟嘅，可惜好快已經售罄。😮炸雞籃套餐配可樂炸雞嘅雞皮好脆，雞肉好滑好多汁，唔會太乾。火箭特選牛肉漢堡套餐配雪碧漢堡包好軟身，牛肉好食，成個包唔錯。兒童磨菇雞扒包套餐配可樂兒童餐嘅雞扒包係細嘅，小朋友食份量啱啱好，不過雞扒都有少少細塊，打開包裝紙見唔到塊雞扒。凍朱古力麥芽飲品飲唔到有麥芽，係一杯普通凍朱古力。粗身薯條份量好多，都好好食，咬落去啖啖薯仔肉。😋

今日食評有✍🏻 火箭餐廳@disneyland試食指數⭐⭐⭐⭐店舖衛生⭐⭐⭐侍應態度⭐️⭐⭐⭐((每項5⭐️為滿分)) ·週六超多人火箭餐廳係快餐店都排長龍不過值得一讚係排隊管理好過海洋公園起碼個個都自動波排隊守規矩地等位·我哋叫咗1️⃣魚柳包餐配特飲柚子梳打@$130🍔⭐⭐⭐⭐/5人多流轉量快食物比較新鮮魚柳新鮮炸好味好多充足醬汁好好味😋🍹 ⭐⭐⭐⭐/5柚子梳打汽水冇咁甜不過特飲加$20有點貴2️⃣新豬肉包餐配zero@$135🍔⭐⭐⭐/5新豬肉一向都唔好味只係表面感覺健康啲3️⃣小食拼盤(雞翼、薯條、芝士條)@$78正常·本期優惠會員卡combo買一送一·599Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

每次去迪士尼都會嚟呢度食薯條漢堡包，呢度嘅快餐店之前都會滿座，無論室內定係室外嘅座位都坐滿晒，都好多人嚟食。✨✨🤪🤪疫情之後，快餐店就有好多戶外嘅空位，搵位方便。😆😆(*≧ω≦)叫咗2個牛肉漢堡包餐，望落個漢堡包好大個，食落塊牛肉好大塊好厚肉，拎上手個麵包好高身，都幾鬆軟的，整體感覺唔錯✨，始終都係$125 一個餐，唔會比垃圾級快餐食物既😂😂薯條🍟每條好大條，炸得好鬆脆，啖啖都係薯仔咁🥔，咬落好有薯仔既香味同粉粉地嘅口感。唔似得出面嘅快餐店既薯條咁冇薯仔味。✨⚠️不過1個餐係要$125，價錢真係好貴。🤣😅，買2個快餐就用咗$250😂😂，性價比低。

去親樂園就情不自禁覺得要食下熱氣野先安樂又唔算好肚餓就嗌左一個炸雞餐加小食兩個人share————————————————————炸雞薯條套餐 （$119）外皮薄脆香口雞肉保持到滑嫩有肉汁粗薯條外脆內軟炸芝士條 （$48）哩個就有啲失望應該係炸定擺左一段時間完全拉唔到絲就係一舊硬左微暖既水牛芝士———————————————-係樂園入面野食都預左係貴不過食完之後覺得都過得去既店員勤勞手腳快基本上一枱客一走已經有人過黎幫你執番乾淨張枱另外本身排隊買同拎野食隻隊都成百人但都唔算要等得好耐

☆ 火箭餐廳大嶼山香港迪士尼樂園明日世界區火箭餐廳係迪士尼嘅元祖餐廳，我由開幕初初黎玩已經食過，係我覺得樂園餐廳黎講性價比高嘅一間餐廳，難得再入黎玩一於再試下(´▽｀)✦ 香脆魚柳漢堡套餐魚柳大大舊脆卜卜，入面魚肉都算滑溜，個包都幾軟熟，加埋個醬微微酸咁幾開胃，薯條就差d個樣好似無炸過咁，同埋只係微暖。套餐有埋汽水，整體黎講其實都合格以上嘅，以樂園餐廳黎講。當日黑雨，入面無乜人，所以可以難得影到張無人嘅相XD

因為假期，lunch勁多人，個個都去火箭餐廳食，排隊買嘢食都排咗45分鐘。買咗炸雞薯條漢堡包，炸雞原來都幾嫩滑，漢堡包都正正常常。仲加配買咗個朱古力球甜品，好得意，可以敲碎佢，個殼好似出奇蛋既味，入面好似少少Mousse cake，都唔錯。

前幾日去咗迪士尼，參加萬聖節活動嘅同時，去咗火箭餐廳食萬聖節限定食品！叫咗個火雞雞腿套餐，火雞唔算乾，可以接受。蝦同帶子都好食夠爽口。不過其餘兩舊炸嘢都唔係好食得出係咩嚟⋯⋯一個表面落咗好多咖喱粉，食落雖然脆口但係比較硬。另一款個醬汁甜甜酸酸，不過個粉就比較厚，食落應該係雞肉嚟。最有驚喜就係杯青蘋果爆炸糖梳打，一送到嚟杯野霹靂啪喇咁幾盞鬼！店員都好貼心提醒要撈勻啲糖漿先好飲，炎炎夏日飲返杯梳打真係涼透心，都唔算係太甜嘅。Jack燈仲可以攞走，都算係有得食有得玩。整體而言，除咗杯嘢飲其他都麻麻地，對其他迪士尼餐廳冇興趣嘅話都可以試吓。

去開主題樂園就知道，入邊嘅嘢食一定好貴，質素都未必一定好添。咁今日就去咗食迪士尼樂園入面嘅火箭餐廳，主要係因為冇乜餐廳開，少咗選擇，所以就貪佢便，想便便哋醫肚就算。咁我就叫左個魚寶餐，份量都算充足。一共有六舊大過麥樂雞size嘅炸魚塊，隔離有啲薯條，不過就唔好期望佢會好好味，正常發揮，下面嗰啲放耐左有啲林。八折左之後$92，對我來講就食得飽嘅，有埋杯嘢飲，我叫左嗰可樂，佢係杯裝嘅，不過杯嘢飲唔係溝淡咗嘅可樂，大家可以放心。總括而言，如果想喺迪士尼食得便啲，又對飲食冇乜要求，可以去試吓火箭餐廳。

黎到迪士尼樂園，基本上都必須食一餐❤️❤️今日揀左食快餐店，不過一d 都唔快，由於天氣好又正值暑假，園內人流多，基本上每間餐廳都最少等30分鐘。💫炸雞籃套餐$119炸雞🍗外脆內嫩❤️粉漿簿身小心雞油流出盪傷口💫火箭特選牛肉漢堡套餐$125漢堡的包用上軟包，沒有芝麻，亦烘熱了❤️牛肉質素也不錯，厚身的全部食物都好新鮮❤️❤️薯條🍟粗身，熱🔥烘烘的，份量多。一口接一口不停食，配埋茄醬一流。餐廳有手套🧤提供，大小朋友都可以用手拎住食✅ 白金卡會員75折‼️人流超多，最好分頭行事，分開去排隊買野食同等位📍 火箭餐廳 (大嶼山)大嶼山香港迪士尼樂園明日世界區5⭐️評分好食指數：⭐️⭐️⭐️⭐️餐廳環境：⭐️⭐️⭐️

去迪士尼一定避免唔到嘅就係捱貴嘢食😂既然大家都要比咁多錢，咁就梗係要搵間好食㗎啦😗btw雪條係用優惠買飛送嘅😜.🍟炸雞籃套餐 $119個朋友成日話入迪士尼一定要食炸雞，佢話好食過出面嗰啲😂套餐包括兩大舊炸雞、一包薯條同一杯汽水，薯條份量都幾多，足夠兩個人share😗炸雞確實係幾好食，冇乜炸粉同啲雞肉真係幾滑😎.🍟炸芝士條 $48略嫌芝士份量較少而太多炸粉🥲暫時覺得最好食嘅芝士條係potato corner🤣.💰人均消費: ~$120.🍽味道: 3.5/5🏙環境: 3/5‍👨🏼‍🍳服務: 3/5💧衛生: 3/5💰價錢: 2/5

睇完個Follow Your Dreams 精彩城堡表演。跟住去咗火箭餐廳。點咗個蟻俠素漢堡套餐。我個人唔食牛肉。個素漢堡用植物肉。有肉味但無肉食。適合素食人士。加$48有個朱古力Ball。附送個袖珍木槌。供小朋友打開個朱古力Ball。同美國 New York 除夕倒數搭正進入新一年，個巨型彩蛋打開後有彩帶放出。呢個朱古力Ball外皮用黑朱古力造，打開後蟻俠面具Jelly糖。內裏有趣米花。好玩好食，新奇又刺激。聽職員講個朱古力Ball是仿照餐廳外的明日世界大球。造個袖珍版供小朋友玩，別出心意。個炸薯條加入亨氏蕃茄醬，滋味無窮。包裝紙用蟻俠做宣傳。杯凍可樂都係用蟻俠造型。值後推介。

今日食評有✍🏻 Starliner diner@hk Disneyland試食指數⭐️⭐️店舖衛生⭐️⭐️⭐️⭐侍應態度⭐️⭐⭐️((每項5⭐️為滿分)) ·Disneyland內算係低價位嘅餐廳不過平均都要120一個人annual pass點套餐享有75折優惠·我們點了二人餐，包括1️⃣磨菇雞肉漢堡⭐️⭐️/5漢堡乾身雞扒味道可以磨菇有汁都係偏乾2️⃣一份薯條⭐️⭐️⭐️⭐/5冇鹽舖面都咸左少少不過夠熱夠脆，加分二餐內得一份薯條，份量偏少3️⃣兩份小食(雞翼、芝士條、炸蝦卷) ⭐️⭐️⭐️/5只有雞翼值3星👍🏻芝士條冇芝士味🤭炸蝦卷炸到硬晒🥲4️⃣飲品兩杯(Zero 及加$25轉青瓜梳打特飲) ⭐️⭐️⭐️/5青瓜梳打特飲唔甜但製作過程透明度太高🤪令人覺得太artificial 雖然都知係人造嘢5️⃣追加炸魚套餐一份(6塊炸魚、一杯飲品、一份薯條) ⭐️⭐️⭐️⭐/5上述二人餐夠飽但目前嘅我🤰🏻胃口大咗少少🤏🏻😂叫多份炸魚做小食炸魚形狀靚，夠熱，外脆，加分👍🏻可惜甸魚柳品質麻麻我哋真係有食過超級好味嘅炸魚👍🏻👍🏻·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡

🔅Starliner Diner🚀胡迪警長我今次又去咗食巴斯光年老鄉嘅「火箭餐廳」啦😚「以前係巴斯光年遊戲隔離嘅....但經過時間嘅洗禮...就變咗....ANT•MAN😔」不過唔緊要，因為呢間炸雞嘅水準，就咁多年都無變‼️呢間餐廳仍然係我嘅favourite 炸雞💯💯💯💯🏆炸雞籃套餐$119 佢嘅炸雞唔係一般嘅炸雞🤫🤫首先佢個皮唔會炸到好老好乾身，更加唔會似出面嘅炸雞咁，一個人食哂兩隻之後，會喉嚨乾等🤭佢嘅炸粉好鬆脆🤭佢嘅肉係超嫩滑😋佢另外會跟薯條🍟係粗薯嚟，又唔會冧哂🤫🤫💂🏻‍♂️胡迪警長提提你‼️食佢呢個炸雞一定要叫多兩三包茄汁😋因為點茄汁食，係一流🤫超正🤤🤤🥈炸芝士條$48佢嘅芝士條我就覺得麻麻，咬落去無拉芝，有口感嘅，不過就似有芝士味嘅韓國年糕咁🥲個人認為可以唔試😂😂😂呢間火箭餐廳🚀係我每一次去迪士尼都會必食🤤因為佢係我炸雞排名入面係TOP.3嘅🥈「遲下整番個炸雞排行榜先🤫🤫」不過坐位方面呢...就要自己搵位，咁佢都有露天位嘅，但夏天呢...真係要搶冷氣位😵‍💫😵‍💫我都等咗一陣🤭🤭環境就一定唔似其他餐廳位咁舒服嘅，不過速食文化，你都唔會坐得耐啦🤫🤫所以可以接受🤫🛖香港迪士尼樂園「