影片
肚饿睇下附近有咩食，见到呢间评价唔错，一于就试下啦，工厦上到去转右就见到个门口。入到去一个人都冇，可能我地食个时间怪，入面个格局都几warm，周围贴左电影海报，而且系开放式厨房，都几有小店特色。一住低好快就上左4款前菜，我最钟意食个萝卜。本身谂住食BBQ牛肋骨饭，但系佢系lunch先有，所以就叫左牛肋骨汤面。面有三大旧件肋骨，仲有好多菜既配料，好足料。个汤清清地，好饮唔会有好重既味精味。牛肋骨好多肉，但我觉得淋番d会更好。朋友叫左我个个既辣版，我觉得冇咁好食，比较重味同咸。食完仲有粒雪米池。见到佢仲有d烧肉食，如果一班人都想黎呢到试下烧肉。
继续阅读
今日系观塘行街，经过附近想食韩国野上openrice揾到依间评分唔错于是就决定试试😋😋Lunch Set Menu 共39款算系比较多选择👍🏼前菜有四款: 萝卜、泡菜、菠菜、黑豆净寿司 $3528.蚬牛肉海带汤面面质岩岩好，不过汤比较淡味蚬肉份量唔多，好细粒而且好多沙😕😕牛肉份量非常小，配菜太多食完侍应会比每人一粒维记糯米糍(芒果味)总括来讲，食物质素一般份量一般服务一般，环境卫生程度一般🍴🍴
继续阅读
苏菲同朋友仔系观塘行街，到下就想食野既时候，发现度度都好多人！谂谂下就上网Search 下，睇下工业区有冇野好食，结果我地就黎左火星料理。大概系时间既关系，2点上去果阵唔使等位，一入去就可以坐底叫野食！睇下份Menu，其实几多选择。不过由于苏菲唔多爱食豆腐，所以只后都决定食个BBQ牛肋骨配饭。叫完野食，就即刻有小菜送上。有4款咁多。由左边数起： 薯仔，菠菜，泡菜，脆瓜。我比较喜菠菜同著仔，如果得，我觉得我一个人可以食5份菠菜！（真心好食）好快手我既BBQ牛肋骨配饭就黎左！卖相黎讲算唔错！份量又多！唔信你睇下下面张侧面图。绝对够我送晒成碗饭！出面食果D，好多时都系得3, 4块，又多肥膏，肉都冇多两。但系佢地煮既牛肋骨系肥瘦均匀，份量又多，算系几低食！味道黎讲我觉得刚刚好，唔会话太咸，又唔会话太重口味。食完仲有糯米糍做甜品XD 维记既唔会差得去边！埋单都唔好贵！做下Lunch／ Dinner 既 choice 都OK ！可以再黎既一间餐厅！
继续阅读
岩岩去完韩国返黎，总是寄挂住韩国料理，今日系公司附近揾到间专食韩国料理，今日既lunch当然要去食啦！一进门口已经闻到好香泡菜味其实都几多选择，好多野都好想食，可惜个胃唔够大我就拣左海鲜豆腐辣汤饭，而同事就要左海鲜豆腐汤面呢个汤面并不是选用韩式拉面，而系用左幼面，不过都唔错，而且好足料，有虾，青口，八爪鱼，仲有蚬而且个辣汤好好味呀不过同事话面既份量少左d呢个海鲜汤同面果个汤一模一样，同样有好足料既海鲜下次要夜晚黎，见到d烤肉好吸引必会再黎食
继续阅读
今日去到观塘工业区揾野食! 今次系我第二次黎呢幢大厦揾食... 想揾正野真系要行远d，事关距离地铁站都7-10分钟路程，都系个句: 远离市中心d野好多都好味又抵食。朋友由加拿大返黎，冇理由带佢食连锁店架... 特登上网揾到呢间韩国料理，食下d个边少有食到ge野!上到黎睇menu，lunch set其实都几多款，有汤有拌饭有冷面有汤面有紫菜包饭... 最后叫左婆婆牛肉豆腐大酱汤面，同埋bbq牛肋骨配饭先黎前菜，唔知系咪因为下午茶时段得我地，所以优待我地... 有成4款咁多! 之后我地食到咁上下，老板娘(我估系)就话岩岩整好莲藕，要唔要试少少... 咁未试过我地紧系话好啦!岩岩煮好，系热ge，好似用姜去煮，有姜茶汤丸ge甜同姜ge香味，好特别，煮得岩岩好唔太腍.. 系5款前菜入面ge榜首!婆婆牛肉豆腐大酱汤面 $78我以为佢个面系韩国即食面底，点知系类似面线ge质地，几滑身而且份量都几多! 个汤几重牛肉味，但冇我平时最惊ge韩国汤面个浸油，加上好多牛肉粒，同一般几重口味ge韩国料理几唔同! bbq牛肋骨配饭 $80好钟意呢款! 肉ge份量紧系冇中式小菜咁咁大堆头啦，不过个底都有腌菜(芽菜，脆玉瓜etc)，都唔好话唔饱! 牛肋骨脂肪同肉比例好正! 1 d 都唔un，个汁甜甜地，同肉香好夹! 其实呢个价钱... 都唔算系普通打工仔lunch ge budget之内，但呢个bbq牛肋骨真系值得试下(入去个阵撞到几个abc岩岩食完，感觉唔似有伏，试得黎应该人地推介过)，而且... 佢仲好搞笑咁连餐送左粒雪米糍俾我地环境好韩风下...
继续阅读