火星料理 (已結業)

肚餓睇下附近有咩食，見到呢間評價唔錯，一於就試下啦，工廈上到去轉右就見到個門口。入到去一個人都冇，可能我地食個時間怪，入面個格局都幾warm，周圍貼左電影海報，而且係開放式廚房，都幾有小店特色。一住低好快就上左4款前菜，我最鐘意食個蘿蔔。本身諗住食BBQ牛肋骨飯，但係佢係lunch先有，所以就叫左牛肋骨湯麵。麵有三大舊件肋骨，仲有好多菜既配料，好足料。個湯清清地，好飲唔會有好重既味精味。牛肋骨好多肉，但我覺得淋番d會更好。朋友叫左我個個既辣版，我覺得冇咁好食，比較重味同鹹。食完仲有粒雪米池。見到佢仲有d燒肉食，如果一班人都想黎呢到試下燒肉。

今日係觀塘行街，經過附近想食韓國野上openrice搵到依間評分唔錯於是就決定試試😋😋Lunch Set Menu 共39款算係比較多選擇👍🏼前菜有四款: 蘿蔔、泡菜、菠菜、黑豆淨壽司 $3528.蜆牛肉海帶湯麵麵質岩岩好，不過湯比較淡味蜆肉份量唔多，好細粒而且好多沙😕😕牛肉份量非常小，配菜太多食完侍應會比每人一粒維記糯米糍(芒果味)總括來講，食物質素一般份量一般服務一般，環境衛生程度一般🍴🍴

蘇菲同朋友仔係觀塘行街，到下就想食野既時候，發現度度都好多人！諗諗下就上網Search 下，睇下工業區有冇野好食，結果我地就黎左火星料理。大概係時間既關係，2點上去果陣唔使等位，一入去就可以坐底叫野食！睇下份Menu，其實幾多選擇。不過由於蘇菲唔多愛食豆腐，所以只後都決定食個BBQ牛肋骨配飯。叫完野食，就即刻有小菜送上。有4款咁多。由左邊數起： 薯仔，菠菜，泡菜，脆瓜。我比較喜菠菜同著仔，如果得，我覺得我一個人可以食5份菠菜！（真心好食）好快手我既BBQ牛肋骨配飯就黎左！賣相黎講算唔錯！份量又多！唔信你睇下下面張側面圖。絕對夠我送曬成碗飯！出面食果D，好多時都係得3, 4塊，又多肥膏，肉都冇多兩。但係佢地煮既牛肋骨係肥瘦均勻，份量又多，算係幾低食！味道黎講我覺得剛剛好，唔會話太咸，又唔會話太重口味。食完仲有糯米糍做甜品XD 維記既唔會差得去邊！埋單都唔好貴！做下Lunch／ Dinner 既 choice 都OK ！可以再黎既一間餐廳！

岩岩去完韓國返黎，總是寄掛住韓國料理，今日係公司附近搵到間專食韓國料理，今日既lunch當然要去食啦！一進門口已經聞到好香泡菜味其實都幾多選擇，好多野都好想食，可惜個胃唔夠大我就揀左海鮮豆腐辣湯飯，而同事就要左海鮮豆腐湯麵呢個湯麵並不是選用韓式拉麵，而係用左幼麵，不過都唔錯，而且好足料，有蝦，青口，八爪魚，仲有蜆而且個辣湯好好味呀不過同事話麵既份量少左d呢個海鮮湯同麵果個湯一模一樣，同樣有好足料既海鮮下次要夜晚黎，見到d烤肉好吸引必會再黎食

今日去到觀塘工業區搵野食! 今次係我第二次黎呢幢大廈搵食... 想搵正野真係要行遠d，事關距離地鐵站都7-10分鐘路程，都係個句: 遠離市中心d野好多都好味又抵食。朋友由加拿大返黎，冇理由帶佢食連鎖店架... 特登上網搵到呢間韓國料理，食下d個邊少有食到ge野!上到黎睇menu，lunch set其實都幾多款，有湯有拌飯有冷麵有湯麵有紫菜包飯... 最後叫左婆婆牛肉豆腐大醬湯麵，同埋bbq牛肋骨配飯先黎前菜，唔知係咪因為下午茶時段得我地，所以優待我地... 有成4款咁多! 之後我地食到咁上下，老闆娘(我估係)就話岩岩整好蓮藕，要唔要試少少... 咁未試過我地緊係話好啦!岩岩煮好，係熱ge，好似用薑去煮，有薑茶湯丸ge甜同薑ge香味，好特別，煮得岩岩好唔太腍.. 係5款前菜入面ge榜首!婆婆牛肉豆腐大醬湯麵 $78我以為佢個麵係韓國即食麵底，點知係類似麵線ge質地，幾滑身而且份量都幾多! 個湯幾重牛肉味，但冇我平時最驚ge韓國湯面個浸油，加上好多牛肉粒，同一般幾重口味ge韓國料理幾唔同! bbq牛肋骨配飯 $80好鍾意呢款! 肉ge份量緊係冇中式小菜咁咁大堆頭啦，不過個底都有醃菜(芽菜，

招牌炆牛肋骨拌麵 ($85)-牛肋骨🐮用醬油去烹調，加埋蘿蔔、蛋絲同少少芝麻，食落味道都幾濃，醬油味偏甜口，司令覺得同媽媽炆嘅牛腩味道好似😂，好有屋企嘅感覺。拌埋麵條黎食幾好味。

同一般韓國餐廳一樣食韓國菜，例牌有好多款唔同嘅泡菜做前菜，依間餐廳就選用左泡菜，蘿蔔，菠菜同埋黑豆做前菜。招牌炆牛肋骨配飯$85（老闆娘話呢一道菜好受食客歡迎，於事就點左）炆牛肋骨係韓國餐廳一道常見嘅菜。唔好睇佢黑孖孖咁，牛肋骨炆得好入味而且軟硬適中，咬落唔癡牙，但又保持到牛肉既口感，比起入口即化，我更喜歡依種實在嘅口感。依一款牛肋骨同出面其他韓國餐廳嘅牛肋骨有少少分別，其他韓國餐廳嘅牛肋骨汁醬嘅顏色比較清淡，而依款味道比較濃同埋偏甜，感覺有少少似沙茶醬既味道。牛肋骨既汁記得唔好浪費！要黎撈飯最岩！好足料既辣汁八爪魚炒雜菜拌麵 $80拌麵上面已經被八爪魚🐙 重重覆蓋，八爪魚粒煙煙韌韌，加上爽口既幼拉麵，口感十足。韓國人都好鍾意係食物到家辣，而呢一款拌面嘅味道酸酸辣辣好開胃，辣度岩岩好👍🏻Lunch set 仲送一粒雪米糍 做甜品😋好驚喜，無諗過食lunch都有甜品送👍🏻重點係依家唔餐廳唔收＋1服務費啱晒喺附近返工嘅打工仔過嚟食個高質素嘅韓國午餐

晚飯的時間，經朋友介紹，得知觀塘有一間餐廳食物質素不錯，價錢又合理，我和家人便來到這間餐廳試一試，來到這間餐廳，看見店內環境寬敞明亮又清潔衛生，給我一種很舒服的感覺前菜彈牙的芽菜，軟彈煙韌的茄子，十分辣的泡菜，稠密緻滑的紫菜牛肉雜菜拌飯 ($60)牛肉軟彈煙韌，牛肉的份量非常多，雜菜清鮮甜美，整體感覺清新淡雅壽司加辣年糕 ($75)壽司的材料很豐富，有爽口微彈的瓜，碎細的蛋，彈牙的紅蘿蔔，年糕十分辣，非常煙靱提子汁 ($12)真材實料，有粒粒提子肉雪梨汁 ($12)米茶茶有很濃郁的玄米茶味整體來說，食物的質素非常不錯，食物的份量很多，價錢非常合理，所以我認為這間餐廳值得再去惠顧

最近都想去跑步要買運動衫、褲 知道觀塘工業區有好多商舖選擇 行完後就要搵吃醫肚搵到呢間工廈食韓國料理地方 大約中午12點，入到去都不用等位 地址就在觀塘開源道54號豐利中心5樓507室 火星料理 Mars Menu 有成39款選擇，一邊係麵、一邊係飯 大約一個LUNCH SET $60-$85 店員安排座位後就拿了幾款免費韓式小食，2個人就4碟 份量已經足夠辣既味道適中，好醒胃 牆身貼滿了韓國電影海報，座位約50-60 個左右 韓國家庭式小舖夠舒適 簡單的裝修佈置，夠乾淨 分開了3間房，每間房有幾多枱 我想食少少辣，點了海鮮豆腐辣湯 店員提出調較辣度少一點 呢個餐是配了一碗飯 海鮮湯都非常足料，有青口、蝦、豆腐粒 湯底味道帶點蝦湯味，用來拌飯一流 BBQ照燒汁牛肋骨配飯$80 牛助骨底層放了許多配菜紅蘿白絲、青瓜絲等，拌了餸和飯口感亦非常豐富。 好香夠惹味正好送飯，有4-5塊牛肋骨肉片，不過膿了一點，醬汁惹味牛肋骨肉上有少少芝麻肉質入口剛剛好煙un有咬口 最後的仲有甜品送 就是雪米糍 荔枝味道雪米糍 味道又凍可口，外皮厚度適中 口感煙韌彈牙 店裡的員工

記得揀冇豬肉版呀！抵好多！個煲都幾足料有泡菜、腸仔、午餐肉、金茹、雞肶姑、蘿蔔、肥豬肉、唔知乜瓜、年糕另外可跟飯、公仔麵、粉絲、魚糕！————————————————整體得分：7.5分 (10分滿分)————————————————👅食評：口感 8/10因為有好幾次係其他韓式餐廳到食，啲年糕硬到hihi！其實對年糕幾抗拒😐不過佢嘅年糕軟硬度適中，煙煙韌韌。腸仔個口感亦幾好，脆卜卜嘅脆皮腸☺️豬肉係肥豬肉黎嘅！有肥膏😍岩晒食極都唔肥嘅🕳👅魚糕就淋左啲，冇乜口感味道 8/10午餐肉腸仔幾好味！唔係平時丫媽買啲平價cheap雞貨☺️相對魚糕嘅魚味就差啲啦！唔係冇嘅，不過少囉！再加啲辣湯乜都冇晒咁囉😐湯底都幾辣下！特別係食左一半到，個湯濃左就更辣，不過會由冇乜酸味變有啲酸味😋抵食 6.5/10其實野食嘅份量幾多下嫁！只不過都係啲可以存放好耐嘅食品，姐係腸仔餐肉泡菜魚糕個啲呢🙈但係就算冇豬肉已經230蚊😅加埋豬肉成280蚊，其實都幾貴！不過夠晒兩個人食，始於香港食韓國都野好很貴😭覺得肥🐷肉成50蚊真係好唔又唔係多，唔加留黎食其他野好過啦！

身為觀塘區上班的OL, 常常要尋找不同的餐廳吃飯是很重要的一環!!今天我們就在公司附近找到了這間隱藏於工廈中的平價韓國菜~這裡不只平民價,選擇還很多,一大班同事來的話一定也會選到想吃的吧!!還有可以選擇可以坐室內或室外等天氣涼一點的時候坐室外應該會蠻舒服的喔~招牌炆牛肋骨拌麵這個真的滷得很入味, 肉質很嫩! 下次會encore這個!!白切豬手,泡菜,豆腐配飯同事是豬手專家他說這個豬手很嫩,豆腐也很滑,加上一點辣辣的醬油更惹味還有飯後甜點是雪米滋，可是貪吃的我就直接吃了，忘了拍照總括來說, 這裡會是我們的新飯堂之一啦,哈哈下一次要坐到室外試試看啦~

喺樓下經過好多次，成日見佢派傳單，但係冇乜留意呢間係食啲乜嘢，今日有個朋友就話想試吓，睇到張傳單叫做火星料理，個名又幾特別喎，原來就係食韓國嘢，選擇都有好多款，有成3.40款可以俾你揀。上面嘅裝修設計簡約，大概有4.50個座位左右，一坐到落去店員就已經攞啲錢菜小食比我地，一個人會有兩碟，我地五個人就總共有10碟，睇嚟都幾多，又靚又好食咁樣，不過如果想添加嘅，宜家就唔可以啦。我就叫左個婆婆牛肉大醬湯配白飯，個湯入面嘅配料有洋蔥，有豆腐，有魷魚等等，飲落去有啲似日式面豉湯嘅味道，但係佢嘅味道比拒更加住家，再加埋有少少海鮮，煮出嚟嘅湯味道幾好，陪埋一碗白飯，夠唒。另一個叫咗招牌炆牛肋骨飯，呢個飯係我推介嘅食物，一份大概有三夠大嘅牛肋骨，有一個紅蘿蔔，同埋一個薯仔。佢嘅質料味道好住家嘅感覺，有少少似自己屋企嘅薯仔炆雞翼，呢度就再加左啲韓式嘅元素，味道偏甜，但係我中意嘅口味。其他朋友就叫左韓式拌飯，辣醬豬肉炒粉絲同埋韓式炸醬麵配紫菜飯卷，份量都幾大，拒地話除咗個韓式炸醬麵味道唔算太好之外，其他味道都唔錯，而且價錢都算合理，下次再可以過嚟試吓其他嘢。

見到街上有人派傳單，就mark住有機會就去呢度食lunch，終於有機會。呢間餐廳位於工廠大廈內，入面環境幾私房式，家庭feel，又貼滿韓國電影海報。午市都有幾十款揀，超多，天氣咁熱就揀個辣豬肉冷麵啦，初初以為好少，但食落份量原來剛剛好，而且辣度適中，相當開胃，而辣同冷嘅交錯可以話相當奇妙添! 到差唔多食完飯就送試前菜小碟(免費)，不過唔係應該一早送嚟嘅咩。

最初誤打誤撞黎到食野。一試難忘。。今次再上黎見轉左老細 唔係韓國老闆咁都覺得試玩無咩所謂。頂手都應該學到好架態度惡劣，食物差到爆。叫左個泡菜年糕步隊鍋芝士又無落洋蔥，薑蔥，辣椒我覺得我似去食雞煲架材料多

平時很少到觀塘區，對這區的食店都不認識. 這次因事要來，當然順道約朋友午餐，所以吃甚麼就由朋友決定la~ 友人帶我來到工廠的韓國餐廳，過了午市繁忙時間，店內客人不多，相當寧靜. 店內陳設簡單，配上牆上的特色畫作以及韓國電影海報，都帶點韓風. 坐下不久，店員已數來數碟前菜，可以先醫醫肚. 麻油菠菜幾香口，健康又滋味; 泡菜不太辣，如果再辣點會更好. 海鮮純豆腐辣湯配飯 ($78) 近日天氣太熱，胃口不佳，吃點辣的可增進食慾. 故點上這款海鮮辣湯配飯就最適合不過. 內裡有大蝦、魷魚、青口、翠肉瓜&豆腐粒，而且辣度都幾強，用來拌飯吃令我相當開胃 招牌炆牛肋骨配飯 ($85) 至於友人則選了炆牛肋骨配飯，試吃了一件牛肋骨，已經炆得相當軟稔，不用細嚼已能輕易吞下，而且香甜的牛肋骨實在很好下飯，味道相當不俗. 雪梨汁 ($12) 吃了辣湯後，想喝點冷飲解辣，故點來一罐雪梨汁，味道清甜，內裡亦有火許果肉，也不錯呢! 店員見我們吃飽飽，送來2粒雪米糍作飯後甜品，都幾貼心~ 與友人閒談過後，要趕快把事做好便可回家去，觀塘於我來說實在太遙遠，不知下次再來這區是何時呢? 觀塘開