影片
上次帮衬台湾ET盐水鸡，今次帮衬旁边哩间拉面店，店名叫火山石.店名鬼好型！点咗客吉烈猪扒拉面.优点：1, 首先哩间拉面藏于一个叫揾食巿集之内，哩个巿集几正，有韩国菜泰国菜日本寿司等等，坐得舒服，冷气够冻.2, 火山石选用比较幼身嘅拉面条正合自己心意，夹自己口味，因为自己唔中意粗身面条, 眼前嘅面入口比较冧，唔系硬嘅口感，亦都夹自己中意嘅口味.3, 吉烈猪扒份量足够无偷工减料，猪扒系厚切，猪扒无点腌制，点沙拉酱就足够，而且外脆内软，满意！缺点：1, 汤底味道好"死", 只有咸味无鲜味.2, 拉面店一直嘅问题，亦都可能系店铺不大，所以饮品选择唔多.3, 价钱贵咗少少.4, 自己口味问题，拉面总系有D类似木耳嘅物体，系自己唔中意嘅食物.
继续阅读
火山石嘅乌冬标榜系手打，猴子系乌冬控，所以忍唔住要试吓佢哋嘅手势，叫咗一客海鲜乌冬。海鲜乌冬嘅主要食材包括大虾、青口、帆立贝、蟹柳，仲有温泉蛋。 首先要试嘅当然系乌冬，食落又真系几弹牙嫩滑，十分有口感。主要食材方面，大虾都尚算鲜甜，温泉蛋个蛋黄煮到啱啱流心，食落浓郁香滑。 至于青口同帆立贝，望落都好似几新鲜，不过食落就冇预期中咁鲜味，而且咬落仲有啲渣，有啲失望。 价钱方面亦唔算便宜，HK$65一碗，饮品要另外购买。
继续阅读
其实一直都好钟意食呢间餐厅 所有员工一直都态度好好 感觉好用心但最近有新职员 问佢可唔可以要普通嘅沙律酱都唔得 (明白唔系奉旨比嘅 所以都态度好好咁问一句) 点知职员态度恶劣 话一直都冇提供㗎㖞 其实我以前食过亦知道会提供 希望今次都可以比定系唔俾我都唔会介意但系唔希望嘅系用咁恶劣嘅态度 会喺𠮶个职员无返工先继续食呢间餐厅 食物质素良好
继续阅读
星期六LUNCH唔知食咩好，见上网介绍所以黎到揾食市集，呢度有好多唔同国家菜式既铺头，要咩有咩!! 咁岩想食日本野所以就拣左呢间!佢主要系卖丼饭同拉面/乌冬，而我见到铁板黑椒牛肉饭个名几吸引，听落几有镬气就拣左。铁板黑椒牛肉饭但系结果令我好失望我一心谂住既铁板牛肉变左个汁煮肥牛，冇铁板上，牛既份量仲要几少下，系饭既份量就比较多!个汁系黑椒汁黎，比较重口味，但加落饭度食都OK既，但由于肉既份量太少所以食到最后好多饭剩但已经冇晒𩠌肥牛加埋洋葱一齐煮，味道十分十分普通，成个饭、肉同配菜都比较马虎!!以佢既味道、卖相，咁样收$50既价钱的确太贵，同场比同样价钱既铺头应该会有更高质素既选择，所以下次唔会再食呢间，唔推荐大家食
继续阅读
是日晚上来吃, 点了一个安格斯乌冬和牛舌面，十分满意，可以常来。安格斯乌冬内，除了有乌冬，安格斯薄肉，还有粟米，木耳和溏心蛋。安格斯薄肉很薄，但牛肉味够，而且脂肪部分很少，近乎没有。也是因为肉的关系，整个汤底很浓牛肉味，一不小心就喝了很多。其他配料则很正常。乌冬也不错。但而价钱而论，安格斯乌冬不算平宜七十蚊算偏贵，但这道还算对得起价钱。牛舌面的牛舌是厚牛舌。这面聪明的地方在于有把牛舌好好腌制过，味道很好，很入味。口感上，是偏软的。面质幼细也不错。
继续阅读