晌門口都望到入去，餐廳屬小店格局，簡單裝修，一室潔白，無明顯嘅越南掛飾或相關工藝品，但最緊要喺乾淨企理啫，再者，地方夠光猛，人都醒神啲。
枱上放好晒餐具、調味料，自由取用。
夠特色喺隨後會送上一「小杯」配料：香草、銀芽及青檸，喺食湯粉嘅拍檔，讓客人再稍作調味。
而餐牌就喺放晌枱旁嘅點菜紙，有各式越南河粉、檬粉、越式油香飯，仲有米紙卷、小食、沙律……等等，當然，越式特飲就梗喺唔少得啦，價錢幾經濟實惠，無怪乎咁多人幫襯。
晌等候期間，仲留意到枱上一張宣傳單張，介紹佢哋嘅湯底喺以牛骨加埋16種香料低溫慢煮8個鐘而成， 真喺滴滴精華。此外，更留意到話可以免費加粉，不過，基本上佢哋嘅湯粉本身已好大份量，一般人嘅食量已無需加粉。
手作大蝦紙米卷 $38 
越式花膠老火雞湯檬 $56 
基本上啲生牛肉浸兩浸，嚟到都變咗熟牛肉，不過，熟得啱啱好，入口肉質非常嫩滑細緻。
熟牛肉喺指件牛坑腩，大大嚿，咬落鬆化軟腍，又有肉香，少少油脂位，多幾分羶香，真喺幾正。
同場加映嘅牛筋，咪睇佢色澤有啲淺色，質感軟滑卻柔韌有彈性，可惜只得一嚿仔。
和牛牛丸好有驚喜，加上「和牛」就加咗分啦，口感如一般牛丸咁爽口彈牙，但細嚼後會多咗份油香。
札肉，穩打穩紮咁啦，食落爽口，感覺唔會喺溝粉啲平價貨。
揀河粉鍾意其滑溜感，越式嘅河粉比我哋粵式嘅幼身啲，但同樣咁滑溜，瀡一聲就滑落喉嚨，又有米香，份量仲非常十足，食晒碗粉真喺撐住肚皮走。
凍越南三式冰 $19
凍越式香滑濃咖啡 $19 
東南亞菜，越南、泰國、星馬菜都鍾意食，因為覺得呢幾個地方嘅菜式都較有特色，而且，晌香港都好容易搵到佢哋嘅蹤影。今晚「火五」嘅出品，都好有水準，所以，真喺唔好睇少呢啲小店，收銀位裝咗多部網送外賣機，再稍稍留意到不停出外賣，就知有幾「火」。
首先食物質素真係幾好，火車頭檬粉勁足料，特別係個牛丸真係好好味，肉感豐富又彈牙。
之後咖哩牛肋條撈檬就幾特別，咖哩味濃但唔會太辣，又無漿住既感覺，牛肋條好入味份量又多，果然係老婆推介。
牛油雞翼皮脆肉嫩，牛油味同蒜味都好出，煮得幾好幾惹味。
兩杯飲品味道都唔錯，最正就係外賣杯上，啱哂我地食完d野就算未飲哂杯野，都可以拎住去行街。總括黎講呢間越南菜性價比高，好抵食。
影片
