火五越式牛肉粉專門店 (其昌樓)

营业中

休息中

食物款式好多, 有河粉、撈檬、飯類、越式小食, 價錢親民, 而且感覺好正宗呢! 仲可以額外免費添加飯、粉! 小食: 意大利黑醋汁蒜蓉牛油雞翼 - 一客5件, 即叫即炸, 外層酥脆, 黑醋汁減輕咗炸雞翼嘅肥膩感。法式咖喱牛肋油香飯🍛 - 米飯嘅份量非常多, 有淡淡油香, 咖喱醬汁質感比較杰身, 咖喱味香濃, 配飯食唔錯! 仲會令人想食更多飯! 裏面嘅牛肋肉質幾淋, 上面仲有胡蘿蔔絲及炸蒜片以增添味道。香茅雞翼撈檬 - 撈檬上鋪上炸蒜、蘿蔔絲、青瓜絲, 檬粉涼浸浸, 配上酸酸甜甜嘅醬汁, 好醒胃! 香茅雞翼用上魚露及各種香料醃製, 雞翼煎至金黃色, 加上香茅釋放獨特美味, 好滋味呀! 香茅雞翼油香飯 - 鋪滿蔥油、炸蒜, 將啲炸蒜撈油飯食, 更惹味! 雞翼香茅味重~

行開附近就想起這裡嘅越式口味，店舖唔算大，所以都要等位，係等緊嘅時間就望吓張餐牌，裡面選擇多，當然招牌火五火車頭牛肉粉，就真係推介，個湯底本身已經十分清新，加上薄薄嘅生牛肉，軟滑嘅熟牛肉，彈牙爽口嘅和牛牛丸,啖啖肉嘅扎肉片，真係一次過有齊了越式口味，加埋可以選擇多湯檬粉，自己再加埋檬汁又係另外一個食法😜香草大蝦青木瓜沙律，亦十分大份，4隻大蝦炸得外脆內軟，入口仍然爽彈，加埋爽口帶點酸甜嘅木瓜絲，真係夠晒醒胃！當然香茅雞翼亦係個人推介，即炸，皮脆肉嫩，正！朋友就點了火五咖喱吉列豬扒飯，香濃咖喱配埋個飯已經非常配合，還有塊香口嘅吉列豬扒，外面剛好內裡肉質嫩滑，加埋咖喱一齊入口，又好有日式口味！整體大份，絕對食得飽，質素唔錯，餐牌推介有質素！最緊要係上枱速度快，落單後轉頭就已經上枱。對於趕急嘅生活嘅朋友又多個選擇了！

佐敦一帶有好多美食，今次就揀左佢作為晚餐，性價比都超出我預期！店內有多款主食及小食、飲品供客人選擇。店鋪有檸水提供，清香而不帶酸，客人毋須叫飲品亦有多個選擇👍🏻叫了兩個主食，分別是招牌的「火五火車頭牛肉粉」$68以及受歡迎的「火五生牛肉粉」$42。先講前者，用料新鮮及份量絕不手軟！簡單一碗粉已經有和牛牛丸、扎肉、生牛及厚重的熟牛，非常豐富！味道亦不錯，不像坊間的切得薄薄一片及使用味精調味，吃得出是用真材實料，本人較愛扎肉因為黑椒味較重👍🏻😋生牛亦是首選，肉質鮮嫩。👍🏻而另一碗的生牛河的生牛多得同行朋友說太多而吃不完，份量超誇張的。😂😂😂👍🏻亦叫了兩個小食，自覺冇叫錯野🤣🤣香矛雞翼(4隻) $22調味唔會過鹹，雞翼的火候控制的好好，不會時間太長而令肉質變乾身和燶，而是還吃得到雞肉味及有肉汁。手作大蝦米紙卷 $38健康首選，適合想吃清淡的人。紙卷內包滿餡料，米粉和蝦份量同大小都合理，又有清甜木瓜絲伴碟，好抵！吃前加點魚露，將米卷的香帶出。最後當然有叫野飲啦！凍越南三式冰 $19好耐未飲過入面有珍多！以往都係去東南亞國家先較普遍，想不到在這也找到！椰奶非常香，加上珍多，感覺像去了當地😂😂，可

越南菜 又係一個冇辦法抗拒的菜系一行兩人入左一間街坊越南小店食晚飯火五火車頭牛肉粉份量太足 （夜晚食咁多想肥死我地咩）湯頭有明顯肉味而藥材味偏淡適合唔太鍾意中藥味的朋友 生牛肉生熟程度控制得非常好沒有過老牛丸彈下 食下食下就食得七七八八手作大蝦米紙卷越式春卷內容豐富加埋酸甜汁食一流唔加汁有可能會覺得唔夠味但原味就清爽 按自己喜好加啦假如店主上菜拎多集細碟點汁 就更貼心啦法式咖哩豬頸肉撈檬第二碗叫左撈檬 因為本人好鍾意越南撈檬的醬汁（為咗食汁已叫碗粉🤣🤣）所以冇試味就倒左d汁入碗 🥲咖哩+酸甜汁最後底的好鹹 千祈唔好好似我咁蠢呀😂🤣要試吓先豬頸肉肉量有6-7塊全部都好入味同有咬口🤤

今日去咗佐敦覆診，覆完診有啲餓去咗呢間越色餐廳叫咗碗火五火車頭牛肉粉 $68大大碗好足料，入面有生熟牛肉，和牛牛丸同埋扎肉，啲牛肉好新鮮，牛丸好彈牙香茅美國黑毛豬扒油香飯 $56啲油飯熱辣辣，豬扒香噴噴，肉唔會韌D24榴槤炸彈（4粒）$48必食推介，鍾意食榴槤嘅你一定要揀呢個😉榴槤炸彈外脆，入面嘅榴槤果肉好香口💥凍咸檸梳打 $19凍咸檸雪碧 $19飲落開胃又清新，透心涼😙⋯⋯⋯⋯⋯⋯⋯⋯⋯⋯⋯⋯⋯⋯🔥火五越式牛肉粉專門店佐敦白加士街55號其昌樓地舖

之前喺OpenRice見到好多人讚呢一間嘅越南河粉，所以特登嚟到佐敦分店試一試，我叫咗個火五火車頭河粉，有生牛肉有熟牛肉有牛筋有牛丸有扎肉，包羅萬有，碗河粉一嚟到我先飲咗一啖湯，湯底非常濃郁，扎肉呢我就覺得普普通通，生牛肉同熟牛肉都係正常嘅水準，牛筋超級淋，講到最有驚喜一定係牛丸，牛丸一定係水準之上，初初開嘅錦麗越南河粉，嗰陣時我最鍾意食佢嘅牛丸，不過早一兩個月前食佢已經差咗，而呢一間嘅牛丸就係似初初錦麗開嗰陣時嗰個牛丸個水準，而且60幾蚊超級大碗，如果女仔食應該可以兩個人share一碗，不過有一個缺點，就係我覺得啲河粉唔夠滑，佢啲河粉有少少似炒嘅河粉，不過整體上都係屬於好食嘅，我望餐牌見到佢有飯，睇相就覺得好吸引，所以我下次應該會試吓啲飯。

呢日去咗「火五」食越南嘢，佢嘅越南風味都幾地道，重點係大份又抵食🤩 小店內座位闊落，以簡潔嘅白色裝潢為主，感覺光線充足舒服。我哋每人叫咗份主食+小食：🎈火五火車頭牛肉粉 $68生牛肉、熟牛肉、和牛牛丸、扎肉ᴹᵉᵈⁱᵘᵐ ʳᵃʷ ᵇᵉᵉᶠ, ᶜᵒᵒᵏᵉᵈ ᵇᵉᵉᶠ, ⱽⁱᵉᵗⁿᵃᵐᵉˢᵉ ˢᵃᵘˢᵃᵍᵉ ᵃⁿᵈ ʷᵃᵍʸᵘ ᵇᵉᵉᶠ ᵇᵃˡˡ ʷⁱᵗʰ ᵖʰᵒ✨個火車頭pho超大碗🥰 生牛肉鮮嫩，熟牛肉重牛肉味，和牛牛丸彈牙含汁😋 扎肉2塊亦爽口美味。另外，我揀咗湯檬，檬粉q彈順滑，都掛湯😊 我覺得$68/碗真係超值耶💕✨另外，「火五」有3隻秘製醬料，當中我最愛啡褐色嘅河內沙嗲xo醬，加埋入個湯度，令香濃嘅牛肉湯更鮮美！🎈香茅美國黑毛豬扒撈檬 $56ᴸᵉᵐᵒⁿᵍʳᵃˢˢ ᵖᵒʳᵏ ᶜᵘᵗˡᵉᵗ ʷⁱᵗʰ ᶜᵒˡᵈ ᵛᵉʳᵐⁱᶜᵉˡˡⁱ✨火五檬粉唔錯，白滑q彈，所以撈檬都係個好選擇。配埋甘筍青瓜絲，仲有甜酸魚露汁，好清新開胃。豬扒肉質扎實但唔粗嚡。🎈意大利黑醋汁蒜蓉牛油雞翼（5件）$38ᴳᵃʳˡⁱᶜ ᵇᵘᵗᵗᵉʳ ᶜʰⁱᶜᵏᵉⁿ ʷⁱⁿᵍˢ ʷⁱᵗʰ ᵇᵃˡˢᵃᵐⁱᶜ ᵍˡᵃᶻᵉ✨雞翼香嫩

三上元祖大喜屋同Pho5係同一間經營，做平價日式料理，有次喺網上落單，門巿自取，揾極都揾唔到呢間店，原來發覺係虛擬品牌。食完後覺得有必要畀吓食評🥲建議下次去實體店食。#黃金炸雞其實係日式溝越式炸雞冇蛋黃醬，而且壓底有生菜、荳芽同蔥花，相當奇怪嘅配搭。重點係其中之一嘅炸雞竟然係蝦球（？）#牛肉飯超簿，同一張紙差無幾，好鞋，而且汁係鼓油，唔係牛肉汁，呢個價錢食返吉野家算了。#白桃紅茶有細小桃粒，但由於未攪勻糖漿關係，個底係勁甜。#「先由中央工場製作，送到Pho 5分店，當接到訂單再作加工烹調，然後讓送餐員送遞。」*

好耐都無黎過佐敦覓食！難得今日經過附近又搵下有咩正既餐廳先！純過呢間火五越南店見到都幾多人食而且價錢又抵就入左去試試.火五火車頭牛肉粉火車頭配料生熟牛肉,牛筋,和牛牛丸同扎肉.牛肉湯帶住一陣陣牛骨湯香,清而不羶.金邊粉滑身又唔會一夾就好易爛.金邊彈牙又掛起到牛肉湯.係咁多款配料入面我最鍾意就係和牛牛丸,牛丸彈牙又多汁,一咬充滿肉汁而且牛味又夠濃.越式鹹菜腐竹胡椒豬肚湯河胡椒湯夠濃胡椒香,辛辣得黎又唔會過嗆喉.啱晒最近轉涼既日子暖一暖胃.豬肚洗得乾淨又唔會有陣內藏味.湯底藏有酸菜令整體更開胃.手作扎肉米紙卷米紙卷皮夠薄而且煙煙韌韌帶米香,扎肉鹹香彈牙再配上清爽既粉絲同蔬菜更清新.凍越式香濃咖啡咖啡富濃郁既烘焙香,加上少少煉奶更香甜醇滑.凍青檸梳打青新開胃又解膩.

仲記得對上一次食撈檬已經好細個，仲要係荃灣細細間，自己倒唔同既汁撈，今次終於食第二次撈檬，除咗呢樣野，其他都幾有驚喜春捲撈檬比較爽口，春捲好好食，雖然唔係脆身，撈汁偏重口味，唔食重口味可以撈少d 最愛榴連炸彈佢個擺盤幾得意，有糖星星金珠珠，炸彈就外面糯米q q 的，唔會好厚，內裡榴連係超香濃，就好似食緊原隻榴連，如果你係榴連控，真係必食！！黑毛豬扒個人覺得偏重口味火五車頭牛肉粉湯底好濃，重口味，有牛香味

港九都有分店的火五，專食越南粉，素以價錢親民見稱。今次和朋友嚟到佐孰分店，唔食粉，試吓其它嘢，一樣大大碗，好飽。👉招牌小食拼盤（$138）分別有：。黃金脆魚皮：又鬆脆又有蛋黃香，好想叫多碟。。香草大蝦：外皮酥脆，原隻大蝦。。蝦春卷：長春卷包住蝦肉，卜卜脆。。手作大蝦米紙卷和。手作扎肉米紙卷：有蝦仁/扎肉、米粉、青瓜絲和生菜，好足料。。青木瓜沙律：加埋越式甜酸汁，開胃。呢個拼盤顏值滿分，又抵食。由於有兩份米紙卷，相當飽肚。👉法式咖哩牛肋撈檬（$58）咖哩醬香濃而不辣，牛肋條軟腍入味，檬粉份量十足。略嫌紅蘿蔔絲太硬也太多了些。👉蠔油唐生菜（$19）大碟夾抵食。嚟火五，真係唔擔心食唔飽。

Pho=澳洲？回想起當年去澳洲，Search過旅行網站，每個城市必有一間出名的越南菜🇻🇳。今日約咗當年一齊去澳洲旅行的朋友，一於同佢回味旅行🧳門面都係平民小店（冇咩裝修但光猛），好有家庭式餐廳嘅感覺，除左有Pho外，仲有油飯等選擇。兩個人點左一個Pho、一個油飯、一個小食（雞翼）、一個油菜、兩杯飲品，埋單都只係二百蚊左右。😲完全係佛心餐廳🍴點左咁多款嘢食，不得不推介碗和牛牛丸扎肉湯河湯頭清甜，香味撲鼻，上菜時付一杯芽菜同青檸仔。同澳洲時既display 一樣😂分量超多，和牛牛丸好juice同彈牙反而個咖喱油飯就無咩特色，咖哩似少少日式加港式咖哩，下次專攻佢既Pho會更好小食既雞翼好好味，隻隻都大隻，炸之前啲雞翼應該滷水過，好入味。外層既炸粉同個醋醬好夾👍。發現下午茶包飲品 平好多，有興趣想再試🤍

💬 好耐冇食越南嘢～呢間份量好多，性價比相當唔錯！.🔹火五火車頭牛肉粉 $62牛肉湯清清地又唔會油膩，加啲青檸汁更加清爽☺️ 生熟牛肉都唔錯唔會好鞋，牛丸又juicy又彈牙👍🏻 啲料同粉都好多，細食啲嘅女仔可能2個分一碗食都夠😂.🔸咖哩豬頸肉撈濛 $58咖哩味濃郁，豬頸肉好爽口，夾埋撈濛一齊又幾好食～.🔹黑醋汁蒜蓉牛油雞翼 $38一開頭睇menu黑醋夾蒜蓉牛油好似怪怪地，但食落又好match!😳 黑醋唔會好搶味，蒜蓉味重，牛油又好香，雞翼又炸得好香脆！😋.🔸炸蝦春卷 $28炸得幾好唔油膩，配埋入面啲蝦滑食好香口～.🔹大蝦米紙卷 $38米紙好薄，配料好足，連埋一齊食好清新，點埋酸甜汁食夠晒開胃！.

今日去佐敦行街，同太太阿仔傾開想食乜，我同阿仔都提議佷麥X記，點知太太話佢想食越南野，我心諗，唉..又係呢D...同阿仔係好唔情願既情況之下去左太太揀好的 火五越式牛肉粉專門店食親越南野，我都係個幾味，牛河加杯冰，一係就撈檬(多數春卷)。今次都一樣叫碗火車頭，成碗都係牛。碗野一到，第一時間我會飲個湯。嘩! 第一啖飲完，我已經碌大對眼同我太太講 "個湯好濃牛骨味, 好味!" 阿仔唔信, 佢試飲，點知飲完又飲.....但最驚喜唔係個湯底，而係粒牛丸! 我想講, 呢度既牛筋丸係我咁大個仔食過最好食既牛筋丸! 亦係我今次既重點推介! 一咬落去，仲有牛肉既纖維，仲有食緊鮮牛既感覺，唔單止咁，牛肉入面好JUICY! 仲有一粒粒手筋好似啫喱咁，總之就係好好味! 大家一定要試!而其他我有叫既食物，大家可以係相片度睇下我既評語。整體黎講，今次用餐都係好開心，好滿意，好高分!

親民抵食 越南菜，肯定是佐敦火五越南牛肉粉莫屬。 雖然餐廳唔算大繁忙時間肯定要等位， 但正正因為親民嘅價格， 無論係堂食定係外賣 都非常受歡迎。火五火車頭車頭牛肉檬粉材料非常豐富 ， 滿分一上枱就知道澎湃 。生牛肉，熟牛肉，和牛牛丸同埋扎肉， 青檸九層塔芽菜分開上， 先喝一口湯， 湯底牛骨味濃但不會太肥膩， 檬粉幼滑。 生牛肉不會過熟， 熟牛肉有牛腩牛筋， 和牛牛丸彈牙可口。手作扎肉米紙卷即叫即造， 扎肉粉絲青瓜蘿蔔生菜等包得滿滿的， 米紙煙煙靭靭， 清新得嚟又好食。越式炸蝦春捲即叫即炸，三條蝦春捲超長的， 咬落都是滿滿的蝦肉， 金黃酥脆。香茅豬頸肉油香飯豬頸肉五香牛飯超大碗， 豬頸肉份量也多， 淡淡豬肉油滲進飯裡，超香口的。越式三色冰午市加配三色冰都只是十元， 椰汁味濃，