火五越式牛肉粉專門店 (其昌樓)

营业中

休息中

由於疫情越來越嚴重啦， 鍾意食越南嘢嘅我，呢日喺佐敦搵到一間餐廳食午餐。我食咗火五火車頭牛肉粉， 牛肉粉嘅湯底食得出係用牛骨熬成嘅， 牛肉湯粉面上鋪滿一圈圈薄薄的洋蔥絲同埋生蔥 ，小小生嘅牛肉 ，浸喺滾熱辣嘅湯裏面，一陣間變咗色， 食落鮮嫩多汁， 牛肉粉裡仲有三粒超爽彈嘅牛肉丸 ，加上切得薄薄嘅越南扎肉， 另外還有煲得又淋又彈牙牛筋腩， 喜歡食牛嘅我，一次過食到生牛肉， 牛肉丸 ，同埋牛筋腩， 感覺非常滿足。香草大蝦春捲撈檬， 大大碗嘅撈檬上邊鋪咗炸得香脆脆嘅蝦球，四條脆卜卜嘅炸春捲 ，另外仲有砌得細細的紅蘿蔔絲和青瓜絲 ，表面重有脆脆嘅炸蒜蓉 ，配合埋越南酸辣汁，檬粉配上酸酸甜甜嘅越南醬汁， 再加上脆脆嘅炸蝦球和春捲撈埋一齊食，越食越過癮。手作挪威煙三文魚米紙卷， 米紙卷裏面有煙三文魚，西生菜，紅蘿蔔絲，青瓜絲加上米紙卷埋一齊再切開， 外邊嘅米紙好煙韌 ，沾上越南醬汁， 食落口感好豐富。另外我哋嗌咗少甜的兩杯飲品 ，凍越南三色冰和凍港式奶茶。呢間餐廳除咗堂食仲有外賣㗎 ，我會推薦朋友去試下嘅。

❤️ 越式美食💬 火五生牛肉粉 $48😋我揀咗河粉 佢仲可以轉檬粉的😁 湯底感覺好足料好香濃,食完唔會好口渴, 生牛肉份量足夠亦唔會好韌, 仲有好多蔥同洋蔥做配料, 洋蔥索哂湯底 好淋好好味😛佢另上香草 青檸同芽菜, 可以按自己嘅喜好 放落湯入面👍👍💬 手作軟殼蟹米紙卷 $76軟殼蟹果然冇令人失望😍米卷好足料 皮有少少煙韌感, 餡料好香脆!!每啖咬落去都食到軟殼蟹架!! 我沾魚露食, 令到成份米紙卷更惹味😆💬 越式炸蝦春捲撈檬 $42一上檯個下, "嘩, 咁多條春卷既!" 足足有六條炸蝦春卷😍好抵食呀! 咬落去脆卜卜 加埋蝦仁👍👍 之後加入魚露去食🤙 魚露偏向泰式辣醬個香味🤤好開胃 配料有 紅蘿蔔絲 青瓜絲 乾蔥粒🥰 jeng! 💬白桃梳打 +$10(跟河粉)比我想像中好味! 味道唔會好假, 仲有果肉粒粒 唔會太甜 用即棄膠杯裝方便拎走飲😁😁整體黎講都幾好味 $40-60左右都食一碗粉😋😋都幾抵 下次想試埋其他飯類 (食完飽足一個下午 呵呵)

炸魚皮同湯河都好好食😋定價本身都唔貴仲要加上有優惠 真係超級抵食飯類咖哩豬頸肉都十分唔錯 👍🏻👍🏻小食十分之推薦炸蝦球同炸魚皮 面頭淋上左鹹蛋黃醬超級惹味👍🏻👍🏻👍🏻

夜晚路過白加士街，僅有數間餐廳依然營業。呢間越南菜餐廳門口竟有唔少食客同外賣員。好奇心驅使下四份招牌小食拼盤同家人分享拼盤包括蝦春卷、香草大蝦、黃金脆魚皮、大蝦米紙春卷、扎肉米紙春卷、青木瓜沙律。望真啲有三款都係蝦。愛好香口嘢嘅我覺得蝦春卷、香草大蝦非常美味，香脆又有蝦肉鮮味，令人回味無窮。大蝦米紙春卷裏頭嘅大蝦存在感顯得單薄。黃金脆魚皮香脆又冇油膉味，炸得唔錯。食得健康啲仲有沙律、米紙卷。📍火五越式牛肉粉專門店 佐敦白加士街55號其昌樓地舖

佐敦呢間越南餐廳超級抵食🤤下午茶時間有生牛肉粉、越式炸蝦春卷撈檬、吉列豬扒咖哩飯、香茅雞翼油香飯，$40連飲品，如果外賣自取仲有8折‼️不過外賣盒就要加$2，餐廳真係求打和就算越式炸蝦春卷｜$28｜6.5/10自家製炸春卷一份有3條，因為太大條🤣所以外賣會一分為二，不過可能因為放耐左，冇堂食咁脆口香茅美國黑毛豬扒｜$44/2件｜7/10豬扒厚切好夠味😋有好多炸蒜、蔥花，香茅味幾濃，仲有生菜同木瓜絲墊底炸軟殼蟹青木瓜沙律｜$68｜7/10原隻炸軟殼蟹登場🥰肉身都幾肥，炸粉唔會好厚，如果即叫即食一定好滿足，外賣有少少影響口感，但味道不錯👍🏻青木瓜沙律爽口，可平衡一下油膩感法式咖哩牛肋撈檬｜$58｜7.5/10睇menu先知呢到撈檬係可以免費加大，可以選擇多粉☺️紅蘿蔔絲有輕輕炸過，牛肋肉都幾大件，好易夾開，夠哂軟腍又帶點油脂，咖哩好惹味！唔洗加魚露直接用咖哩汁撈已經好好食

去咗佐敦呢間「火五越南牛肉粉專門店」，勁多人排隊外賣，所以我就去咗湊熱鬧🤣特色咖喱牛肋油香飯🍛 $58牛肋炆得夠哂淋，咖喱味好香，略嫌唔夠辣，油飯最怕油笠笠，佢做到夠乾身又夠香👍🏻香草大蝦🍤配春卷撈檬 $66雖然返到屋企已經淋咗，但放入氣炸鍋5分鐘又變返脆卜卜✌🏻春卷入邊滿滿的蝦膠，配埋酸酸甜甜嘅醬汁撈檬粉非常開胃！越式香茅豬頸肉青木瓜沙律🥗 $58香茅豬頸肉夠香口，酸甜汁撈埋青木瓜好清爽，正👍🏻意大利黑醋蒜蓉牛油雞翼 $38有五大隻雞翼，蒜蓉牛油炸香到不得了，加埋意大利黑醋酸酸的剛好中和油膩感😋本身仲想食埋米紙卷，可惜啱啱賣晒啦，下次一定要再試埋🤩另外提一提大家，可以免費加粉或者加飯，使驚唔夠食啦！

喺佐敦行過, 又嚟咗呢度買外賣返屋企食~ 晏晝過嚟嘅時候都幾多人買外賣, 落單後都要等一會兒~ 意大利黑醋蒜蓉牛油雞翼 - 一打開個外賣盒就已經聞到蒜蓉味及牛油香, 雞翼炸得香脆, 一啲都唔乾身。加上意大利黑醋, 酸酸地令人更開胃~香茅雞翼撈檬 - 呢個天氣食撈檬都唔錯! 落埋附上嘅醬汁後, 酸酸甜甜, 幾開胃。 雞翼炸得剛剛好, 香茅味好入味, 肉質嫩滑。法式咖喱牛肋油香飯 - 飯嘅分量十足! 咖喱味好香, 牛肋肉炆得十分淋, 配上油香飯, 更富越南風味的~

今日忙到無食lunch🥲，5點鐘收工真係等唔到搭車返到屋企先買外賣🥺，就襯住堂食未完結之前食個quick dinner🤝.點解會揀呢間火五越式牛肉粉專門店🥻，因為我知道佢餐牌上嘅檬粉同飯係可以免費多粉多飯嫁😝，啱哂我今日呢個餓鬼mode😋.一坐低立即點菜啟動吃貨模式🤗。💎 火五火車頭牛肉粉我加咗粉同轉咗檬粉，碗粉有生牛肉，熟牛肉，和牛牛丸同扎肉，湯底除咗有牛肉味仲有淡淡嘅藥材味，牛肉方面份量算比較多，牛味濃，加埋佢提供嘅香葉芽菜同西檸一齊食，真係好夾。💎 越式魚翅花膠雞湯河雞肉嫰滑，湯底味濃，湯底應該係用雞熬過的。碗粉內仲有花膠同魚翅各一舊，以呢碗河粉嘅價錢嚟講係揼本之作。💎 招牌小食拼盤當糾結緊加咩小食嘅時候發現呢個拼盤真係身心舒暢，呢個拼盤有👇黃金炸魚皮🉐️魚皮炸起(係剛炸起)再加鹹蛋黃汁伴炒，淡淡鹹蛋味反而唔會搶咗魚皮味道，熱食一流扎肉紙米卷🉐️生菜爽脆，即叫即做先有呢個效果。夾住扎肉食清得嚟又有小小喊味，好食青木瓜沙律🉐️口感新鮮，本人其實比較喜歡吃越式的，因為小啲調味，飯前吃當開胃小菜，飯後吃幫助消化。蝦春卷🉐️皮唔厚，蝦唔細，剛剛炸起放入口好香口。大蝦米春卷🉐️同扎肉紙米卷相似，但配

白加士街食店林立，假期間間都排長龍，但估唔到夜晚買外賣都要排隊。落單後等咗大約15分鐘就拎得，都算快手。🥢招牌小食拼盤$138蝦春卷🔸香草大蝦🔸黃金脆魚皮大蝦米紙春卷🔸扎肉米紙春卷🔸青木瓜沙律 食過幾次覺得好食得嚟又幾抵。蝦春卷、香草大蝦🍤鮮甜又香口。可惜今次嘅魚皮唔多夠蛋黃醬。米紙卷清新開胃。青木瓜清甜爽脆，但整體洋蔥味🧅都幾重。🥢香茅美國黑毛豬扒撈檬$56豬扒肉質比想像中軟腍，香茅味道唔重。蘿蔔絲🥕同青瓜絲🥒份量唔少，有蔥/炸蒜會更好。

火五既生牛肉粉一直係我既糧尾午餐恩物, 平時外賣都係廿幾蚊真係好抵食, 晚餐反而未試過, 無堂食下餐餐外賣, 決定叫下其他野試試先!咖哩牛助油香飯牛肋肉炆得腍身, 咖哩香而不辣, 如果再辣d會更正!香茅豬扒油香飯香茅豬扒應該都係招牌菜, 豬扒結實得黎唔難咬, 好香口, 香茅味融入左, 好食。手作大蝦米紙卷米紙卷皮煙韌有口感, 每一件入面都係滿滿既餡仲有原隻口感彈牙既蝦, 點埋酸汁開胃好味。香茅雞翼同香茅豬扒一樣有水準, 香口惹味。炸春卷外賣雖然腍左, 但入口仲有炸物香味!

好耐無食越南野，經過呢間小店見到門口左右兩條隊，原來係分咗堂食同外賣，兩條隊都咁多人，一於都去湊下熱鬧排隊試下🤣🦀炸軟殼蟹撈檬 $68呢碗主食一上枱已經surprise到我，軟殼蟹超大隻😍撈檬份量亦都好多，隻蟹炸得好好，炸粉一啲都唔厚，好多肉之餘仲有蟹膏🤩🤩🐖法式咖喱豬頸肉油香飯 $58咖喱好有椰香味，食落每一啖飯都充滿油香🤤撈埋咖喱汁一齊食超級惹味🤣咖喱汁亦唔算太辣，唔太食得辣既人都可以試下，而且豬頸肉好大舊，啖啖肉好滋味😍🧈意大利黑醋汁蒜蓉牛油雞翼 ($38/5 pcs)黑醋汁配蒜蓉牛油雞翼，聽落好似好怪，但食落出奇地夾🤣黑醋汁酸酸地既味道可以中和返牛油雞翼既油膩感，雞翼亦炸得好酥脆，口感唔錯👍🏻🦐手作大蝦米紙卷 ($38/4 pcs)煙煙韌韌既米紙卷，裏面有大蝦及蔬菜，岩哂素食人士🤣食得出蝦同蔬菜都好新鮮，點埋甜醋汁食好開胃🙈🍹凍越南三色冰 ($19)呢杯三色冰味道偏淡，飲落每啖都飲到冰，而且好難飲到啲配料，稍為失色🥲總結：價錢親民又足料，諗唔到食咩都係一個好選擇

呢間餐廳主打🇻🇳越南菜價錢非常抵食而且仲要大大份今次叫外賣翻屋企食外賣都係咁出色😍依加外賣自取仲有8折午市時間都好多人去食🔸火五火車頭牛肉粉 $68湯底係用咗8小時煲嘅牛骨，一碗入面有和牛牛丸、生牛肉、熟牛肉、牛筋、扎肉。不得不讚牛丸牛味極濃，真材實料👍🏼咬落口彈牙又juicy😍🔸香茅豬頸肉撈朦 $58豬頸肉香茅味非常香濃😍配埋蘿蔔絲、青瓜絲，倒埋醬汁，酸酸甜甜好開胃。🔸越式蝦春卷 $28蝦春卷有6條，外層酥脆，咬入口蝦非常彈牙！都係非常抵食😆🔸意大利黑醋汁蒜蓉牛油雞翼 $38雞翼炸得脆皮，外皮好香蒜蓉牛油味，仲沾有少少黑醋汁，酸酸甜甜咁好夾，雞肉入口多汁，一份仲有5隻，好抵食😋

得閒又去回味下❤️ 抵食又好味，值得支持㗎！🎈火五火車頭牛肉粉 $68朋友揀咗配湯檬，檬粉爽滑👍🏻係個好選擇！火車頭牛肉粉可以一次滿足你幾個願望，生熟牛肉、和牛牛丸、扎肉💕 其中牛丸令朋友讚不絕口，仲分咗粒比我試🥰 牛丸爆汁彈牙，而且重牛肉味😋🎈火五生牛肉粉 $46我就揀咗我最愛嘅生牛肉湯河🤗 牛肉半生浸湯，肉質新鮮，湯底清香，令我每次都會飲啖湯先開始食🤣🎈越式炸蝦春卷 $28春卷炸得香脆，內裡係蝦滑。我哋用生菜包住食，健康得嚟，亦減輕咗炸春卷嘅油膩感，而且生菜爽脆，口感唔錯。🎈星洲黄金蝦球（5件）$48呢個小食好邪惡😍 香脆嘅表皮係沾滿咗咸蛋黃香，咸蛋黃嘅味道，配埋內裡嘅原隻蝦肉，好夾，好惹味！🎈凍越南三式冰 $19 （跟餐 +$10）味道正常發揮，夠大杯，跟餐幾抵

禁堂食的晚上，繼續享用外賣🤤🤤今晚食越南菜，都真係好一排冇食越南嘢啦 🤤 外賣包裝良好，湯都會分開上👍🏻👍🏻👍🏻🔸生熟牛肉粉 $58▪️個湯底非常好味，好濃郁👍🏻 雖然生牛肉攞到返屋企已經變咗熟牛肉，但都係好有牛味，好食👍🏻🔸特色咖喱豬頸肉撈檬 $58▪️第一次食有咖喱汁嘅撈檬，出奇地夾😂😂頸肉有好多片，抵食👍🏻🔸手作大蝦米紙卷 $38▪️好清新，蔬菜好新鮮，好足料，件件都好飽滿👍🏻👍🏻👍🏻🔸香茅雞翼 $22▪️入味，令我好懷念去越南旅行嘅時光😂😂🔸火五特式鳳爪 $22 ▪️去左骨既鳳爪非常彈牙，佢伴碟有好多青木瓜絲，淋埋個汁上去非常好食👍🏻👍🏻👍🏻兩位外賣只需 $198 🤤🤤性價比很高😋😋

🇭🇰火五越式 PHO牛肉粉專門店🍲兩次黎都係滿座 疫情下仲有好多外賣單 整體感覺幾抵食小食推銷大家試佢地黃金類既炸物😆🍲火五火車頭牛肉粉(💰$68) 佢地既牛肉粉超大碗 再大食都一定夠食 呢款配料就係咩有少少 勝在可以試多幾樣 牛肉 和牛牛丸 扎肉等等 生牛肉滑身 牛丸濃味彈牙不錯🙌🏻熟牛肉今次就老左少少另外上左芽菜同青檸 可以按自己喜好決定落唔落河粉有彈性 牛骨湯清甜😋🫔越式炸蝦春卷 (💰$28/3pcs) 春卷係長條形 幾脆口 食到有蝦肉餡 唔會得d 配料味👍🏻🍖意大利黑醋汁蒜蓉牛油雞翼(💰$38/5pcs) 黑醋汁帶點酸甜淋係面 帶點開胃感覺雞翼大小適中 上台夠熱度♨️另外加埋蒜蓉牛油 牛油味相對冇咁出如果鐘意牛油既朋友可能試另一款😉☕凍越式香滑濃咖啡(💰+$10) 佢地既特飲只有凍飲天氣凍都頂硬上啦🤣🤣越南啡用煉奶代替糖份同牛奶 整體味道夠濃而且香滑 不過建議大家記得叫少冰