灘萬日本料理 (九龍香格里拉) (九龍香格里拉大酒店)

营业中

休息中

男友人RK早前約老公食生日飯,佢請埋我,咁我恭敬不如從命,賞面喺前（16-10-2021 Sat）晚食,我哋book咗位嘅,嚟到就即有位.而RK一早已經決定食每位$1,600.00嘅懷石料理,所以我哋唔睇其他嘢.1. 前菜~京都大根有京都大根,蝦,鮑片同鴨肝麵醬,京都大根味道清淡,配以特濃嘅鴨肝麵醬係正確.味道:5分2. 金目鯛湯呢個一端上嚟,就嗅到木魚味,但飲落又好清,唔覺有,而個湯係好熱.味道:5分3. 刺身呢晚嘅刺身係由左至右係吞拿魚,紅唔知咩魚,魷魚同秋刀.侍應同我哋講,兩碟豉油其實係一樣,而秋刀魚係用薑蘸豉油食,其他就用wasabi,俾兩碟豉油係唔想撈亂啲味.咁我由右至左食,我係第一次食秋刀魚刺身,是日秋刀魚都肥美,油脂好夠;魷魚有粘口嘅感覺; 紅唔知咩魚鮮味;吞拿魚口感嫩滑冇渣.味道:4分4. 季節美食左上開始:稻穗,山椒炸鰻魚,玉子,合桃豆腐配wasabi,左下開始:煮西瓜魚,銀杏,芋仔同和牛串燒.稻穗,侍應話白色嘅係可以食,我哋逐粒掰出嚟食,有啲似食爆谷嘅感覺,好玩;合桃豆腐口感滑,食到淡淡嘅合桃味;由於侍應就咁話係玉子,我亦冇記menu內嘅食物,一食就食到黑松露味,原

見佢午市套餐好抵食，就係klook book左老公生日去食😜🥓前菜自家製合桃豆腐，口感唔夠滑，寧願想食胡麻豆腐😅🍣刺身10分鮮甜，好值得食😋🥗旬菜 每樣都唔差，密瓜魚件有啲驚喜，🥘煮物 老公話好食，我就覺得無咩特別🍚食事炒飯高正正常常，不過不失～🍮甜品栗子焦糖布甸 最失望😞有張口 既感覺,配一個小蛋糕/雪櫃會更好。唔知叫meal的質素會否高一些，食完整個餐已經好飽，就無機會試。環境唔多人都唔會好嘈雜，多數都係傾生意，看看大老闆日常 聽聽幾千萬上落如何買一幅地 😂

我約日本朋友食飯，佢發版來這間日本餐廳，應該都係好介紹。被安排坐卡位，舒服又自成一角。叫了午餐和定食彩，有沙律，刺身，日式蒸蛋，天婦羅，西京銀雪魚，日式煮雜菜，白飯，味噌湯同雪糕。份量剛剛好，味道很平均，刺身新鮮。在這個環境吃了一餐豐富的午餐，悠閒地享受了一個午餐，又可以同朋友舒服地傾計，正！

好難得先搵到係尖沙咀啱我口味嘅日本料理，今日就一於來到尖東九龍香格里拉酒店嘅日本料理餐廳Nadaman なだまん，裏面座位寬闊，環境舒適，招呼一流，食物質素非常好👍🏻👍🏻👍🏻，今日叫左個二人刺身，有五款，包括有油甘魚，とろ，象拔蚌等可以選擇，跟著叫左兩個定食，一個係銀鱈西京燒膳，另一個係天婦羅膳，裏面有前前、蒸蛋、miso soup、白飯和甜品等，雪糕有不同口味選擇，包括我最鍾意嘅綠茶😋😋😋最後食多條燒鰻魚，十分滿足。

Restaurant Review📋Food🍽🐟Amadai Urokoyaki with Fish Intestine Creamy Sauce- Extremely Crispy but not oily at all Skin & Scale; Fresh, Umami, Tender & Succulent Fish- Stunning Umami & Savoury creamy Sauce- First-seen Deep Fried 180-200℃ "PopRice"🦐Ebi & Ebi paste Sushi- Clear, Springly & Tranquil Ebi Meat with Slightly Torched Ebi paste, light & intense in a bite. Fantastic Beancurd Sheet Tofu & Uni with Deep Fried Tiny Fish🐟Mizuna🌿- First timr for Tofu with Beancurd Sheet in between. Soft & Slight

尖沙咀食日本嘢好多人都推介雲海，我自己都食過幾次，但係我反而鍾意呢度多啲！呢度嘅感覺闊落，裝修亦都係以香格里拉嘅作風咁靚呢度好有日本風味，未入門口已經見到着住和服鏡侍應喺門口接待，好有日本，成意十足！酒店質素來講，呢度嘅午餐食lunch唔算好貴，仲要有好多配搭，而且每分都唔係話的丁屎咁多喺燒魚餐同埋Choi餐入面，我揀左勁耐，因為我唔食天婦羅所以揀咗燒魚！但係其實第一個餐好似幾開心，因為有埋刺身食而且亦都有一舊燒魚銀雪魚西京燒超好食，甜菜蒸蛋、日式汁煮菜、植物等等全部都好好味，我最鍾意每樣有少少咁樣食，所以今次食得超級滿足！將來都一定會再嚟啊！呢度附近嘅客人有好多外國人，可能因為酒店嘅關係！我哋後面嗰台仲有日本人😳😳佢想去日本呀！不過佢一去呢度都可以令我舒緩吓，超級鍾意另外，我想講燒魚餐嘅沙律都好新鮮有驚喜超級超級推薦

呢一晚係慶祝父母嘅結婚週年，因為有一段時間未食過高質嘅日本餐，所以就決定係嚟日本百年老店Nadaman 響香港開嘅第一間分店試食鐵板燒。是日選擇咗 $780嘅 「舞」套餐 (Beef Course)。前菜首先嚟咗個野菜沙律配日本胡麻醬，同埋浸係日式高湯（Dashi/出汁）入面嘅菠菜。個沙律係放係一個冰凍嘅碗入面，所以由上菜到進食期間嘅時間都能夠保持低溫。同時，所有嘅菜葉亦非常新鮮同埋爽脆，同甜甜酸酸嘅胡麻醬撈埋一齊極之開胃，既有驚喜又好味 😋！另外，個暖暖地嘅波菜係Nadaman 嘅經典前菜，同之前係東京食過嘅都係同一水準，尤其係日式高湯嘅柴魚味道好突出，實屬不錯。跟住就上咗第一道鐵板燒嘅菜式 —— 大蝦 🦐。每人分到三件蝦肉、一個蝦頭 (膏)、同埋壓扁咗嘅蝦腮，個人認為份量都算OK。蝦肉鮮味十足，調味份量亦恰當，唯獨是過熟咗少少，所以肉質介乎彈牙同韌時間，還可接受。蝦頭的膏充滿蝦油，非常香，好食。蝦腮就有啲似日本嘅蝦餅，好脆同蝦味好足，都唔錯。接下嚟嘅就係帶子。帶子嘅 size 都頗大，算係對得住呢個餐嘅價錢。帶子嘅表面上有焦糖化，內裏就煮到大概8成熟，同蝦一樣都係鮮味十足。帶子嘅汁

今日我哋兩個人各自叫咗個懷石料理定食，每一個餸都會是好精緻，但係味道就一般，雖然餐廳嘅職員介紹好仔細同好清楚，亦都食得好飽，但係比想像中嘅食物水準差少少，反而我覺得如果我地好似另一枱散叫嘅話可能個效果好啲，因為見到隔離枱嘅食物好似俾我哋嘅料理餐更吸引

朋友推介﹐上OpenRice 睇左幾十篇文章精選左10款左右食物。坐卡位﹐好舒服!! 服務好好﹐加茶好快同食完一樣先上一樣﹐如果係同酒店訂購左其他野會幫你拿埋落餐廳。前菜好開胃是次餐單:刺身-原隻龍蝦刺身 (啖啖肉，口感鮮甜)刺身-金鎗魚腩 (香，鮮甜)刺身-北海道帆立貝帶子(香，留甘)手握壽司-燒鵝肝手握壽司-甜雞蛋 (鮮甜)手握壽司-三文魚籽壽司卷-葱金鎗魚腩卷 壽司卷-蝦天婦羅卷 (香脆可口)［夢之米］釜飯(2人份) (甜,粒粒飽滿)時令茶壼湯 (鮮甜,好多海鮮)絕大部分都有滿分水評﹐如果一定要挑﹐燒鵝肝手握壽司做唔到入口即溶入舊飯效果。

這天來吃生日晚餐，實測接近200年歷史的日本老店～推介大家跟我們一樣點套餐，種類多、份量充足、CP值也高很多！直接點了最貴的兩種套餐啦(其實也是想多嘗幾款食物)！只要告訴職員你是全部人一起分享，他們就會安排，不用分誰吃哪個套餐的。🌟鼓套餐🌟 HKD1,080/人前菜、沙律、帆立貝、鴨肝、雜錦野菜、澳洲和牛西冷/薄燒、雜菜雞蛋炒飯、泡菜、白麵豉湯、甜品。🌟鼓套餐(Omakase)🌟 HKD1,380/人前菜、沙律、活鮑魚、活龍蝦、雜錦野菜、澳洲和牛西冷/薄燒、雜菜雞蛋炒飯、泡菜、白麵豉湯、甜品。🌟是日前菜🌟海膽腐竹豆腐及炸魷魚絲菠菜，本來這是Omakase才有的款式，職員特別幫我們四個人都升級啦！海膽超新鮮又不腥，配淡香的豆腐非常搭，而炸魷魚絲很幼細香脆，口感極佳。🦞吃完前菜跟沙律，廚師就會開始煮海鮮咯！🌟龍蝦跟鮑魚都不用特別調味，它們本身的鮮甜就已經很突出，新鮮又彈牙，龍蝦肉厚實不黏牙，鮑魚片爽嫩香口(平常完全不吃鮑魚的🐑小編只猶豫了半秒就放進嘴裡，之後迅速清光)，完全體現到為何前面要加一個「活」字，那種鮮味，真的稍為斷氣了幾秒的海鮮也做不到。🌟但別以為便宜一點

灘萬，位於尖沙咀香格里拉酒店地庫B2層，餐廳以日式料理為主。一行十一人餐廳安排私隱度極高的房間，亦有按限聚令分隔，值得一讚。是夜菜單完全交由餐廳發辨，多款前菜各有特色，其中日式蒸蛋味道突出，雞肉嫩滑。魚乾亦比一般日式餐廳處理得更好，甜而不硬。是夜有不常供應的牛舌，以日式方法制作，亦能保持豐富肉汁，滋味不同。烤豬肉火候掌握處理一流，嫩滑。炸物方面有蝦天婦蘿及炸雞，炸雞味道稍重，但雞肉嫩滑多汁，好食。

今日本來諗住睇師傅整鐵板燒嚟食，可惜唔到位，表示只能坐房內，房間的空間較大，整體成個餐廳都係好舒服，夠清靜可能而家人流始終唔係太多，地方亦都十分潔淨！首先就嚟過沙律麻醬，沙律菜都幾新鮮！雞泡魚干： 請開胃菜，朋友間傾吓計食吓小食，燒得唔太乾 配 沙律醬，所以都幾香口。龍蝦刺身 ：每舊有返咁上下厚度，切到啖啖肉，口感 鮮甜、爽爽地 ！刺身拼盤 ：吞拿魚腩 ： 好好食，油分充足、十分香滑，入口冇耐就已經快溶化 ！日本象拔蚌 ：香甜爽口，鮮味十足、識落又唔會有好 腥嘅味道！牡丹蝦 ：大大隻，新鮮，食入口比較香糯、軟軟的都幾甘香！三文魚腩：沒有太特別，就係油分充足！清酒煮帶子： 有少少 酒味 咬落比較爽身，但個人覺得鹹咗少少！另一個覺得好食就係呢個嘅宮崎和牛：味道濃郁、又唔會太油 但入口就好快溶化，很甘香 ，而蒜片咋得十分香脆好食！總括來講整體算唔錯，但又未去到好好食，可能即場睇住廚師，喺鐵板度燒會更加好啲，有埋視覺效果會更加吸引好食！

因為book咗九龍香格里拉酒店staycation ，房價可以變餐飲消費，所以lunch揀咗佢嘅日本餐廳灘萬試吓，點知。。。我哋叫咗兩個定食一個吉列金星豚滑蛋飯一個天婦羅定食之前喺第二度食個金星豚所以其實對佢呢度嘅金星豚期望都高嘅點知嚟到賣相已經一般可能佢上菜上得好慢吉列已經全部淋晒金星豚入口非常之乾根本唔係出邊好Juicy嘅口感差唔多$300食呢個餐我哋覺得非常之唔抵天婦羅定食直頭就係難食所有嘢都非常之細件蝦冇蝦味茄子細得可憐無茸菇切咗一隻角炸比我感覺非常之寒酸呢一個餐要三百幾蚊我哋覺得只係值$150總括嚟講我覺得呢間餐廳浪費咗我嘅餐飲quota絕對唔會再有下次

今次係九龍香格里拉既staycation因為之前酒店出左個零房價優惠book套房可以得到四千幾蚊credit免費食晒中日意三間餐廳而我地第一餐就係去食日本菜灘萬另外港島香格里拉亦都有一間同名既灘萬咁好多酒店既日本餐廳都係外判既好似半島今佐馬哥孛羅西村四季鮨齋藤全部都唔用得dining credit既但係尖東既酒店好似香格里拉灘萬帝苑四季菊千禧新世界嵯峨野全部都係自家餐廳唔計以前係熊貓酒店食放題好似真係第一次係酒店食日本菜餐廳係地庫二樓由大堂搭扶手電梯或者升降機都可以落到去出lift轉個彎就係灘萬門口就無乜日式感覺後面宴會廳果邊無睇清楚好似賣緊樓咁酒店餐廳門口好少有既menu證明呢度應該坐唔滿成日會有walkin客入去有塊巨型牆我地安排坐係近入口既四人檯每人有個餐盤頭頂吊燈雖然近門口亦都同格離距離近不過餐廳人流唔多而且四人檯都寬落所以私隱度都足夠而佢另外都仲有卡位紙口罩套金色餐牌其實即係門口睇果個懷石料理餐牌我就揀左7道菜既令和三年迷你懷石女朋友就揀左set lunch入面既和定食彩第一次係香港食呢種類似係溫泉旅館食既日本菜就唔知稱唔稱得上fine dining亦唔知平時係點樣上菜咁今日

同朋友去過幾次Nadaman食Lunch,貪佢坐得舒服，食物都唔錯，又夠靜，可以傾下計。佢個lunch set其實幾抵食，又可以一次過食到唔同既野，有飯有湯有前菜，有時想食刺食，又想食熟食，呢個餐就啱啱好，一次過滿足哂我想食既野個刺身唔錯，好新鮮！天婦羅都好食，有兩隻炸蝦🍤夠哂飽。最好食係個銀鱈魚西京燒，味道同份量都剛剛好，送飯一流！最後仲有個甜品雪糕，非常滿足。係呢度食飯既好處係始終佢都係酒店入面，service一流冇得彈，鐘意坐幾耐都冇問題👍🏻👍🏻