灘萬日本料理 (九龍香格里拉) (九龍香格里拉大酒店)

营业中

休息中

好友即將離港，臨別依依，朋友們提議一齊去食好西。跟住朋友去，就緊係朋友發辦，我就專心同朋友把酒談天。由於平日夜晚，唔算多人，我地一行五人一張枱，廚師Jackie 負責招呼我地，整餐飯令我地賓至如歸，恰當的交流介紹，不時詢問我地食物喜好，調味火喉控制得一流，絕對對得起5星級的質素。由小食既炸三文魚骨，連骨都食到。再到前菜粟米豆腐好似食緊雪糕咁，菜上面既魚仔香脆可口粟米湯好creamy 濃味刺身新鮮鵝肝配埋藍梅汁感低肥膩既感覺，不過肥美得仍然令我有罪龍蝦肉爽口彈牙鮑魚入味爽口，其中一道令我鍾意清酒既你一定要試呢道帶子，連d汁都要飲埋薄牛入面包左蔥粒，將牛昇華到另一個層次日本和牛，簡直令我有去左日本既感覺，味道絕對比得上試過既神戶牛飛驒牛佐賀牛有左咁好味既食物，這道雜菜既粟米鮮甜得令我有驚喜感覺最好雖然已經好飽，但炒飯同蝦頭湯既咸香味令我忍唔住ko 左小半碗甜品我地試左荔枝啫喱，每啖荔枝加埋茶既香味再加啫喱既q彈，好想encore 相比下可能太飽，芝麻雪糕就正常雪糕埋單唔知幾錢，亦唔想知

個Menu同之前一模一樣，會唔會有時玩下會有啲新意呢？因為好似都食咗成年我同上次一樣，天婦羅轉咗做沙律🥗質素依然！今次其實大致上嘅質素同上次一樣，不過服務就差啲啦！侍應比漏咗嘢，又好似喺後面打爛咗嘢呀所以佢好似就唔記得咗我哋嗰啲嘢未上刺身今次係油甘魚，赤身同埋真調，新鮮煮蔬菜同埋漬物前菜等都係平時嘅質素，細細碟咁但係款式多，所以滿足我呢啲貪心嘅人銀鱈魚好好味呀！我應該會喺邊間食都會覺得好食！因為呢度餸本身就太好食😋不過就太細舊啦今次唔知係咪換咗待應，服務比較弱，同唔同嘅人講嘢或者要求，例如拎口罩套、或者追餐，佢哋都會唔記得

我個人屬於日本嘢嘅Big Fans，但係今次係第一次試高級日本鐵板燒🍴平日嘅Dinner，餐廳比較靜。我同朋友揀左「舞」，呢個餐冇啲咩特別珍貴嘅材料，都係普通海鮮同埋和牛，但係食材新鮮，未到驚艷，但整體都吾錯👍🏻鮮蝦肉質爽而彈牙，鮮甜👌🏻帶子無多餘嘅花樣，簡單大粒，都有鮮味嘅👌🏻成個餐食到最後有個炒飯，個飯個人覺得真係麻麻，偏乾同硬😅總括而言，名牌酒店入面嘅餐廳我期望可以再好小小，但呢個就不過不失啦，有好食嘅但印象吾深😶‍🌫️

Omakase懷石料理    おまかせかいせき   $1600 🍽Appetizers ~~- 海膽布丁配魚子醬及清湯果凍 海膽非常新鮮，布丁口感比較扎實，口感像吃芝士🧀 🍽Steamed dish ~~- 時令土瓶湯 超鮮甜!!!!!😋材料主要有海魚片🐟，大蝦🦐和大蜆~所有材料的精髓都在湯裡，可以吃得到大海的味道，非常鮮味!!!😍而且湯是用土瓶煮的，香味特別濃郁，而且外型吸睛🤗🍽Sashimi ~~-季節時令刺身 刺身十分新鮮，鮮味十足😋🍽Seasonal Delicacies ~~-時令燒鰻魚粽壽司-櫻花蝦玉子蛋卷-串燒黑毛和牛粒-蠶豆-鮑魚片-山椒白飯魚 擺盤十分精緻，令人眼前一亮🤩和牛超高質，大概是一口大小，入口即溶🤤鮑魚片十分爽口彈牙，煮得剛剛好👍時令燒鰻魚粽壽司外型像粽子一樣，感覺新奇😚🍽Simmered dish ~~- 日式吉野煮新鮮龍蝦- 茄子- 甘荀- 青菜 🦞龍蝦肉質彈牙嫩滑，吃起來每一口都是肉，而且味道非常鮮甜😋 甘荀則弄成很可愛的櫻花形狀🌸 🍽Grilled dish ~~-日本黑毛和牛柳-照燒鵝肝-春天大根蘿蔔 又有我最愛的和牛🥰另外鵝肝外脆內軟，而蘿蔔則完

二人分享兩款套餐，海鮮及薄燒牛，沙律菜感覺很新鮮，三文魚刺身肉質普通，三成熟薄燒牛真的很軟滑，海鮮普通，炒飯味美，四人一張鐵板燒枱，環境舒適，員工及廚師亦很有禮貌，三百幾蚊喺酒店食鐵板燒感覺好抵。

二人分享兩款套餐 ， 海鮮及薄燒牛， 沙律菜感覺很新鮮 ，三文魚肉質普通， 三成熟薄燒牛真的很軟滑，海鮮普通，炒飯味美 ， 四人一張鐵板燒枱， 環境舒適 ， 員工及廚師亦很有禮貌， 三百幾蚊喺酒店食鐵板燒感覺好抵。

疫情後減少了吃日本菜，突然很懷念精緻又有儀式感的懷石料理，搜尋下發現灘萬原來有外賣的懷石便當🤩🍱灘萬之前去過幾次，但外賣還是第一次，點了一個懷石便當($800)及一個陽春便當($380)。懷石便當包裝精美，將八道菜將濃縮在一盒。海膽布甸 配魚子醬及清湯啫喱口感像滑蛋，海膽及清湯都鮮味。這個建議先吃 ，因為時間太長會溶。炸鮑魚 配青海苔汁櫻花蝦蛋卷&炸薯蓉牛肉球 配蠶豆、百合、甜椒醋浸燒鰻魚 配薑及青瓜燒和牛筍卷 配青椒煮和牛 配茄子、紅蘿蔔及青菜喜之次魚西京燒 配柚子及醋蓮藕雜錦壽司飯 配蝦、蟹肉、海鰻、三文魚子、冬菇、蓮藕、蛋絲及泡菜陽春便當($380)價錢比較親民，同樣有八道菜。櫻花蝦蛋卷銀鱈魚西京燒牛肉筍卷 配鹽豆炸蝦餅 配醋浸生薑麵豉醬面筋、燒魚餅、百合炸薯蓉牛肉球 配甜椒煮雞肉丸、豆腐饅頭、紅蘿蔔、蔬菜雜錦壽司飯 配蟹肉、海鰻、冬菇、蓮藕、蛋絲及泡菜這個懷石便當肯定是我食過最貴的便當，食材高級交足貨，賣相精美，味道和水準絕對不比堂食差。不過，外賣食物始終不是即煮即食，我們由取餐至進食大約20-30分鐘，食物仍暖但熱食更好。兩個便當相比，陽春便當比較抵食，因為當中蛋卷、牛肉筍卷

原來灘萬在日本已經有一百九十年的歷史, 它在海外就只有兩間香港香格里拉酒店的分店, 而且也有相當長的時間, 真厲害. 我會說它的料理, 是會席料理, 而非懷石, 最簡單是從飯類的上菜次序來分別, 這裏的飯是最後一道菜才上的, 而懷石料理則是先上飯再上其他菜式. 午市的會席料理有七道菜, 連加一約六百元, 定價中上, 由於有GC積分要在過期前清理, 所以整餐飯我只花了二百元左右.整餐飯最突出的菜式, 對我來說是圖一的煮物牛肉薯仔饅頭, 以及圖二的火炙芝麻豆腐. 兩者的口感相當有趣, 都是外面Q彈而內裡軟溶, 像吃麻薯一樣. 刺身用上赤身, 平目和鰤魚, 冬天的平目魚就是其最肥美的時候, 再加上極少筋的赤身和同樣肥美的鰤魚, 就算沒有其他任何加工已相當高質.燒物的是燒鰤魚魚鮫, 夠香, 外表夠脆口, 魚油香也夠, 只是內裡魚肉較乾, 吃起來就有點虎頭蛇尾之感. 釜飯就是雞肉雜菜飯, 用雞湯餚製, 飯身沒有一般釜飯的黏, 飯粒層次分明, 比起雞肉的平淡, 我更喜歡飯身的質感呢!

日本過新年習俗—— 食「御節」日本人通常自己喺屋企整，好彩喺香港比較地道嘅日本餐廳都有得食。已經第二年嚟呢度食新年1月1日限定「御節」嚟應下節。一日有三輪： 8am/9am/10am我哋book左第三輪，相中係第二輪嘅食客，其實唔只係日本人，好多香港人都會專登以日本形式慶新年。唔好以為menu列左廿幾樣嘢出嚟就會好多，其實一個餐盆就載得晒。唔好以為呢個set好似好細唔夠食，其實食完個年糕湯就已經開始飽😅廿幾款野每樣一人一件… 一家四口，甚至如果一家只得兩口嘅話，真係睬佢都傻。所以日本宜家有好多店舖都有唔同分量嘅現成「御節」提供放便客人一買即食。就好似我哋嘅盆菜咁。又或者日本煮婦們會去超市熟食部買一pack pack現成餸菜，返到屋企擺返落個盒到就當係自己整🤣每位客人都會有個載咗「樽酒」嘅木枡。枡角上有啲鹽巴，鹽係古時日本人嘅送酒小食，用鹽令到日本酒嘅味更完整。呢度嘅樽酒好純好易入口，唔苦唔辣喉🤤。一如以往，呢度嘅御節賣相好靚！淨係睇都已經係賞心樂事🥰御節其實係食「意頭」, 一般家庭主婦新年收爐唔煮飯仔，所以御節盒入面通常都係醃製食物，昆布之類黑黑沉沉，凍冰冰但貪佢可以唔駛番熱就食得又可

食物味道: 食客對酒店日式餐廳嘅期望通常會高啲，不過我覺得對「灘萬日本料理」嘅午餐定食唔好期望太大，因為質素只係一般，令我最失望嘅係日本產豚肉炭火燒，肉質真係幾差，令我懷疑係咪真係日本產豚肉，至於雪糕嘅選擇，我自己嘅小小意見: 灘萬現時提供綠茶、朱古力和雲呢拿，其實綠茶雪糕係日式餐廳最具代表性嘅甜品，餐廳何不只供應綠茶雪糕，並提供一，二及三級綠茶濃度嘅選擇，豈不更為普通的午餐定食加點特色？食物份量: 日式定食嘅份量通常唔多，女仔可能覺得夠，大食嘅男仔可能會覺得太少。價錢: 以質素嚟講，實在太貴環境: 普普通通，無咩日本風格服務: 殷勤有禮，亦經常幫我哋斟茶回頭指數(10分滿分): 因為質素實在唔到水準，加上價錢唔平，都唔會再幫襯，我比零分。

金鐘嗰間實在太好生意完全冇位，過咗九龍諗住大同小異應該差唔多唔會差太遠訂到位咁就過咗嚟點知…………終極中伏………好耐冇嚟過呢個分店但係真係冇諗過水準同服務係咁差人手應該唔夠😔啲食物真係認真麻麻😔咁嘅價錢唔應該食咁嘅質素😔我叫嘅係廚師發板餐同埋一個普通嘅鐵板餐諗住呢啲係真店之寶失手機會應該相當細慘慘囉……..啲魚生唔係好新鮮炒飯又唔得仲要全部野都麻麻哋成餐飯最好食就係個蘑菇湯同埋嗰粒豆腐其他嘢好老實講我覺得出邊嗰啲平價日本餐廳都好過佢你點可能收人三四千希望餐館嘅管理層會改變下啦一間咁有歷史嘅酒店同餐廳真係唔應該咁😳😳

女朋友生日，特意預訂座位去食鐵板燒，預約前好多野都唔會答到你，約訂6:30，我6:20去到，佢真係6:30先開門，大家千其唔好早去跟住非常精彩第一：坐到6:45都唔會有人黎招呼你第二：廚師黎到 佢會極速煮哂野食比你，我都未食完前菜，佢就整好兩道main放係你面前，0交流，跟住走左去第三：有其他顧客黎到，應該係廚師相熟，佢全程主動招呼佢 同佢傾食咩好 但我？？？佢走左去後又唔會返黎，佢唔會預我加單咁好老實 你要預有服務 你唔好黎尼度 ，我食左幾年外面街鋪鐵板燒，都唔會咁比人對待5星級酒店服務態度你唔會擁有

是次一行三人第一次來到，料理方唔面：刺身新鮮，連平日不吃刺身嘅小朋友都覺得好吃😋，烏冬入口滑身，最後外賣2盒反家，外賣盒雖然體積細小，但係其實入邊好多飯及餸，服務好、清潔好。之前訂咗卡位，安排得到👍🏻。有機會會再來。

唔係第一次嚟呢度食～今次我食嘅午餐set 同上一次一樣～感覺亦都差唔多～ 只係已經冇咩驚喜. 建議餐廳可以定期加一啲新嘅元素，或者轉下Menu 感覺今次嘅服務質素好啲！好似有一個新嘅妹妹待應服務態度唔錯！不過覺得manpower都係爭啲

去日本一定要吃懷石料理！但疫情期間不能飛，但很想再吃懷石料理！怎麼辦？然後立即上網找「懷石料理」看到這家餐廳位於尖沙咀在香格里拉酒店裏面，就立刻book位去吃啦！我們是book房間吃的，一開始我們幾個人是叫幾個dinner set享用。但同行的男士說不夠吃，所以就再另外散叫其他食物，點了很多壽司、刺身等等。一邊飲shake , 一邊吃飯。所以之後也點了一些小吃送酒，餐廳職員也很友善細心，一直提點我們。我們朋友當中不能吃牛肉，也幫我們轉換其他的食材，實在太好了🥰！