影片
招牌菜
呢日收工去左旺角行，朋友话想食烧肉，但我又麻麻地～好彩揾到呢间又有烧肉又有刺身寿司食既餐厅发觉入面既座位好大，店员安排左我地坐左一张可以坐６个人既卡位餐厅入面仲有驻唱歌手黎试下佢地个晚市放题，仲加左＄８８升级任食，原来呢个系暑假优惠有北海道元贝、带子刺身、浦烧鳗鱼、日本顶级谷饲牛、美国生蚝等等超级丰富好抵食！店员仲话食材全部都系当地直运添，唔简单呀酱料区～饮品区有好多选择～睇见都开心叫野食，原来呢度系电子落单ＳＣＡＮ个ＱＲ ＣＯＤＥ就可以拣野食，好方便！一开波就食个沙律先～仲叫左个冬阴公汤开下胃～好新鲜好厚切既刺身！仲有我至爱既甜虾，食唔停口～仲有生蚝食！仲要系四只咁多好新鲜好甜～果然系即日送到既食料我最期待既寿司！好丰富呀泰式生菜包～感觉食完呢堆野食已经会饱喇哈哈哈再黎～系烧肉呀，朋友最爱每块肉都非常ＪＵＩＣＹ！黎到呢度已经超级饱。。见到Ｄ甜品好想食，但真系太饱最多食埋条雪条！ＯＶＥＲＡＬＬ真系超丰富既晚餐，食匀哂日泰韩中既美食店员既服务态度都好好，抵赞！
继续阅读
呢间餐厅依家只系做套餐，唔再做放题。每位298 ，包小食一个，沙律一个，有三个拼盘：包括牛肉，海鲜刺身，菜。最后有一个好细嘅甜品。刺身略嫌少，味道普通。海鲜有半只龙虾，一只鲍鱼仲有啲蚬，螺同青口，烧完觉得都几新鲜既。青口麻麻。肉既油花算几均匀，好味！但成餐饭因为个order 系统啱啱转，好多嘢都未改好。店员都唔系好清楚啲内容，但佢地系好好礼貌既。另外，出餐既时间太耐，小小一个雪糕（个名叫三生三世），真系成世都未黎。。。。。。另外，通风系统比较差，一室油烟味。细节上，如果佢地上手左应该会好好多。烧海鲜同肉加点，价格我应为是相宜的。埋单前仲送多咗条雪条俾我哋，话之前自助餐剩低嘅货。
继续阅读
入到去餐厅其实服务都几周到，侍应都好好笑容......所以当侍应问会唔会加88蚊升级，可以食多几款刺生同烧肉，我同朋友都加左。但当食到第4只生蚝，一落完柠檬汁想放入之际，我见到有野郁，望真啲系一只半透明既寄居蟹，吓到我dum都dum唔切😓😓😓食生蚝真系要睇清楚
继续阅读
一见到牛肉任食我甚至连看都未看清楚 d 货色就发颠的要入去试吓点菜纸有好多肉我只点牛所以失望愈大愈烈牛肉质素差到可能隔夜腌制但隔唔隔都唔系问题因为太粗糙没有任何一款似韩烧的水准雪糕有惊喜因为有韩国的榴梿冰棒平价鱼弹香肠牛丸小紫薯无论牛肉片一口和牛牛肩肉都系无味而鞋只有牛仔骨😁因为有黑椒调过味比较易入口蛋糕有心但无力款式多有迷你巧克力,芝士蛋糕,甚至貌似意大利芝士饼物体可惜处理不到位很多糕点雪硬左浪费金钱本来不难吃的甜点：令人觉得好奇怪生*硬降*的甜品最可靠的菠萝至少新鲜下栏颇多但我一定唔会再试太多好的日本式放题午餐了
继续阅读
我本身对任食嘅餐厅一般一来女仔食唔多 二来质素无咁好但男人钟情任食今日就去左试佐敦烧肉放题 两个人 明明有其他位 但安排左系一间房外面 相对卡位已经冇咁好坐 职员在我身后行出行入（里面仲一阵烟味）感觉麻麻食物方面 有好亦有差刺身还好 三文鱼 油甘鱼 都算肥美甜虾意外地大只 泰式生虾都算唔错冬阴公汤偏甜唔太辣 还可生菜包都好 生菜好新鲜 猪肉热辣辣炒起炭烧猪颈肉都可以 天妇罗唔系太油 脆脆地 又唔够脆但唔系好似日式天妇罗海胆三文鱼手卷 紫菜系林嘅海胆唔靓 一阵味 差☹️安格斯一口牛一般般 味道可以 但实在是太韧 咬唔烂牛舌口感比较好 可惜加单 佢只系上少少三文鱼头腩 唔错 但比较肥 反而鸡翼同串烧都算好黄金豆腐都好食 豆腐好滑 炸芝士年糕同埋紫心香芋丸 唔系好够热 无咩大问题炸蟹钳 唔得 好假 一团粉 一点口感也没有最后到甜品 得几款雪条 但系要咩冇咩 佢就随便攞咗几款甜品俾我哋个芋头雪条都可以嘅 劲漏单 上菜亦比较慢 258（假日加$10）再加一一人$295 如果饮下啤酒既人可能会啱d 我就唔会再返去食喇有人生日 佢会推一只大啤啤来仲有生日灯牌 播住生日歌 相信都开心既后话：打呢个食评发现原来之前睇嘅系另外一间 板烧郎 同一个地点 只系转咗名 ☹️因为佢哋嘅联络手提都系一样 揾岩个名 先发现新店 OpenRice做紧51折⋯ 一人比多$100 仲要食得咁差 超级中伏
继续阅读