瀛鮮-日泰韓中潮川風味放題 (已結業)

呢日收工去左旺角行，朋友話想食燒肉，但我又麻麻地～好彩搵到呢間又有燒肉又有刺身壽司食既餐廳發覺入面既座位好大，店員安排左我地坐左一張可以坐６個人既卡位餐廳入面仲有駐唱歌手黎試下佢地個晚市放題，仲加左＄８８升級任食，原來呢個係暑假優惠有北海道元貝、帶子刺身、浦燒鰻魚、日本頂級穀飼牛、美國生蠔等等超級豐富好抵食！店員仲話食材全部都係當地直運添，唔簡單呀醬料區～飲品區有好多選擇～睇見都開心叫野食，原來呢度係電子落單ＳＣＡＮ個ＱＲ　ＣＯＤＥ就可以揀野食，好方便！一開波就食個沙律先～仲叫左個冬陰公湯開下胃～好新鮮好厚切既刺身！仲有我至愛既甜蝦，食唔停口～仲有生蠔食！仲要係四隻咁多好新鮮好甜～果然係即日送到既食料我最期待既壽司！好豐富呀泰式生菜包～感覺食完呢堆野食已經會飽喇哈哈哈再黎～係燒肉呀，朋友最愛每塊肉都非常ＪＵＩＣＹ！黎到呢度已經超級飽。。見到Ｄ甜品好想食，但真係太飽最多食埋條雪條！ＯＶＥＲＡＬＬ真係超豐富既晚餐，食勻哂日泰韓中既美食店員既服務態度都好好，抵讚！…查看更多

呢間餐廳依家只係做套餐，唔再做放題。每位298 ，包小食一個，沙律一個，有三個拼盤：包括牛肉，海鮮刺身，菜。最後有一個好細嘅甜品。刺身略嫌少，味道普通。海鮮有半隻龍蝦，一隻鮑魚仲有啲蜆，螺同青口，燒完覺得都幾新鮮既。青口麻麻。肉既油花算幾均勻，好味！但成餐飯因爲個order 系統啱啱轉，好多嘢都未改好。店員都唔係好清楚啲內容，但佢地係好好禮貌既。另外，出餐既時間太耐，小小一個雪糕（個名叫三生三世），真係成世都未黎。。。。。。另外，通風系統比較差，一室油煙味。細節上，如果佢地上手左應該會好好多。燒海鮮同肉加點，價格我應為是相宜的。埋單前仲送多咗條雪條俾我哋，話之前自助餐剩低嘅貨。…查看更多

入到去餐廳其實服務都幾周到，侍應都好好笑容......所以當侍應問會唔會加88蚊升級，可以食多幾款刺生同燒肉，我同朋友都加左。但當食到第4隻生蠔，一落完檸檬汁想放入之際，我見到有野郁，望真啲係一隻半透明既寄居蟹，嚇到我dum都dum唔切😓😓😓食生蠔真係要睇清楚…查看更多

一見到牛肉任食我甚至連看都未看清楚 d 貨色就發顛的要入去試吓點菜紙有好多肉我只點牛所以失望愈大愈烈牛肉質素差到可能隔夜醃製但隔唔隔都唔係問題因為太粗糙沒有任何一款似韓燒的水準雪糕有驚喜因為有韓國的榴槤冰棒平價魚彈香腸牛丸小紫薯無論牛肉片一口和牛牛肩肉都係無味而鞋只有牛仔骨😁因為有黑椒調過味比較易入口蛋糕有心但無力款式多有迷你巧克力,芝士蛋糕,甚至貌似意大利芝士餅物體可惜處理不到位很多糕點雪硬左浪費金錢本來不難吃的甜點：令人覺得好奇怪生*硬降*的甜品最可靠的菠蘿至少新鮮下欄頗多但我一定唔會再試太多好的日本式放題午餐了…查看更多

我本身對任食嘅餐廳一般一來女仔食唔多 二來質素無咁好但男人鐘情任食今日就去左試佐敦燒肉放題 兩個人 明明有其他位 但安排左係一間房外面 相對卡位已經冇咁好坐 職員在我身後行出行入（裡面仲一陣煙味）感覺麻麻食物方面 有好亦有差刺身還好 三文魚 油甘魚 都算肥美甜蝦意外地大隻 泰式生蝦都算唔錯冬陰公湯偏甜唔太辣 還可生菜包都好 生菜好新鮮 豬肉熱辣辣炒起炭燒豬頸肉都可以 天婦羅唔係太油 脆脆地 又唔夠脆但唔係好似日式天婦羅海膽三文魚手卷 紫菜係林嘅海膽唔靚 一陣味 差☹️安格斯一口牛一般般 味道可以 但實在是太韌 咬唔爛牛舌口感比較好 可惜加單 佢只係上少少三文魚頭腩 唔錯 但比較肥 反而雞翼同串燒都算好黃金豆腐都好食 豆腐好滑 炸芝士年糕同埋紫心香芋丸 唔係好夠熱 無咩大問題炸蟹鉗 唔得 好假 一團粉 一點口感也沒有最後到甜品 得幾款雪條 但係要咩冇咩 佢就隨便攞咗幾款甜品俾我哋個芋頭雪條都可以嘅 勁漏單 上菜亦比較慢 258（假日加$10）再加一一人$295 如果飲下啤酒既人可能會啱d 我就唔會再返去食喇有人生日 佢會推一隻大啤啤來仲有生日燈牌 播住生日歌 相信都開心既後話：打呢個食評發現原來之前睇嘅係另外一間 板燒郎 同一個地點 只係轉咗名 ☹️因為佢哋嘅聯絡手提都係一樣 搵岩個名 先發現新店 OpenRice做緊51折⋯ 一人比多$100 仲要食得咁差 超級中伏…查看更多

同事推荐，收工一班人去食晚餐，多国食物放题，識人有折，G0》每人消费约258，食物有刺身，三文鱼我至爱，先来一盆，有魚味新鲜，好快食晒，再點好快又到，睇睇枱面介绍先，環保纸巾$5元1枱0k啦，支持！枱上双爈頭，原来可以一边燒，另一边蒸气火锅或打边爐，當然直接打边边啦，方便點，焼肉當然係牛，牛粒好好味，夠嫩有牛肉味，羊安亦不錯👍其他都可以，打边边绝对海鲜，食材算新鲜，整个场環境幾有日本气氛，服务都有禮到位。难怪见到藝人陳展鵬在房内食晚饭！！！…查看更多

朋友見到瀛鮮有新廣告出，都幾低食$148加幾拾元至1佰多服務費，問我去？我之前去過1次，新開張幾多明星，有明星店稱，無所謂2佰幾出發：到店貼滿明星照片、自㫑區都算多野：有甜品、飲品、小食，埸內有幾個歌手在歌唱，還可以吧！食物：有刺身、壽司、天婦羅、泰式、鐡板燒、綱燒、打邊盧，野食多，漏單就不太清楚，太多野食，所以人都不太清楚，但食物大家都話0k，剌身、壽司新鮮，泰式夠野味，燒肉肉質不算頂級但已合格，海鮮算新鮮，服務亦合格，經常有員工收野，亦很禮貌，地方乾淨，坐位寬闊，值得推介比大家低食明星店…查看更多

晏晝諗唔到食咩 今日一於上去試下呢間放題只係需要98蚊加一 睇下係咪真係咁平又咁好食先 上到去見到唔係特別多人 心諗死啦會唔會中伏架 聽職員講晏晝除咗冇刺身其他乜都有 咁就點啲燒肉燒下先啦 又羊架又穀飼牛 牛舌同雞翼好好味 穀飼牛就真係好似食緊日本和牛咁 最厲害嘅係佢塊鐵板燒極都唔會燶 又唔使落太多油 完全唔覺得油膩 簡直係肥而不膩嘅感覺 最後食埋啲泰式熟食 天婦羅炸物真係夠喉啦 食個午餐都可以咁豐富 好開心呀餐廳見我哋咁多OL 仲打個折畀我哋叫我哋帶多啲朋友去 你放心我一定會😀😀😀😀😀😆😀…查看更多

今天是女朋友生日 所以決定同佢去食呢間放題 買左蛋糕上去 坐低之後 職員問我哋係咪女朋友生日呀 我話係呀 佢話咁就啱喇做番個9折優惠畀你哋啦 跟住仲話唔收我哋切餅費 睇得出呢間野係好有心思 好有質素 講到食物 燒肉方面 肉質煙韌 質地嫩滑 好多汁好juicy 刺身雖然唔係特別多種類但係好新鮮 壽司真係有好多款喇 炸物 天婦羅炸得好鬆脆 食埋個蒸氣火鍋 簡直飽到頂到上心口 個感覺好滿足 食完仲係咁叫我哋食埋甜品雪糕先好走呀🥰🥰❤❤❤ 放題界必食推薦…查看更多

自從上次黎過呢間灜鮮食放題 之後一直念念不忘 因為真係太多野食喇 呢間抵食之如仲服務周到 物超所值架 最回本首選緊係升級+88蚊任食生蠔 鮑魚 海膽帶子刺身啦 order左幾轉都算出得好快 生蠔同鮑魚都好大隻 帶子上面仲有海膽添 正呀 刺身讚不絕口 好鮮甜 講到燒肉非常柔嫩 肥而不膩 香鮮味美 具有香,酥,嫩的特點 仲有蒸氣火鍋 有很多海鮮比我選擇 最尾食返d泰式甜品先 食返夠本 果 榴槤糯米糍 超香 勁好食 😊😊😊 依家每日都有live band 有歌手唱歌 一路食飯一路聽過都係一個好好嘅享受 完全可以放鬆 好relax 整體都非常滿意😍😍 繼續為你哋感到而驕傲 前線員工繼續努力💪💪💪…查看更多

老公在網上看到介紹視頻，貌似很吸引，所以趁Happy Friday前來一試。幸好是在開飯買劵，算是便宜了一點點（大概$258/head)。食物質素、環境、服務真是真心不行。連拍照的慾望也沒有。食物選擇是多了，但沒有一樣是出色的，有一款刺身更是未解凍完畢😓😥。醬汁是自助的，但是看到髒髒的醬汁碟，已經沒胃口了。現場所為的駐場歌手，真心擾人，我寧願安安靜靜地吃一頓飯。最後買單的時候，想確認一下開飯餐劵的種種附加，經理也是兇的可以🙄🙄…查看更多

低食明星店,基本消費佰幾蚊起,我哋呢班友仔又點會食咁普通,生蠔禾牛我們至爱,每位都係加88,仲有海鮮包在内,求其食10隻8隻蠔已經回本,蠔大隻有海水味,肥,禾牛牛味好香,油份一流,正！其他刺身新鮮,寿司手卷都OK,泰式食物野味,仲可以鐵板燒、蒸氣火鍋或者打邊爐,咁多野食有無漏單我們都唔知,服務算OK,經常有人收野,會再來,仲有鰻魚都好正,仲有野食送到…查看更多

一家出去食飯，都唔知食乜好？老婆想食泰式，特別係泰式生蝦喎！！！2個女就想食牛，我當然無所謂！想起佐敦瀛鮮幫到手，大家無意見，打電話比k哥問下，有位揸車出發，一坐低第一時間叫k哥安排左泰式生蝦大碟D先，老婆話生蝦汁好好味，當然啦～泰式係正宗泰國廚師，二女就開始鐡板燒禾牛另1個大姐同時間打邊爐牛肉、禾牛、海鮮、蔬菜，原來今期瀛鮮玩加拿大象拔蚌，送就當然細份，識人可以來貨價加點加工费，當然無問題，象拔蚌全家至愛片完出來擺到高空發展另外FB讚好有鮑魚或燕窩送，今餐唔該曬K哥，謝謝…查看更多

其實大會公布搞簽名會後，我已經來過1次，今天是那對夫妻見面會，在中午1：00,玩到4：30,可能見NKN，心情好正，呢間野5：00開晚市，得知已經訂位很多人，見地方唔錯，都幾多明星來,出去行一行訂5：30-7：15,嘩真係坐滿，好在有訂位，開餐＝刺身盆新鮮＋靚，配上清酒好味壽司都新鮮好食，飯團味好味生蠔大隻有海水味到燒肉海鮮都可以，原來海鮮仲可以蒸氣火鍋，但已經飽了，更不想浪費食物，呢間食物算好，上野都算快，我特意加單三文魚都無漏單，呢度三文魚好重魚味但我住得遠，有緣再會…查看更多

肉食者樂園，看似有多種選擇，但質量真的有所保留，由以魚生及海鮮類食物爲甚。須然撰擇加了付加費，以享受鮑魚，松露帶子等食品，但味道及口感一般，不似是所說的来源地。…查看更多