瀛鮮-日泰韓中潮川風味放題 (已結業)

🦀咩都有得食嘅放題🤩呢排大閘蟹當造 當然要食啦😎懶得自己蒸 都係岀去食吧見到呢間放題做緊大閘蟹放題 一於試試佢‼️一去到當然馬上叫返兩隻先(每次只可以嗌每一兩隻)期間嗌左刺身同各款前菜試下 仲有韓燒添呀 花多眼亂喔👀刺身種類唔算多 算厚切 新鮮👍🏻前菜方面 有多款泰式菜可以揀由泰國人煮架 果然有風味講返當晚主角 大閘蟹先🦀等左大約十五分鐘左右就到了蟹唔算大隻 三兩左右啦 係蟹公黎架🤩 超多白膏 膠質超重 好正呀☺️當晚食左四隻喳 因為仲想食韓燒🤭材料多 仲可以去自助區拎貝殼類海鮮同蔬菜😋略嫌食材調味偏淡 想濃味d可以自行加泰國醬汁 都幾match架👍🏻仲可以自己拎泰式飲品 例如椰汁、龍眼冰等價錢係$348 +10% 性價比中等啦喜歡吃大閘蟹的 不會失望💓🍽 瀛鮮-日泰韓中潮川風味放題 (佐敦)🔎 佐敦白加士街66號新寶廣場5樓

見到飲食男女廣告所吸引，120分鐘大閘蟹任食...所以...今晚與友人一起前來吃個痛快，一出佐敦地鐵站就見到呢個牌。入座後立即下單，太約20分鐘，8隻熱辣辣嘅大閘蟹就送到枱上，打開蟹蓋當然有蟹膏啦，食蟹時記得除掉蟹內臟，即係蟹肺（黑色部分）在蟹蓋中間位置。雖然大閘蟹體積較細，但入口味道也不錯，蟹膏香口美味，今晚4個人，合共食咗14隻。中醫師角度看大閘蟹，蟹是寒氣之物，食用大閘蟹後，建議喝點溫和脾胃的薑茶，有助中和寒性，餐廳有薑茶提供，飲品是以自助形式供應，有茶、有熱水、有椰奶、龍眼肉等，還有罐裝飲料供選擇，今晚我的是薑茶加了龍眼肉，自已調配的飲品都幾好飲。大閘蟹上枱之前，店員提供每人一碗湯，好似話有助驅頭風，唔知道湯名，但湯水味道不錯。除此以外我們還吃了刺身，三文魚、甜蝦，赤貝、北寄貝、油甘魚、象拔蚌片等。張枱中間有個爐，可以品嚐韓式燒烤，冬菇、茄子、翠玉瓜可以在自助區選取，而最特別係燒蜆，大大隻蜆相當吸引，不過食到少少沙。至於雞肉串、豬仔骨、安格斯牛、牛肩胛等食材就要入紙下單，整體肉類質素也不錯。除了韓式日式食物外，餐廳還有泰式菜提供，自助區有好味道嘅泰式鳳爪。泰式蝦餅、黃金豆腐都好

9-12月係食大閘蟹既季節今年掹車邊 有幸比我喺12月食返次大閘蟹E度大閘蟹size唔算大但勝在多膏每人每次可叫兩隻食完可再叫每次大約等二十分鐘除左大閘蟹，E度仲有日泰放題...可以叫待應開鐵板燒野，食物種類繁多...豬、牛、羊、雞、蔬菜、連海鮮類都有呀唔想開火燒野仲可以選擇壽司、天婦羅、刺身、炸物、連泰式料理都有..真係一應俱全，唔洗膽心唔岩口味飲品方面選擇都多，有個corner位仲有椰汁冰自已調配，椰汁冰椰汁味夠。而甜品方面，除了雪糕、雪條外，竟然仲有一個甜品櫃我個人認為 榴連糯米糍係必試，涵料充足，陣陣榴連香味撲鼻。

放题呢間都算正,$258任食任飲,食物新鮮,新開明星店,昨晚見到y 0y o,生蠔即開,鲜味海水味正,、日本牛好有牛味,燒又得、火鍋又得,花膠雞湯一流,湯底香濃,值得推介

放工同朋友黎到呢間位於佐敦既日式+韓燒既放題食晚飯，正值秋冬，仲有大閘蟹任食Tim，非常吸引。餐廳空間好大，所以每一張枱都好寬闊，坐得好舒服。環境佈置方面，餐廳掛滿左和式既燈籠同𣄃仔，充滿日式既風味食物款式都幾多，有燒肉、燒海鮮、蔬菜、壽司、炸物同特色小食等等餐廳更設有自助區，顧客可以自由去攞飲品、生果，除咗一般罐裝飲品之外，仲有一啲自家製嘅泰式飲品、包括椰汁冰同龍眼冰等等，味道都幾唔錯仲有自助沙律、除咗普通西式沙律菜之外，仲有手拍青瓜、蒜味螺肉等等既特色前菜，酸酸甜甜幾開胃仲有自助火鍋配料，有蔬菜，亦有貝殼類， 十分豐富落完單冇耐，壽司好快就嚟啦，一口size細細件，可以試到好多唔同嘅款式。三文魚、帶子、海膽同蟹子都幾新鮮，而且好厚片，啖啖肉，加埋黑松露味道更豐富。炸物方面，個人最鍾意芝士年糕，外脆內軟，而且芝士仲係流心。其他炸物都炸到脆卜卜，食落一啲都唔油膩黎到今日嘅主角大閘蟹，每隻大閘蟹有手掌咁大隻，一打開好多膏，蟹膏嘅味道好鮮甜，冒着高膽固醇嘅風險，都要食多幾隻食到差唔多我哋就開始轉食韓燒，肉類嘅選擇都幾多，有牛、豬、雞、羊、海鮮同埋蔬菜。肉類基本上冇乜調味，主要係食佢嘅肉味，

又係食大閘蟹既季節啦！如果要暢快盡情地食，就一定係放題啦！今次係我第一次食大閘蟹放題，但其實我又食唔到太多，所以突登搵一間有唔同美食既夜題，可以一次滿足所有願望！大閘蟹即叫即蒸，因為新鮮才好味嘛！大約一隻手掌的大小，雖然ｓｉｚｅ不算大，只可以自由任食已經值回票價～點單時無分公、母大閘蟹，隨機送上，我吃到的大多是公的，公的膏比較多，蟹膏鮮甜濃郁，還有膏油流出，真是令人流晒口水～單單食大閘蟹當然唔夠喉啦！呢度有其他日式和泰式的小菜和刺身，還有燒肉和串燒，款式非常多，總有一款岩食！焗蟹蓋裡面是白汁和菠菜混成的餡料，可以一試！炸蟹鉗外脆內嫩，啖啖肉的選擇，唔會炸得好油。刺身方面都算新鮮，無雪藏的冰冷感，三文魚亦算厚切。壽司方面小小一件，可以多試幾款，特別欣賞炸蝦壽司，炸蝦還是熱哄哄的。不得不讚的就是泰式小菜，各款現炒小菜非常野味，加入了微微辣味，可說是比外面吃的更出色。燒肉串燒方面亦有多款選，吃完大閘蟹後可以叫店員幫忙開爐準備燒肉，肉質都算幾嫩，牛肉是必點之一，加少許鹽或燒汁燒已經好好味。最後生品方面有雪糕、雪條、糯米滋、蛋糕和o者o喱，小孩子一定非常喜歡，價錢相當化算，而且又可以一次瘋狂食大

得知坤哥.K哥新埸有好野食，同一班老友去支持下，任食生蠔好食新鮮，但班餓鬼叫太多野食了,睇見都飽，有刺身，火窩，鐵板燒，蒸氣火窩，泰式食物，雖然任食，同坤哥講法一樣，千萬不要浪費食物5：30開始收費$188+每位$10，一個花膠雞窩，湯底濃好得有點小館風格K哥又送冰鎮鮑魚試食，正！有鮑魚味，夠淋！中段有個老友想食海膽，一問之下要另叫的，$168一板，可以接受叫吧，份量～海膽味也不錯，最後生蠔還有幾隻餘,班友仔用來蒜蓉蒸發火鍋，好好味，今晚份量飽到上心口，聽兄弟講月中開始搞私房菜，我哋又可以上返來搞聚餐

任食生蠔有海水味鮮任你叫10隻/8隻，加$10可叫個花膠雞窩，真材實料湯好香濃，好味！黑松露刺身帶子好正，食落有黑松露香味，帶子入口即溶感覺，好吃！刺身盆有點燈光，帶起食慾，刺身盆亦很新鮮，不錯的，日本榖飼牛，外表已經靚，食落點食都好有牛味重點這裡可鐡板燒又可蒸氣窩，又可打邊爐，2小時任飲任食，飽到甜品都食唔落了！

今日去左試呢間瀛鮮嘅大閘蟹放題，其實以前都黎過幾次但無大閘蟹，今次緊係要黎試下啦。一坐低叫返個大閘蟹食下先，正！雖然係放題但一啲都唔係求求其其，啲蟹嘅蟹膏好多又好香啲肉亦唔係梅肉，質素絕不會令你失望！刺身就無咩特別，但要讚下個牧丹蝦同三文魚其他燒物都不錯👍🏿推介牛系列。 另外值得一讚係呢到嘅泰式料理，作為泰國fans一食就知正宗，由其是鳳爪沙律同炒通菜，仲有啲點燒物泰式醬料都係同泰國食到嘅一樣！必試呀唯一覺得麻麻就係啲甜品，但整體我俾7/10分

男朋友好鍾意食海鮮，尤其近排係大閘蟹既季節，當然要陪佢一齊黎試下個大閘蟹放題啦🦀原來舖頭有唔少明星黎過，等lift位隔離仲簽曬名添。一坐低梗係第一時間叫我地今晚既主角 大閘蟹先啦。每人叫左兩隻，等左二十分鐘左右，終於蒸熟了😍大閘蟹size唔係話好大隻，不過勝在夠多膏👍👍每一隻都有膏，食到4隻都幾抵呀食物選擇有好多❤除左一般既前菜，小食，甜品，飲品之外，仲有泰式食物，日式刺身壽司天婦羅，燒肉同燒海鮮等等，種類多不勝數。食完大閘蟹，我地先試下個刺身😉刺身選擇都幾多飲番碗暖笠笠既中湯，即刻warm曬，轉食燒肉。蟲草花都幾足料呀，味道唔會太淡，飲完唔口渴👍燒肉亦有不同選擇，肉類，海鮮，蔬菜，應有盡有見到有泰式食物，當然要試埋佢先啦😎叫左炒辣蜆，馬拉盞通菜最後點都要食下甜品既😆我就係甜品櫃攞左榴槤糯米糍，cheesecake，同凍餅特別節目，餐廳有liveband，今晚去係情歌主題，佢既歌聲唔係話好好聽，反而幾搞笑幾得意😆😆👍👍

🦀 大閘蟹放題 (每位$378+10%)秋冬都係食大閘蟹既季節，今次專登黎到佐敦呢間 #瀛鮮 食大閘蟹放題😍😍 呢度主打既大閘蟹真係想食幾多就食幾多，任點任食，絕對係食足2個鐘！除左季節主打既大閘蟹之外，呢度仲有手卷同刺身、呢度有烤爐，可以燒埋野食，串燒仲要自己燒架😚特別有風味！睇我燒得幾靚😍😍😍仲有其他日式熟食同泰式美食、呢度既炸香芋丸好好食！泰式小食仲有沙律同鳳爪烤肉、汽水同甜品，種類包羅萬有，岩晒咩都想試下既朋友仔☺️

冬天將近, 所以我地就趁水尾去左食返轉大閘蟹! 今次揀左呢間放題餐廳, 同平時食開嘅日式放題唔同,佢係有幾國嘅野食, 除左有日式壽司刺身,仲有泰國菜;  韓式燒烤同埋蒸氣鍋,呢排天氣轉涼加上來緊冬天天氣咁凍, 去食返個韓燒或者蒸氣鍋放題就岩哂!岩岩坐底, 服務員就送左一人一碗湯,好甜又冇味精!當然仲有今次重點- 大閘蟹! 去之前都知道而家已經係大閘蟹季尾, 所以大閘蟹唔算太大隻都係預料之內,雖然大閘蟹唔算太大隻, 不過都幾多蟹膏,幾鮮甜, 最重要係可以任食!唔夠大隻都可以食多幾隻補返數!我地當然都唔會全晚只係食蟹, 另外都有試左其他嘅菜色,泰國野: 炒通菜好惹味又唔會太辣,(但注意泰式炒菜都係比較油); 泰式豬頸肉都要大推, 非常之香又唔會太乾;比我地自己韓燒嘅豬頸肉好食好多! 雞肉米紙卷就不過不失,略嫌少少乾, 但份量好大舊, 仲包左好多莞茜, 真係好似出面泰國餐廳食嘅一樣 (出面通常要$60-70蚊一碟);而呢度係可以任食!仲有好多野可以揀, 例如炸蝦餅,泰式生蝦同泰式炒金邊粉等等!好少食到泰菜放題, 鍾意食泰國野嘅人一定會好興奮!食放題當然仲唔少得食壽司刺身, 刺身同壽司都幾新鮮

入門就見到支持環保，每抬$5當然0k，講返食物大閘蟹大约20分鐘上，一打開蟹蓋爆曬糕，馬上食另一邊再叫，每人食左6、7隻，上蟹時間0k，之後叫了少量牛肉焼，都好有牛品，其他我就無食，上蟹前又食左刺身，老友還送了辣子雞試食，我本人覺得不夠辣，可能我食得辣，最後還有三文魚壽司蛋糕送我們，真係好開心，真係好飽，還有現場音樂聽，不錯👍謝謝

話說朋友上網見到雜誌介紹呢間餐廳有任食大閘蟹放題，於是我地就急不及待來試下，希望趕及大閘蟹尾水之前吃一次😊大閘蟹雖然細細隻，睇落似平時三至四両重個啲，但估唔到都幾多膏，唔係一隻兩隻多膏，食左好幾隻都一樣咁多膏😋不過因為開頭寫漏左枱號，所以等左好耐都未上，但店員服務態度不錯，好快幫我地落番單，因為即叫即蒸嘅關係，所以都需要一啲時間，但基本上二十分鐘就有😊除左大閘蟹之外，放題嘅食物種類都唔少，有刺身，燒肉，燒海鮮，壽司，天婦羅，炸物，泰式料理，飲品，生果，甜品，沙律等等。。。刺身都算幾新鮮，一坐底店員就會安排刺身船俾您，很不錯😊因為今次主要黎食大閘蟹嘅關係，放題沒有試很多😂話說朋友上網見到雜誌介紹呢間餐廳有任食大閘蟹放題，於是我地就急不及待來試下，希望趕及大閘蟹尾水之前吃一次）大閘蟹雖然細細隻，睇落似平時三至四両重個啲，不過就好新鮮，亦都估唔到都幾多膏，唔係一隻兩隻多膏，食左好幾隻都一樣咁多膏，啲膏好香好有鮮味，而肉質亦都唔錯，不過因為開頭寫漏左枱號，所以等左好耐都未上，但店員服務態度不錯，好快幫我地落番單，因為即叫即蒸嘅關係，所以都需要一啲時間，但基本上二十分鐘就有心除左大閘蟹之外，放題

刺身賣相不錯雖然食得大閘蟹會膽固醇過高，但一餐半餐就無謂計算在內，盡情食不過都幾鮮味，職員都好細心，每枱有垃圾桶方便食客倒落去，唔駛食到成枱都係飲品種類都算多，如果有添加多點無糖茶類比食客會好些，未必個個食客都鍾意飲太甜飲品壽司及炸物都唔錯甜品種類都幾多，但我最鍾意食都係雪糕，私心別無他說