瀛風 (良景廣場) (已結業)

今晚又再心思思想吃日本餐，反正無得堂食，就去良景市集內的日本當飯外賣專門店買啦！咖喱吉列豬扒豬 - 炸到香脆金黃吉列吉列豬扒一打開蓋香氣誘人，揸得剛剛好好香。咖喱汁另外分開裝，撈飯食真的十分開胃。蒲燒鰻魚丼 - 鰻魚燒得很有質素，燒汁就是那種很傳統的味道。鰻魚肥大鮮甜加上蛋碎，十分和風又好食的丼飯。買丼飯還送飲品，選擇包容青蘋果荔枝綠茶、薄荷荔枝綠茶，清涼解渴又好大杯，大大大滿足。.除了飯，也有刺身、壽司、卷物，也是三文魚頭、飛魚子粒等賣。加州卷卷到好靚，拼砌成花朵形狀，新鮮好食。

入到黎屯門探朋友，朋友帶我嚟到聞名嘅良景市集，喺屯門區嘅掃街熱點，其實裏面係一個街市，有冷氣之餘乾淨企理。裏面發現咗呢間日本食品外賣店，有熱辣辣嘅便當，亦都有刺身壽司。因為天氣開始涼，我哋想食熱野。芝士咖喱牛肉丼，海量芝士係面，每食一啖都充滿芝士嘅味道，飯粒仲有咖喱汁，配搭埋牛肉，好味！滑蛋豬扒丼，滑蛋煮到啱啱好，返到屋企依然係滑蛋，炸豬扒係厚切，食落啖啖肉。叫飯仲可以免費更特飲，青蘋果荔枝綠茶、黑糖薑蜜。芝士年糕、外脆內軟。紫薯甘粟餅，炸到好鬆脆，紫薯甜甜地，裏面仲有粒粒甘粟。

我現時自己肯做飯唱架咋唔肯呀食外賣啦最近真係不停食外賣😂😂😂又係屋企附近搵到間好好食嘅日本嘢鋪面細細但一應俱全刺身，壽司，魚生飯，小食，丼飯全部有今日好想食壽司 叫個拼盤同我最鍾意食嘅滑蛋鰻魚丼真係好好食👍🏻👍🏻👍🏻聖誕節就黎到，佢哋有個Christmas early bird promotion節日唔想煮都係叫外賣㗎啦而家早啲叫仲有優惠。夜晚食咩好，聖誕食咩好。屯門牛可以考慮下👍🏻

今日放工拎野入屯門良景比人， 比完就走，今日心情超差，所以要食返我最喜愛的壽司平靜返自己，太耐冇來原來呢到有個良景市集好多正野食的賣的🤩🤩🤩🤩。比我見到瀛風❤有我最愛的壽司， 款式仲要幾多選擇， 開心食壽司，生氣更加要食多d 壽司， 就係咁我買左一 set 派對 A 和三文魚玉子魚柳卷返屋企慢慢嘆。⚛ 派對 A ～ 三文魚， 蟹棒， 蝦， 芥辣八爪魚， 蟹籽， 北寄貝， 北寄貝沙律，八爪魚等8款靚壽司，壽司即叫即整， 絕對唔係整定放係到，所以食落特別滋味。⚛ 三文魚玉子魚柳卷 ～ 呢個卷物係外邊未食過，佢地都幾創新，用飯包住玉子和炸過的魚柳，在面緊加多片三文魚，一件過放入口，3重享受， 滋味滿分。呢到只做外賣，由落單到拎走我都望住個廚房， 睇住個師傅帶哂口罩和手套整壽司，我都可以安心食用。睇廣播版仲見到有好多聖誕套餐， 價錢都幾抵食，下次可以來買返set 返媽咪到食。今餐食完好滋味，心情都好返d☺

今晚到屯門探朋友，路過良景市集有不少選擇， Nikki 即被鰻魚飯所吸引，決定試下。這家有幾位青年職員，親切熱誠，食物種類不少，刺身、壽司、定食、手卷，價錢較低，抵食。鰻魚丼鰻魚肉鮮嫩，蛋絲，頂層紫菜絲，香嫩又鮮味，配上鰻魚汁，送飯一流。套餐有飲品，雪梨蜜夠清甜芝士軟殼蟹卷軟殼蟹炸得香酥脆，頂層高溫炙燒過的芝士半溶，加上爽脆飛魚籽，夠晒飽肚。灸燒芝士三文魚壽司三文魚半生熟，加上半溶芝士，香滑有口感。灸燒蟹棒壽司 大件又夠鮮味，好抵食

疫情快一年拉，外賣已經變咗我哋嘅日常🤣🤣最近發現咗一間外賣壽司店品質唔錯👍而且價錢仲好大眾化，性價比10分高😍😍屋企附近屯門良景市集，瀛風外賣壽司店，做咗佢哋會員仲有九折添🤩🤩如果唔想行落街佢哋仲有join好多外賣速遞嘅公司添🤭🤭今日揀咗佢哋嘅壽司派對盛，我都鍾意食，吞拿魚非常新鮮顏色仲好靚添🥰🥰帶子超級好新鮮，真係要分兩啖先食得晒呀😋😋赤蝦壽司亦都非常大隻，吞拿魚成日都有腩位㗎，哈哈！蟹籽就是裝到滿瀉，件件都好大件😝😝非常足料！另外佢哋嘅烏冬特別一讚，主動幫我哋分湯，而且烏冬非常彈牙，另外加咗原味泡芙做甜品🍮邪惡一啲就可以揀佢哋嘅炸物拼盤，炸蝦、炸芝麻雞翼都非常出色👍👍好食過好多壽司店添另外佢哋仲有Pack好咗嘅小食可以揀，仲有三文魚頭三文魚骨可以買返屋企煲湯或者氣炸都係一個錯嘅選擇🤤🤤啱啱發現佢哋聖誕有派對餐，仲可以安排送貨㗎！今年聖誕party就揀你啦🥰🥰

晚上六點後禁堂食又嚟過😅😅唔緊要啦！最緊要快啲清零🙏🙏就係屋企附近搵嘢食😝喺良景市集真係好多間食店呀😬😬一嚟就畀呢間 瀛風 吸引咗！因為太耐冇食日本嘢🤣🤣旅行有冇得去🐷店舖細細，選擇都唔少！除咗壽司🍣刺身、烏冬、丼飯、飲品、乜都有！店員仲好有禮貌添👍點咗佢哋嘅派對壽司盛b，全部都係我最鍾意食嘅item🤩🤩帶子非常之厚，食落仲好鮮甜，三文魚應該係佢哋自己劏㗎，因為我見到有好多頭頭尾尾可以買嚟煲湯呢赤貝、鰻魚、吞拿魚、甜蝦都係我嘅至愛😍😍而且仲好大件添，唔會話細細粒追加咗佢哋嘅炸物拼盤，有兩隻雞翼、兩隻炸蝦、三粒帶子同埋忌廉蟹肉餅！最出色係芝麻炸雞翼😋😋肉質好嫩滑添另外老公想食飯，就叫咗個鯖魚丼飯，好抵呀38蚊有埋要飲，配埋檸檬同沙律醬好專業呀😆😆抗日期間又多咗間好選擇啦😀而且價錢仲好抵👍

在良景邨的良景市集，入面有很多熟食店，今次我就買了壽司外賣回家。⭐️芝士軟殼蟹卷 $56、芝士飛魚子豬扒卷 $32想不到在這屋邨街市也有如此高質素的壽司卷。材料足，有原整的軟殼蟹及豬扒，也有飛魚子的點綴，賣相精彩又吸引。芝士軟殼蟹上面的芝士片略略燒過，焦香熔絲細滑柔軟，加上飛魚子脆脆的口感，味道口感層次豐富。⭐️滑蛋牛肉丼 $56 真滑蛋！保留了雞蛋的滑及濕潤，伴著肥牛食更加滋味。牛肉份量也不少，不會太肥，片片肉好滿足。買任何一個丼飯都連飲品的，因為天氣凍所以我選了熱的雪梨蜜，清甜潤喉很滋潤，如果買返給長輩這個飲品十分適合。當然也有罐裝飲品、日本入口的果汁等等。在屋村的街市而言，這個質素確實是有驚喜。

今日早收工經過呢個小店，難得唔算多人就試試，因為之前夜晚經過會見到都多人等緊外賣。第1次咁仔細睇D餐牌，發現原來細細間鋪但有好多種食物選。除左有刺身壽司沙律之外，仲有丼飯、烏冬、咖哩、各種小食。佢手卷立眼睇都有成30款以上👏原來夠$250就可以免費屯門外賣tim。叫左個滑蛋鰻魚丼$68，個飯都算幾大份， 而且鰻魚燒汁好夠，可以完完全全撈飯👏 個鰻魚都好夠味唔會乾巴巴。原來叫任何丼飯，都會包埋野飲。免費包既仲要唔係普通野，仲要好大杯! 有青蘋果荔枝綠茶， 薄荷綠荔枝綠茶，而我就要左杯菠蘿草莓綠茶。不過呢杯可能菠蘿好勁，個人覺得有小小甜。卷物呢就要左三文魚玉子魚柳卷$48 & 芝士飛魚籽豬扒卷$32。其實cp值真係好高，每樣都有6件，仲要大大件👏三文魚玉子魚柳卷好厚實，三文魚都好厚身唔係簿片，同埋都好新鮮，一啖放入口真係啖啖好紮實。而芝士飛魚籽豬扒卷上面既芝士飛魚都好充料，勁惹味，食落口入面既豬扒皮好脆口，而且唔乾身👏一樣都係好札實，好夠飽。由於係即叫即整，所以都要等陣10分鐘左右，期間仲見到有D四十幾蚊既套餐，有5件壽司+小食+輕食，真係好抵又好味，CP值十分高💝

🔺瀛風小編最近行完山經過良景市集😗呢度有好多小食店 真係花多眼亂最後揀左瀛風醫下肚😉壽司全部即叫即製 送到上黎D飯仲暖暖地😀😀😀.個人推介星期一至五2:30到5:30嘅下午茶set😙套餐有壽司 小食同輕食👍🏻價錢都係$42-$48 好抵食！正呀！😛.火炙壽司燒得好香！😍小編仲叫左三文魚手卷同芝士軟殼蟹卷！😗手卷嘅魚生份量都幾多 食到底都仲有😋😌芝士軟殼蟹卷物口感豐富 好好味呀😚😃

良景邨不嬲以宵夜出名，最近越開越多種類～有泰式有台式，連即叫即整嘅日式都有！今次一於試吓啦！估唔到鋪仔細細本Menu有咁厚咁多款，有驚喜！除咗一般刺身壽司之外，仲有丼飯同埋手卷，今次叫咗一個派對set同埋試吓佢個芝士玄殻蟹卷，蟹子壽司佢係多到滿瀉，蟹棒都係大大條嘅！不過包邊嘅紫菜就淋晒。其實我哋攞完外賣都差唔多係即刻食，呢樣野有待進步！另外嗰個芝士軟殻蟹卷味道就唔錯啦！不過一拎起就散開，唔緊要嘅！反正我哋都係用手食！free style~ 當日都幾多人一齊叫外賣,舖頭人手有三至四個左右啦,都要預留時間!

估唔到良景市集有間咁高質嘅日式小店，餐牌選擇好豐富，丼飯烏冬手卷壽司小食乜都齊晒，而且仲開到好夜，附近街坊真係有口福見到雪櫃啲魚生都幾靚就叫咗個四色丼($56)，三文魚同油甘魚外表充滿光澤，油脂豐富，口感柔軟細膩，海蝦好鮮甜，蟹籽份量再多啲就好啦，叫丼飯仲有野飲送，我揀咗青蘋果茘枝綠茶瀛風卷($54)睇個名就知係招牌貨，其實就係炙燒三文魚卷，最特別係除咗沙律醬之外，呢到仲加咗少少麻辣醬，食落估唔到又幾夾，令三文魚油脂口感更加提升小食叫咗兩樣炸物試下，即叫即炸關係所以要等耐少少，蟹肉忌廉餅(+$15)外脆內軟，餡料好飽滿，口感綿密，七味唐揚雞($20)炸得啱啱好，香脆多汁

良景廣場入面有不少美食，瀛風位於較中間位置。小小店舖由幾個年輕人主理，播放充滿活力音樂，店舖可以立食或外賣回家，點了不少日式美食回家吃。瀛風卷$54：外層有灸燒過三文魚腩，配上沙律醬同少許辣椒醬，包住入面creamy三文魚腩，味道層次夠豐富。炸三文魚皮$16：回到屋企仲係微暖，保持香脆口感。最鐘意魚皮連少少肉部份，香脆得來鬆化。而且每條魚皮size剛剛好，點少少旁邊沙律醬，忍唔住一條接一條魚皮。蒲燒鰻魚丼$60：一打開蓋就聞到香濃蒲燒汁味，表層有紫菜同蛋絲，鰻魚份量亦不少，撈埋飯食剛剛好。跟餐有免費青蘋果荔枝綠茶，顯得性價比高，而且味道清新！

今日唔想出街但又想食吓日本野，朋友介紹話有間超級抵食既喺附近，咁就叫細佬做外賣仔去外賣自取一份返黎試試佢，一睇個餐牌果然係勁抵食😆仲要超多款式，好正😋咁就試左兩樣炸物，炸雞同蟹肉薯餅都係即叫即炸，送到返黎仲熱身好脆口，絕對唔輸出面堂食既日本餐廳，重點係平勁多但個份量都好足👍🏻👍🏻另外想食下飯又唔想食一碗碗，所以就試左三款反卷，推薦軟殼蟹卷勁足料，隻蟹爆晒出嚟仲幾脆口😋😋明太子炸豬扒卷同加州卷都唔錯，加州卷勁清新可以平衡返咁多炸物👍🏻

呢個幾星期唔知咩事, 硬係按耐唔住自己想食加洲卷既慾望今晚放工搭車時, 條癒又起為食但又懶惰既我, 唔想周圍去所以就決定番到屋企附近搵搵加洲卷影蹤爭X壽司-->無八X屋-->無惠X超市-->有, 但見到佢個樣勁屁, 直接放棄最後希望就走左入良景市集既瀛風係有架! 仲要即包好新鮮!好一個海底撈月! 2話不說就買左2款壽司返屋企慢慢嘆嘩~~~幾靚仔~~2個比較起黎, 炸蝦卷好似比多幾蚊就有隻蝦, 抵食D但我就係鍾意加洲卷簡簡單單既配料同感覺,當然炸蝦卷都好出色啦, 蝦係即炸即包, 皮脆肉嫩,好多壽司店都無佢呢個質素其實佢開左咁耐, 今次係我第一次幫襯以後壽司毒發作, 我搵到救兵了