瀛舫 (已結業)

見客三人組又再出動，這次開會的地點在土瓜灣，於是在見客後找個地方吃午飯。記得有個朋友跟我說，女士們比較愛吃日本菜，雖然不知道這個說法從可而來，但是再一次說中了，因為兩名女士異口同聲說想吃日本菜。走了一條街，看到這間餐廳裝修好像不錯，便進去了。午市時間，一人點了一個定食，主菜跟沙律小吃及麵鼓湯。一口牛定食我呢，點了一口牛定食。上菜的時候用鐵板上，熱辣辣的放在面前。牛粒用蒜片爆香，煮得剛好，不會太老亦蠻鬆軟。蒜片炸得香脆，連同牛肉粒食非常恰當。最後雜菜做配菜，減低油膩感。雖然是配菜，不過吸有牛肉粒嘅味道，非常野味。什錦魚生飯同事F點了魚生飯，有三文魚、八爪魚、蛋、甜蝦、蟹子等，七彩顏色，單看賣相也吸引。魚生份量不少，滿滿的蓋在飯上，同事說魚生挺新鮮。鰻魚定食同事K叫了鰻魚定食，鰻魚的醬汁做得不錯，醃得甜甜的挺美味，對比其他日本餐廳，少見於鰻魚底墊蛋絲，好像蠻有心思的。飯後還有甜品送，十分十分之滿足。最後同事K請客賣單，為這餐加了個非常圓滿的句號，哈哈。

有朋自遠方來，中學時好友從加拿大返黎，約埋幾名舊同學敘舊。昨日同學揀選呢間，話佢平靚正。Cool 下午1：30分到，因訂已有4人位老友点菜先黎啫喱梅酒，賣相超得，好Q芝麻鯖魚+蛋黃呢個超正，除左鯖魚新鮮，加埋芝麻及用蛋黃做汁後，更加帶出鮮味，一D都吾腥燒黃金蝦+海膽及蛋黃呢個又係一絕，大蝦配上海膽＋蛋黃先燒，味道襯到無論，原全帶出大蝦鮮甜味我寫多樣，就係呢間舖自家創作嘅迷理壽司，賣相已相當吸引細細件，但面頭嘅料超足，如明太子，帶子，吞拿魚及海膽等，非常新鮮x2,加上賣相及創意，我俾爆燈此行係我最深刻印象之日本餐廳，估吾到係紅磡遇到，返啅指數，爆分

去土瓜灣吃日本菜，每每都想起某一間，經過今天卻不同了。那天晚上和個女人去到土瓜灣話吃日本菜，但之前我已經覺得某間麻麻了，不想再去。行多一會見到間外表不俗的日本料理，於是便入去一試。入去後，裝修不俗，很有日式風格，坐後見到個 "灜舫2人前" 的菜牌，眼見不俗，連甜品有8樣食物，好！就叫啦。1. 有意大利風小貝柱沙津：不是一般的沙津醬，是用上意大利黑醋，柚子汁，小元貝。黑醋的陣香，加上柚子的清新，搭上小元貝，再加上小小的黑松露。帶出了一個新層次。可以是餐前醒胃之首選。2.特選刺身4點：三文魚、鱆紅魚、帆立貝、甜虾，什樣好吃不用說啦，只要是新鮮便已足夠，但這裡不但新鮮，更加是厚切。真係大大件，夾底食。3. 三文魚親子卷：厚厚的三文魚，加上大大粒的三文魚子，一起放入口中，三文魚的鮮味和三文魚子的油，在口中連環爆發。Good Job。4. 牛油燒大虾：他們用了鐵板上，未來到面前在老遠已聞了大虾的香味，隻虾已切好了一件件，放便食用，我馬上啜檸檬汁，鐵板隨即又 "咋" 多幾野，另到 "虾氣" 更香，我馬上即刻夾下馬上吃，隻虾新鮮彈呀，很有虾的鮮味香味，個虾頭更是一絕，我更吃下虾殼貪佢夠香脆，不要看小

用TableMap訂枱，入到去等左1分鐘就有位喇。呢間係有同事之前係facebook打過卡所以先去試下~入到去睇到個菜單，唔，覺得d價錢都係偏貴，不過唔緊要啦，可能貴野好食d都唔定。食物份量唔多，味道ok，但以上五樣野差唔多六百蚊，坦白講就未必係咁值。

依間餐廳開左一段時間我來試下....每逢星期三有每人一隻生蠔送.生蠔 ($0) - 南非生蠔細細隻, 都幾新鮮! 免費既唔錯鰻魚炒飯($68) - 份量小, 女士食都未必夠飽! 味太淡油太多...照燒雞扒烏冬($42) - 烏冬爽滑, 湯太咸, 雞扒味道OK但雞肉比較"鞋"...三文魚壽司($7/件) - 手握壽司, 三文魚都算肥幾新鮮...可以算低食... 蔥吞拿魚軍艦($12/件) - 紫菜夠脆, 吞拿魚容唔夠碎,有D仲係一粒粒, 味道還可...劍魚腩壽司($14/件) - 好新鮮夠肥美, 食落口好滑好油好香, 好有心思魚肉面介十字花...加洲卷($28/4件) - 太多沙律醬, 味道好一般, 同超市買個D冇乜分別...埋單有九折,整體上冇乜驚喜, 好落本既裝修, 感覺好高檔, 但食物比一般日本餐廳冇乜分別!唯一係星期三有生蠔送!