影片
相关文章
第一次写食评，老实讲，唔系真系超级识欣赏食物。净系可以话俾人听好食唔好食。呢间餐厅好耐无人写过食评！而我就第一次黎呢度食附近番工，就周围食下野！今次呢到呢个熟食市埸！$26，肉燥鸡扒捞拉面 连 冻珍珠奶茶本身想食盐酥鸡肉燥饭，不过2:15黎到却已经卖哂饭。呢度无下午茶餐，选择亦唔算好多！「今日推介」就有5个餐！食落D拉面酸酸尾尾又几开胃，食物客观D黎睇，其实唔系一食难忘，但呢个时势，$26你求D咩？我觉得物超所值。而个珍珠奶茶本人觉得好味过贡茶果D，饮到茶味之余，果浸甜味又唔系贡茶果种好突兀唔夹既果种甜味，珍珠爽口弹牙又唔太黏韧。最最最加分既系，老闾上餐时，会有温馨提示，呢个饭餐既特别地方，自豪地标榜一下无落味精，用料上盛，所用既茶引以自豪。我觉得，唔系骄傲，而系对食物既一份热诚同执著。今次亦送左盐酥鸡俾我试下，再加几句，最紧要食得饱，食得健康！当中亦有听到佢对唔同食材既一D闲聊，感觉佢应该对食材都好了解，点样好点样唔好，而佢就追求新鲜，唔落防腐剂等等。即整即食，仲笑言「有次有D客埋黎问要等几耐，佢就话唔等得就唔好食，呢度样样都即刻新鲜整俾你」单单系佢既热诚，仲亲切，已经为食物加加加加加好多分 附: $26基本上佢话转乜都得，面底可以转，转出前一丁都唔洗加钱，汁茨可以转，叫饭/河粉等等，叫佢加多D都得。
继续阅读
又嚟呢个熟食市场,见到个招牌以为有D日式食品,但系俾个招牌呃咗,午餐有5款,成个星期呢款式都set好,当然以港式为主台式就有D,日式就欠奉,呢档最近厕所位,虽然都隔咗几十呎咁远但仍然有D味,所以做外卖多,堂食就得两三张台,多数系学生妹帮衬.今日食咗个炸排骨肉燥饭同椰汁珍珠奶茶($22),响呢度最贵嘅一餐都系咁平而已.椰汁珍珠奶茶有椰汁味无茶味,珍珠亦少,炸排骨竟然系新鲜炸起或者番炸,入口热辣辣又够脆口,好正!肉燥都几好味,出乎意外!.呢个熟食市场午市只得5档,现已食咗4档,下次食埋个档就嚟个总结.
继续阅读
上星期有晚要开会开会前食定饭打底记起同事话呢度d饭餐抵食又叫左黑椒蘑菇鸡扒饭跟茉香珍珠奶茶送埋外卖都只系20蚊果然系抵食相信因为系晚饭时间所以等左唔驶十分钟就有得食黑椒蘑菇鸡扒饭既黑椒汁份量多,够捞饭,但蘑菇就无晒影,鸡扒切碎上易食,味道一般茉香珍珠奶茶较甜无茶味服务一时时有时几有礼貌但之前试过叫面食有阵酸”叔”味
继续阅读