濱松町日本料理

营业中

休息中

受惠於九龍站上蓋住宅的高消費力帶動,渡船角八文樓一帶漸漸發展成食街.比起山林道更優勝的是,這邊比較容易泊車,故此筆者倆口子也經常前往揾食.著名食肆如老趙越南菜,棠記腸粉及重慶燒等,每晚例必座無虛席.而比起這幾間,筆者更喜愛在文苑街的日本料理--濱松町.濱松町討人喜愛的地方,在於其價錢實惠得來,食物選擇又多.跟筆者上一篇介紹,大角咀的京都居食屋一樣,同樣是街坊格局,同樣有電視播放.但食物質素方面濱松町則更優勝,當然價錢亦是濱松町比較高.小店的座位比較窄,枱面亦很少,店內坐滿人時若果要上洗手間,難免要側身正面,不斷喊"唔該借借"才可走動.服務員主要是係老闆娘一個,態度非常友善.筆者成年無去,去到佢都仲認得.這就是小店的人情味,連鎖店永遠學不來.食物方面,鹽燒牛舌和廣島石蠔鍋基本上是必點孖寶,剩下的再點少許刺身便足夠.鹽燒牛舌 HKD48--每次來濱松町都一定會點鹽燒牛舌,誇張點說,真的是我在香港吃過最好吃的串燒牛舌.有圖片為證,牛舌足足有三支竹籤的厚度,也就是大約5-6毫米厚.如此厚身使得其牛香味特別濃,表面只需灑上少許鹽和黑椒作調味,已是一道上佳的美食.廣島石蠔鍋 HKD75--廣島石蠔

時間趕會令人選擇錯誤，大家會否認同呢？晚上十時去食日式料理嘅選擇唔多，心想早點吃完回家休息，我唔習慣太夜食晚飯，知道附近渡船街能有著落，不久到達見到渡船角～日本料理，在門口二選一猶疑咗一陣，隔離係串燒聞名亦曾食過唔錯，始終想去試其他便勇於試試最終失望而回，離開後老公亦擰擰頭怕怕!我先講講環境，鋪內有一大部掛牆電視給客追劇，大部份客都在飲啤酒睇電視，只有一位女士招呼客人！店子面積小雜物頗多感覺似茶餐廳! 點選定食套餐，刺身、卷物及料理～先到係前菜蘿蔔只有鹹味道，麵豉湯飲落像jusco買即沖的，繼後有榮螺，與圖片很大分別，吃上後老公話係急凍螺肉，一個定食先到吉列豬扒定食，炸豬扒顏色頗深，仔細看用了太多粉裡面只有薄薄豬扒吃上感到全是吉列粉，然後來了黑松露芝士焗帶子，熱乎乎香噴噴帶子配上芝士及黑松露終於味覺有福享，老公的照燒雞扒定食才奉上，但雞扒充滿雪藏味難以入口，最後才到福神卷，賣相完全與圖片不相符，放太多沙律醬蓋過其他味道欠缺平衡！用餐過種程中亦聽見食客討論播放電視中劇情邊食邊看著，也不得不承認店子很有家庭感覺，吃完便立刻急急離開回家休息！

太開心了~小妹生日朋友請吃飯來了這裡因為朋友常來,變了熟客我第一個到,沒什麼人....先拍拍環境不知道是不是老闆娘的人很好問我要不要先喝個湯是FREE的可是我怕吃不到之後的美食,沒有要哇!我的朋友都太愛吃4個人吃那麼多生蠔和帶子都很鮮甜羊架也很好吃男生不夠飽~叫了豚肉飯太貪吃~又叫了黑松露燒蠔不過真的好吃肥也沒辦法最後當然是我的生日CAKE~這是海鮮....燒....忘記了~

除夕倒數，很難找餐廳食，就好早咁入左呢間濱松町，七點多還沒有很多人，我們順利入座。全部野食名都好特別，所以唔太記得....食左一個牛肉拉面，拉面好味，爽滑彈牙。鰻魚卷(日本年糕夾心): 呢個好特別，都好味，搞到我好想再食。乜乜黃金屋:蛋同蝦的組合,好味，但比較甜，還是很創新，不錯。六隻珍珠蠔: 好似要成108蚊，見到個蠔真係嚇親，好似發育不良咁，一早知係咁一定唔會點。吞拿魚拖羅: 呢個真係一定唔再叫，價錢係338, 得五件，size好似"式仔"咁！本身拖羅幾百蚊都唔出奇，但佢既size奇少！真係唔可能收人幾百蚊食咁樣既野！味道唔係話差，但絶對唔係話貴價0個d！呢個好失望。sake: 我們點了108蚊一支的，好好味！燒牛肉粒: 這個不過不失，有些好嫰，有些較老。加洲卷: 好味的, 但沒有太大印象埋單千二，位位300！其實如果冇點個超唔值既拖羅，同埋發育不良既蠔，價錢都唔貴。要講既重點野，係, 你食得呢度，真係要預左等，每樣野要等起碼三個字至半個鐘！次次食完一碟細細既野, 例如鰻魚卷...每人一件，到喉唔到肺嘛，但0係好肚餓好想等野食到之時，等極等唔到，真係好激氣，我諗我地坐左兩粒鐘，等既

老闆娘態度良好友善, 但係上菜速度極慢, 慢過去飲一上枱有火, 真係好新奇怪, 好味類似西多士之物, 兩層蛋同兩層魚組成.好味鰻魚同年糕卷埋一齊, 好味冬菇上面釀左D肉碎, 好味全日焦點, 勁好食

今日去左天水圍，約左住元朗既朋友山長水遠出去佐敦渡船角濱松町試下，book左位。嘩，原來間野好細間，30多個位罷，好擠迫。間野好細又少位，渡船角附近又冇乜日本野選擇，難怪要人出面等位。千祈唔好以為店舖有人排隊就一定係好野，我之前係日本及本地”領教”多了。最慘係竟然要辛苦焗住坐成3小時才可離開。坐低後，由普通胃口，等上菜等到--> 好肚餓，再等上菜等到-->餓到冇乜反應了!! D野幾經辛苦才上一道菜，令我無哂心機，亦忘了影相。期間只好睇TV，好無聊，考察我耐性。一早Ordered左既野食要: 等呀~等呀~等!!!!! 千呼萬喚下，竟然係先上熱食，最後才上刺身! 仲要平均25分鐘才出現一款以下食物:1. 鈇板燒牛舌: 厚身但不夠香，應要燒耐些燒香口d。味道一般，好似只是食”beef”而已。2. 清酒煮蜆: 好淡，冇酒香。3. 燒雞: 雞肉”鞋”，唉。4. 燒鱈魚: OK啦，鱈魚本身是滑的，好難會弄致”鞋”吧! 去出邊四周都食到，必滑。Nothing special。5. 三文魚及甜蝦刺身: 都新鮮，但真係冇乜特別! 講真，情願係元朗食日本野仲好食又抵食佐敦呢間野，順便方便朋

本來是想到前兩間店舖吃日式燒物的..可惜今天晚上有客人包了場.. 所以行前了少少便在這家餐廳進行晚餐了!這裡地方細少.. 感覺也很迫.. 連移動也有點困難..環境雖是不大好.. 但食物方面竟然是不錯的.. 牛肉味道香濃.. 沒有筋.. 亦不(韌).. 不錯..鍋物味道濃郁.. 材料新鮮.. 不錯..焗蠔味道更是好.. 入口時還是熱的.. 不錯..但相對壽司來說.. 熱吃的會好一點.. 整體來說是好的.. 會再來嚐試其他食物!

提早跟媽媽慶祝母親節，晚上到尖沙咀接她放工。明明是母親節飯，但媽媽竟然問我想吃什麼母愛真偉大。我說想吃日本菜，因為已經很晚，於是媽媽駕車到佐敦，帶我來到了濱松町。點了水母刺身、釀冬菇、辣酒煮花螺、照燒銀鱈魚和三碟壽司，最後還追加了蜆仔飯水母刺身 : 媽媽從來不愛吃未煮熟的食物，因此這是我獨享，真有點慚愧從前未吃過水母刺身，口感是爽的，有點像不硬的雞軟骨，配搭微酸的醫汁真的不錯壽司 : 我只吃了三文魚，三文魚紋理不平均，賣相有待改善。味道普普通通，但至少是有魚味的三文魚照燒銀鱈魚 : 一向最喜歡銀鱈魚滑溜的口感。值得一提的是我從來不吃魚皮，因為感覺很腥，而且口感很噁心，但媽媽說這裡的銀鱈魚魚皮很好吃，我嚐了一口，的確很脆很鮮而且完全不腥辣酒煮螺 : 中規中矩，螺不算多，湯不算出色，但至少螺無沙（但媽媽說有）釀冬菇 : 這是媽媽的推介，果然很美味！冬菇是軟綿綿非燒到乾爭爭的，釀的餡料是很碎的魷魚，口感很特別蜆仔飯 : 媽媽和我都覺得有點過咸了，而且飯焦很多，我咬到牙痛不過蜆仔還算多最後還有甜品送，可以選擇雪糕糯米糍和綠茶大福，我和媽媽都選了綠茶大福，只能說「免費的就不能要求太高了」。不能全

今日去開油麻地探朋友,走時記得有一間日本野在渡船角於曷同老公走左去食我地叫左個刺身拼盤 辣肉蜆仔飯 串燒拼盤 杜庭烏冬 ....仲有個瑩光魷魚 我記得o係好耐之前食過幾次都好好味今次都唔錯無退步到...仲多左好多新野添可惜我最鍾意的希靈魚無貨丫...唔係就算完美了不過個刺身拼盤都好新鮮 d牡丹蝦都好大隻好甜瑩光魷魚d味怪怪地...係咸的,我就唔係好岩 但老公就岩食,烏冬係老公的至愛 係哩個最好食 份量細左少少 係個飯咸左少少,其他都俾滿分可惜真係太飽 想試下個火燄帶子都食唔落了 埋單都係四百幾蚊. 又唔駛我俾,當然覺得抵食啦

朋友C是這裡的常客，要不然真的不知道有這店。是夜一行三人，點了大刺身，和牛刺身，劍魚腩，火焰帶子，鐵板牛柳，海膽壽司。。。主菜是三枝大SAKE!!!!　哈～一人一枝～說回食物，其實質素真的一般，在我而言，嚴格點說，不行!!!不過兩位朋友也說可以～　那真的各有各口味了!!!刺身，算不上新鮮，三文魚沒有魚味，北寄貝可以，海膽一般，比元綠好味一點；還有油甘魚，帶子，希靈魚子，甜蝦，八爪魚, etc... 一般貨食吧!A5和牛，吃不到有什麼味，只是吃它配的醬汁，不吃也罷～火焰帶子，朋友喜歡，還是那句，各有各口味吧！牛柳，　沒有吃，因為太飽了，吃不下。。。價錢不算平宜，但相對份量也頗多，特別點的有水母刺身!!　不過沒有嚐到其實，兩杯到肚，注重的，還是高興吧。。這裡其實是酒場多過食店，有骰盅，有UNO....喝SAKE喝醉，第二天也沒那麼頭暈，也倒不錯！順帶一提，老闆娘很熱情風趣。。。哈～

本來打算去對面的青亭晚飯, 不過因為沒位又要等所以就入了濱松町.見它門面裝修都不錯, 而且有個看起來好豐富的套餐...二人套餐 ($190):醋味前菜三文魚刺身壽司拼盆炸豆腐七味燒三文魚骨照燒雞柳牛肉火鍋烏冬甜品 or 特飲...好似OK, 不過...點解會咁架?! 以下係同女友食完之後既評價, 要改改個menu的菜名先得!醋味前菜 (這個不用改名...竟然最好吃是這個)三文魚刺身 (五塊... 合格)壽司四粒 (四粒都可以叫拼盆???)炸百福豆腐 (點解咁似百福既~)油浸三文魚骨 (好油...好咸呀..~)七十一燒雞 (難得難得! 竟然一d都唔滑, 仲有少少焦皮)牛肉火鍋 (咁個湯底最正常, 合格)出前烏冬 (個湯底咁似出前一丁豬骨湯底既...? 仲要一個烏冬兩份食, 兩口就吃完~)南瓜露 (一試難忘, 飲了兩口, 難忘了兩回)超濃縮青蘋果特飲 (超濃縮超濃縮超濃縮, 底部的更濃縮, 同樣是一試難忘)可取之處是老闆娘 (街坊叫佢靚姐?) 幾好人, 同埋會有小妹妹幫妳慢慢慢慢收碗清理.山長水遠由屯門出來吃晚餐, 最後食到好似屋企咁既味道, 丫~

其實間野都幾貴，質素好一般，不過勝在老板娘夠熱情，招呼周到，食物方面，其實好多地方都食得到，而且搭車去又麻煩，比我唔會專登去食，食過你就知不外如事。

本來係想幫襯附近果間腸粉店,但居然去到無開鋪,咁就鍾左入去呢間啦~雖然地方細細, 但服務幾有禮,一坐低就好詳細咁介紹左幾款菜式,我地結果order左蟹籽沙律手卷,明太子釀燒冬菇,醬爆雞肉鍋飯同一個類似蝦多士既小食, 再加上送既蟹籽沙律,麵豉湯同雪糕蟹籽沙律手卷--好大卷, 紫菜唔臨(記得一次係元氣食手卷, 紫菜太臨,結果痴到我個咀流血><),飯有醋味,d料亦一直去到底都有,幾好明太子釀燒冬菇--好香口,冬菇亦唔會乾爭爭醬爆雞肉鍋飯--好多我唔鐘意既青椒同洋蔥,加蛋之後飯帶甜味,雞肉就厚左少少蝦多士--其實係蝦肉同玉子做成既炸三文治, 蝦肉幾鮮味,加埋玉子食好得意又唔會滯