濠苑茶餐廳

营业中

休息中

度假期間竟然失眠,凌晨4:30看著花墟商戶如何卸貨,愈接近清晨愈加熱鬧,清晨六時已有客人在買花了!!同時看著這家茶餐廳亮燈開閘營業,很有衝動跑過去成為其第一位顧客!最後當然只有空談,不過仍在這家幾乎隱沒在花海的茶餐廳吃午餐再逛花墟。全男班的顧客沒令我和大人卻步,但坐下才發覺極迫狹,尤其當一眾正為花墟球場工作的叔叔伯伯工友來吃午飯時,情況更為墟陷!要不是比他們早來一分鐘, 我們定必另選地點,因為叔伯們都是中氣十足的。餐牌沒花園街那邊的茶餐廳多元化,都是蒸餸小炒為主,是日幾款午餐不感興趣,決定單點兩款更合心水的炒粉麵。雪菜肉絲炆米碟頭不大但熱乎乎的,大人說廚房大哥真的會煮炆米,不是一般餐廳如少水版湯米粉或乾炒米粉般去處理,真的有用心機慢慢去讓水份收乾,只是正值午飯高峰期,未能炆得更長時間,但水準已是很不錯!水份濕潤度剛好也夠入味, 這才算是真正的炆米技巧。 干炒海鮮烏冬同是炒得很有鑊氣,每條烏冬邊也有點焦香,慢工出細活而不是亂炒幾下就上碟,醬油剛把麵條沾滿表面但不過多,利害!!每隻蝦仁大大隻,吃來爽口是用了鮮蝦嗎??魚片100%是鮮魚,因為有魚骨的!細細的幾片但很彈牙,並不是用上日本魚蛋或

上星期日我與未婚妻光顧這間茶餐廳,之前曾經在這間店舖食豬扒包,味道的確不錯,所以早上再次品嘗一下這間舖的早餐.我叫了一份蛋牛麵,但味道很差,湯底很重味精,食落囗要不停飲水,而且牛肉仲係生的完全未煮熟.最重要係職員態度極差，叫佢落單仲調轉個頭呼喝食客，好似自己係老細，令我完全無心情去食早餐,我發誓以後一定唔光顧！

今日去完church又係好趕時間，不過又係非常之肚餓，所以係附近求其搵d野食之後就可以拿拿聲走啦。之前經過見呢間好似幾多野食咁，就入去左啦。嘩，入到去人山人海喎，而且仲keep住幾多人出入，睇黎真係唔少街坊幫襯呀。好多雀籠掛左係度，個感覺好得意呀。原本想叫D茶餐既物體，不過佢全部都係下午茶至有，我地又未到下午茶時間喎，所以就放棄左啦。最後叫左個午餐加份餐蛋治。餐蛋治好大份好足料架，D蛋超厚!! 雖然唔係好滑，不過咁大份都好正呀! 但相對餐肉就變得好薄... 哈哈，有OK香既牛油味，食完都飽左唔少啦。午餐有 3 款選擇，我地要左蓮藕炆排骨。又係份量頗多，D蓮藕炆得好好食呀，粉粉地，好淋好入味。D排骨好多肉，而且一D都唔UN，又係入哂味，唔錯呀。仲有個西洋菜豬骨湯，唔係味精湯，又有菜食。價錢當然唔太貴，兩個人食左$40，食完拿拿聲走，因為真係好多人黎食呀。

星期六, 是初一, 即是要入佛堂啦. 不過, 就唔駛咁早入. 一放工, 就走去陪女友及其姊妹, 去花墟幫手買花....(做點事, 積點功德). 未食野的我, 就找個茶餐廳, 醫好肚再入花墟會她們. 不過, 一早知道花墟有間茶記, 就一同行到花墟, 我又開始尋找隱蔽的食肆了. 行到近園圃街, 就是這間, 若以前不是到太子道阿姨屋企, 從不會行路經過. 坐上車上, 雖然是大街大巷, 呢一列鋪頭, 若有其中一檔非花販, 門口都被花販佔用了, 根本不會看得到.未入門口, 就發現有兩個伯伯每一捧住一籠雀, 係茶餐廳行出黎. 近雀仔街嘛, 應該不少雀仔老人, 亦半期待地看看這裡是否一個像舊式茶樓般的雀鳥樂園. 不過, 肚太餓, 先往牆上大字報看, 點完餐才發現店內最後一個玩雀既伯伯食飽找數, 拍不到雀仔, 就拍下天花版, 真的有幾條Bar, 而這幾條Bar, 就是用來掛雀籠的. 若是朝早來食早餐的話, 相信會是一個雀鳥天堂.該說食物了, 沒什麼想食便點下一個干炒牛河. 這是他們的下午茶中式粉麵餐, 20多元, 經濟抵食. 香噴噴的端上來, 感覺到已是鑊氣十足之作. 河粉炒得條條有光澤, 兼彈口晶瑩

昨天跟同事一起去花墟買點野, 附近就只有這間茶餐廳, 入到去唔太光猛, 同事叫了咸魚雞粒炒飯, $30, 炒起想黎幾乾身, 同事話幾好味, 我唔太想食野, 又未到下午茶餐時間, 於是見餐牌有個我未食過既叉燒治, $10, 麵包薄薄, 叉燒也是薄薄, 無乜特別, 另叫一杯茶走少甜, $11, 舊式果然舊式, 又香又有茶味, 唔錯!