濟州燒肉食堂

营业中

休息中

今日同朋友慶祝生日， 朋友是韓燒愛好者，今日同佢食濟洲燒肉🙂餐廳環境舒服開陽，望住個海景，心情都特別好😌一坐低，服務員已擺低左幾款前菜，有泡菜，芽菜，海帶，酸蘿蔔，仲有兩個邊爐泡菜蛋 和 芝士粟米🌽 食燒肉當然不能缺少的梳打飲品 ， 叫左梅子青檸梳打和荔枝梳打 酸酸甜甜 好開胃🙂豪快黑毛和牛外羣肉 ： 和牛有醃過，肉質纖細、其油花分佈均勻，口感鮮嫰，真係食完一片又一片🤤食堂黑毛豬五花肉(醬油）：見到五花肉一層又一層既肥膏，有d驚😅但食落又唔肥，包住生菜🥬加泡菜， 感覺無咁油膩，仲好好食😄😄醬油豬排骨肉 ： 豬排骨肉油脂豐富，燒既時候要小心太搶火，肉質軟嫰有彈性，又係食唔停口！新鮮鰻魚(半份) ：第一次燒鰻魚，鰻魚好厚身，燒完既鰻魚口感上相對皮更脆，肉也緊實得多。食堂蘋果梨汁雞肉 ： 雞肉經醃製後，肉質鮮嫩，唔乾唔柴，但味道對我個人來講太甜。貪心想試試 佢既炸雞，叫左半份 ： 韓國炸雞 🍗粉就厚左d, 普普通通！ 下次都係專叫燒肉食 比較好😆

本身一早book左位食生日飯，remark想要戶外位，去到比預約時間遲左，但都15分鐘內到，首先去到人都無個，等左陣到有員工出嚟，有位男士9秒9衝左入去，本身唔知咩事，個員工再問我地有無訂枱，講完資料-佢：岩先個位男士已經坐咗你哋個位，因為你地遲，所以過左15分鐘就比佢入。-其實我地係15分鐘前已經係出面等緊員工出嚟，點解員工出嚟唔係問多次訂位既人係唔係現場、而比佢一枝箭咁衝左入？-而個位男士亦都係知我地係訂位人而咁心急衝入去霸咗個位。個經理事後仲好意思話：咁佢入去坐低左，唔通叫佢起身？-Excuse me ? 而加你自己做得唔好先搞到咁，仲好意思同我哋死雞撐飯蓋，錯就認左佢啦，唔好意思都冇句。你講返句唔好意思都gur啲，唔係真係話咁志在食你間餐廳，係你地啲態度同處事好有問題。

趁住政府放寬措施咁，咁今日同朋友嚟咗北角呢間韓式燒肉店度食飯，朋友入到去都讚個景幾靚， 幾適合情侶或者慶祝生日呢度打卡，咁我同朋友就叫咗以下:原味炸雞半份: 因為我同朋友都好肚餓所以額外再叫多個炸雞 ，呢個炸雞啲雞肉幾嫩滑， 而且炸得香脆最重要就係唔算話太油膩， 加埋啲醬汁幾滋味。 我同朋友就叫咗半份，咁其實我自己覺得如果兩個人食要半隻就已經夠。特選和牛内裙肉 :食到咁鮮嫩嘅牛肉 ，燒大概7成熟， 肉質鮮嫩軟熟 、肉質彈牙及口感佳， 牛亦都分佈出少少油脂，感覺十分良好。食堂黑毛豬五花肉 :呢個黑毛豬豚肉整得好整齊，打卡就最一流，大家唔好睇佢得個樣，其實佢肉質己嫩，而且弹牙， 而且最緊要就係唔UN，呢個係我絕對推介。醬油豬排骨肉 :佢食起上嚟肉質軟熟， 同埋食個豬肉嘅時候，啲肉汁加酱油喺口到出曬嚟， 喺豬肉個面上有少少甜味,口感出哂嚟。梨汁雞肉 :雞肉我覺得都幾好食，肉質都唔錯，燒起上嚟都幾快熟，雞肉入面都幾juicy。 而且雞肉都幾嫩滑。大八爪魚鬚: 呢個其實八爪魚已經有味同新鮮，當你燒起上嚟其實都唔需要再點其他醬汁，因為由於八爪魚幾有鮮味，而且呢個海鮮都幾新鮮，如果燒嘢食嘅話，食材最

同朋友搵個地方邊傾邊食哩間都係唔錯嘅選擇兩條友坐卡位 寬敞坐位檯面清爽 （即係冇油漬）工作人員態度良好但人手唔夠，翻點安排比較難搵人協助本尊鍾意食燒豬皮以豬為主打是日與孕婦好好聚舊，哩餐唔食牛唔會叫餐，是日散叫前菜 芝士粟米同泡菜蛋係任添豬皮 燒到外脆內軟 夾住泡菜嚟食真係一流仲有條長五花腩唔記得影有碗薯仔排骨湯又冇影，不過唔影都得，唔推介兩款五花腩各有特色，薄切哩款香口，唔夠肥，沒有入口即溶嘅感覺，但就因為夠香口，配上生菜同泡菜，加上肉汁就十分豐富厚切的五花腩，厚身嘅肉裡面有多條軟骨，食落口好有咬口，外面燒乾身+內裡肉汁，都不錯兩條友翻點咗一份泡菜 一份蛋同芝士粟米$598

屋企人早一晚話想食韓燒，呢間一早係wishlist名單等緊去試。然後openrice又有網上訂座，事就這樣成了。訂左19：15，點知職員通知得番門口一張枱，都冇問題嘅。唔通我再等個幾鐘，等人翻枱咩😢我地3個人，嗌左1個牛拼盤，1個豬拼盤，一份雞脾，一份豬皮，一個海鮮煎餅，飽晒😋由於我地坐係門口位，長期冇職員顧及到，每次加單/加配菜，都要搞5分鐘。而且當晚人手明顯不足，常常有甩漏，不過職員態度良好，所以我可以等下。每款肉都好食，唔會太肥或者有筋位。不過豬皮我地動手剪左層肥膏，感覺更貼近韓劇見到嘅燒豬皮。另外值得一讚嘅係燒烤網有個位置可以放燒好嘅食物，唔洗下下分晒俾大家，趕住食咁。

嚟到北角匯，突然間想食燒肉，所以選擇咗嚟呢一間餐廳食韓燒，出邊涼浸浸，入到嚟暖晒，雖然食韓燒，但因為佢抽風嘅設備好，所以入到嚟都唔會好大煙👍🏻叫左個🥢「食堂黑毛豬五花肉套餐」套餐包括：有牛小排，黑毛豬五花肉，梨汁雞頸肉肉質鮮嫩，放上爐燒， 香脆可口😋圍邊會放上蛋漿，職員教當煮到7成熟嘅時候就可以食，好味🤤 （仲可以任添加）🥢「五花肉部隊」好大一碗，份量好足夠，配上韓式拉麵，滿足😍🥢「甜辣炸雞」估唔到$58加一份甜辣炸雞會咁大份，炸雞香脆，薯條新鮮好味😚配上兩杯特飲🍹「梅子青檸梳打」味道清新，配上燒肉， 爽😚「🧋食堂奶茶」餐廳自己配搭的奶茶，茶味濃😋

🇭🇰Hong Kong Average expense pp: HKD$500-600+📍Address: Jeju Bulgogi, North Point同朋友嚟呢間食韓燒好多次啦，每次都係好高質，食嘅時候仲可以睇到海景。提供多款前菜：芽菜、泡菜、四季豆、醃蘿蔔，爐邊泡菜蛋同芝士粟米，我每次都會無限添加。韓牛既質素相當出色，點左豪快黑毛和牛外羣肉，油脂分泌平均，肉質軟稔，肉味相當濃厚，非常推介要點！食堂黑毛豬五花肉 ，用秘製醬汁醃好，連埋豬皮位好好食！所以我哋特登叫多咗一份豬皮，煙靭咬口！梨汁雞頸肉，入口好爽滑，完全唔會好靭。個人非常鍾意食佢哋嘅新鮮鰻魚，真係有每日新鮮入嚟嘅鰻魚製造，燒嘅時候已經聞到鰻魚嘅香味，入口非常肥美厚身，相當滿足。小食原味炸雞半份，麵粉唔會太厚，上枱嘅時候係啱啱炸好，份量好多，兩個人食都會夠。

今次係第三次食呢間濟洲燒肉食堂🤩，之前食完之後一直念念不忘，特別係北角呢間，座位闊落舒服，近窗位仲可以望到海景，而且食物種類而言，北角分店比九龍灣多。特選和牛内裙肉 $285食堂黑毛豬五花肉 $128梨汁雞頸肉 $108所有嘅肉都唔駛特別點醬汁，因為預先醃過好惹味，可以搭配生菜食，山菜可以無限添加。韓國鰻魚（半份） $115第一次自己燒鰻魚，幾特別🤩，鰻魚汁好惹味，不過要小心鰻魚骨。食堂豬皮 $88好香口，外層烤得香脆。四塊又厚切又大大塊，結果食唔曬。原味炸雞 $98燒到中途有啲攰可以中途休息，轉食熟食炸雞，外層炸得脆卜卜，內裡雞肉鮮嫩。茘枝梳打 $32飲品方面揀咗荔枝梳打，味道清爽好解膩，唯一美中不足係杯飲品唔夠大杯🤪總結而言，鍾意燒肉嘅話必試，記得帶個鍾意燒肉嘅朋友，咁就可以淨係等食唔使燒🥳

JEJU Korean BBQ🇰🇷 with nice harbour view🥢..係港島想食燒肉♨️❓ 呢間韓燒係我心水推介❤️！燒肉質素有水準，套餐更有無限前菜供應，仲有爐邊蛋泡菜 & 芝士粟米，生菜亦無限添加。趁住下午有時間來港島走走，就來到北角匯這家燒肉店，坐在窗邊卡位，一邊欣賞醉人東區走廊維港景致🌉，一邊在卡位吃個燒肉，感覺慢活捨意💫。【濟洲燒肉食堂】🔸豪快黑毛和牛外羣肉 ＄285🔸食堂黑毛豬五花肉 （醬油/鹽燒） $128🔸每日新鮮鰻魚（半份）＄115🔸梨汁雞頸肉 ＄108🔸食堂豬皮 ＄88🔸原味炸雞半份 $98🔸梅子青檸梳打 ＄32🔸濟洲特飲 (芒果紅茶）$32黑毛和牛肉🐮 口感鮮嫩帶有咬勁，油花豐富但不油膩，咀嚼時明顯感受到香氣與濃厚扎實既肉香；鰻魚🐟 新鮮肥美，生燒至帶焦香再蘺點醬油不錯吃；燒豬皮🐽 還是第一次😍，帶厚而Q彈口感帶軟糯，真的好好吃！而雞肉🐥 肉質嫩滑。最後更不少得韓式炸雞🍗，肉汁嫩滑多汁，配上啤酒更有畫面喔！2杯特飲好清新，食燒肉不少得喔！..×××××ש北角渣華道123號北角匯2期2樓210號舖..

餐廳位於北角匯商場,坐擁靚景,可以一邊嘆燒肉,一邊享受維港景色😎食物選擇亦很多,除了有不同款式嘅肉類,仲有炸雞同韓式小食🤤豪快黑毛和牛外羣肉 $285油花都相當豐富,肉質軟嫩,燒烤必選👍🏻鰻魚半份 $115新鮮鰻魚由自己燒烤最過癮,加入配備既獨家濃濃醬汁,香味撲鼻而肉質肥美鮮嫩😍可惜細刺比較多,要慢慢食用!原味炸雞半份 $98即叫即炸炸雞外皮超酥脆,入面超juicy,表面灑上調味粉令味道唔會太單一!仲要配有香脆薯條,一班朋友分享超正🍟

北角匯開多左好多餐廳，其中呢間濟州燒肉食堂都幾感興趣，一來唔加一，二來竟然有韓國鰻魚食😍唔多餐廳有得燒，所以lunch time就同同事試一試豪快黑毛和牛外羣肉｜$285一份大約有10片，油花豐富但燒完唔會覺好油膩，口感鮮嫩帶有咬勁，連埋菜包住食好正🥰食堂黑毛豬五花肉｜$128燒起黎都幾搶火🤣肉質好軟嫩，冇豬肉的腥味，肥瘦均勻，不錯食堂豬皮｜$88四大片豬皮，店員教唔洗燒太耐，輕輕豬皮有點焦脆就可以，豬皮好有彈性，如果配埋黃豆粉就perfect❤️鰻魚(半份) 可以叫全份或半份，額外配上薑絲同醬汁，燒完出黎都剪到6-7件，皮烤出一點微焦，爽脆有口感，唔加醬汁食都好好味🤤梨汁雞頸肉份量相當多，調味冇其他肉咁重，可以食返雞原味道😋雞頸肉口感比較爽，唔柴口原味炸雞半份炸雞加薯條真係好邪惡🤩2個人食唔哂，炸雞有骨，件件都好大件，並非一口size，低估左佢既份量梳打2 杯食油膩野一定要配返梳打，叫左梅子青檸梳打同埋柑桔梳打

🍽 A La Carte💰 ~HK$500pp (dinner, 10% service charge)Yummmm! Haven't had Korean BBQ for awhile. I always wanted to try this @jeju_bulgogi because there is always a long queue during dinner time which made me curious about why would so many people queue for it. The environment looks nice with decent Harbour view! We went on a weekday night at around 8pm and there were 3 pairs of couple waiting for the table. We were pretty hungry that night so we ordered quite a lot of food! 😂🔸Drinks - Lychee Soda

一家三口喺附近影完親子照，喺oprnrice搜尋緊野食期間見到呢間燒肉店，㩒入去睇好似幾岩我地食，因為全家都唔食牛，去任食燒肉店我地會好蝕，得啲廉價豬肉食，呢間唔同，係散叫既，有靚豬食，又有炸雞，岩曬我地口味😛呢間野食質素唔錯，不過啲員工好奇怪，點奇怪？佢地會答非所問。不過，唔影響我地食野心情，總括黎講都係好既👍👍

今日老公生日，佢話想食燒肉，近近地在屋企附近食，在北角𣾀可以一邊望住個海景，一邊食燒肉，超享受😎前菜任食，我鐘意食芝士粟米，泡菜蛋🥰🥰⭐️特選和牛裙肉⭐️$128肉質嫩，脂肪比例，啱啱好，包生菜一流👍🏻⭐️黑毛豬五花肉(醬油）⭐️$128肥既部位燒既時候出哂所有油，燒到脆卜卜，好有口感⭐️豬皮 ⭐️$88第一次試燒豬皮，無想像被咁難燒，因為本身都熟，塊皮燒到剛剛好⭐️新鮮鰻魚(半份) ⭐️$115平時食燒鰻魚食得多，今次自己試吓燒….果然燒到塊皮好脆⭐️梨汁雞頸肉 ⭐️$108雞肉嫩滑，好入味，又容易燒⭐️原味炸雞半份 ⭐️$98熱辣辣，即叫即炸，好大份😂😂⭐️荔枝梳打⭐️$32好清甜服務員好好👍🏻會教導你點燒同埋教你控制時間，refill 野好快👍🏻👍🏻

第一次去北角匯，朋友介紹去呢度食燒肉，餐廳以卡位為主，坐得非常舒適，靠窗邊位置更可以望到維港海景。餐廳主打正宗韓國燒肉，亦有傳統地道美食，前菜種類豐富，免費提供爐邊泡菜蛋、芝士粟米、多款韓國泡菜、沙律菜、生菜等都可以無限添加。🥩豪快黑毛和牛外羣肉 $285屬和牛稀少部分，肉味非常香濃，牛肉嘅油脂喺舌尖溶化，沒有很強嘅纖維感～必食之選！🐖食堂黑毛豬五花肉$128可選擇醬油燒或者鹽燒，肉質Q彈鮮甜，油脂香氣搭配特調醬油汁醃製，美味升級！🐽食堂豬皮 $88聽過韓國人鍾意燒豬皮，喺香港都係第一次試，非常搶火燒到邊位有少少焦就剛好，口感和味覺一流，絕對值得一試！⭐️每日新鮮鰻魚(半份) $115新鮮鰻魚配日式醬汁燒烤，吃起來肉質肥美，鮮嫩多汁～✨梨汁雞頸肉 $108雞頸肉肉質特別柔軟，梨汁醃製更能提鮮～🍗原味炸雞半份 $98朋友想食炸雞，點咗半份估唔到份量都幾多，即炸脆卜卜又juicy～🍹梅子青梅梳打 $32 🍹荔枝梳打$32兩杯梳打甜度適中，送燒肉一流～整體味道相當不錯，食材用心，餐廳仲提供多款韓國地道美食，例如人蔘雞、醬油蟹等，下次嚟食燒肉會再試吓其他菜式！