濟州燒肉食堂

营业中

休息中

Food was great, got a discount if you book through OpenRice, the beef combo was amazing, also the eel was very fresh and tasty. The table that we sit also very comfortable and big, also there’s no time limit on the weekdays. Probably will go there again sometime👍🏽

今日夜晚6:20左右去到，入座店員站即落芝士同邊爐蛋，但上菜20分鐘後個爐仍然未可以燒到肉，芝士都完全唔溶，便詢問店員個爐有冇問題？個店員答我完全冇問題等咗陣有個店員過嚟幫我換咗個鐵板，佢應該係睇到個爐冇火，但我話唔需要，我要用網燒，網燒同鐵板燒嘅完全唔同過咗陣都係冇火，紅衫同事處理唔到就有個黑衫同事過嚟，黑衫同事過嚟之後有個同事同佢講個爐晏晝已經整過？？？個店員仲話冇問題！完全係欺騙吧！浪費咗超多時間搞到趕住食，食到走嗰陣啲芝士先溶、邊爐蛋先熟😤叫咗$698嘅套餐，肉質ok嘅不過送嘅湯不了～仲淡過茶記

🩵牛•燒肉飯汁煮肥牛香滑，脂肪滲透着牛肉甜味。用上珍珠米，食落香軟綿糯，另配有清爽芽菜，鮮味爽脆泡菜，非常開胃！仲有隻半熟流心蛋，蛋汁配牛肉香飯真係絕配。💛月見牛肩肉牛肩肉色澤深紅，切面有光澤，脂肪潔白，見到肉嘅切面細緻緊密，食落富有彈性！加入半熟玉子蛋漿及醬油，令牛味更濃郁，入口更滑。🩵 食堂牛小排(鹽燒)牛小排嘅油花細緻，燒熟入口即化，肉味香甜！鹽燒配搭唔使醬料，原汁原味！💛 濟州豪快黑毛豬五花肉五花肉看似肥膩，但附有彈牙豬皮，燒香後完全肥膩感，一定兩配新鮮生菜，蒜片及韓式大醬，更清新脆甜。🩵韓國鰻魚半份先煎香魚皮部份，再反轉煎香魚肉，即燒鰻魚魚皮香，肉鮮嫩，一啲魚腥味都無，而且夠哂肥美！💛大八爪魚🐙原隻八爪魚，有手掌咁大隻！雖然已經醃製，但八爪魚鮮甜味仍然滿滿！咬落外爽脆，內軟滑，自己即燒即食非常好味！🩵朱古力棉花糖燒棉花糖唔一定BBQ 先有，餐廳有燒棉花糖配消化餅，半溶棉花糖夾住食真係超邪惡，食唔停口！💛荔枝特飲&濟州柑橘特飲荔枝，柑橘同樣清新，加上梳打水非常消熱氣感！燒肉配梳打就好似啤酒配炸雞，一定要飲！

依間韓燒不嬲風評都幾唔錯，夜晚就去咗試下！前菜有沙律，泡菜白蘿蔔，薯仔絲，仲有韓燒必備嘅爐邊泡菜蛋，芝士粟米，所有嘢都可以無限添加，除咗沙律之外，真心可以食到飽！環境都幾闊落，雖然係連住food court，不過抽風系統做得幾好，食完個身都唔會好大浸韓燒味！🍴月見牛肩肉 $118 (7.5/10)牛肩肉係比較瘦嘅，肉味好香濃，幾有牛味，個汁係鹹鹹，甜甜非常有蛋香味，夾埋一齊食真係㗎口感更滋味。🍴食堂牛小排(鹽燒) $178 (8.5/10)質地軟腍香滑，牛味香濃。油脂分布適中，好食。！🍴濟洲豪快黑毛豬五花肉 $168 (7/10)五花肉肥瘦適中，有肉汁一啲都唔鞋口！🍴每日新鮮鰻魚(半份) $115 (9/10)鰻魚係新鮮，燒到個皮好香脆，魚味好濃郁，肉質都好嫩滑。🍴大八爪魚 $108 (7/10)好大隻，職員會幫手燒，食落去鹹鹹香香，帶少少辣味，幾有咬口幾煙韌嘅乚🍴牛‧燒肉飯 $88 (8/10)份量好足，珍珠米粒粒分明，牛肉係肥牛，都幾多塊，甜甜地真係韓式牛肉嘅味道，加埋泡菜同埋芽菜非常清爽，流心蛋撈飯一流，冇諗過咁好食！🍴朱古力棉花糖 $55 (7/10)棉花糖燒到啱啱好有少少金

幾鐘意既一間韓燒店，爐邊既泡茶蛋同芝士粟米，及其他三款前菜生菜都可以食完再refill，平日7點半已經full 晒🌟月見牛肩肉 $118配咗生玉子同醬汁，燒熟沾滿蛋液醬汁食就可以，唔使再點其他調味，牛肩肉脂肪較少，肉質會比較實，口感較牛小排有咬口🌟食堂牛小排(鹽燒) $178牛小排係燒肉必食部位，脂肪較為豐富，食落好軟滑，鹽燒牛小排係已經有調味，所以燒完可以即食。🌟濟洲豪快黑毛豬五花肉 $168好厚切大塊既黑毛豬五花肉，五花肉肥瘦相間，店員見到都會幫手切開燒，燒到兩面都焦香就食得。可以單食五花肉，或可以學韓式食法，用生菜包住五花肉同泡菜一齊食，都幾好食又冇咁肥膩🌟每日新鮮鰻魚(半份) $115鰻魚都係店員幫我地燒，鰻魚既外皮燒至香脆，但魚肉又唔會鞋，點埋鰻魚醬汁，好食🌟大八爪魚 $108一份有兩隻八爪魚，已有醬汁調味，所以燒既時候都好易燒焦，燒完都唔會好靭🌟牛‧燒肉飯 $88好大碗，有泡菜、芽菜、温泉蛋同牛肉，調味啱啱好🌟朱古力棉花糖 $55可以自己燒棉花糖再夾餅乾食，不過會甜少少🌟馬格利生米酒 $98係用一個碗上再自己北，都幾得意

我準時6點半去到門口，見住前面既人都係walkin 無book 枱，都可以即入，反而排到我，我有訂位，但係門口等到搭十都未被安排入座！🤔餐廳解釋佢地既做法係，會超額接受預訂，所以訂左都要係門口等。但明明前面有人係walk-in 都入到餐廳，明顯餐廳根本無為已預定既客人留位！咁我訂位黎做咩？個訂位服務既意義係咩？未食過一間餐廳咁嬲！呢個安排真係太差！🤬🤬🤬🤬我準時去到，但餐廳未有為我hold起吉枱，我仲要在門外白企20分鐘，真心嬲！無諗住做預約，唔該唔好俾人預約啦！🤬🤬🤬

一入到去因為我地未齊人咁就慢慢睇menu ，咁本來都唔想食果個698想散叫，但兩個姐姐都講明呢個set有85折抵好多，咁諗諗下都係叫呢個set啦，點知埋單果陣無折我明明問左兩個waitress 都話有85折，跟住就覆我話星期日係無呢個優惠，跟住我返到屋企睇先發現openrice明明寫左7月幾號至幾號都有呢個優惠，咁樣呃人我以後唔會再去，加上埋單果小姐黑口黑面，佢係其中一個話我知呢個set有85折既人黎仲係黑住面介紹佢地d野食講返食物海鮮蔥餅多料但粉厚個味唔太好人參雞湯隻雞好滑但勁咸韓牛無牛味大牛骨韌到無朋友五花腩好香好好食菜都夠靚但要加錢爐邊芝士栗米係咁多樣最好食既野門口負責帶位既妹妹態度非常好 係善良又有禮貌既人，對工作好有heart，值得一讚四個人食左14xx

德福商場真係多左好多有質素既食店~今日去到濟洲食堂，嘩，7點去到已經差不多滿座啦，今日慶祝,當然要食得豐富D~月見牛肩肉 、 食堂牛小排(鹽燒) 必叫,超好食, 牛好好味，油脂分佈得好好，真係好好味~新鮮鰻魚職員幫手燒,如果唔係真係唔識燒,原來燒完仲要切開一條條比較好,同平時燒真的不同，燒完之後仲落左醬，好好味，而且燒得好脆,啖啖肉呀~大八爪魚 又係職員幫手燒,首先要剪左個頭先,之後就分一半咁燒,再之後就一條條,職員真的好專業呀~  好香口~濟洲豪快黑毛豬五花肉職員好好，仲幫我燒埋豬腩肉，又係剪開先燒得好~牛‧燒肉飯 好足料既燒肉飯,汁好好食,而且仲有洋蔥、泡菜個D料~朱古力棉花糖 ~小朋友超愛食呀!~又好開心既食燒肉,當然要有酒啦,叫左馬格利生米酒,今次真係好滿足吖，好開心。

今日去九龍灣，試下呢間係德福嘅高人氣韓燒「濟州燒肉食堂」，真係好高質和令人滿意😍，四款前菜、爐邊泡菜蛋🍳＆爐邊芝士栗米🧀🌽都係無限添加呀！🔹️大牛骨🐄 $360呢碟係推介呀！大牛骨厚切出來既肉，好濃牛味，肉質嫰滑，燒完超香。🔹️濟洲豪快黑毛豬五花肉🐖 $168五花肉好大塊，黑毛豬真係好正，散發著脂香👍🔹️豪快嚴選牛舌🐄👅 $168色澤亮麗，厚切，食落既爽口又juicy🔹️大八爪魚🐙 $108八爪魚好爽口，用辣醬調味過，好惹味。🔹️每日新鮮鰻魚(半份) $115🔹️牛‧燒肉飯🐄🍚 $88呢個飯好大份量，有好多牛肉、芽菜、流心蛋、泡菜、醬汁，撈埋黎食好味呀。🔹️朱古力棉花糖🍫 $55燒到棉花糖外面香香地，入面溶溶地，再放上威化餅，好好食呀。🔹️荔枝梳打 $32🔹️柑橘梳打 $32

$698推介！上星期食左大牛骨 + 豪快嚴選牛舌 + 濟洲豪快黑毛豬五花肉 + 每日新鮮鰻魚(半份) + 大八爪魚 + 牛‧燒肉飯 + 朱古力棉花糖 + 梳打2 杯😆😆😆😆 2-3個人剛剛好🤭三大隻八爪魚🐙！牛舌幾厚身其實 ，鐘意牛舌既人抗拒唔到呢碟呢碟飯無得頂！飯不多不少滲透醬汁 絕對唔咸 我地最愛！不過兩個人分一碗都夠 個人覺得好大碗 一個女仔一定要搵定朋友分享！呢碟牛係我最不後悔點 肉多多人 又好夠肉本身油脂同牛香燒完野食 呢個飯後甜品 係食曬都唔覺膩仲特別起左解油膩作用😂😂

朋友生日，於是請佢食韓式燒肉，今次嚟到位於九龍灣德福廣場嘅濟州燒肉食堂。食物款式方面，除咗有燒肉套餐之外，另外都有一啲單點燒肉同埋其他單點項目。 爐邊蛋、芝士粟米同埋其他前菜都可以無限refill濟州豪快黑毛豬五花肉($168)五花肉肥瘦分明，層層相間，有肉香，燒到表面焦香，食落唔會好油膩😋大牛骨($360)牛肉外層燒過，油脂分布幾靚😍連埋一條大牛骨一齊上，未食已經覺得好吸引🤭牛肉已經事先調味，甜甜地，肉質軟腍，唔錯。豪快嚴選牛舌($168)牛舌有少少厚度，食落幾爽彈👅點少少鹽調味已經幾好食。韓國鰻魚($115半份)魚皮燒到香脆，肉質紮實有彈性👄再點埋甜甜地既鰻魚汁，令鰻魚味道更鮮更香濃👍🏻大八爪魚($108)八爪魚大大隻🐙內臟已經處理好，店員會主動幫忙剪開八爪魚，口感爽彈，帶微辣，幾惹味😋牛•燒肉飯($88)燒牛肉份量多，調味甜甜地，撈埋泡菜、芽菜同溫泉蛋一齊食，味道同口感豐富😆朱古力棉花糖($55)非常邪惡嘅一個甜品😈用竹籤穿着棉花糖，燒到半溶狀態，再夾落朱古力消化餅🍫啱晒鍾意食甜嘢嘅朋友~荔枝梳打($32)荔枝味幾突出，甜度適中👌🏻梅子青檸梳打($32)酸甜開胃，味道清新👅幾解渴

我好耐無食韓燒啦，原來宜家韓燒多咗好多新意😋今日我同朋友就去咗德福廣場food court嘅《濟洲燒肉食堂》，仲食咗我嘅我愛燒棉花糖🍬做甜品，真係非常滿足呀😋食物呢度有好多唔同嘅食材可以叫，包括：濟洲豬肉🐷、鰻魚、八爪魚、大牛骨等等，有選擇困難症嘅朋友就可以叫set餐share嚟食！而我同朋友就叫咗大牛骨$360、濟州豪快黑毛豬五花肉$168、豪快嚴選牛舌$168、韓國鰻魚半份$115、大八爪魚$108、牛燒肉飯）88、青檸梳打🍋同濟州特飲，當然唔少得仲有朱古力棉花糖😍而我就最鍾意大牛🦴骨，因為燒完入面仲係軟林林，外脆內軟，好正🤩另外，我從來都未燒過鰻魚，原來燒鰻魚係咁好食，個皮脆卜卜咁，好得意！除此之外，呢度嘅芝士粟米、泡菜蛋、前菜等可以任叫😜絕對可以同朋友慢慢一邊傾計一邊食我嘅首爾之旅未咁快成事，嚟呢度食韓燒絕對可以止一止吓我嘅韓國隱😉

$698 大牛骨燒肉套餐有大牛骨，食堂五花肉，月見牛肩肉，濟州梅花肉，薄切牛舌，食堂牛小排，配白切肉湯。♒︎前菜任食，酸蘿蔔同泡菜都好開胃。店員主動幫我地加泡菜粟米蛋同芝士蛋，都係任食嘅，半溶芝士蛋好香濃惹味😋♒︎燒肉之中最鍾意食食堂牛小排，脂肪分佈平均，淋而不韌，滲出醬油香味，唔點醬汁都好好食。另外牛舌都好出色，相當juicy，入口爽嫩。♒︎$698 餐嘅份量夠晒兩個人食，超級滿足啊！我地果日係openrice訂有85折，食之前半個鐘訂都有位，折左更加抵食！

呢間韓國燒肉，各樣嘢都韓風味十足。一坐低，店員立即送上前菜、芝士粟米、泡菜爐邊蛋 、沙律菜、醃蘿蔔。「大牛骨」牛肉切成骰仔size，連住一大條牛骨上枱，賣相非常吸睛，牛肉粒外層本身已燒至一成熟，自己再輕輕燒下已經食得。牛肉夠腍滑、鮮嫩，肉味濃，好味！{濟洲豪快黑毛豬五花肉}五花肉肥瘦相間，燒到少少乾身啱啱好，入口香脆唔會油膩。{豪快嚴選牛舌}牛舌厚薄適中，燒完都仲好juicy，口感爽嫩唔會韌。{韓國鰻魚 半份}油脂感十足嘅鰻魚，愈燒愈香，魚皮脆口，魚肉鮮嫩厚實，搽埋特製鰻魚汁，yummy😋{大八爪魚}震撼眼球之作，原隻八爪魚上，唔係細細隻嗰啲呀下，由於八爪魚本身已經醃好醬汁，食個陣唔使另外點醬汁都好夠味。{牛. 燒肉飯}一上枱大震驚，份量極大，有齊燒牛肉、溫泉蛋、芽菜、泡菜，加埋微甜醬汁，撈住食好惹味。{朱古力棉花糖}燒棉花糖平時bbq就試得多，竟然係韓燒餐廳都做得到！將棉花糖串住竹籤燒到微微金黃色，再夾住朱古力消化餅一啖入口，兩個字: 邪惡！ {梅子青檸梳

已訂位也需等候半小時，訂位的意義何在？如果係執緊台等陣嘅話完全冇問題，但餐廳根本冇因應訂位時間安排。等咗15-20分鐘問帶位嘅staff，佢就話要有人埋單走先有位，但冇人埋單=.=唔係walk in點解都要咁等位？餐廳人員亦冇幫忙跟進。餐廳安排之前啲入座時是否應先講明入座限時，時間到亦應同之前嘅客人講聲已到交台時間？但餐廳完全冇相關跟進，反而讓訂咗位嘅客人企喺門口等咗半小時。不只我這個情況，其他幾位已訂座的也如此。