澳門街水蟹粥雞湯米 (已結業)

去完上水河上鄉洪聖爺寶誕，食完美味呢檔口小食，所以再去到元朗，就諗住食份量少啲嘅晚餐喇~ 由於朋友要搵地方泊車，就喺其中一個停車場附近放底我哋去搵地方食晚餐先，泊好車就過嚟會合大家。我行行吓見到有間店坐滿晒人，連外面都坐滿，見到個個檯面上都有碗蟹粥，所以決定去試吓~行返轉頭叫埋其他朋友過去，去到剛好店內剛好有檯，叫咗個海鮮套餐，有川芎白芷魚頭湯配米線、美極蝦，再叫咗個水蟹粥、豉油皇炒米粉、燒乳鴿及油菜。估唔到嚟到元朗都有意外收穫~川芎白芷魚頭湯配米線，湯有幾重嘅藥材味，配埋米線非常好，湯嘅渣連米線可以全部食晒。美極蝦先炸咗蝦，再加入美極炒香，味道算幾好，如果加入大蔥及芫荽炒，味道會更加野味及香口。水蟹粥全隻水蟹切開幾件咁煮嘅，味道很淡蟹味唔夠燶。豉油皇炒米粉炒得幾有穫氣幾好。燒乳鴿燒得好適中，味道好好。

兩個人食晩餐…見到呢間舖頭開到連住兩間舖…都幾多人食…就入左去試下舖頭主打水蟹粥同雞湯米…本身對海鮮有少少敏感…所以就食雞湯米喇叫左個孖寶套餐…有雞湯米+一碟醉雞本身呀姐話套餐可以係兩人份量…不過黎左之後其實碗雞湯米都應該係一人份量…雞湯濃郁但不算油…飲落唔會太咸…配料除左雞…仲有木耳…紅棗…芫茜醉雞 - 應該係成碟係雪櫃裏面拎出黎…夠晒凍…個人略嫌酒味唔夠濃…最後叫多左個小菜套餐(有白飯+例湯)…京都肉排…肉好食不過有少少咸左啲埋單唔洗二百蚊…算可以接受

上星期去元朗做野，下午同d同事去食lunch，上OpenRice 見到元朗雞地有間食雞米既鋪頭，所以就入去試試雞米或雞湯飯套餐$39，而天麻川穹魚頭米$46我order左個雞湯飯，侍應姐姐話即整，要等15分鐘～雞湯好入味，同澳門味道一樣，十分足料，雞肉就一般，配合價錢，唔使去澳門食都係一個唔錯既選擇

元朗下午茶，星期日梗係要食下午茶啦～呢條街好多嘢食，非常多選擇！天氣唔熱，見有室外，座位寬闊，就坐低試吓，叫咗個下午茶餐，粟米牛肉飯，飯既份量比較細，但係都算多牛肉，牛肉吾韌，粟米汁尚算多，味道正常，另外一個叫左個乾炒叉燒烏冬，唔夠鑊氣，但係份量比較正常，唔算太少，味道正常，冇咩特別

做完瑜珈之後有女神帶路食好西果陣真心諗唔明有乜野好食到 要兩個聲稱要減肥既人 做完運動都要去食.到門口已經見到有唔少飲食報章既推介望一望個價錢 我真心以為我睇錯$36🙀🙀🙀 加米粉就加多3蚊係香港地 邊度仲搵到尼個價位既正餐然後唔理三七廿一 嗌左個澳門雞湯.飲落口雞湯既味道先侵佔你味蕾 之後再散發一陣陣酒香雞件好滑 原本餐廳入而冷氣好大 個人都凍凍地飲完個人即刻暖晒❤️不過湯都係熱既時候飲最好總覺得凍左就唔夠補性價比高呀

今日星期日又落元朗搵朋友食飯 由於近日天氣轉涼 感到寒冷朋友想食暖胃嘅食物於是佢帶我去左一條好多野食嘅街選擇左呢個咩都有嘅餐廳朋友選擇左藥膳湯：天麻川穹魚頭湯 +3 蚊配飯如果要另上粉類要再加3蚊（我覺得有啲呃錢囉）皆因佢話好補我叫左普通飯食：原味牛筋腩蘿蔔飯再配紅豆冰+3 蚊魚頭湯米白色好香 好香藥材味 望落都真才實了嘅食落藥味濃，唔似落太多味精 唔怪得咁多人食 魚頭肉都滑 好多藥材不過小弟麻麻地食藥材 紅豆冰3蚊好抵 多紅豆 幾好飲 牛筋腩都多 有蘿蔔原汁幾好味 有啲太甜蓋左牛肉鮮味話明牛筋腩 但牛筋得好小 兩細舊咋，我expect 會有多啲 見到隔離食醉雞 好似幾靚，下次都可以一試 整體味道都ok

天麻川芎魚頭湯米粉- 奶白色湯底帶膠質，挺濃稠。魚味濃郁鮮甜、藥材味甘香，兩者相互平衡，多喝也不膩滯- 切成薄片的川芎，味甘，咀嚼後舌頭兩側有微麻感；天麻口感似淮山，呈粉糯狀，味甘甜；紅棗及杞子均飽滿香甜；木耳爽脆掛湯。藥材甘甜味平衡，口感爽脆粉糯俱備，魚湯香濃微黏口，層次豐富- 米粉吸湯- 魚骨極多，有大有小，與米粉混為一體，每一口均需格外留神- 魚頭香滑脂肪多，魚腩肉嫰，有丁點腥

今日返工做野做得晏，同個同事去左元朗附近食下午茶，佢帶我去食澳門街水蟹粥雞湯米，我今次第一次食～舖頭唔算好大，入面有幾張枱，聽同事講澳門雞湯米及天麻川穹魚頭湯米最出名，於是我就order左個澳門雞配白飯，而同事就order雞湯米樓面姐姐話即整，要等大約15分鐘，我地話冇問題。真係等左15分鐘，雞飯上枱，雞湯份量都足料，入面有雞、冬瓜、雲耳、紅棗、芫茜。試左一啖，湯味濃，帶有酒味，冬瓜都算稔，配埋白飯，好似湯飯咁食，一流下午茶$39價錢唔算貴，下次可以再encore

之前係澳門食過天麻川穹魚頭米，知道係元朗開左間澳門街水蟹粥雞湯米就好想黎試，但每次入到元朗都有好多新野食，所以今日係元朗附近就黎試下。雖然有兩間地鋪連埋一齊，但位置並唔算多，有室內同室外。天氣甘熱，就算出面有位都要等入面，等左5分鐘左右就有位了，坐得都算舒服。雖然店名係蟹粥雞湯米，但其實呢度有好多小菜，小食，可以叫餸食飯。而且見到隔離枱小炒份量都好大分，價錢都算合理，而且款式都算多。但一場黎到緊係試左重點推介澳門雞湯米。我同朋友分別叫左一個淨雞湯，一個加左米粉。淨雞湯等左大約5分鐘就到了，但雞湯米就等左10分鐘先到。澳門雞湯米，一上枱就聞到好香酒味，見到好多芫茜·蔥，有紅棗，木耳，份量都落得毫不手軟。重有2件冬瓜，同大約8件雞。澳門雞湯米，一上枱就睇得出淨湯同加左米粉份量有好大差別，好多紅棗，雞件都係湯上面見到哂。我係食量算多既，所以加左米粉，雖然只係$39但米粉都唔會少，而家好多麵店好多都係價照加，但料會減。同淨湯一樣，有2件冬瓜，大量芫茜，紅棗明顯比淨湯多好多，唔知係隨機定係加左$3就會多少少。一黎就飲左啖湯先，聞落好香酒味，但飲落又唔會，有淡淡既藥材味，但雞味就無咩，可能唔係新鮮

今日好熱熱到個人都唔想食飯於是我就坐2個站西鐵去左食雞湯米線嘩！今日好多人...竟然要等位，正當我想外賣之時就有位（不過咁入面都係唔夠冷氣囉⋯⋯好熱呀）咁我地坐底左就叫左雞湯米線川芎魚頭米線（試新野），仲叫埋個黑椒牛仔骨咁竟然係牛仔骨黎先咁都幾香口架炸炸聲，係好食既，不過無飯跟囉⋯⋯之後米線就黎啦雞湯米就唔洗講啦！足料既唔係點會食完又想食川芎魚頭米線呢咁都好食既，不過就有骨囉⋯⋯食既時候要小心點，但都足料既，40幾蚊有幾件魚頭又唔洗你洗又唔洗我煮已經好好總之係食得過啦

提起水蟹粥、雞湯米和天麻川穹魚頭湯，即時想起澳門，這些地道和富人情味的食物，不知何時何地已消失於香港，要回味，過大海吧！ 久不久便到元朗購物和採望友人，例必是覓食的好時機！在網上胡亂地搜，給我找到澳門的味道，於是便相約好友在「澳門街水蟹粥雞湯米」碰面！ 「澳門街水蟹粥雞湯米」室內座位不多，反而舖外的座位更開揚，天氣不太熱，我們就在戶外開餐吧！ 見到七款重點推介，幾乎全部都對上我的口味，雖然當天五人用餐，但午餐也不能太過份，於是我們集中在頭兩款較輕怡的澳門雞湯米和天麻川穹魚頭湯上！ 上海醉雞 HK$65 澳門雞湯米和天麻川穹魚頭湯是我們心目中的必選，可是漂亮健談的潮姐在落單時，提議我們必試上海醉雞，此醉雞是客人的首選必吃！ 我們吃了一碟，再添一碟，上海醉雞果然很出色！ 上海醉雞 朋友告知元朗區有不少賣醉雞的食肆，但我熟悉的只有一間，那間主打醉雞和豬扒的，那間個人感覺只屬一般，但「澳門街水蟹粥雞湯米」的上海醉雞正對上我口味！首先酒味香濃，雞肉嫩滑，雞胸部位亦完全不粗嚡及繃硬，每口雞肉也充滿著香氣，酒汁來得平衡，且深深被雞肉吸收，這樣的醉雞，我也忍不住不得不狂吃了，使人回味再回味的醉雞！

以下內容真人真事，絕無半點虛構，無心冒犯，如果未能刊登請告知本人修改：今日去澳門街雞湯米食lunch，去到等朋友時，隔離女人食到一半話比職員知有曱甴，睇住撈到一隻出黎，唔係細果隻，係中型，嘔！🤢🤢🤢不過我唔知邊度黎勇氣，可能太為食，不顧一切，都係照坐低食！🙈我地叫左個雞湯米同魚頭湯米，雞湯個湯幾甜同濃，雞味香濃，酒味輕，雞件不少，都幾滑，魚頭湯藥材味幾出，但感覺較稀身，唔太夠濃，價錢唔貴，幾抵食，lunch等得唔耐，好彩食完好彩無肚痛！😅雖然係幾好食同幾有特色，但衛生問題扣左唔少分數，大家小心！

話說屈小姐其中一位同事都好鍾意食好西，食完之後仲會同屈小姐分享，等屈小姐帶賴生去食！ 咁岩佢果位同事住元朗附近，最近去左雞地新開好Hit既《澳門街水蟹粥雞湯米》果度食完，向屈小姐大力推介，而我地之前去澳門食過雞湯米之後就一試愛上！屈小姐就決定帶賴生去進擊一下呢間舖頭啦！我地果日到既時候係差唔多岩岩係lunch time既開始，一去就有位，但食食下就開始多人啦！既然呢度舖名係叫雞湯米，一定要試下雞湯米啦澳門雞湯米：⭐️⭐️⭐️⭐️(3.5星)（米粉加$3）雞湯味道好甜，只可惜欠缺雞味！ 呢度每個湯都即叫即煮，寫明要15分鐘或以上嫁! 所以，呢個應該係生滾湯，落左酒，帶酒香同酒既甜味，甜味仲好濃郁添，同米粉好夾！ 之不過，可能係生滾既關係，雞味未能滲入湯，同澳門既雞湯有明顯既分別但要讚既係：雞肉好多好滑，雞味濃！紅棗杞子都好甜哦！足料，唔駛過大海可以食到呢個質素，價錢又合理，唔錯唔錯天麻川芎大魚頭湯：⭐️⭐️⭐️⭐️(4星)（米線加$3）整體上，呢個湯比雞湯更出色魚味藥材味兼備！魚味唔錯，藥材味仲可以濃多少少，而家大約8成魚湯味加2成藥材味，假使藥材味可以去到4-5成，呢個湯可以稱得上爲上品同樣地，呢個湯

店子有室內外座 是次坐室內卡位 尚算闊落澳門雞湯米 $37 湯很香 有杞子紅棗等 還有至愛既芫茜雞件嫩滑 整個搭配美味暖身天麻川穹魚頭湯 $40 魚味再濃啲會更好不過我諗除非以下有改進 否則不再來 因為1）上菜速度慢：我地既食物 點菜至上菜等了15分鐘 以一般茶餐廳黎講 算係好慢坐對面枱既女士 同時入座 叫左乾炒牛河同凍奶茶 奶茶等5分鐘牛河追左三次單 但都無人理會/ 跟進足足等左35分鐘 雖然個牛河好香 但女士應該嬲到食唔出味了2）揀客做：我與相公二人入座 野食上得慢無人理/ 對面枱一人女士甚至等咁耐只為牛河但背後坐了一枱四人家庭 狀似老闆娘的不斷埋去推介野食 點菜後係火速上菜感覺不公平！一間餐廳既成功 除左好味 服務都係一個因素（除非好味到唔需要服務啦）（一係就快靚正）呢一間 唔係我杯茶

一家人週未到元朗食下午茶，yoho mall很多食肆都食過了，又想食粉麵 ，突然想起這間澳門街水蟹粥雞湯米。 鋪頭位置不大，裝修普通，但待應服務態度好好，很快就下了單。 我們叫了 澳門雞湯（一個加飯；一個加米線） 天麻川芎魚頭湯（加米粉）我們下單以後，等了20分鐘，都等到不耐煩 但是 雞湯一到，飲了一口熱湯， 等待 是絕對值得的 雞湯好熱都好香，仲有陣陣米酒味，雞味好濃郁 但吾油。 米線吸曬雞湯米，雞肉煮得剛剛好仲好滑。 重點 無味精 可以飲曬所有湯另外 魚頭湯好重藥材味 好足料 魚頭都有好多總括黎講 雖然等得耐但餐廳即叫即整 足料 性價比高 值得推介