澳門翠苑餐廳

营业中

休息中

見咁多人話正, 今日尊誠黎試下, 不過有 d 失望...我o地兩人 order 左兩個餐: 1) 咖哩雞農夫包加凍咖啡 (45蚊) ; 2) 鮮茄牛腩粒通粉, 牛油包加凍奶茶 (28蚊).. 先講第一個餐, 其實農夫包只係個包好食 d , 咖哩好普通, 唔算特別好食, d 雞更加唔掂, 直頭唔好食, 而凍咖啡都算好飲啦.. 到講第二個餐, 鮮茄牛腩粒通粉冇乜料, 只係得通粉, 搵舊牛腩粒都難, 而味道就一般, 反而個牛油包仲好食 d , 好食過農夫包 tim, 凍奶茶都係同一般茶餐廳冇咩分別..兩個餐夾埋73蚊, o係出面食都唔係貴, 不過以依間餐廳 gei 環境同地方黎講, 就唔值囉..

今日去旺角行街,,順便係openrice睇下旺角有咩好野食見到哩間農夫包好似幾特別,,就一試!係朗豪坊一落車就搵到..好易搵=]45蚊一個餐..同逸婷兩份分..食完好飽因為個包真係好大個..入面有好滑&超入咖喱味既豬柳..我地食個包食到有點狼狽..事關個包要手撕但一路撕一路點咖喱汁咁樣食好新奇..湯落足料..不錯!但想大讚的是凍咖啡!!我平時不好咖啡的..但這杯咖啡我試完第一啖之後就令我鍾意左飲凍咖啡味道唔太濃..但好香..好易入口..*我諗下次去旺角行街又多一到搵食既好地方!食完好飽好滿足..一個餐兩份食23蚊都唔洗

二個人叫咗一個農夫包，一份鮮茄牛腩粒通粉，二杯凍啡合共69蚊〔凍飲加2蚊〕。AA制每人為37蚊。個農夫包超巨型，大到你唔信，好鬆脆，入面的雞肉同咖喱汁，嘩！一食難忘！杯凍啡更正，我唔知佢地點整，總之港九各處我末試過咁好味的凍啡，正。值得再去！

今日同細妹喺旺角行完街, 又去到旺角熟食中心0既澳門翠苑餐廳食晚飯, 當時見到一個奇境, 好多食客都係食緊佢哋餐廳0既農夫飽, 但我哋因為唔係太肚餓, 我就叫咗一個鮮茄牛腩粒通粉0既常餐, 而細妹就叫咗一個越南海防米線常餐, 覺得佢哋水準保持得好好, 個粉好好食, 個鮮油豬仔飽仍然好脆, 服務態度亦一流, 買咗嘢, 俾咗錢, 就會有人送0黎, 價錢於旺角區0黎講亦唔算貴, 每人26大元已經食得好飽, 唔錯, 唔錯!!! 下次再0黎, 我都會再試番農夫飽!!

食左葡式鮮茄牛腩粒通粉麻麻地可以話係垃圾個包係鬆脆但真係無乜特別我自己係屋企用多士爐或者bbq個陣自己整幾鬆脆都得但杯凍咖啡真係一流係我飲過全港最好飲(茶餐廳計)因為點都無可能好飲starbucks個d(都係某幾間)台式好多乜乜物物咖啡啦我只會就為一杯凍咖啡去食多幾次(琴日係找第一次去)ps:我各項評分係亂填，唔使理

人怕出名豬怕肥....呢句說話真係無錯.....自從翠苑出左名之後....d 野食就開始差左.....今晚因為睇戲...去左朗豪坊....見好耐無食.....順便過黎食......點知....有d失望.....今日食左1. 咖哩雞農夫包2. 咖哩農夫包2個都係套餐.....個湯...勁咸.....有3大舊紅蘿蔔....個咖哩......都係勁咸....無椰汁味.....得個辣字....都真係連咖哩味都無乜.....最得既....最有heart既....只係個包.....攞到出黎都係熱辣辣.....脆卜卜....唔怪得跌出10大......

好耐無黎食農夫包,今次叫左個柳,唔佑係咪熟能生巧,我發覺佢整呢個餐既速度快左好多,等左唔使好耐就有得食,而且係熱辣辣,一打開錫紙,就聞都個包好香,同時好脆,完全無失水準。咖喱汁唔會太辣,我反而好喜歡佢大大舊既薯仔,食左一舊已經覺得好滿足好實在,哈哈!不過我想彈一彈個羅未湯呀!真係勁唔掂囉!成浸油係面,叫人點飲?材料又無喎!全部都係紅蘿蔔,最多係加左少少洋葱,無味道呀!好難飲呀!仲差過我自己買罐頭湯整果d呀!可唔可以唔好咁求其?

wu~~真是期待已久!!沒有吃最出名的農夫飽就要了蕃茄牛腩粒通粉一時興起, 加$5 將豬仔飽變豬扒飽加$2 將野飲變成凍啡好好的一個$26的午餐就變成了$33...先說說通粉~別看那個碗小小的但材料(螺絲粉, 蕃茄, 牛腩粒, 薯粒) 都塞得密密麻麻的同行的友人都說它的份量蠻大的~味道很不錯, 但不至於讓人特意過來吃的...豬扒飽呢~我忘了為它拍張橫切面圖...但可以看到它裡面有薄薄的一塊豬扒, 一些洋蔥的它的餡兒, 很遺憾我吃不出有甚麼特別的地方但是包身是非常出色的!!外皮非常的脆, 又夠熱, 完全合我的胃口呢!!所以下次有機會我就不打算加$5, 吃豬仔包走牛油就好了!! =]友人的豬仔飽有好多牛油~吃下去一定好爽~~ >w<!最後是凍啡~真的是名不虛全咖啡味好夠, 從來沒有喝過如此精彩的凍啡~一定會為它再回來的!! 另有小插曲在這裡買完東西吃, 就可以拿個小牌子坐下等她們送餐過來但是...我的壞習慣是, 無事幹時手中總是要把玩一點東西於是順利成章就一直拿著那小牌子玩呀玩的結果是, 送餐的大姐因為看不到小牌子而找了我們好一回兒...都找不到!!=口=真是...不好意思

係openrice到見到呢間野係mk第二高笑既,心入面認為應該都唔會太差(事實上又唔係太差),只係冇想像中咁好果日12點起身,差唔多2點先去到,早已經好肚餓,為既就係一餐大家口中好好味又大個既農夫包去到都幾多人,我叫左個咖哩牛腩農夫包餐,等左都幾耐,不過諗住正野都冇咩所謂當飽到左,大家都應該係果包....嘩...咁大既,入面係滿滿既牛腩,外加一碟汁個湯,見到果陣真係會覺得無從下手...食食下,感覺就係包脆,料足,不過汁就冇咩特別....而且我覺得d咖哩同個包唔多match= ="對我黎講試一次就夠,不過43蚊(好似係)就好似貴左小小綜合來說,我覺得個包係有點名過其實

我還記得......放工後，肚子發出了一股股巨大的聲~好~決定去旺角食野~NO DOUBT!!!!我就去了熟食中心~一坐下就去澳門翠苑茶餐廳叫野食～叫了咖哩牛腩農夫包　ａｎｄ　凍咖啡（放棄了我的最愛）～來到後～發現個包好大個～好．．．．．．先來呷一口凍咖啡先～不錯～飲到最後都有味道～而個包有好有壞～好：個包好脆～牛腩放係包中心好有心思～而且好大～夠飽．．．．．．壞：個咖哩汁無咩特別，好平凡。而且個包我真的不知到如何入手～食到一咀都係～比人笑最後可以用中上來比分～環境及衛生是不是不能和美食一齊？？？

因為等人無野做叫左一杯凍啡同大家講既一樣上面有d咖啡粉其實成杯野既味道偏淡d冰又多又大粒不過整體都ok如果唔跟餐齋叫一杯野凍啡都唔係咁抵諗返起唔叫下午茶拎走豬扒包 都幾戇居想搵次食返出名既農夫包

有人話好好食, 網上又係咁講 ,擒晚同左女朋友去食,點左咖哩牛腩包同埋蝦醬炒豬頸肉飯個包平平無奇, 同普通面包舖買既法包差唔多,d牛腩唔夠林滑, 咖哩汁冇驚喜(其實咖哩味唔夠而且偏咸)個炒飯ok啦.........不過蝦醬味唔夠"聞"到味但食落口又食唔到...奶茶-_________________- 真係唔得....得個濃字, 但唔香又唔夠滑..有苦澀味, 奶同茶既比例唔夠好。真係....有d失望@@"不過都抵食既咁既價錢~總括黎講d野食過得去啦..

呢度除左農夫包係大熱門之外,個金牌常餐都算係大熱之選。我揀左金牌常餐中既A餐,即係蕃茄湯底牛腩通粉,然後配火腿奄列。曾經睇過食評話牛腩好少,但係我今次又唔係喎,都幾多,大大話話有成六七件,都幾好味,個湯底就比較多油,唔見新鮮蕃茄,反而有好多薯仔,真係好多,大大件又有,細細粒又有,而且仲有紅蘿蔔,至於通粉,原來係螺絲粉,份量都唔少,所以算抵食!火腿奄列都幾香,係用火腿絲,不過又係多左少少油。我覺得呢個餐都食得過架!

聽見很多網友大讚澳門翠苑的農夫包非常有名!小弟也因此被吸引慕名一試!地點:先談地點,鄰近地鐵站又處於旺角中心地區!十分方便環境:看其他的網友食評,經常提及有小強橫行,就在小弟進食當晚也同樣發現小小強!但未至惡心程度,加上有冷氣,比起一些街頭巷尾和傳統街市的環境已經好得多!加上坐多久聊天也沒有人滋擾!所以環境可以接受,最適合愛聊天的朋友食物:當晚小弟惠顧豬柳農夫包和泰式豬軟骨飯豬柳農夫包餐:果然如傳聞一樣非常巨大!二個人吃一個餐其實已經足夠,小弟和朋友單是吃包已經飽得要命,有點後悔點了飯,豬柳農夫包的味道不俗,當然豬柳略為小了一點,但味道不錯,吃不到雪藏味,至於咖哩微辛,椰汁的味道沒有蓋過咖哩,味道不錯,但談不上非常出色,飲品方面,當然是招牌咖啡,味道十分出色,即使冰溶解了,咖啡的味道依然不見淡,十分推薦,另外羅宋湯沒什麼特別可言,一般泰式豬軟骨飯:當晚還嘗試了同店的泰式豬軟骨飯,吃下去的時候,完全聯想不到和泰式的關連,因為完全沒有泰國香辛料的味道,反而有濃濃的椰香和較甜口,屬另一意外之作,可一試,只是想吃泰國咖哩香辛味的朋友,可能會覺得和泰式略有不同總結:2人只消費37,而且捧腹而走,

星期六和朋友聚會，有機會來到這裡食飯~本來好想試下農夫包，不過看上來太大份食不完……所以叫了個茶餐A~~茶餐A是鮮茄牛腩粒通粉+凍檸茶，另加$5轉做豬扒包。不過個餐一來我就吃了一驚……想不到碗通粉咁大碗~~~很好吃~牛腩肉夠淋，又重蕃茄味~~好似家中家人煲的湯一樣~就算食唔哂D通粉但都要飲哂個湯~~吃完個通粉之後，根本就吃不了豬扒包……所以給了朋友吃~~看上去好似很好吃~可惜真的很飽了~~~下次有機會再去過~~