澳門翠苑餐廳

营业中

休息中

食過幾次，普普通通，不過不失，但今曰晚(星期二晚)食左過咖喱海鮮飯，那些料只是得鞋柳、獅子狗片、類似魚蛋條(中間空心的那種)及幾隻差些睇唔到的蝦仔(魚柳都無，出面餐廳食過海鮮飯都有魚柳呀)，用料差過出面餐廳！差！！！好在朋友去左右面那間買豪餅及其他店的食物回來，才有餐好食！！

$43 農夫包餐 is very big enough for 2 ppls ! 咖哩汁( not spicy , suitable for me)+ 凍咖啡 is very good, have 咖啡粉 on top~ i like the all day 茶餐-> 海防米線 (pork+蕃茄蛋花+ 唐芹 + 很脆牛油豬仔飽 + hot 咸lemon water= $26 !very 抵! although it is a bit not enough air -con, but i dun need to get the food by myslef in foodcourt , i think it is still appreciate.

去朗豪坊医肚,間間都試過,醒起這間快餐,睇食評介紹很多,特別去試試.睇餐牌見到農夫包餐,咖喱我唔食,剩下只有牛油農夫包餐,買票後有人奉餐,不錯來了,錫纸包住一個大包,大約一個小童足球大,牛油四大片,波蘿油嗰種,放在冰粒上,湯一碗及一飲品.包皮是很脆(唯一可取)包心軟但無味,牛油太實加上個包唔熱,查唔到上包心,最後唯有夾住成片牛油食,好唔健康如果四片牛油食灑落肚,我會死可能配咖喱好些,早知食碗通粉好過

見呢度好評如潮就決定黎試下個包又大又脆,不過D咖哩汁就好似普通左D囉...冇乜香味淨係得d咸味料又比較少,雞柳數埋冇幾多舊個湯就怪怪地,個樣就係西式湯但d味就似中式湯...不過都幾多料凍啡可能我唔識欣賞啦.我就覺得同平時茶餐廳果d冇乜分別

睇左openrice既食評..專登由奧海城行出去食..唔太肚餓, 所以同fd share一個咖哩豬柳農夫包餐, 見到個餐既size 好彩無一人一個啫 個包真係huge, 而且都好脆&熱, 戴住附送既膠手套就開始搣黎食, d豬柳好軟, 唔錯 不過要cut細塊d, 先可以包連豬柳一齊食, 要彈既係個咖哩汁...無香味...自己喺屋企用咖哩磚煮既仲會好味d...個湯就睇得出用料十足, 不過都係覺得味道麻麻...或者我鐘意較濃味既湯...可惜就係今次試唔到好多好評既凍啡, 下次再去 應該會揀豬排包&凍啡服務方面, 用呢個價錢有人幫你送個餐埋位 又會主動幫你抺枱 收野 滿足了

兩個女仔行旺角又食唔多野臨收工前睇過澳門翠苑茶餐廳既食評就走上黎係cashier面前揀左好耐雞好定牛腩好啲員工好nice咁分析雞同牛腩既分別我知最後order咗一份咖哩牛腩農夫包個餐拎到埋黎即刻試個湯先蕃茄薯仔湯由細到大都係我至愛個湯既texture好thick….一d都唔係求其用水翻煲貨仔農夫包好鬆軟…個皮超脆咖哩牛腩好腍好有牛味仲有一碗咖哩汁係點包包食…..兩個女仔都食唔唒=]

聽朋友介紹旺角朗豪坊美食廣場有一葡式茶餐廳, 食品種類多, 味道不錯, 值得一試.剛好弟弟一家人由美國回來探親, 他們說吃了很多廣東菜, 想轉換口味. 於是帶他們到澳門翠苑茶餐廳一試. 六個人要了一客咖哩牛肉農夫飽, 一客咖哩雞農夫飽,一客澳門特式炒飯, 二客有名之豬扒飽及凍咖啡等, 各人已飽餐一頓及讚不絕口. 價錢亦非常便宜. 在今時今日百物飛漲, 付出合理之價錢而享受美味的一餐. 實在物超所值. 值得一試再試.

搵左兩次 今次睇埋地圖都係唔識路 結果都係不變定理問路最實際唔該哂生果阿生既指點上到黎好想食良農夫包 但係好似lunch食會太飽唯有食個常餐蕃茄薯仔通粉+奄列兩個蠢才黎到唔食豬仔包 好春虫虫...但個通粉湯底真係好好味!!!! 同埋好多料 d薯仔多到呢我最鐘意既蘿蔔都好好味 好lum 入味。同埋酸度岩岩好 雖然一定有茄醬加料 但真係好岩口味。奄列不過不失 正常水準 但無蛋汁的。唔使好特別 食完好溫暖已經夠好足夠。其實呢個餐好有媽媽既味道呢。下次一定要再黎食農夫包。唔知有無期望中咁正呢。

見食評講到咁好，一於走嚟試吓，我order咗一份咖哩雞農夫包($43) ...第一次幫襯，自己都唔知點order，十吓十吓咁，但啲員工好nice，佢哋話我知：「你可以拎住個號碼牌坐陣先，等陣我哋會拎嘢食埋嚟比你」真係比貴價餐廳仲好service呀 個餐拎到埋嚟，我不禁「嘩」咗一聲，因為我預期佢嘅size係一個飯碗咁大，點都諗唔到係一個湯碗囉 麵包鬆軟，一食就知係新鮮麵包，裏面全是咖哩雞，雞肉好滑，勁香咖哩味，仲有個蕃茄薯仔湯，湯料勁多，薯仔夠淋，好好食 ... 仲有一碗咖哩汁，係for你點麵包食嘅，$43真係一啲都唔覺貴 之不過，食完之後，真係好飽

我上個星期放工專登去食農夫包，本人偏愛食硬身法包或焗過的脆包.有口感又香口。所以我食過兩三次都會返食.今次的咖哩雞包,雞炸得有點硬.因為我諗住雞應該比其他豬牛較滑的.（6.5分）.汁係唔錯分開碗仔上好體貼．知道有人怕個包變淋．.點包食一流.（8.5分）我鍾意個湯但點解冇紅湯唔見菜及蕃茄..有少少會更好.(7.5分)上次同friend食個　server極力推介凍咖啡．咁我信硬佢．．famous well-known product 加幾蚊咁試下囉．佢話同出面好唔同．但我本人對奶茶，咖啡冇興趣．但男友話好正．咁信佢攞．(9分)食完個口有點乾．港人接受的咖哩口味P.S.個飽太大．share食都得．係女仔２人份量．服務員都幾好．送餐到面前.個價已經包了service

聽朋友講澳門翠苑茶餐廳D嘢食好好味，昨日終於去試下。個豬扒飽真係太美味了！豬仔飽外層香脆內裹軟綿綿還有一層蒜蓉牛油和洋蔥絲。加上塊豬扒，全部味道好夾。葡式鮮茄牛腩粒通粉，真係"無味精"而且係螺絲粉。個鮮茄湯好有鮮茄味。好足料！仲有個牛油豬仔飽送。大件夾底食。我男朋友話個"金牌凍咖啡"最好！好有咖啡味。我唔飲咖啡都覺得好正！好香好滑！真係唔錯~值得試下~熱奶茶就OK啦！服務一流，無諗過熟食中心都有送餐service!下次會試咖哩雞農夫包！

因為朋友P要買電腦~一行五人~所以我提議去食農夫包~因為未食過~點都要試下但其他三個朋友都食過so~得我叫左牛柳農夫包加凍coffee,另一個就叫左鮮茄牛腩粒通粉, 奄列加凍lemon tea. 講個包先~都真係幾大個~一個人食唔晒~要分d比人,味道真係一般,但勝在夠特別同新鮮出爐呢二點可以補番個味道...coffee...其實我一向都係飲奶茶既人~黎到呢度當然要試下...不過.......真係唔錯~如果你好鐘意飲coffee我覺得你應該可以黎試下...另外朋友個鮮茄牛腩粒通粉~都ok~湯底同我個羅宋差唔多~但淡d...朋友仔話如果同我個湯一樣就更加好...最後.........我個日去...d 冷氣完全唔夠凍...係去到熱tim!!!!同埋環境都幾差下...係超多蚊....飛黎飛去咁...個笑係比夠特別同新鮮出爐~唔係味道啦

之前食農夫包果陣見到佢個鐵板餐$35咁平 於是某日又黎食個tea 又係果個友人都幾開心 有個好朋友成日同我周圍去食野=]今次叫左個鐵板牛扒餐 份量都唔算多牛肉冇乜牛味 而家唔算林 都要咬ok耐先得但個黑椒汁真係唔錯 有少少辣 但個扒真係差d

同fd專程黎食個tea 1個農夫包餐兩份食個包都幾脆 唔算太熱 但都唔會太凍 幾好加埋d咖哩汁黎食真係幾正 但個汁好似咸左少少我地食果個係咖哩雞農夫包 d雞肉都ok林 雞肉+咖哩+脆包包 3樣1齊入口真係幾正佢杯咖啡亦唔係流野! 普通茶餐廳果d凍啡入口係酸酸地但呢度呢杯凍啡完全冇酸味 而且都幾重咖啡味 好岩我心水!總括黎講係幾好食 但$46就貴左少少

今次來翠苑是帶朋友來吃的點了豬柳的農夫包是這個了!!!!! 找到了!!!!!不用另外買豬扒包了!!!!因為豬柳農夫包的就是和豬扒包一樣的肉太美味了!! 以後來我都會點豬柳來吃呢!!!!!咖啡依舊的好喝 太美妙了