澳瑪葡國菜 (已結業)

餐具跌了落地仍給顧客用，服務員衛生意識很差，點了龍蝦汁蕃茄蜆、馬介休薯球、豬肩配雜菜，Sangria 及Mocktail, 食物及飲品味道全是一般，有點失望，因為10.1國慶煙花，所以每位最低消費$200，如果平日我會覺得這價錢真的不值，但為了看煙花都還可以吧！

起菜超快，尢如大家落、尾心。香港食物水準越來越平均，多謝大集團。八瓜魚沙律：dressing 是講不出有什麼調味。Duck rice 焗飯：salty n greasy. As such I mixed it with the salad. Garlic prawns: 雪蝦。白雪雪。如果你只是要快。

今晚為朋友慶祝生日，壽星指定要吃葡國菜，最後選了澳瑪，貪海港城泊車方便。因為訂了位，我們獲得一張玻璃窗旁的桌子，可以一面吃一面欣賞維港夜景既然是慶祝生日，當然要首先乾一杯！因為有駕駛者，是晚點了無酒精的Roma Sangria：淡紅色的飲品很適合賀壽，入口石榴味重，酸甜度適中。唯一小問題是生果粒太少了。我們叫了一jug，大約有圖中的四杯。本人很少在香港吃葡國菜，打開餐牌，發現當中的菜式跟在澳門的葡國餐廳見到的很相像，似乎澳瑪並沒有作出＂入鄉隨俗＂式的遷就改動，保留原汁原味葡國特色很多東西想吃但肚子只有一個，千挑萬選下點了以下的菜式:落單後侍應火速送上一籃豬仔包。包包很熱，外脆內軟，美中不足是放在包下的牛油竟熱溶了如果牛油另放一旁就可避免這情況。炸馬介休薯球美味又足料，咬開有粒粒馬介休塊，薯茸勁香滑，調味亦出色，不會過鹹或過淡＂霹靂＂醬燒雞翼。霹靂醬是一種芥末黃色的濃稠醬汁，帶極微辣味，不知怎的吃下去有點點兒南美感覺！雞翼燒得香，不過可以再燒熟一些，因為吃得時候發現有輕微＂黐骨＂情況。檸檬白酒汁煮蜆。這裏有兩款煮蜆，這個以外的另一款是蕃茄龍蝦汁。我們認為檸檬汁更能帶出蜆的鮮味所以選擇這個

好味，特別中意無酒既sangria、肉腸焗飯、烤乳豬、豬耳沙律、葡撻，高水準，環境好好，waiters 好友善，kids friendly. 每次聚會我都提意去呢間！

食到一肚氣！為咗寫依篇食評，開咗第一個open rice嘅account！星期六晚6：30去食，餐廳明明無人，但係帶位嘅女侍應生掛住同其他人傾偈，竟然唔肯帶位，叫我哋等等先......之後點咗嗰馬介休薯球，焗蟹蓋，同墨魚燴飯，都非一般咁難食。首先，嗰馬介休薯球，半兜薯球都食到有魚骨。到嗰焗蟹蓋，一上菜嘅時候係凍嘅，跟住嗰經理都好好, 幫我哋換咗碟新兼係熱嘅焗蟹蓋比我哋。(可惜嗰味道真系麻麻哋，啲蟹肉已經焗到又老又乾，真係食唔落口！)最後，嗰墨魚燴飯先係最恐怖！嗰飯同嗰墨魚係分開兩碟上，完全唔係燴飯？！搵咗同食咗好耐，都搵唔到有墨魚，最後先發現原來啲墨魚粒已經係煮到諗晒，同埋應該係罐頭墨魚／好唔新鮮，因爲嗰質感真系好奇怪，一啲都唔似墨魚。食完餐飯都諗住當自己黑仔就算啦。點知，走嘅時候仲要被開頭唔帶位嘅女侍應生藐，真係嬲到爆!成餐飯食得非常唔開心：( 間餐廳除咗嗰經理態度係好之外，其他嘅侍應生都無乜禮貌。食物唔好食，算！但係仲要受氣，真心覺得茶記都好過依間餐廳十倍！

最近和葡國菜實在太有緣份，連著吃了好幾頓。weekday的海港城依然人山人海，想吃的餐廳大排場龍，看到Alma不用等位，而且餐廳空間感十足，就進去試試吧。這裡有好幾款湯看起來都不錯，三心兩意最後選擇葡式肉腸薯蓉青菜湯頗大一份，可以和朋友share來喝湯的溫度夠熱，味道也不錯，能嘗到薯蓉和青菜的清香在餐牌看到火焰葡式肉腸，感覺好吸引，就叫了一份試試店員把肉腸放到你桌邊，親自現場烤火焰慢慢把肉腸燒熱加溫然後再細心地切成一小片方便進食肉腸口感扎實，但味道非常痠，吃不了幾塊beef ribs 牛肉味濃，趁熱吃調味非常香口還配了薯條，頗大一份，但薯條非常乾身，也不夠熱度加配一個小蔬菜西蘭花、椰菜花和四季豆都非常新鮮爽口，煮得剛剛熟，不會熟透，保留營養價值和水分味道清清淡淡，咬起來爽脆清新，非常適合中和重口味的葡國菜最後一個八爪魚燴飯米飯吸了汁的濃濃味道，而且燜得非常透徹，每口飯都是濃郁好滋味，但八爪魚分量就較少。不得不說，這裡的服務非常周到，又熱心盛湯，又耐心服務，讚一個今晚小黑又請客

朋友話難得訂到檯，隊長都奉陪到底去試下呢間新既葡國菜。其實隊長就麻麻地葡國菜，因為好咸，選擇又唔多，不過香港自從無左小飛象之後，都好似無晒葡國菜食，朋友訂到檯就即管試下。餐廳環境都幾靚，窗邊係望住維港，張檯都夠大，人多去食都唔怕無位放野食。其實間餐廳service就麻麻，落單時，問阿姐個燒乳豬夠唔夠我地5個人食，阿姐話可以分開5件比我地⋯⋯答左等於無答，同埋攞走左個骨碟又比番隻新既我地，搞到自己成碟都好多骨。極速上菜，先黎個霹靂燒春雞同燒乳豬，燒春雞個名就好勁，其實就普通啦，燒得入味，同埋雞肉都嫰口，不過就同西餐食到既燒春雞無分別，食唔到有幾霹靂；至於個燒乳豬，會比燒春雞好，個皮都夠脆，而且唔肥，唔會油淋淋，不過份量就少左d，一人得一舊。跟住再黎馬介休薯蓉批，如果唔想成日食炸馬介休球，呢個係不錯既選擇，因為會比較無甘熱氣d既馬介休菜式。白酒煮蜆，蜆既份量比我想像中多，不過味道略淡，唔係好食到白酒味。因為份量細，最後叫多左個八爪魚飯⋯⋯好扼錢，一兜白飯+一兜茄汁八爪魚，八爪魚唔un，不過味道同口感似食緊茄汁魚旦⋯⋯整體而言，味道不過不失，而且偏淡，重口味人士未必岩，口味更加唔係正宗，要食

星期五8點幾，好多地方都爆晒棚，見呢間好似少啲人，所以攞飛排隊。等咗十幾分鐘左右就有位啦。有armchair坐仲好舒服，但可能啲裝修冇咩吸音效果，周圍幾噪吵。首先黎到嘅係1 jar Portugese Sangria，侍應幫我地分埋，服務唔錯。relax飲吓，sangria本來就易入口，味道都唔錯嘅。啲嘢食黎得好快，燒春雞有啲老，但隻piri piri汁唔錯。馬介休薯蓉批都唔錯，中間係個馬介休mix周圍7粒薯蓉圍住。一定要兩樣一齊食就岩味。單食薯蓉就單調，單食馬介休就太鹹。但上面啲橄欖同 "喬頭" 就唔係幾岩我口味啦。總括來講TGIF! Chillax 吓飲飽食醉

招版霹靂炭燒春雞燒得唔錯，皮乾肉嫩，不過春雞真係肉唔多同雞味唔會太出，醬汁似沙嗲味。炸馬介丘薯球外表似薯餅，切開是凌魚球的顏色，食落味道有點淡，微辣。薯球炸到好淋，不過咁圓中間都熟透，但表皮就保持唔到金黃色。濃湯燴海鮮通粉魚有些小骨，蝦彈牙，番茄味唔出，整體不過不失。

上次食葡國菜已是去年在澳門，再上次就數年前去葡萄牙旅行之時😲香港唔多搵到食葡國菜嘅地方，冇咁普遍，可能係咁就令我念念不忘！餐廳裝潢設計好有葡國風情！都幾舒服！如果坐海景位就更一流一打開餐牌，去葡萄牙旅行啲回憶蜂擁而出！好懷念葡萄牙嘅美食橄欖是葡國菜必有的，沙律當然也有！男朋友唔鍾意橄欖嘅味，我就還好，呢度嘅橄欖可能係為咗配合香港人嘅口味，味道同咸味都降低咗好多！沙律份量十足炸馬介休薯球，食得出分得出有馬介休，唔會淨係得薯仔，一客五件好抵食馬介休唔咸，好味肉腸薯仔菜湯，呢個湯令我去葡萄牙旅行嘅回憶湧現！湯嘅份量超乎想像，本來諗住得一碗，原來分量有一小鍋！驚喜！足二人份量！肉腸味道偏咸，用來調湯嘅味，湯有打爛嘅薯仔同菜，好好味，好感觸！雖然唔係十足葡萄牙味但已很相近大蝦鱸魚焗麵包皮，叫嘅時候冇留意係麵包皮，我哋係俾相吸引麵包皮焗完好似麥皮糊，吸引咗啲海鮮濃湯，好好味侍應姐姐話呢個好多葡國人叫！食葡國菜當然要飲番支葡國啤！當我哋問戴眼鏡的侍應姐姐泊車優惠後多叫一支啤酒，侍應姐姐好窩心咁問我哋揸車飲兩支啤酒唔係幾好！當然我哋唔會做危害他人嘅事，當晚乘客司機就交換位置啦！

今天相約了舊同事吃午飯，難得眾首一堂，有人提議了吃這間新開的萄國菜，試過不錯喎。餐廳面積大，又有無敵大海景，坐得舒適。前菜：橄欖蒜片蝦，和我想像中的有很大出入，以為是乾身用蒜片炒香的那種，不知道原來是那麽水的，試一口，蝦肉被梳打粉＂那＂到沒有味道，那些水狀的汁也是沒有味的，還要加$15，感覺很不值。精選葡式湯，除了咸和薯仔的味道，我嚐不到有其他的，這就是葡式湯嗎？I don't think so 囉！餐飽，為全餐稍為正常的，至少，包夠熱，口感都算軟。薯條，味道不錯，不過很大筒，點了四個午餐，有三大筒，我們打包了２筒，真的不需要那麽多薯條呢，可否以其他的配菜代替？比點誠意來啦，好無？燴豬面頰配薯蓉，肉質尚算腍，不過沒什麽肉味，另外，旁邊的小椰菜是苦的，又一失望之作。招牌炭燒霹靂雞，個雞好味，肉質夠多汁，不過一定要點旁邊的那個葡式醬汁才會夠味，味道則有點似沙嗲醬，誠意欠奉。葡式烤乳豬，賣相不錯，烤得夠脆，熟度也適中，不過敗筆在於豬太多肥膏，肉偏少。甜品，左：朱古力慕絲，小妹不太好朱古力，覺得只有甜，而且個人不太好齋食慕絲，口感很膩；中：肉桂軟蛋糕，口感像Tiramisu下面的濕蛋糕，有點像

同老友食lunch, 上次經過已經想試, book 位時留左window seats, 對住天氣一流維港view 食lunch+傾偈.絕對賞心樂事~~lunch set $118+10%包前菜,主菜同任飲蜜桃冰茶, 以地點,環境,食物質素真係超值~~服務員工很友善, 亦有主動添冰茶及收碟~~

今次嚟到Alma搵食！上次同客食過覺得幾好食～就諗住再試一次啦～原來個menu都轉得幾密～今次明顯不太吸引！寫開食評先發現佢隔咗幾個星期原來加咗＄10！白菜蘑菇薯蓉批 （$118）一上枱真係嚇親⋯説好的批呢？我同同事都以為係有批底嘅批⋯佢表面就好似相咁有幾片蘑菇～然後就係薯同薯同薯同薯……墊底就有少少白菜～個薯蓉係冇乜調味的～後來要狂落茄汁先有味⋯⋯希望呢個主菜盡快喺餐牌度消失啦！

和姐妹慶生，一行6人預約出席，完全不用等位。一坐下來看到靚靚的海景，坐位之間空間感十足，好舒服。無論是餐具擺盤和色彩配搭均不錯。先來兩客炸馬介休薯仔，炸粉不多，啖啖薯味，不錯。其實不是我點菜，所以我不太知道名稱是什麼。這個鱸魚，非常推薦，好好味。魚質鮮嫰，先咸後鮮，不建議食魚皮，因為好多鹽在表面。再來烤乳豬，雖然肉很嫰，但皮不脆，口感很差，幸好配醬調得不錯，有加分。薯仔炒蜆，好食。烤雞，超級難食，無味道，老肉，完全不值呢個價。肉腸焗鴨肉飯，是成晚最差的食物，飯太乾身，鴨肉絲雖然混合在裡面，但飯沒有鴨味。平凡中只是盡見平凡！蛋糕免切餅費，雖然有好幾樣東西都評價不好。但我整體仍想再來。因為價錢實惠，座位舒服大體，而且某幾款食物不錯。

經友人推介下，首次來到Alma. 從未在香港食過葡菜的我，是帶著一點期待的。由於沒有預先訂座，我們大約等待了45分鐘才可入座。餐廳面積頗大，配以平實的裝潢和枱凳，我們被安排在窗旁就座，能夠飽覽維港的夜景，欣賞幻彩詠香江！這次我們點了三款食物，分別是推介的霹靂雞，馬介休薯球配時蔬，以及葡撻。霹靂雞我們被這個名字吸引到，這是沙爹口味的燒雞，上菜時已被一分為二，方便我們進食。雖然雞的體積不算大，但啖啖肉，而且入味，雞腿部份較嫩滑。可是一些部分燒焦了，但也可接受的。如果喜歡濃味的，還可以沾一點附上的醬料。馬介休薯球配時蔬著名葡菜當然少不了馬介休！馬介休是一種以鹽醃製的鱈魚，這碟菜將馬介休混入薯球內煮成。雖以鹽醃製，但其實是不會太咸的，與薯球的味道很搭。馬介休的份量也很充足。但時蔬卻令我們有一點失望，可能是加錢配以的關係，只有一小碟。內有紅蘿蔔，豆類，白合和西蘭花，味道一般。葡撻飯後甜品當然要嚐嚐葡撻！葡撻是酥皮的，配以金黃帶焦且幼滑的蛋餡。這個偏甜，略嫌蛋味不足。