澳洲牛奶公司

营业中

休息中

佢應該係稱得上香港最有效率，最符合香港人高效率嘅茶餐廳首先我行入去就已經有好明確嘅指示，我要坐邊佢招呼完我大概用咗30秒就可以落單我前前後後，應該用咗1-3 分鐘就已經可以進食總括來講，如果你係自己一個行入去，純粹係解決嘢食嘅話 你係絕對可以15分鐘就已經食完個午餐出返嚟每一次去我都覺得啲夥計嘅態度都好似好左推介嘅菜式 常餐炒蛋係最好的👌🏻配番個靚意粉🍝不過最出色應該就係凍奶茶啦，我覺得好有港味 一定要試見下圖

係情意結，那年讀書，常與同學一起去食，同學仔總會提我，快d 叫食咩，呢間有咩好食……回憶就是美好。今日再到，看到伙記們開心交談，又張瑛，又咩台灣人做，講講吓又咩倚天，咩金毛獅王，咩張無忌。聽住都開心，那是集體回憶，香港情... ...當然記住叫茶餐，伙記好心提我，飽要唔要烘底，炒旦，煎旦，心急又帶點緊張地點好餐，開心享受，那味道。叉燒通粉：湯味濃郁，叉燒都有4,5件，通粉夠軟（好怕硬），我鍾意。火腿煎雙蛋配烘底多士：當然最愛厚多士，記住那些年多士冇咁厚，烘底加牛油已好好味，仲有煎旦，嘩！旦汁點包又好，成嗰放入口都好好味，火腿仲有兩片，早排去另一餐廳食嘢，火腿片變火腿絲，sad。熱檸水：係有四片檸檬，唔係所謂的已破碎了俾你的所謂仿檸檬。。。正。蛋白鮮奶：同場加映，熱蛋白鮮奶，那些年必叫，開心的回憶，仲係熱烘烘，甜度剛好。美麗，就是不變，情，常在。

perfect turn over rate.even queuing 20ppl outside, just clear it within 10 mins.they just hv three set menu.very effective kitchen, cleaners, staffonce u sit down u need think of food u eat. if u wait, staff will stare at you.😳your heart will feel nervous❤️u will eat faster and leave it faster.very good marketing skill🥚🥚🥚egg are excellent.the milk pudding is very good too.90$ eat u very full.price is very good in tst area. worth.will come back✅#food #hkfood #hongkongfood #hongkong #hongkongdesser

#乜乜飲食日記 「由細食到大。留住溫度、速度、溫柔和態度的Comfort Food。但真係貴咗好多」———————————————🔺速食首選🔺香港人特色🔺快快快🔺多士炒蛋好食🔺最多二人好啦🔺懷舊🔺其實燉蛋燉奶都好食———————————————🍊常餐 $52 (lol)炒蛋多士烘底＋通粉＋熱奶茶•炒蛋同多士 通粉會食到一粒不留🫶🛎未去過的提提你～正餐只有3款：快餐、常餐同早餐😆

巧合喺呢間餐廳附近嘅office intern, 成日經過都見到排好長隊，以為真係神一般咁好食。有一次放工就去試吓食，啲職員真係好煩 係咁催人落單同埋單。佢個套餐確實係冇乜選擇，晚餐好似得兩個套餐，其餘就係單叫🤔個人覺得太普通，加上都未睇完餐單，已經俾人迫落單，感覺上好似嗌錯餐😢同埋我男朋友本身食嘢慢，職員對住佢黑面係乜事？究竟呢間好食嘅地方喺邊？蛋白燉奶？真係有嘅 我都唔會嚟食。。😕

澳牛相信係大部份香港人都唔會陌生，出名鬧客催落單同上菜快而見稱，而佢的炒滑蛋同燉蛋燉奶都有番咁上下質素。但大家或者未必知澳州牛奶公司名字由來，原來老闆曾經係澳州做過農場工人，所以係70年代開冰室時就改名澳門牛奶公司。今日經過佐敦，居然唔洗排隊，咁岩又等緊朋友，咁就入去叫左碗蛋白燉鮮奶，叫完唔夠10秒已經光速送到枱上。呢度的燉奶唔係雙皮奶，不過佢奶味都幾香濃，而質感都幾嫩滑，但又唔稀變得水汪汪，所以證明鮮奶同蛋白的比例，加上蒸煮的時間都調較得岩岩好先做到呢個效果，咁多年同每日咁多客都Keep到呢個水準，其實都唔易。最後唯一對澳牛有些少失望的係埋單時，個伙記俾左單我時居然好有禮貌同我講「多謝幫襯」。呢四個字完全係衝擊左我一直對澳牛的認知，難得伙記有禮貌反而會有種唔慣的感覺，更加不禁懷念以前戰戰競競嗌餐，驚俾伙記鬧的回憶，或者人就係咁犯賤吧!

🙌🏻😌打曬蛇餅都好快入到去～果然出名快！🤍🥣 🐄 蛋白燉鮮奶 - $33近排愛上咗蛋白燉鮮奶，去到邊都要試一碗🥣養顏潤膚依啲就其次啦😌最緊要都係好味呀嘛😚之前試親嘅都冇乜特別，但係澳牛依碗簡直係蛋白燉鮮奶嘅巔峰(🥇頒過獎俾佢先!啲蛋白同鮮奶味就算凍住食都好出味🤪🤪🤍🤍非常之香滑🫶🏻🙌🏻質感👶🏻🍼好似初生BB嘅皮膚咁嫩滑，擺入口佢會動L動L咁🤤(咁講小變態 but trust me!!簡單啲講：味道+口感=好味到冇嘢講💘p.s. 絕非打手🫲🏻✍🏻鍾意蛋白燉鮮奶嘅fans試咗就會明🤤-📍 澳洲牛奶公司 (佐敦)佐敦白加士街47-49號地舖

今日經過見到難得唔駛排隊 就入咗去食前面兩位入咗去我用兩隻手指✌🏻示意兩位門口個哥仔勁串問我幾位okay 澳牛啲串嘴風氣又返曬嚟不過入面嘅侍應其實都仲係好nice 叫咗一個常餐跟凍檸茶 牛治烘底加凍燉奶澳牛啲野水準一直有下降趨勢常餐個通粉無以前咁好食尤其個叉燒越嚟越薄今日個叉燒已經係厚返小小個湯底唔知做乜勁鹹 鹹到隔開啲湯食 最好食都係炒蛋多士 水準一直keep到另外叫咗牛治都還好 牛肉比得唔多 係罐頭碎牛肉但烘底烘得靚嘅燉奶依舊好食 好夠滑不得不提下杯檸茶 茶底超清 好好好好飲！！Btw 今日自己個檯 仲有其他檯都係兩個人坐卡位 好驚驚😂😂😂😂驚隨時比侍應_叫我地坐返一邊

我移民咗去英國，難得得返嚟香港， 梗係要試下佢個光速餐都排幾長龍， 但係啲侍應哥哥真係好有效率， 原則上我只係等咗五分鐘侍應哥哥都好有禮貌同埋好有效率， 當時落緊雨， 佢哋都有主動幫人將啲濕嘅遮放入個膠袋裏面好有效率， 一入到去就即刻問我食咩隔咗唔使十秒後即刻有得食， 非常欣賞我點咗茶餐通粉份量超足叉燒都好多個湯底都幾好飲唔錯炒蛋特別正係我最推薦嘅嘢又滑又好味凍朱古力都幾好飲飲品通常都係你食到一半啲侍應哥哥就會過嚟問你飲咩抵讚我下次一定會再嚟

今日第一次挑戰澳牛，未去之前做足功課：睇用家評論、餐單同背熟要點嘅嘢。一坐低，侍應立即過嚟落單。我叫咗「茶餐，多士、炒蛋、通粉」。因為枱比較細，飲品要後叫。落單五秒後，叉燒通粉已送到眼前。再過五秒，多士炒蛋都嚟埋。果然係光速效率。叉燒通粉無論叉燒定通粉份量都好足。通粉煮得啱啱好，亦好夠味。炒蛋香滑，牛油多士都唔錯。差唔多食完，叫埋杯凍華田。差唔多飲完，侍應就會過嚟寫張單俾我。埋埋單，成個用餐過程只需20分鐘，快💨、靚、正！

事隔半年又再來澳牛🐮仍然係排長隊、人氣依舊向來好鍾意呢度嘅職員高效率、做實事🔝✔️雖然有啲人會覺得佢哋好惡有時落單講慢咗 都被白眼🙄但佢哋真係好Man😎分享今日所見所聞今日我坐喺卡位入面要同另外一個陌生男人搭枱此時有一個大肚婆🤰行入嚟要搭我哋嘅枱對面嘅男人玩緊電話📱仲未識反應此時 Man爆職員已經話：快啲讓裏面嘅位出嚟比大肚婆🤰坐入去呢度男職員嘅貼心真係😍😍😍食物有幾高質不需要多說 大家睇相☺️

一家六口，4小孩用餐， 店員有耐性落單， 並提供一切所需的協助， 包括提供小碗，。餐具不小心掉在地上， 即刻換新的， 時刻了解我們的需要。 每月來一次均獲得以上服務。 食物美味， 保持一貫水照l准。

💁‍♀️💁‍♂️ 1/7/2023(Sat), Lunch🍽放假嘅一日，為食妙妙同A先生朝早出咗去九龍區有啲事情要辦，之後到接近中午又要搵食啦，忽然諗起好耐無食過澳牛嘅光速餐，即管兜一轉過去睇吓食唔食到先。我哋大約正午時間到達，離遠已經見到店外嘅人龍，大約排咗二十幾人左右，好在呢度翻枱嘅速度都係同上餐速度一樣咁快，我哋只係等咗唔夠10分鐘就可以入座。而今日我地order咗：🔆 茶餐（$52）茶餐預設嘅食物係牛油方包🍞、火腿煎雙蛋🍳同埋叉燒湯意粉，當然亦都可以改做多士、炒蛋或者湯通粉。為咗配合呢度嘅節奏，所以A先生每次落單都係好精準用最簡單嘅字數去落，今次只係：「茶餐要多士、炒蛋、通粉x2。」就完成落單嘅過程。落完單即刻喺褲袋拎個電話📱出嚟，諗住計吓光速餐要幾快可以上到枱。點知拎完電話📱，都未開到個app，侍應就已經送上咗炒蛋多士😱，估計最多十零秒⏱️。當然其中一個原因係我哋坐得近水吧，佔盡地理優勢✌🏻😂。炒蛋多士嘅炒蛋煮得剛好，蛋仍是帶流質的質感，入口嫩滑有蛋香。多士厚切，烘得外脆內軟熟，再塗上牛油🧈，夠晒香口好食。A先生有個習慣，食牛油多士時總會再灑上一點砂糖，令到多士除咗牛油🧈嘅香氣之外

澳牛最出名係速度，態度同埋味道。速度仍然係光速，叫完已經放咗係枱面。態度好咗，因為朋友諗咗一陣，都冇唔耐煩。 (當然千祈唔好諗太耐。)味道都係咁好，兩款糖水都夠香，夠滑。- 蛋白燉鮮奶 ($33)蛋白燉鮮奶好嫩滑，一啲都唔實，又唔係水汪汪咁樣。係要蛋白，鮮奶比例，同埋蒸既時間啱啱好，先至做到咁既效果，真係好難做到。味道香濃，因為係熱食，所以鮮奶同蛋香，更加特出。- 杏汁燉雞蛋 ($33)原本以為有杏汁都係白色，點知係黃色，差啲以為上錯咗。燉蛋都係咁正，好嫩滑，同燉鮮奶一樣咁出色。不過我比較鐘意食杏汁燉雞蛋，因為多咗杏仁味，更加好食。

幾乎每本香港旅遊書都介紹到的澳洲牛奶公司，最有名的就是蛋白燉鮮奶與杏汁燉雞蛋，提供的地道港式早餐常餐也非常受歡迎，但澳洲牛奶公司評價非常兩極…全港僅此一家，因此時時刻刻都是排隊人潮早餐$43多士配炒蛋🍳多士夠曬厚質地鬆軟 炒蛋滑溜有蛋香火腿通粉🍲又係僅僅夠暖, 一放枱即刻可以入口呢個就係呢間餐廳嘅聰明之處🤣 絕對唔會因為太熱食唔到湯底正常鹹鹹地,火腿及通粉分量正常,味道ok奶茶味道正常唔算突出☕️澳洲牛奶公司光速餐之名聞名於海外, 所謂光速餐其實是比喻澳牛的上餐速度奇快，連M記都得甘拜下風🤪