影片
以上资料只供参考，请与餐厅确认详情
今日途经太子，想买卤水返屋企食，经过呢间卤水店，买左$60拼盘(半斤，可选四款。拣左红肠、猪肚、鹅肾) 一只猪耳$20, 一只细鹅翼$18，四两墨鱼$50 个师傅切拼盘时，已经觉得奇怪好似冇秤过，每样拎一旧即刻切。返到屋企用电子磅发现严重呃秤，半斤应该系302.4g 但实际只有241g。如果以$60半斤作计算，足足呃咗客人$12。同埋红肠系大陆防腐剂味红肠，好难食！其他卤水不过不失，猪耳、猪肚、鹅翼都够味，鹅肾唔入味。就算你几好食都好，咁唔老实永远唔会再帮衬！
继续阅读
以前喺界限街旧舖做烧味同卤水时都有帮衬开，现在转左去新铺虽然只做卤味，但师傅👨🏻🍳冇转，一样咁好味扺食。见佢只得一个食评，实在忍唔住手要写吓📝。上次二佰三十蚊一大盒卤水鹅，再加一盒鹅肝、豆腐、猪耳、鸡肾，但忘记了影相。卤水鹅🦢味道啱啱好唔会太咸，啲鹅肉好淋，皮唔韧亦不会太肥，鸡肾猪耳都好味，尤其鹅肝亦很滑。今次食卤水鸭🦆下庄只是三十五蚊，但食咗几件之后才记得影相。今次虽然系鸭，但质素并没有下降，当然肉身冇鹅咁厚喇。
继续阅读
今日剪完头发经过，见老细间铺执得好企理，佢仲好细心咁遂件遂件放好d鹅翼呀颈呀、脚呀咁，睇得出佢好俾心机去打理个铺头。买左一盒佢执定嘅鹅翼连脚，盛惠$30。一拎到番屋企就食，仲有d暖暖地，系新鲜整嘅nice！老细仲俾左少少卤水汁我地，鹅翼虽然细细地，但佢只卤水汁劲好食㖞～ 好香！有少少药材味但唔重，唔咸！食晒都唔会颈渴食到我同屋企人停唔到口，食晒先醒起唔记得影相 净系影到个外卖袋咋 亚妈仲话下次要买多d，仲有佢d卤水豆腐睇落大旧又入味，下次一定买黎试下
继续阅读