潮鵝城

营业中

休息中

今日途經太子，想買滷水返屋企食，經過呢間滷水店，買左$60拼盤(半斤，可選四款。揀左紅腸、豬肚、鵝腎) 一隻豬耳$20, 一隻細鵝翼$18，四兩墨魚$50 個師傅切拼盤時，已經覺得奇怪好似冇秤過，每樣拎一舊即刻切。返到屋企用電子磅發現嚴重呃秤，半斤應該係302.4g 但實際只有241g。如果以$60半斤作計算，足足呃咗客人$12。同埋紅腸係大陸防腐劑味紅腸，好難食！其他滷水不過不失，豬耳、豬肚、鵝翼都夠味，鵝腎唔入味。就算你幾好食都好，咁唔老實永遠唔會再幫襯！