影片
招牌菜
试过两次都中招两次都经app叫第一次叫金牌鹅片,份量劲少谂住鸭无鹅咁贵应该份量会多返d,所以今次叫鸭片结果得10小块,会唔会少得可怜🤦♀️其他野食份量ok,味道都正常既
继续阅读
几时都系，无论自己一个人，定一大班人食，食潮州打冷就系最舒服最爽。座位一定不及高级餐厅舒服，卫生也是，但就是食气氛﹑和熟悉的食物。打冷就是以不变应万变，对于现时市面大量fusion 新式菜，食一次两次都觉得新鲜好奇，但只有这种旧有味道，才最令我值得回味。打冷一定要嗌鹅片。鹅片都算稔。当然唔洗指意喺香港食到新鲜鹅，但都算做得很不错了。仲有蚝仔粥，够哂鲜味～蚝仔都唔算太细仔，几好～最重要，打冷一定要饮大啤。啤酒够冻，配上各种小菜，同老友吹水，真的一乐也～难得在陌生的上水，找到熟悉的味道同声音，找到麻甩佬的幸福。
继续阅读
取走座位，声称转头归还，但不了了之！亦叫极没有人理会，连落单也没有人理会！服务态度极差，落单等待良久上菜，但错也不认。总之叫天不应，叫地不闻！伙记错，死都不认！😠
继续阅读
罪过罪过！饱到想扣喉！三个人叫九个菜、四支大青岛、一碗糖水！露天大排档系热少少，无奈上水无咩潮州菜馆好食，潮香园已经唔错喇 ﹗食食下居然跳制停电，够晒浪漫，摸黑都唔知食紧咩。有情调都无用，炎炎夏日无风扇无冷气，展兄热到要裸住食饭，我做开高温运动先顶得住乍。蚝仔粥走葱走芫茜，普普通通不怎惊喜，方鱼肉碎汤底香甜欠棒，用料不足使到偏向淡口而单调。虽然蚝仔细细，不过够肥嘟嘟胀卜卜，食得到蚝鲜味。依个粥味道及份量免强合格，一试无妨。净猪红，汤汁强烈豉油味外没什么香料卤水作点缀，好闷呢。猪红质地欠缺滑溜感觉，强差人意呢。而且浸得唔够耐，汤汁未能完全渗透猪红之中，味道甚淡，唯有沾上大量辣椒油补救啦。卤水鹅，有水准、高质数，比大埔鹿鸣居更好味 ﹗肥瘦得宜、斩得大细适中，香气远远已扑面而来，卤水味道清爽不浊，泛著宜人香料气味特别醒神，鹅皮胶胶滑滑不肥不腻，鹅肉紧致幼嫩，好食啊。沾点蒜味酸醋精神爽利、沾点微辣辣椒油惹味刺激 ﹗心血来潮想损骨头，所以无叫鹅片。鹅片真系好讲师傅刀功及技巧，如果切得唔好、切错纹理会劲韧劲硬啰 ﹗椒盐虾，对我黎讲必须炸得干身香脆，完只啪入口连壳连肉食原汁原味，完全无浪费，潮香园完全做得依几点，好味道，赞 ﹗虾壳卜卜脆，虾肉爽甜可口，肉汁丰富澎湃，而且味道调得香、辣、蒜、盐刚刚好，够惹味又无过咸，镬气仲非常旺盛 ﹗美中不足无去眼去头去脑，间中会有沙或腥味呢，扣一点分啊。辣酒煮花螺，辣味轻微不呛而温柔，酒味太含蓄差点食唔到㖞，我地个个都好好酒量架，唔洗惊我地会醉呢。花螺浸得软腍，豉油已浸入得透切，不错不错，满意。椒丝腐乳通菜炒牛肉，又系我最喜爱既水通呀 ﹗落单前已问清楚唔系深绿色较硬既旱通，开心死 ﹗水通每年只有夏天几个月有得供应架乍，时令菜有机会当然要食多一点 ﹗翠绿爽嫩，充满水份，大大条空心菜管存住大量腐乳辣汁，每一啖都带著大量汁液非常可口。食野我一定唔会客气，大注大注塞入口，大满足 ﹗食菜唔通续条夹咩？牛肉略乸不过份，可接受。滑嘟嘟腍腍地而味浓，都可以。搭埋多水通菜齐齐食，味道超然，天作之合 ﹗豉油皇鹅肠，好多食肆都炒到腍劈劈，但依碟又香又爽又弹又味浓 ﹗炒功及用料出众，鹤立鸡群 ﹗豉油味清甜突出但又不过火，香气四散，食落甜美爽脆，还要卖相吸引，难得非常好味 ﹗菠萝京都骨，硬系觉得无咩肉食咁，点都要 order 啖啖肉咬下。京都骨肉多骨少，炸完再兜返个甜酸汁回镬，外脆内嫩，肉汁非凡，肉质香软而有赵头，不干不硬好功夫。甜酸汁酸酸甜甜，调得味道丰富不单调，食到尾声去去油腻，去去饱滞感来得正合时 ﹗豉汁炒蚬，居然炒蚬做压轴，因为我想试啰 ﹗预料之外既鲜甜肥美，仲要系考功夫、花时间生炒，并无预先拖水，保持原汁原味，一食便知龙定虫啦 ﹗不过芡汁有点失手㖞，开到又厚又杰又一旧旧，吓死我咩 ﹗味道就几好既，鲜甜中带香口微辣。
继续阅读
我真系会无分季节一年四季都打冷, 我最钟意打冷果种豪迈感觉, 特别同老友啤番两杯乜都讲得一餐, 几畅快!!! 上水依间已经成为我半个食堂, 其实我已经帮衬左好多次, 所以我决定要推介俾大家, 我最欣赏佢个卤水鹅片, 好入味, 啲鹅片完全唔“鞋”口, 正宗嫩滑多汁, 卤水拼盘好大碟, 一啲都唔欺场, 而且卤得相当入味, 必食之选, 其次就系螺类, 佢地啲螺无论任何煮法都可以好鲜甜, 所以我每次例必会叫, 以下系我经常点既螺类菜式……辣酒煮花螺我觉得用酒煮花螺系最无敌既一道菜, 花螺好鲜甜, 但我会略嫌酒味未够浓郁!!白灼东风螺我成日认为若果海产生鲜, 只需要白灼就已经好好味, 依间既东风螺就完全做到依个效果, 我仲每次都会叫两碟, 完全食唔停口!!白灼角螺依种螺系老板推介我试, 估唔到佢仲鲜甜过东风螺, 不过食依只螺要有技巧, 因为啲螺有时会钻到好入, 我用尽所有方法都未必可以撬到啲螺肉出黎~~哈其实佢地啲大炒都好够镬气, 我最钟意椒盐茄子, 椒盐味相当足够, 香口惹味, 一啖茄子一啖啤酒, 简直妙绝!!!
继续阅读