潮食閣 (已結業)

天氣潮濕搞到個人濕氣好重，冇心機食正餐，都係叫d野味既小食當午餐好。 話就話小食，其實呢個小食拼盤都好豐富㗎啦！但都忍唔住叫埋垃絲芝士熱狗腸😛雖然我外賣叫走，返到上樓都仲覺得好味喎油溫如果夠高炸野，食物感覺一啲都唔會油淋淋，呢度就做到到啦！最值得一讚係全部炸物都用椰菜戰墊底，感覺到店主係用心嘅。拼盤可以選擇一種漿汁，我選擇咗蜜糖芥茉醬，用嚟點薯格和蟹鉗有甜甜芥末味好好味。仲可以化解炸物既油膩感。啲食物炸得剛剛好，唔會乾爭爭。返上樓雖然芝士拉唔到絲，但我反而鍾意實的的滿滿芝士嘅口感。餃子嘅餡了有肉碎同粉絲，唔使點醬都有味。蟹鉗就配上蜜糖芥末醬最合親

葵芳-潮食閣: 黑糖麥芽雞翼拼薯格（$35）、鹽燒三兄弟6串（$35）-又經過葵廣頂樓top世界，又掃下街先，潮食閣有超多炸物選擇，雞翼都有數款。黑糖麥芽雞翼色澤很誘人，而且夠熱辣辣，黑糖麥芽呢些配搭其實真係好難唔好食，其實$35得3隻都唔平，好彩薯格都唔算少。-另外$35有6串串燒又好似好抵咁，所以叫左試下，奈可一分錢一分貨，雞腎雞肉都比較乾硬，雞皮也是偏硬唔夠卜卜脆，而且期待的椒鹽味沒出現，被孜然味蓋過了。

搵食高手最近去咗葵芳，呢間潮食閣，原本我就以為係食潮州嘢，點知原來係食時下年青人最鍾意食嘅炸物！全部卜卜脆，金黃色好想試吓。叫咗個黑糖麥芽雞翼拼薯格，聽到裏邊廚房油炸嘅聲音，金黃色嘅薯格同黑糖雞翼就誕生了。黑糖雞翼甜絲絲的，肉亦非常熱和嫩，咬下去熱烘烘的煙不斷冒出來，非常可口，加上有千島醬和沙律醬的配襯，不會覺得特別油膩和熱氣。還有其他餃子和芝士薯波小食，大家亦可隨便選擇。另外下次很想試粟米肉粒飯Show me Your love，真係非常搞笑。拉絲熱狗$18一條，略嫌有點貴，但吃下去沒有令我失望，芝士真的可以拉出大約20 cm左右，外脆內軟滑，芝士控真的會尖叫呢！

舊衫捐左又係時候要添新衫了！ 今日到葵芳購物！專一的我仍是到3樓掃食，其中一間是《潮食閣》很多很多人在排隊，港人最愛排於是點少得我，哈哈！ 職員落單快又準特別在這麼多人時候。在大型海報上顯示食品種類繁多！有福圖片更令人驚訝 —- 拉絲可長達60cm 啊 及 巨型長腳蟹 .. yummy! 價錢由 HKD 1x - 4x 都有。晤夠仲有飯，實在貼心呢！ 脆味炸鮮奶 7粒口感外脆內暖又滑的鮮奶在口內慢慢溶化，醬汁加了煉奶！薯格薯格炸得脆口沒有燶。醬汁同樣可自由選擇而我塗上蜜糖芥末～ 小小辣口提味。

葵芳真係開咗好多好嘢食！鍾意食野既我梗係要去試吓，尤其至3樓開咗條美食街！喺Top 世界，以前同朋友行葵芳都一定會去3樓掃街，而家越開越多嘢食真係非常熱鬧。見到呢間潮食閣幾吸引，原來佢之前已經受過好多唔同傳媒嘅訪問，大多數都係話食過呢個拉絲卷，回味無窮。見到現場都有五六個人排隊，我都來趁熱鬧。店員介紹我識佢哋最新推出嘅韓式炸雞，都想食啲脆口野就點左黎試，雞熱辣辣炸起了，有20幾粒，外表橙黃色，像齋雞粒，真的沒有想過如此好吃，加上沙律醬，甜辣的感覺湧上舌頭，頓時口腔充滿口水，一淡一粒，滋味十足。

葵廣就係有種魔力令人間唔時心思思想掃街今日決定試下去top世界入面條食街搵下野食啦入到去我就比呢個menu排場陣容非常強勁既潮食閣吸引左睇睇menu見到食物選擇都非常多有飯有麵有漢堡亦有大量小食拼盤選擇先黎呢個特色小食拼盤有八爪魚腸(好qq), 蟹鉗，餃子同薯格成四款小食咁多而且每樣份量都唔少 兩三個人share都可以拼盤仲有7️⃣種醬料選擇咁多而我就揀左芝麻蜜糖芥末醬食到lamlam脷hehe然後呢個雞翼拼薯格又係可以揀醬料我今次就揀左沙律醬雞翼整得好入味份量又係兩三個人share岩岩好呢個麵好特別我好少可食咖哩麵但佢咖哩味同芝士味十分之夾而且份量唔少都幾飽肚架所以好抵食呢～佢即製所以新鮮滾熱辣大家記得襯熱食同埋聽到佢廣播話有學生優惠我都想自己仲係學生呀haha真係好有良心我亦見到佢有其他付款方法 同埋參與左d外賣app咁大家係屋企都可以食到啦～最後想講既係店員好有禮貌好nice食得真係好開心

努力一番過後，終於找到新工作，新工作地點位於葵芳區。放工後，前去非常出名的葵涌廣場逛一下。之前亦曾經到過這間小食店買小食吃，今天終於能夠再度光顧。今次點了小食拼盤和軟殼蟹，小食拼盤有不同的小吃，例如脆薯角和香腸等，能夠給予選擇困難症的朋友一個非常好的選擇。小食拼盤當中有蟹鉗，令人非常驚喜。軟殼蟹做得非常出色，配上店員推介的千島醬汁後，有一種天衣無縫的口感。整體上餐廳的食物分量屬於比較大份，因此性價比十分高。

今日行葵涌廣場，上到三樓就好掙扎，因為內內外外都有美食林立，嚟到梗要食下野先有氣力濕平，其實三樓的食店都食咗幾間，所以今次揀潮食閣，炸物控的天堂，而且有好多拼盤揀，咁就可以一次過食到幾款美食好多炸物選擇，價錢又唔貴，除炸小食外，仲有炸物漢堡、炸熱狗同海鮮拼盤～花多眼亂，一下子都唔知食乜好店鋪以外賣形式運作，地方細細，但有好多款式選擇，亦會不定時推出新嘢同優惠，而且仲有粉麵飯買添如果煩惱食D咩，不防試下佢D精選套餐，叫得精選，人氣同品質一定有返咁上下考慮咗一輪後，我決定咗要個套餐，芝士拉絲棒同BBQ烤雞翼，加$8追加芝士薯波。個薯波並非薯蓉；像薯餅，一粒粒的薯餅，中間有芝士，好味道，BBQ雞亦係香烤類別，調味得宜，入口香脆多汁炸軟殼蟹，整只炸起，分別有六種醬汁配沾，成隻食夠豪氣，炸得酥脆利落，沒有油淋淋的情況發生，配埋沙津醬中和埋油膩感滋味蝦球拼薯格，呢個超大份，爆多薯格，灑咗和風海苔粉在薯格表面，熱辣辣又脆又香口 滋味炸蝦球，有別於外面的炸法，外面唔落炸粉，改用類似春卷皮包住嚟炸，更加脆口，做到外脆內軟，而內𥚃也不只蝦肉咁單一，仲有粟米，怪不得叫滋味蝦球極邪惡芝士拉絲棒，顧名思義芝士可

係葵芳打波最好係咩呀?就食唔洗擔心打完之後食咩今日做完運動就梗係要食D邪惡野獎勵下自己啦減肥?食埋今日先啦咁多選擇,對於選擇困難症既我真係好困擾最後點左韓式熱狗、極邪惡芝士拉絲棒、粒粒芝士薯波首先係我至愛既韓式熱狗淨係上面既茄汁同芥末醬已經夠晒吸引新鮮炸起既韓式熱狗熱辣辣而且入面都唔會炸到乾好好味極邪惡芝士拉絲棒不愧係呢間鋪既名物睇下可以拉到幾長真係好邪惡減肥?都係聽日先啦差D想返轉頭買多個粒粒芝士薯波都幾抵食既薯波,有買其他野食既話加8蚊就有雖然入面既芝士唔算多,芝士味都唔太食到不過個薯波炸得好香脆

今日要過去葵芳嗰邊做嘢，心血來潮，便去了葵涌廣場掃街醫肚。葵涌廣場變了很多，唯一變好的事，多了很多食店。識行一定係上到最高個層3樓，再食番落去。離遠看見有一間專食炸物，心思思的就去order了。幸好時間尚早，人潮不多，可以慢慢看住店外的圖文介紹，於是點鹽燒三兄弟及炸蟹鉗拼薯格。採用即叫即炸，所以要預幾分鐘等。便認真望望店外的食物圖，原來最有名的是芝士拉絲棒，不要緊，下次再點。很快就有了，同事都很細心問需要加配什麼醬汁，剛剛炸好；都是熱騰騰的。薯格配上黃芥末醬很夾，份量剛剛好。鹽燒三兄弟就是雞皮、雞腎及雞軟骨。個人認為雞腎及雞軟骨最好食。

Due to the face we want something quick and fast but at the same time special, we care to this popular snack shop located inside Kwai Chung plaza after work today. we ordered the chicken skewers in Bbq sauce, it was delicious 😋 and the portion was big and fuifilling. Sauce was tasty! we also ordered a box of fries and wings! Loved it as the fries were crispy and the honey bbq tasted so good too. The combo is a perfect match of course we have to order their famous fried milk and hotdog. Which bot

久違的葵廣掃街,呢一間潮食閣經常大排長龍❤️細細粒容易食辣雞(韓式) $29嘩！份量太多了吧！大推呢個性價比高辣勁剛好，炸雞不油膩又夠嫩😘雞如其名，細細粒一口size🥰配沙律醬係好好食㗎招牌炸鮮奶球 $26/7粒呢個係我最期待！ 但我就覺得辣雞更勝一籌。佢地標榜採用100%牛奶製造作，可能我重口味啦，牛奶可以更濃郁😗另外可以揀煉奶或者朱古力醬。我就揀咗煉奶，幾match😉.極邪惡芝士拉絲棒 $18/1 $30/2Mozzarella cheese 喺前半條發揮強勁效果而後半條包著八爪魚炸香腸😍 配左千島醬更滋味😋涼拌麻醬雞絲烏冬 $28食咁多炸嘢，緊係要食返啲野中和😝呢個烏冬係唔錯嘅選擇👍🏻分量大大碟麻醬配烏冬perfect match夏天食仲開胃🥰呢度食物種類實在太多元化下次又可以試埋其他的掃街好選擇

葵芳-潮食閣:原隻軟殻蟹漢堡包送薯格$45、極邪惡芝士拉絲棒 $30/2條、炸鮮奶5粒+雞翼3隻$33-嗚呀！係炸物天堂! 就在葵廣頂樓top世界內，呢度成個menu都係炸野，有我最愛既炸軟殻蟹😍雖然細細隻但$45仲有薯格算係咁。拉絲芝士真係好邪惡....同埋真係勁拉絲，個底仲有八爪魚狀腸仔，好有童年回憶，雖然又拉芝又炸感覺好肥，但黎得掃街就唔好諗咁多卡路里問題。呢度仲有唔常見既炸鮮奶！想食炸野可以黎尋下寶。

同朋友行完街買衫口痕想食d野咁岩經過呢間，見佢每張相都好吸引!我就同朋友嗌左3款試下細細粒容易韓式辣雞$29佢細細粒冇骨 啖啖肉 呢個對於食小辣既人黎講完全冇問題 初初以為韓式炸雞係加甜辣醬果款~ 但原來係乾脆果款 炸得好香 !份量好多!! 呢個價錢黎講好唔錯 韓式熱狗棒$20 呢個第一次食呢款熱狗 係用左炸麵包包住d腸仔 加埋茄汁同芥末好香口 成條好大條 如果自己一個食 食一條都已經好飽 所以最好同人share 火燄芝士地獄火腿辣麵$28 簡左個小辣 佢用韓式麵粗身d ~本身我唔係好食得辣 但因為佢加左mozzarella 、芝士 、紫菜同芝麻 唔會太辣! 反而好香濃芝士味 呢個食完都好飽肚 Overall ：值得再食! 因為每款份量都幾大 同埋價錢幾平 全部都係即叫即整 熱辣辣食好唔錯

去到葵涌廣場，隨左行街，就係食嘢。每次樣樣都想食。雖然剛剛食完正餐，但好快又忍不住四圍睇小食。行到三樓諗住買嘢飲，見到人地食拉絲芝士條又忍唔住去買一條。排隊途中，因為潮食閣嘅牆係貼滿食物圖片，見到個海鮮炸物拼盤又幾吸引，終於排到，等多十零分鐘就到我份餐了，加多$1要外賣盒，其實分別係堂食企走廊個盒係無紙盒蓋，堂食醬汁係直接塗抹在炸物上。海鮮拼盤有三件炸蠔、三件炸蟹鉗同一隻軟殼蟹，仲加埋大量薯格！唔見左圖片嘅蝴蝶蝦嘅？原來售罄⋯所以炸蠔及蟹鉗各多一件。邪惡芝士條放係同一個盒內，外賣會另外再附上一盒醬汁的。企係走廊食太唔方便了，行遠少少見有位先慢慢食。先食芝士條（$18一條。）企係走廊食同行遠涼左先食真係唔同嫁！見人地可以拉絲，自己係炸原條芝士條，食落係有芝士味嘅，咬到尾仲有香腸。味道不錯，但下次一定要即場食！海鮮炸物拼盤$59凍左少少先食就冇咁辣口，食材雖然係急凍炸物，不過都算新鮮的，起碼冇一口鯹味，沾上醬汁更加好味，我的推介叫返沙律醬啦，沙律醬同炸物係最夾嘅。最抵食係有一整隻炸軟蟹。最好味係蟹鉗，雖然冇蝴蝶蝦有少少失落，期待下一次食到蝴蝶蝦！