2
1
0
| 餐厅: | 潮食坊 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
以上资料只供参考，请与餐厅确认详情
今日上朋友屋企食饭,佢叫我去街市帮佢买D调味料,行到入去,见原来都几多野食,买完要买既野,又未够钟上去,无理由唔揾个地方坐吓阿见到哩间店有我的最爱之一蚝饼,就咁就被吸引左入去啦~蚝饼麻麻地,唔脆既口感似食既饼干咁~炸坑腩河粉哩个有惊喜D坑腩够淋,被薄薄既脆浆包住,点埋D甜酸汁,真系好好食阿
继续阅读
店舖位处宝琳街市内，所以食客大多都喺附近嘅街坊，下午两点几入到去，每枱都有食客，睇黎生意都算唔错！店舖名称有个潮字，一睇都知喺食潮州嘢，睇餐牌果然喺，除咗潮州粉面之外，还有打冷及小菜套餐。今次叫咗碗牛杂面同牛腩面，谂住想加碟油菜 ，但见餐牌写要加23元，当堂吓咗一跳，似乎太贵了，即刻打消咗念头！牛什面牛什份量都算多，汤底就唔喺好够味，面底就唔喺生面，感觉喺全蛋面，所以好一般，除咗牛肠炆得唔够淋之外，其他如牛肺、金钱肚、牛膀同牛肚都够淋。牛腩面嘅牛腩份量唔喺好多，牛腩有好多肥膏但都够淋同有牛肉味！
继续阅读
普普通通嘅餐厅，食物一啲都唔普通。1）炸牛坑腩，皮脆肉冧又入味。2）蚝仔饼，脆得嚟又唔会太油腻。3）葱爆牛肉，牛肉厚切又多汁，一啲都唔韧。大大碟，价钱又合理，适合一家人。
继续阅读
好耐冇食过蚝饼，喺网上揾到呢间，既然系屋企附近，不如去试一试。就算冒着生命危险经过强制检测嘅新都城，都要闯一闯...小店位于街市入面，但环境比想像中企理，坐得都几舒服。我哋叫咗一个炸蚝饼同炒面share。蚝饼一上到黎，心谂: 好似好好味㖞! 正当我流晒口水，开始分嚟食，老板娘就过嚟话呢个蚝饼唔得，整过份俾你。佢即刻收咗份蚝饼，然后我地十个黑人问号，食咗咁多年，蚝饼都系咁样，究竟系咩唔得呢。谜底终于解开，原来真正嘅蚝饼应该系咁嘅样。颜色都争几远，难怪老板娘一睇就话唔得。原来我食咁多年嘅蚝饼，都系overcook。食落去非常松脆，有少少似日本天妇罗嘅感觉，蚝亦非常新鲜同足料， 完全超晒班。本来谂住两样嘢应该唔够饱，点知蚝饼够晒饱肚，非常满足。应该唔会再去北角𠮶间潮XX啦。本身跟餐得一杯奶茶，个哥仔见我哋个蚝饼要再炸过，等耐左，送多咗杯奶茶俾我哋，埋单仲有九折。 个种人情味，同温暖，同对食物质素嘅坚持，差不多要流泪了。呢度嘅蚝饼，应该系我一生人食过最好食。下次想食，一定会再嚟!
继续阅读
自将军澳宝琳街市重新装修，在一角的平民饭堂，有不同饭面至小炒打冷，最适合麻甩的我，偶然会小炒加啤酒。小店经营质素不错，有时晚饭懒煮，又或者唔知想食什么。都会来这里。如果送酒菜肴：炸牛坑腩、鸡煲、砚仔炒肉碎，都是经常翻炒。又或者牛筋饭都系吾家至爱。我和娘都喜欢食牛筋，很难得在这区发现。小店经营，默默地做，低调高手，价钱实恵。街坊或跨区都可以支持一下。无论外卖堂食都是不错的选择，放松心情吹吹水的平民饭堂。
继续阅读