潮苑正宗潮洲粉麵

营业中

休息中

上次來過這裡食河粉, d魚旦幾鮮甜好味, 所以今日lunch再來. 但今日d野大失所望, 叫左個雙丸河好多河粉但好少湯, d 粉"索"晒d水, 唔好食~唯有叫佢加d湯啦, 但個阿姐唔係太好老脾, 話"你放咁耐緊係索晒d水啦"..........一拿來時已經係咁架喇=.=.... 牛丸普通, 冇咩牛肉味, 又唔爽, 都係d魚旦最穩陣.

昨晚我同長頸鹿我又去跑步了,無計啦,經常要佢陪我去到邊食到邊,搞到佢都有個大肚腩添!咁都好,始終獨自減肥係件苦事,而家有佢陪應該會好d啩.跑完步出了成身汗,各自沖身後,都有d餓,咁就去香港仔搵食喇.去到香港仔都已9:00幾,男友想食麵,平平地就決定黎呢度開餐.呢間麵店裝修兼轉名後(之前叫新永華,但實則係灣仔潮苑的分店),都來過幾次堂食同外賣,水準都唔錯,而且$13就有碗麵算係幾抵.黎到原本見無位,但好彩剛剛有人埋單走,又即刻有位坐,而呢間舖唔算大,位亦唔多,有時舖外都有人等位(當然無榮記總店咁誇張啦).知道呢度的牛肉餅幾出名,之前幾次都無食到,呢次突然心血來潮想試一試,就叫左一碗牛肉餅粗($16),而長頸鹿叫左佢的至愛牛雜米($13),另外我們跟餐叫了通菜($5)同兩杯凍奶茶($6).先來的係雜米,見男友食得津津有味,就知跟之前的水準差不多.之後就到我的牛肉餅粗喇,要粗麵係因為唔想d麵浸太耐而發大,牛肉餅的原料同牛丸一樣,只係將其打成餅,而唔係唧成丸,不過對於我這種論盡貓來講,似乎打成餅來食會較牛丸方便(因為牛丸有時大粒的話,好驚咬左一口之後會彈落地),試食一口,幾有牛肉味,唔差噃,忍