潮苑正宗潮洲粉麵

营业中

休息中

去潮苑我只吃牛肉餅, 牛腩去過咁多次(不下50次),除了第一次吃過牛腩之後都無食過, 因為唔好食, very simple. 但係牛肉餅就唔同了. 好好味. 數量多, 牛味重.間唔中都會入去食下. 好像上隱一樣.炸魚皮都好食, 但sell 得貴, 份量多, 一個人可能食唔晒.

由於在附近工作關系、多年來都有幫襯、所以亦見證此店質素每況愈下...... 如牛腩此味主打東西、以前都叫有D味、但近年似只係就咁煮熟就算、係無味的、仲有你如叫牛腩、係會有一半至三分一係純肥羔(D肥羔由於牛腩本身亦炆唔夠的關系、係爽的、聽到都知有幾難食啦！)、所以一定要叫瘦腩先入得口、但係小弟今日照平時咁叫瘦腩、得到一碗比平時更肥的東西、都唔知係咪明玩野、問個伙記呢大舊咩黎？佢應你"牛腩囉！"黑口黑面走左去、呢間咁野......... 小弟以後都唔會再幫襯了！

男友大人一心打算帶我食香港仔避風塘出名嘅艇仔粉，可惜當日冇營業，咁大人就帶我去潮苑啦~~一去到見到間舖有好多雜誌介紹貼喺度，先知原來都幾出名，蔡瀾都介紹過(不過問心佢介紹都未必一定正)，款式方面同一般潮洲粉麵無異，唯一係多咗我未聽過嘅沙瓜同好多推介嘅手打牛肉餅。咁我就試試呢個手打牛肉餅再加魚皮餃河粉，大人就要牛坑腩雲吞米。兩碗粉一到...嘩都好大碗，個湯白雪雪，個味唔似平時食嗰啲咁咸，河粉係條條分明，唔會黏埋一塊，而且都唔係嗰啲油淋淋嘅貨色，手打牛肉餅食落就好似一塊俾人壓扁咗嘅牛丸咁，口感彈牙，不遜牛丸，牛味道香，魚皮餃就一般，冇咩特別。大人個牛坑腩好淋，不過我就覺得瘦咗少少，牛香不足，雲吞又係一般。

晚餐同阿媽過左香港仔搵食去左好耐都無去既潮苑食粉要左手打牛肉餅米，牛什米，生菜手打牛肉餅米，牛肉餅都幾大塊，已經牛味足，同埋好新鮮牛什米，牛什好入味，不過牛腸我同阿媽都覺得有d異味

潮苑最出名嘅係牛肉餅及魚蛋，之前試過，味道的確不俗。今次試了牛腩河，味道唔算好濃，口感OK，整體好普通，都係招牌菜好食D。

jun 18, 09,3人嚟午餐 : 1) 魚片米-魚蛋1貫都喺此店嘅出色之作,所以應該無問題-見友人清晒 2) 牛筋河-友人比咗1舊我試,夠晒腍,味道溫溫的,並唔濃味-友人話佢嘅河粉就麻麻地 3) 淨墨魚丸拼手打魚蛋-因為上餐嘅bagel都未落格,所以只喺叫咗淨餸2款.........揸流灘,hehe-手打魚蛋都大粒,亦鬆彈,質感上喺唔錯,但個人最唔鍾意有胡椒粉味,雖然唔濃,但都幾明顯吓........所以覺得蓋過咗魚蛋嘅味-墨魚丸都彈,但墨魚味唔濃 4) 生菜-正常 5) 雪碧(細) x 1枝 * 其實呢度嘅魚蛋同牛腩,牛肚出名d

多年前回港度假,媽已告之香港仔開了一間味道不錯的粉麵店. 但那時回港時間不多,未有品嚐. 反之最近,週六的午餐都推到3-4點才食,晚飯也推遲了,不想去茶餐廳,便驅車來這裏來點輕食.這裏的牛肉餅很有名,朋友也大讚,說它很有肉味,但我不太愛吃肉,極少點來吃. 最常吃的是牛肚,才$16一碗,份量很多,亦很容易咬開,不會太實,必點. 金銀魚片頭也很有名,但不及安利高水準,勝在價錢較平. 手打魚蛋,個人覺得一般,未算彈牙. 雲吞應該是來貨的,水準一般. 河粉不及江仔記好吃,湯亦不夠鮮甜而且淡,勝在桌上有炸蒜蓉可任加. 另加$5有油菜,加$7有凍飲,以平取勝.晚上門口可停車

呢度主打手打牛肉餅，手打魚蛋，如果雙拼要$25一碗，不過都幾值。牛肉餅又滑又彈牙，圓圓咁一片，好好味道。手打魚蛋，幾有魚味，唔錯。呢度d牛肚都幾好味。我地仲有點了魚皮，$5一碗，魚皮夠薄，鹹鹹地，幾冶味。配粉麵一流。唯一美中不足的是坐得較迫。不過，呢d都係粉麵店的特色!

睇電視介紹過 (銅鑼灣店), 響香港仔見到一於試吓.......鋪面與一般粉麵裝潢差不多........點了牛什米 & 手唧魚旦+牛肉餅米 & 炸魚皮.........加D炸蒜蓉, 魚露, 醋, 辣椒油, 好香......牛什......OK炸魚皮......OK (最好係可以叫小碟 $5 , 啱晒又想食又食唔到咁多的我!! )手打魚旦......普通牛肉餅......好味, 好爽, 好彈牙 下次可再去食牛肉餅!!!!

第一, 地方太小, 坐得太迫唔舒服.第二, 唔抵! 雙拼已經要加4蚊, 但其實餸的分量無多到, 只是將單拼的分量減一半, 再加另一様餸平時分量的一半. 咁為什麼仲要大拿拿加4蚊呢? 相反, 南記和其他的粉麵店的雙拼分量就不會那麼搵笨.下次? 一定無下次了!

八月三十日晚在黃竹坑游完水，非常肚餓，想着香港仔潮苑的美味肮腩、牛肉餅及魚蛋。等了一張枱，叫了肮腩牛肉餅米及手打魚蛋麵加凍檸樂。十分鐘後，外賣及隣枱有得吃，我們一碗都無，問店員查單，才知漏了單，無奈地再等，但他們沒有即到，我便無力地走到麵檔前說聲“餓死人咩！“便回位等。女友的麵先到，我食住先啦，背脊傳來"死啦，又漏了單呀！“我不以為意，但女友聽到，算了吧。米粉也送到，我們吃着，背脊又傳來"餓死人咩！“我轉頭看是那一個店員說的，可昔看不到，很想闖她，那時開始我們決心以後不幫嚫潮苑了。樻枱結帳後，我平靜地向收錢員說：食物很好，但我們以後不會再幫嚫，因店員服務差，更給說話給客人聽。

去開謝記，久不久都會來潮苑。星期日再來，再吃手打魚旦牛肉餅河粉，加凍檸茶。湯底，河粉，檸茶一般，牛肉餅好味，特別，辣椒油夠辣，再加炸蒜蓉，很香，好味。

有個老友星期三就返去讀書啦!所以就同佢食餐飯(賤行)......約左佢香港仔等;本來想食南記不過好鬼多人所以就try下依間.......我就叫左個貢丸河/我個fd就叫4寶麵我覺得d貢丸都ok;河粉都好滑.....另外d service都ok好有禮貌兩個人都係食左$40幾蚊算ok啦!

叫左魚蛋牛肉餅河,魚蛋味精太重,都係牛肉餅好,夠爽口d河粉都好夠滑,good!

11半先來食晚飯，都係唔好食飯甘飽，食麵算la甘就來潮苑﹣我覺得係香港仔最好的麵店叫左個手打魚蛋牛雜粗，個魚蛋都係甘爽口彈牙，個牛雜就普普通通，下次叫牛腩比較好，21元，值得！